Nøgen: "Desde el primer momento teníamos claro que este era el año para sacar el segundo disco"
- Fecha25 de Noviembre
- Temática Música
Taldeak 'Under Alt', bere bigarren diskoa, aurkeztu du Donostian
"Pandemiarekin jende askok esan digu apustu bat dela aurten disko bat kaleratzea, arrisku moduko bat asumitu dugula. Lehen momentutik argi genuen hau zela Nøgenen bigarren diskoa ateratzeko urtea: 2020an nola gauden islatu du disko berriak. Datorren urterako utzi izan bagenu, diskoa ez litzateke bera izango". Horrela mintzatu da Donostian, Nøgenen abeslari Eider Saez, taldearen bigarren diskoaren aurkezpenean. Estreinako lanak Under Alt du izena, "denaren azpian" danieraz, azaldu du Markel Idigoras ukelele joleak. Nøgenek ez du "inolako zalantzarik izan", COVID-19ak ez du bere bilakaera baldintzatuko, eta diskoarekin batera bira berri bat ere hasiko dute, datorren abenduaren 4 eta 5ean, Victoria Eugenia Antzokian eskainiko duten kontzertuarekin.
Abenduaren 8an, Bilboko Euskalduna Jauregian izango dira, 13an berriz, Ondarroako Beikozini Kafe Antzokian. Hego Euskal Herriko geografia zeharkatuko dute, datorren astean hasi eta martxora bitartean eskainiko dituzten hogei bat kontzerturekin. Are gehiago, urtarrilean Zamoran ere izango dira Under Alt aurkezteko asmoz, "industriarentzat" oso garrantzitsua den topagune batean. Aurrez, gaurtik aurrera, diskoa salgai egongo da, baita streaming plataformetan entzungai ere.