Euskararen tresnak

Lur hiztegi entziklopedikoa

Kultura eta Hizkuntza Politika Saila

Ispizua Bajaneta, Segundo

Bizkaiko historialaria (Bermeo, 1869 - Madril, 1924). Perun jarri zen bizitzen oso gazte zela eta apaiz ikasketak hasi zituen. Ikasketak bertan behera utzita Ekuadorrera jo eta kazetaritza lanetan jardun zuen herri hartan. Ekuadorretik bota zuten 1897an eta Costa Rican jarri zen bizitzen. El Noticiero Costa Ricaco egunkaria sortu eta zuzendu zuen 1910 arte. Osasun arazoak zirela eta, Bilbora itzuli eta Bilboko talde errepublikazale nazionalista sortu zuen 1911. urtean. Bere artikulurik gehienak Euskalerriaren Alde, Euzkadi, Union Iberoamericana, El Mercantil de Manila eta beste egunkari askotan eman zituen argitara. Obra nagusiak: La guerra actual y las doctrinas del vasco Francisco de Vitoria (1915), Historia de los vascos en el descubrimiento, conquista y civilización de América (6 liburuki, 1914-1919), La primera vuelta al mundo. IV centenario: 1522-1922. Historia de la geografía y de la cosmografía de las Edades Antigua y Media con relación a los grandes descubrimientos marítimos realizados en los siglos XV y XVI por españoles y portugueses (2 liburuki, 1922) eta Historia de la Geografía y de la Cosmografía (2 liburuki, 1922-1926).