40 urte igaro dira Jose Miguel Etxeberria Naparra desagerrarazi zutenetik, eta Eneko anaia atzera begira jarri da, hutsune luze horretan gertatutakoaz hausnartzeko.

Iñaki Alforjak eta Iban Toledok zuzendutako Bolante baten historia dokumentalak Eneko Etxeberriak Jose Miguel Etxeberria Alvarez Naparra anaia aurkitzeko egindako bidea kontatzen du. “Hamazazpi urte nituen Jose Miguel desagerrarazi zutenean, nire bizitzaren bi heren baino gehiago eman ditut anaia berriz ere gurekin izateko lanean”, kontatu du.

Naparra, Komando Autonomo Antikapitalistetako militantea eta Ipar Euskal Herrian errefuxiatua, 1980ko ekainaren 11n desagertu zen. Batallon Vasco Español (BVE) talde parapolizialak bere gain hartu zuen bere desagerpena. Naparra-ren autoa Ziburun agertu zen Jendarmeriatik gertu. Aita eta ama, jendarmeek deituta Jose Miguelen autoa azaldu zen tokira joan zirenean eta jendarmeek kotxearekin zer egin nahi zuten galdetu zietenean, egoera hark sortutako min eta nahasmen hartan, kotxearen bolantea desmuntatu eta etxera eraman zuten. Bolante hau gertatutakoaren memoriaren sinbolo bihurtu da.

Leer información completa en el sitio web de la fuente