Hogei urteko ibilbidea omentzeko Gatibuk ‘20 urte bixotzetik’ izeneko kontzertua zuen iragarrita Euskalduna Jauregian, azaroaren 7an, baina sarrerak berehala agortu ostean, egun berean bigarren emanaldi bat eskainiko du talde gernikarrak. Sarrerak salgai dira dagoeneko ohiko moldeetan.

Hogei urteko ibilbide oparoa omentzeko Gatibuk iragarria zuen ‘20 urte bixotzetik’ kontzertuak sekulako arrakasta izan du aldez aurretik, izan ere, datorren azaroaren 7rako antolatua zen emanaldira sarrerak 24 orduren buruan agortu egin dira. Publikoaren aldetik egon den erantzuna ikusita, eta ahalik eta jende kopuru handienari iristeko asmotan, egun berean bigarren saio bat iragarri dute gernikarrek.

22.30etako kontzerturako sarrerarik dagoeneko ez da gelditzen eta kontzertu berria 19.00etan izango da. Sarrerak dagoeneko salgai daude www.euskalduna.eus atarian eta ohiko beste kanal batzuetan 23 euroan.

‘20 urte bixotzetik’ «aukera paregabea izango da, banda mitikoaren eta bere ikus-entzule leialenen arteko musika topaketa baita, elkarrekin egindako bidea eskertzeko, zalantza barik taldearen historian mugarria markatuko duen eta bihotzetik eginda dagoen kontzertuan», iragarri dute Euskalduna Jauregiko iturriek ohar bidez.

Leer información completa en el sitio web de la fuente