i-botikaren hiztegia
- Analgesikoa:
- Mina kentzeko medikamentua.
- Antidepresiboa:
- Depresioa tratatzeko erabiltzen den medikamentua. Lagungarri izan daiteke hobeto sentiaraziz, alegia, eguneroko jarduerak egiteko gaitasun handiagoz, depresioaren sintomak gutxituz eta antsietatea arinduz. Medikuak aginduta hartu behar da.
- Antifungikoa:
- Onddoek eragindako infekzioak tratatzeko erabiltzen den medikamentua.
- Antihistaminikoa:
- Sudurreko kongestioa eta doministikuak edo alergien efektuak gutxitzen laguntzen duen botika. Histaminaren eragina blokeatzen du.
- Antiinflamatorioa:
- Inflamazioa tratatzeko medikamentua.
- Antipiretikoa
- Sukarra jaisteko medikamentua.
- Behar direnean soilik erabiltzeko tratamenduak (beharraren arabera):
- Beharra izan ahala hartzen den tratamendua, hau da, gaixoak eskatzen duenean besterik ez. Adibidez: sukarra jaisteko botika (antipiretikoa).
- Benzodiazepinak eta Z-hipnotikoak:
- Insomnioa eta antsietatea tratatzeko medikamentuak dira. Zenbat adibidea: lormetazepama, lorazepama, diazepama, zolpidema eta abar.
- Biharamuneko pilula:
- Inoiz edo behin erabiltzeko metodoa: haurdun geratzeko arriskua gutxitzen du babes gabeko sexu-harremana izan denean (larrialdiko kontrazepzioa). Informazio gehiago nahi izanez gero, sakatu hemen.
- Botika
- Medikamentuaren efektua eragiten duen substantzia da. "Printzipio aktibo" ere deitzen zaio. Medikamentu batek botika bat edo batzuk izan ditzake.
- D bitamina:
- Kolekaltziferol, ergokaltziferol edota kaltzifediol izenez ere ezagutzen den bitamina da.
- Dosia:
- Printzipio aktiboaren kopurua, hartualdi bakoitzeko.
- Elkarreragina:
- Medikamentu batek aurreikusitako efektua ez izatea, beste medikamentu, sendabelar, elikagai edo edari batek eragindako interferentziaren ondorioz.
- Erabilera-orria:
- Sendagai edo botikari beti eransten zaion informazio idatzia, pazienteari zuzendua. Informazio interesgarria dakar: botikaren identifikazioa, ohar terapeutikoak, egoki erabiltzeko jarraibideak, gerta daitezkeen ondorio kaltegarriak, eta abar.
- Espektoratzailea:
- Eztul egiterakoan mukiak eta karkaxa botatzen laguntzen duen botika.
- Eszipientea
- Medikamentu batean printzipio aktiboa ez den guztia (koloratzaileak, zapore-emaileak, kontserbagarriak, etab.); hortaz, ez du eragin farmakologikorik.
- Eztul-kontrakoa
- Eztula arindu edo lasaitzen duen botika.
- Farmazia-forma:
- Medikamentua aurkezteko modua da. Adibidez: pilulak, kapsulak, jarabeak, injektagarriak, partxeak, kolirioak eta supositorioak.
- Farmakozaintzako Espainiako Sistema:
- Osasun-arloko profesionalek edo herritarrek emandako informazioan oinarrituta, botika jakin batzuek sor ditzaketen ondorio kaltegarriei buruzko informazioa biltzea errazten duen zaintza-sistema. Autonomia-erkidegoetan Farmakozaintzako zentro bana dago, zeinetan ondorio kaltegarriak ebaluatu eta datu-base komun batean erregistratzen baitira.
- Fotosentikortasuna:
- Eguzki izpiek edo erradiazio ultramoreek eragin dezaketen larruazaleko gehiegizko erreakzioa da eta azkura, larruazaleko hantura edota erredura larriak eragin ditzake.
- Hesi-metodoa:
- Kontrazepzio-metodo honek obulua eta espermatozoidea elkartzea galarazten du, espermatozoideei oztopoak jarriz [preserbatiboa (emakumeena eta gizonena) eta diafragma] edo espermatozoideen higikortasunari eraginez (espermizida eta baginako belakia edo esponja).
- Iraupen laburreko tratamendu akutua:
- Denbora laburrean hartzen den tratamendua. Adibidez: belarriko infekzioa sendatzeko antibiotikoa.
- Iraupen luzeko tratamendu kronikoa:
- Denbora luzean hartzen den tratamendua. Adibidez: diabetes edo kolesterola zaintzeko medikamentua.
- Jarraibide posologikoa:
- Medikamentu bat zenbateko dosian, noiz eta zenbat denboran hartu behar den ezartzen duen plana.
- Larrialdiko kontrazepzioa:
- Inoiz edo behin erabiltzeko metodoa: haurdun geratzeko arriskua gutxitzen du babes gabeko sexu-harremana izan denean. Bi metodo daude: larrialdiko kontrazepzio-pilula edo biharamuneko pilula (babes gabeko sexu-harremanaren ondoren ahalik eta azkarren hartuz, betiere hiru egunen buruan) eta umetoki barneko gailu kobrezkoa (UBG, babes gabeko sexu-harremanaren ondorengo bost egunen barruan jarrita).
- Medikamentua:
- Substantzia bat edo substantzia batzuen konbinazioa da, gaixotasunak tratatu, prebenitu edo diagnostikatzeko gauza dena. Medikamentuek printzipio aktiboak eta eszipienteak dituzte.
- Merkataritza izena:
- Laborategi bakoitzak medikamentua zein izenekin merkaturatu duen esaten digu. Horregatik, medikamentu batek merkataritza izen bat baino gehiago izan dezake.
- Milazuloa:
- Santio belar ere esaten zaio (Hypericum perforatum). Sendabelar antidepresibo gisa erabili izan da. Medikamentuekin interakzio ugari dauka.
- Mukolitikoa:
- Mukiak eta karkaxa urtzen (likidoago bihurtzen) dituen eta horiek denak botatzen laguntzen duen botika.
- Ondorio kaltegarria:
- Botika baten ohiko dosiak hartuta sortzen den edozein erreakzio kaltegarri, bilatzen ez zena.
- Ondorio kaltegarri larria:
- Pazienteari honakoren bat ekar diezaiokeen erreakzio kaltegarria: heriotza, bizitza arriskuan jartzea, ospitaleratu beharra, ospitaleratze-aldia luzatzea, ezintasun edo minusbaliotasun nabarmen edo iraunkorra, edo sortzetiko edo jaiotzetiko anomalia edo elbarritasuna.
- Plazeboa:
- Eragin terapeutikorik gabeko substantzia, botika bat balitz bezala pertsona bati ematen zaiona. Sendagarria ere gerta daiteke: plazebo efektu deritzo horri.
- Polimedikazioa:
- Medikamentu asko denbora luzez hartzea.
- Printzipio aktiboa:
- Medikamentuaren efektua eragiten duen substantzia da. "Botika" ere deitzen zaio. Medikamentu batek botika bat edo batzuk izan ditzake. Informazio gehiago nahi izanez gero, sakatu hemen.
- Sudur-deskongestionatzailea:
- Sudurrak muki asko daukanean, sudurra libratzen duen botika. Ez da komeni botika hau 3-5 egun baino gehiago jarraian hartzea, errebote-efektua eragin dezake eta. Botika gehiegi erabili, adierazitakoak baino dosi handiagoak hartu edo tratamendu-egun gehiago eginez gero, kongestioa berriz azal daiteke, eta pazienteak berriz ere botika hau erabiltzea eragin dezake, horrela “gurpil zoro” batean sartuz.
- Tratamendu aktiboaren orria:
- Medikamentuak, dosiak eta gaixoari agindu zaion hartzeko pauta adierazten ditu. Osakidetzako medikuek errezetatutako tratamenduak agertzen dira hemen, kontsultaren garaian pazienteak hartzen dituenak.
Azken aldaketako data:
