49 herrialdetako 165 eskolek aurkeztutako 348 film laburren artean, hamahiru hautatu dituzte Donostia Zinemaldiaren Nest lehiaketan parte hartzeko. Gaurtik hasita, asteazkenera bitarte ospatuko dute, ohiko aurrez aurreko formatuan.

Donostia Zinemaldian zinema-ikasleentzat egiten den film laburren nazioarteko lehiaketa da NEST, Tabakalera Kultura Garaikidearen Nazioarteko Zentroarekin lankidetzan antolatutakoa, mundu osoko zinema-eskoletako ikasleen lanak ezagutzera ematea helburu duena.

Aurtengoa XIX. edizioa izango da, eta 49 herrialdetako 165 eskolek aurkeztutako 348 film laburren artean egin dute lehiatuko diren hamahiru filmen hautaketa. Lehiaketak ohiko formatua –aurrez aurrekoa– mantenduko du, eta proiekzioak egingo dira gaurtik hasita irailaren 23ra.

Bigarren urtez jarraian, NEST ikusgai izango diren film laburretako bat Elías Querejeta Zine Eskolak (EQZE) aurkeztutakoa izango da: Ella i jo  Jaume Claret Muxart (Sant Cugat del Vallès, 1998) Sorkuntzako graduondoko ikasle oihak zuzendutakoa.

Bestalde, Zinema-alorrean ezaguna den profesional bat izango da aurten ere lehiaketaren epaimahaiburua, eta, 2020. urteko salbuespen gisa, azken edizioetan irabazle izan diren hiru ikasleekin batera osatuko du epaimahaia. Aurkeztutako hamahiru lanen artean, Film Labur Onenaren Nest Saria –Orona Fundazioak babestutakoa– banatuko dute, 10.000€ko ordainsaria hautatutako proiektuaren zuzendariari.

Ondorengoak dira ikasleek aurkeztuko dituzten proiektuak:

• CATDOG. ASHMITA GUHA(INDIA)
• ELLA I JO. JAUME CLARET MUXART  (ESPAINIA)
• ESTA NO ES UNA HISTORIA SOBRE CHINA.  FRANCISCA JIMÉNEZ ORTEGATE (ARGENTINA)
• FILIPIÑANA. RAFAEL MANUEL (ERRESUMA BATUA – FILIPINAK)
• I WANT TO RETURN RETURN RETURN. ELSA ROSENGREN (ALEMANIA)
• LA HOGUERA / THE BONFIRE. CARLOS SAIZ ESPIN (ESPAINIA)
• LATA. ALISHA MEHTA(INDIA – AEB)
• LOS NIÑOS LOBO / THE WOLF KIDS. OTÁVIO ALMEIDA (KUBA)
• MURALLA CHINA / CHINESE WALL. SANTIAGO BARZI (ARGENTINA)
• BINOKL / OPERA GLASSES. MILA ZHLUKTENKO (ALEMANIA
• PERFECT AS CATS. KEVIN VU (AEB)
• PILE. TOBY AUBERG (ERRESUMA BATUA)
• THE SPEECH. HAOHAO YAN (AEB)

Leer información completa en el sitio web de la fuente