"Euskarazko irakurgai mailakatuak"
- Liburutegi:
- HABE Liburutegia
- Gaiak:
- Kontakizun laburrak, Eleberria
- Gomendatuta:
Euskaraz irakurri nahi duzu, baina zure mailara egokitu den zerbaiten bila zabiltza? Liburutegian lagun zaitzakegu!
HABEren Didaktika Zerbitzuko gure lankideek Liburutegian jasotzen ditugun euskarazko irakurgaiak mailakatzen dituzte, zailtasunaren arabera. Horietako batzuk euskara ikasten ari direnei zuzendutako irakurgai mailakatuak dira (asko audioa eta ariketekin batera argitaratzen dira). Beste asko, gehienak, euskaraz argitaratzen diren literatur obrak dira, jatorrian euskaraz idatzitakoak edo itzulpenak. Bertan topa ditzakezu ipuin bildumak, eleberri historikoak, intrigazkoak, sozialak ... Zure gustukoa den eta zure euskara mailara egokitzen den liburu hori topatzeko aukera aproposa!
Pinterest-en bildu ditugu 2019ko otsaila eta maiatza bitartean gure lankideek mailakatutako irakurgaiak. Bertan topatuko dituzu azken nobedadeetako batzuk, bakoitzari dagokion euskara mailarekin. Sar zaitez eta eman begiratu bat!
Ikasbileko Irakurgai Mailakatuak atalean ikus dezakezu orain arte mailakatutako irakurgaien zerrenda osoa. Fitxa bakoitzak liburuari buruzko informazioa dakar, eta bere hizkuntza maila zehazten du (A1etik C2ra).