Instalazio baten titularrak identifikatzen badu bere instalazioan C gisa katalogatutako jarduera bat edo batzuk gauzatzen direla, AKDJ baimena eskatu beharko du IKSeeM sistemaren bitartez.

Horretarako, honako hauek egin beharko ditu, besteak beste:

• Jarduerari, fokuei eta kutsatzaileei buruzko oinarrizko informazioa IKSeeM sisteman sartu. Informazio horretatik abiatuta Word formatua duen dokumentu bat sortu ahal izango da eta dokumentu hori oinarri gisa erabiliko da dagokion jakinarazpen-memoria prestatzeko.
• Jakinarazpen-memoria idatzi eta bertan agertzen den erantzukizunpeko adierazpena sinatu. Errekuntza-instalazio ertainak erregistratu behar bad(it)uzu, EIE erregistratzeko eskaera erantsi. Ikusi  Errekuntza-instalazio ertainak (EIE) atala erregistratzeko beharra duzun jakiteko.
• Ingurumen-kontrolerako erakunde batekin (IKE) harremanetan jarri, eta jakinarazpen-memoria erakunde horren esku utzi. IKEk memoria hori egiaztatuko du eta instalazioaren kanpoko kontrolak egingo ditu. IKEk IKSren “Emisio-kontrolak” poltsa beteko du, eta, ondoren, instalazioa arduratuko da jakinarazpena amaitzeaz. IKEk datuak enpresaren izenean sartu ahal izateko, instalazioak alta eman beharko dio ordezkari gisa.
• AIREA moduloari buruzko IKSeeM Gida: Nola sartu datuak Emisioen Kontroleko poltsan eta nola bidali dagokion IKE txostena
• Jakinarazpena egin; horretarako, memoria eta IKEaren hasierako txostena bide telematikoz aurkeztuko dira. IKSeeM aplikazioan eskaera bat sortzeko ezkerraldeko menuaren ondorengo atalarera jo beharko duzu: e-environment /e-DMA Solicitud. e-DMA berria sortzean AIRE sektorea eta APCA: IKEaren hasierako txostena behar ez duen jakinarazpena aukeratu beharko duzu.
• Ikusi Ingurumenari buruzko izapide elektronikoen Gida.

Neurketan detektatzen bada emisioen gehieneko balioak betetzen ez direla, AKDJ instalazioaren erantzukizuna da ez-betetze horren berri ematea hartu behar diren neurri zuzentzaileei buruzko plan batekin batera.

1. oharra: Galdarak eta bestelako errekuntza-ekipoak, eta mota bereko beste jarduerak dituzten instalazioak

100/2011 Errege Dekretuaren 5.3 artikuluan honako hau ezarrita dago: mota bereko jarduerak garatzen dituzten instalazioak, nahiz eta instalazio horiek independenteak izan edo foku desberdinak eduki, haien potentzien batura edo disolbatzaileak produzitzeko, maneiatzeko edo kontsumitzeko gaitasunen batura C taldean sartzeko moduko atalaseen barruan badaude, jakinarazi egin beharko dira. Galdarak eta bestelako errekuntza-ekipoen kasuan instalazioaren titularrak arestian aipatutako dokumentazioa aurkeztu beharko du honako baldintza hauekin: jakinarazteko memoria teknikoan galdara edo errekuntza-ekipo guztiak zehaztuko ditu eta IKEaren hasierako txostena instalazioan potentzia handiena duen galdarari edo errekuntza-ekipoari buruzkoa izango da (galdarak eta errekuntza-ekipoak potentzia berekoak badira, Txosten hori galdara edo errekuntza-ekipo bati buruzkoa soilik izango da).

2. oharra: IKEaren aurretiko txostenak

Jakinarazpena behar duten instalazioen kasuan, 278/2011 Dekretuaren 16. artikulua betetzeko, 2012ko urtarrilaren 24tik 2012ko azaroaren 15era bitarte egindako IKEaren aldizkako txostenak onartu ahal izango dira IKEaren hasierako txostenaren ordez. Hori guztia txosten horietan instalazioan garatzen diren AKDJ jarduera guztiak biltzen badira, hau da, jakinarazi behar duen instalazio batek emisioen kontrol berri bar behar badu foku zehatz baterako, eman beharko den txostena IKEaren hasierako txostena izango da, eta jakinarazpen-memoria osoa ez ezik, IKEaren aurretiko txostenak ere egiaztatuko dira (IT-01en 2. ataleko kasua).

Instalazioak jakinarazitako jarduerek foku konfinatuekin loturarik ez badute edo, lotura izanda, foku horien funtzionamendua ez sistematikoa bada, ez da kutsatzaileen kontrolik egin beharko, eta ez da beharrezkoa izango IKEaren hasierako txostena aurkeztea. Kasu horietan, instalazioak jakinarazteko memoria teknikoa soilik igorriko du. Memoria horretan dagokion erantzukizunpeko adierazpena (jatorrizkoa, sinatua eta zigilatua) bilduko du.

AKDJ instalazioek atmosferara egiten dituzten emisioen kontrolak egin behar dituzte atmosfera zaintza planean ezarritako aldizkakotasunean.

Neurketan agertzen bada emisioen gehieneko balioak betetzen ez direla, AKDJ instalazioaren erantzukizuna da ez-betetze horren berri ematea hartu behar diren neurri zuzentzaileei buruzko plan batekin batera (ikus “Ez-betetzeak jakinaraztea” izeneko izapidea)

Egin behar diren urratsak:

• Ezarritako aldizkakotasuna betez, ingurumen-kontrolerako erakunde bat (IKE) kontratatzea behar diren kontrolak egin ditzan.
• Kontrolak egindakoan, kontrolen ardura duen IKEk “Emisioen kontrola” izeneko atala bete beharko du IKSeeM sisteman. Ondoren, IKE horrek IKEaren aldizkako txostena igorri beharko du eDMA solicitud izapidearen bitartez. IKEk datuak enpresaren izenean sartu ahal izateko, instalazioak alta eman beharko dio ordezkari gisa. 
• AIREA moduloari buruzko IKSeeM Gida: Nola sartu datuak Emisioen Kontroleko poltsan eta nola bidali dagokion IKE txostena
• IKSeeM aplikazioan eskaera bat sortzeko ezkerraldeko menuaren ondorengo atalarera jo beharko duzu: e-environment /e-DMA Solicitud. e-DMA berria sortzean AIRE sektorea eta AKDJ: Aldizkako IKE txostenak bidaltzea aukeratu beharko duzu.
• Ikusi Ingurumenari buruzko izapide elektronikoen Gida.

Instalazio baten titularrak detektatzen badu IZP planean ezarritako emisioen gehieneko balioren bat betetzen ez dela, beharrezkoak diren neurri zuzentzaileak hartu beharko ditu luzatu gabe, eta Ingurumen Sailburuordetzan jakinarazi beharko du berehala; horretarako, ekintza-plan bat erantsi beharko du. Plan horretan honako hauek bilduko dira:

• Ez-betetzea eragin duten arrazoi posibleen azalpena
• Ezarri behar diren neurri zuzentzaileak
• Kronograma, ekintza-planak eta ez-betetzea dagoen fokuetan neurketa berriak zein izango diren adierazita

Ingurumen Sailburuordetzak aurkeztu dioten Ekintza Plana aztertuko du eta horri buruzko ebazpena emango du.

IKSeeM aplikazioan eskaera bat sortzeko ezkerraldeko menuaren ondorengo atalarera jo beharko duzu: e-environment /e-DMA Eskaera. e-DMA berria sortzean AIRE sektorea eta AKDJ: EGBa betetzen ez dela jakinaraztea aukeratu beharko duzu.

• Ikusi Ingurumenari buruzko izapide elektronikoen Gida.

IKSeeM aplikazioan eskaera bat sortzeko ezkerraldeko menuaren ondorengo atalarera jo beharko duzu: e-environment /e-DMA Eskaera. e-DMA berria sortzean AIRE sektorea eta AKDJ: Beste jakinarazpen bat egitea aukeratu beharko duzu.

Ikusi Ingurumenari buruzko izapide elektronikoen Gida.