DOC Lisboa – Lisboako Dokumentalen Jaialdiaren nazioarteko lehian izango da Arantza Santesteban zinemagilearen 918 gau film esperimentala. Euskaraz filmatutakoa, kartzela barneko eguneroko bizitza ulertzeko funtsezkoak diren arazoak jorratu ditu egileak bertan.

“Polizia-furgoi baten gelaxka txikian, kartzelan urte luzeak zeramatzan emakume batek hau esan zidan: kartzela zer den kontatzeko, beharrezkoa da bertan lo egin izana. Duela ia hamarkada bat, 918 gau egin nituen kartzelan”. Urte batzuk atzera bizi izandako egoera ahul, inperfektu eta ausart haiei leku politiko bat bilatzeko nahiaz josi du iruindarrak ikus-entzunezko kontakizuna. Izan ere, bizitakoaz oroitzapen ugari gordetzen ditu oraindik: patioko buelta amaigabeak, igeriketa txapelketak, Rasha kidearen kartzela-bidaia… eta horiek guztiak berraztertzeko ahalegina da 918 gau proiektua.

Leer información completa en el sitio web de la fuente