Zilbor hesteko odol ematea gauzatzeko beharrezko da:
Amaren historia klinikoa egitea zilbor hesteko odolaren ematea kontraindikatu dezaketen gaixotasun posibleren gainean (gaixotasun kutsakorrak, autoinmuneak, endekapenezkoak, aitaren edo zuzeneko familiarren transmititu daitezken gaixotasunak).
Odol lagin bat erauztea amari, erditzeko unean, zilbor hesteko odolaren bidez transmiti daitekeen edozein prozesu infekzioso baztertzeko; besteak beste, hepatitis, GIB eta sifilis kontrolak.Gauzatutako azterketetan edozein emaitza patologiko azaltzen den kasuan, amari jakinaraziko dio mediku arduradunak.
Jaioberriari azterketa klinikoa egitea, gure amaetxetan jaiotzen diren haur guztiei egiten zaien bezala.
Jaioberriaren familiak haurraren lehen urteetan azal daitekeen garrantzizko edozein gaixotasunen berri ematea.
Zilbor hesteko odola tenperatura baxuetan kontserbatuko dela eta behar duen eta bateragarri den munduko edozein pazienteren transplanterako izatea onartzea.
ZHO ematea, beste edozein emate bezala gauzatzen dela onartzea: alegia, era boluntario, altruista eta anonimoan; ondorioz, inolako diru edo beste nolanahiko ordainketarik gabe.
