Zarautzeko kanpoaldean, baina erdigunetik eta hondartzatik gertu dagoen aterpetxea. 136 lagunentzako tokia du 2, 4 eta 5 oheko logeletan, bainugelarekin. Banakako aterpekideak eta taldeak hartzeko prestatuta dago. Telebista eta bideo gela dauka, baita ekitaldietarako aretoa, liburutegia, ikasteko eta lanerako 7 gela, takilak, gimnasioa, garbitegia eta 176 lagunentzako jantokia ere. Horrez gainera, garbitegi zerbitzua eskaintzen du, internet eta berogailua daude eta izarak alokatzen dituzte. Berdegune zabala dauka, zuhaitzekin, haurrentzako jolasekin eta errekatxo batekin. Aterpetxean badago atxikitako beste etxe bat, Etxe Txikia deiturikoa eta bertan beste 34 ohe daude, taldeentzako egokitua, lanerako areto batekin eta guzti.

Aterpekide Txartela izatea derrigorrezkoa da.