Kaixomaitia.eus-ek abian jarri du Elkar Argitaletxearekin elkarlanean euskarazko kontaketa erotikoen lehiaketaren hirugarren edizioa. Lehenengo edizioaren irabazlea: Adiorik ez, Karlos Aretxabaleta Txapel, Bigarren edizioaren irabazlea: Ostera, Oihana Iguaran.

Kaixomaitia.eus atariak bere xedeen artean du, besteak beste, euskarazko edukiak sortzea eta zabaltzea; esaterako, pertsonen arteko harreman afektibo eta sexualarekin dituzten orotariko gaiak, nahiz kontaketa edo ipuin erotiko laburrak. Sinetsita baitago euskararen normalizazioaren bidean ezinbestekoak direla euskarazko edukiak sortzea eta sarean ere zabaltzea.

Finalistek Elkar argitaletxearen liburu sorta eta 100 €-ko elkar liburu-dendetako opari txartela jaso dute, eta gainera, irabazleak 1.000 €-ko saria, bigarrenak 500 €-koa, eta hirugarrenak 250 €-koa.