Europako EMAS Araudian erregistratua egoteak adierazten du erakundearen ingurumen kudeaketa modernoa, gardena eta parte-hartzailea dela, eta, hortaz, ingurumen bikaintasunaren maila gorenean dagoela. Horrenbestez, ingurumenaren arloko hainbat emaitza lortu ditu ospitaleak; horien artean, ondoko hauek:

• Ur kontsumoa % 16 murriztu du, honako ekintza hauen bidez: kontsumoa segmentatzeko kontagailuak ezarrita, zurrusta-haustekoak ezarrita txorrota eta dutxetan, sute-aho hornituaren eraztuna egokituta, eta kontsumorako uraren presioa jaitsita.
• Energia eraginkortasuna hobetu du, hozteko energia % 24,09 eta gas naturalaren kontsumoa % 7,80 murriztuz.
• II. taldeko hondakin sanitarioak % 13,57 murriztu ditu, eta sortutako hondakinen % 37 birziklatu ditu.

Galdakao-Usansolo ospitaleak 2004an ekin zion ingurumen kudeaketari , eta orduan izan zen  ingurumen hobekuntzarako bere lehen plana ezarri zuenean; honi esker 2005ean Ekoscan ziurtagiria lortu zuen. Ordutik aurrera, eta azken zazpi urteotatik hona, erakundeak hobekuntza nabarmena egin du ingurumenaren esparruan: ISO 14001 Arauaren araberako ingurumen kudeaketarako sistemaren ziurtagiria lortu du, eta, egun,EMAS araudia inplementatu eta ziurtatu du.

Galdakao-Usansolo Ospitaleak ingurumenarekiko hartu duen konpromisoaren adierazle dira, era berean, Eusko Jaurlaritzarekin elkarlanean aurrera eramandako ekimen ugariak; hala nola Stop CO2 Euskadi programan izandako parte-hartzea eta Ekoeraginkortasuna Euskal Enpresan 2010-2014 Programan.  Gainera, barne neurriak ere hartu ditu; adibidez, Erosketa Publiko Berdearen irizpideak txertatu ditu, arropa garbitzeko xaboiak ordeztuz eta auto hibrido bat erosiz, eta Ingurumenaren Postontzia sortu du, ospitaleko langileek aktiboki har dezaten parte erabakiak hartzeko prozesuan.

Estekak: