Diskoan jaso aurretik zebilen Sorotan Beleren 'Arratsalde honetan' kantua ehunka herritarren eztarrietan. «Freskotasuna» izan zuten alde berehalako arrakastan.

Euskaldunon Egunkaria-ko hemerotekara jo beharra dago Sorotan Beleren arrastoaren atzetik hasteko. Taldearen izena jarri eta bilatzaileak atzemandako hamarnaka orrietatik agendari dagozkio gehien-gehienak: Sorotan Bele 1993ko Nafarroa Oinez-en, Sorotan Bele Ezpeletako festetan (Lapurdi), 1994ko uztailean; Sorotan Bele Donostiako portuan, 1994ko abuztuan; abenduan, Larrabetzuko gaztetxean (Bizkaia); 1996ko martxoan, Urretxun (Gipuzkoa), eta, hala, azken-azkeneraino: Sorotan Bele Irunen (Gipuzkoa), 1996ko azaroaren 30ean.

1992-1996 urte arteko marratxoak jasotzen ditu une horiek guztiak, hor gertatu zen dena; taldearen ernatzea, loratzea eta itzaltzea, eta aski izan ziren lau urte eta lau disko euskal musikaren orrietan lorratza uzteko, beren hit eztabaidaezin eta guzti.

Leer información completa en el sitio web de la fuente