Campeonato Absoluto de Bertsolaris: Amets Arzallus se impone en la semifinal de Bilbao y queda definida la lista de bertsolaris que cantarán en la final
Bertsolari Txapelketa Nagusiko azken finalaurrekoa jokatu da gaur Bilboko Bizkaia frontoian. Gaur jakin dugu zeintzuk izango diren abenduaren 18an finalean kantatuko duten bertsolariak
3.600 lagun elkartu dira gaur Bilboko Bizkaia frontoian, Bertsolari Txapelketa Nagusiko azken finalaurrekoan. Idoia Anzorandia Kareaga gai-emailearen atzetik sartu dira bertsolariak frontoian, zozketak agindutako ordenan: Aitor Mendiluze Gonzalez, Amets Arzallus Antia, Maddalen Arzallus Antia, Jone Uria Albizuri, Joanes Illarregi Marzol eta Saioa Alkaiza Guallar.
Amets Arzallus izan da puntu gehien batu dituen bertsolaria, 662 puntu. Horrela geratu dira besteen puntuazioak: Aitor Mendiluzek 661 puntu, Jone Uriak 637,5 puntu, Joanes Illarregik 621 puntu, Maddalen Arzallusek 609,5 puntu eta Saioa Alkaizak 608,5 puntu.