Auschwitz gizadiaren historian ezagutzen den sarraski esparru handiena izan zen. Eta, hala ere, Holokaustoaren sinbolo unibertsal horri buruz dugun irudi kolektiboa, bertan ateratako argazki gutxi batzuetatik sortu da. Argazki horiek, gehienetan, SSek beraiek ateratakoak dira. Auschwitzen egindako krimenen froga argiak izan arren, «betaurreko» nazien bitartez ikusi ditugu. Irudion analisi kritikoa egitera gonbidatzen gaitu Koldo Mitxelena Kulturguneak.

“Seeing Auschwitz” erakusketak gaur zabalduko ditu ateak Koldo Mitxelena Kulturgunean. Gaurko egunez, duela 76 urte, sobietar soldaduek Auschwitz-Birkenauko nazien kontzentrazio eta desagertze eremua askatu zuten. Hura gogoan, Nazio Batuen Batzar Nagusiak ofizialki aldarrikatu zuen urtarrilaren 27a Holokaustoaren Biktimak Oroitzeko Nazioarteko Eguna.

Erakusketa Musealia enpresa donostiarrak sortu du, Poloniako Auschwitz-Birkenauko Estatu Museoarekin lankidetzan eta Nazio Batuekin eta Unescorekin elkartuta. Luis Ferreiro, Musealiako eta erakusketako zuzendariak honakoa adierazi zuen atzo egindako aurkezpenean: «Memoria, banakakoa zein kolektiboa, irudien bidez eraiki ohi da neurri handi batean. ‘Seeing Auschwitz’ erakusketa toki horren historia irudikari kolektiboan txertatzeko iturriak kritikoki aztertzeko gonbita da. Donostiarrak garen aldetik, berebiziko garrantzia du Koldo Mitxelenan proiektu hau erakusteak. Erakusketa oro bisitariarekin hitz egitea da, eta etxean, gure herrikideekin, egitea munduko beste edozein lekutan egitea baino bereziagoa da». 

Leer información completa en el sitio web de la fuente