Agur
Ihitzaren zenbaki honen goiburua asmo-adierazpen bat da, barruko orrialdeetan dakartzan proposamenei begira. Erakunde, ikastetxe, enpresa, elkarte eta banakako talde edo pertsonek ahalegin handia egin behar dute natura ongizatearen oinarria den ideia gizartean finkatzeko.
Batez ere gizakiaren jarduerak eragindako klima-aldaketa eta kutsadura gero eta arriskutsuagoak dira, "ekosistemen zerbitzuak" (elikadura, ura, energia, prozesuen erregulazioa, aisialdia eta abar) zaintzeko. Baina, aldi berean, zerbitzuok funtsezkoak dira etorkizuna bermatzeko.
Hori dela eta, ale honek hainbat proposamen jasotzen ditu biodibertsitatearen kontserbazioa bultzatzeko. Ekosistemek gizakiei eskaintzen dizkieten onurak ezagutzea ezinbestekoa da herritarrek arlo horretan jokoan duten guztiaren kontzientzia hartzeko. Horregatik, Ihitzak lehen harria jarri nahi du Euskal Herri osoan norabide horretan hedatu beharreko epe luzerako lanari ekiteko.
Cristina Uriarte Toledo
Hezkuntza, Hizkuntza Politika eta Kultura sailburua
Ana Isabel Oregi Bastarrika
Ingurumen eta Lurralde Politika sailburua
Aurkibidea
Gaia zabaltzen
Ekosistemek gure Natura Kapitala osatzen dute. (Miren Onaindia)
Ikastetxeko berriak
BITAKORA KAIERA
guztiok elkarlanean
Beste esperientzia batzuk
ekin eta ekin
- Haur Hezkuntzako bigarren zikloa eta Lehen Hezkuntzako lehen zikloa: Zer oparitzen digute zuhaitzek?
- Lehen Hezkuntza: Zer ematen digute ibaiek?
- Derrigorrezko Bigarren Hezkuntza: Badakigu benetan zer ematen diguten inguruko ekosistemek?
- Batxilergoa eta Lanbide Heziketa: Zer abantaila dakartza gure inguruko ekosistemen kontserbazioak?
- Denon Artean: Natura: gure eguneroko bizitzaren oinarria
bizkor ibili gero
Telebistatik eta bideojokoetatik harago
Begiratokia
Zerbitzu ekosistemikoen balorazioa (Alexander Hellquist)
Klasetik at
- Ataria interpretazio-zentroa
- Mendi-ibiliak, aukera osasungarria
- Lurraldearen zaintza/a>
- 'El Cárabo' aldizkaria
Eta gurasoek...zer?
Gure basoa, laguntza behar duen gune familiarra
Baliabideak eskura
Bideoak, liburuak, aldizkariak eta webguneak
Gatz apur bat?