Maupertuis, Pierre-Louis Moreau de

Frantses matematikari, astronomo eta filosofoa (Saint-Malo, 1698 - Basilea, 1759). Parisko Académie des Sciences elkarteko kide izan zen. Laponiara bidaia egin zuen Lurraren arku meridiano bat neurtzeko. Neurketarekin Newtonen teoria, Lurraren diametroari dagokiona, baieztatu zuen. 1744. urtean Maupertuis-ek gutxieneko ekintzaren hatsapena adierazi zuen, Jainkoaren existentzia frogatzeko asmoz. Geografia, astronomia eta kosmologiazko liburuak argitaratu zituen. Lan aipagarrienak: Essai sur la philosophie morale (1749, Filosofia moralari buruzko saiakera); La figure de la Terre (1738, Lurraren irudia); Mémoire sur la moindre action (1744, Gutxieneko ekintzari buruzko txostena); Lettre sur les progrès des sciences (1752, Zientzien aurrerabideari buruzko txostena); L’art de bien argumenter en philosophie (1753, Filosofian ondo argudiatzeko trebetasuna).

• Mauleon-Licharre
• Mau-Mau
• Mauna Kea
• Mauna Loa
• Maupassant, Guy de
• Maupertuis, Pierre-Louis Moreau de
• Maura Amuniategi, Carmen
• Maura y Montaner, Antonio
• Maura, Carmen
• Maurga
• Mauriac, François