Euskal Hirigune Elkargoa pone en marcha una temporada cultural a finales de septiembre
- Fecha17 de Septiembre
- Temática Artes visuales, Artes escénicas, Música, Audiovisual, Literatura
Kultur saila suspertzeko plana abiatu du Hirigune elkargoak. Irailaren 25ean eta 26an bi saio nagusi antolatu dituzte denboraldia hasteko
Kultur arloari «sostengua» eta «bultzada» eman nahi dizkio Euskal Hirigune Elkargoak. Jean Rene Etxegarai lehendakariak eta Antton Kurutxarri Hizkuntz Politika eta Kulturaren lehendakariordeak abian jarri duten planaren berri eman zuten atzo, «krisiaren ondorioak» pairatzen dituztenak laguntzeko, besteak beste. «Sentitzen dugu falta bat, hutsune bat; Euskal Herrian udaberria eta uda kenduak izan zaizkigu. Plazak hutsak, bestak ezeztatuak, kultura herrikoia moztua... Iruditu zaigu Elkargoak bazuela betebehar bat, eta enbeia handi bat, berriz abiatzeko sasoia», Kurutxarrik.
Hala, kultura berriz suspertzeko gogoarekin, irailaren 25 eta 26an antolatu dituzte ekitaldiak denboraldiari hasiera emateko. Abian ospatuko dute Saran (Lapurdi), bi egunez. Gisa berean, irailaren 25ean, Ipar Euskal Herriko Orkestra Sinfonikoa Baionan izanen da Santa Kurutze elizan, eta biharamunean, berriz, Miarritzeko Kasinoan (Lapurdi). Errusiako musikariei eginen diete omenaldia bi kontzertuetan; Piotr Ilitch Txaikovskiren, Dmitri Xoxtakovitxen eta Anton Arenskiren partiturak joko baitituzte.