Helburua beteta burutu du Iratxe Fresneda zinemagile bizkaitarrak Tetuan film dokumentala garatzeko finantzazio-kanpaina. 15.355€ lortu ditu orotara, 335 mezenasen ekarpenetik.

“Mezenasei, lagunei, familiari eta sareetan lagundu diguzuenoi esker, crowdfunding kanpaina arrakastatsua burutu dugu. Orain Tetuan filmean lanean jarraitzeko momentua da, eta bide horretan ere zuek guztiekin egongo gara. Eskerrik asko, bihotz bihotzez, eta besarkada handi bat!”, izan dira proiektuaren zuzendari den Iratxe Fresnedaren esker hitzak.

Pertsona migratzaileei buruzko filma da Tetuan, non zinema, familia baten istorioak eta memoria, igaroleku eta nebulosa bailiran banatuko diren. Annemarie, Carmelo, Irina eta Mohamed izango dira protagonistak; dantza, argazkilaritza eta bizitza istorio baten antzezleak.

Leer información completa en el sitio web de la fuente