PARTE-HARTZEA BULTZATZEA

Parte-hartzea adinekoen gizarte-zentroak bizirik eta etengabeko mugimenduan mantentzen dituen oinarrietako bat da. Belaunaldi-erreleboa bermatzeaz eta zuzendaritza-batzordeen gainkarga saihesteaz gain, adinekoen profil berrietara egokitzea ahalbidetzen du. Era berean, ongizatea, pertenentzia-sentimendua eta komunitatearekiko lotura indartzen ditu, zentroak espazio ireki, dinamiko eta pertsona berriak erakartzeko gai bihurtuz.

Baina, nola sustatu parte-hartzea?

ADINEKOEN GIZARTE-ZENTROETAN PARTE-HARTZEA SUSTATUZ

Helduak Zabaltzenetik funtsezko 5 gako biltzen ditugu:

1. Harrera zaintzea

Lehen hartu-emana aukera paregabea da bazkide berria bere oinarrizko datuetatik harago ezagutzeko: interesak, zaletasunak, trebetasunak, ezagutzak...

Era berean, une egokia da zentroaren funtzionamendua eta parte hartzeko moduak azaltzeko, hasieratik elkarrekikotasunean eta konpromisoan oinarritutako harremana sortuz.

2. Parte hartzeko espazio anitzak eskaintzea

Pertsona guztiek ez dute modu berean parte hartu nahi edo parte hartzeko aukera. Horregatik, aukera desberdinak eskaintzeak gobernantza zabalago eta malguagoa sustatzen du:

> Zuzendaritza Batzordea eta Batzar Orokorra: gobernu-organo tradizionalak.
> Lan-batzordeak: helburu zehatzak dituzten taldeak (txangoak, irakurketa, etab.), erantzukizun txikiagoarekin.
> Boluntariotza: beren talentuak edo ezagutzak eskaintzen dituzten pertsonak.
> Jardueretan parte hartzea: bertaratzeaz gain, jarduerak pentsatu, diseinatu eta proposatzea ere bada.

3. Aniztasuna kontuan hartzea

Adinekoen profilak aldatzen ari dira. Interes, ibilbide eta bizimodu oso desberdinak dituzte. Horregatik, funtsezkoa da eredu zurrunak saihestea eta pertsona bakoitzak eman dezakeena balioetsiko duten parte-hartze moduak sustatzea.

4. Zentzua duten jarduerak

Jarduerak aldian behin berrikusteak aukera ematen du jakiteko ea gaur egungo interesetara egokitzen diren, pertsona nahikoa erakartzen dituzten eta gogobetetasuna sortzen duten.

Ebaluazioaren arabera egokituz gero, eskaintza bizirik eta erakargarri mantentzen da.

5. Barrurantz komunikatzea

Barne-komunikazioa informazioan, entzutean eta elkarrizketan oinarritu behar da. Horretarako, hainbat kanal erabil daitezke:

> Batzar Orokorrak eta iradokizun-ontziak.
> Solasaldi-kafeak, askariak eta bestelako espazio informalak.
> WhatsApp, inkesta laburrak eta ideia-hormak.
> Eguneroko entzute aktiboa.

• 2. informazio-pilula deskargatu. - "5 gako gizarte-zentroetan parte-hartzea sustatzeko".mp4 (MP4, 7 MB)

Datozen hilabeteetan gako horietako bakoitza sakonago landuko dugu informazio-pilula berrien bidez.

<< Albisteak