5.000 euroko sari potoloa eskuratu du taldeak. Momentu oso pertsonaletan sortutako poesiak musikatuz, kanta intimistak jotzen dituzte.

Lau izan dira aurtengo Maketa Lehiaketako final handian Donostiako Victoria Eugenia Antzokiaren oholtzara atera diren artistak: Deñe, Klermoon, Raitx, eta Kilimak, hain zuzen.

Egoera dela eta, ohikoa baino jende gutxiago sartu da aretora. Hala ere, emanaldi bikainez beteriko gau zirraragarria izan da. Julen Idigoras eta Ainhoa Vitoria arduratu dira ekitaldia gidatzeaz.

Halaber, ohi bezala, paper garrantzitsua izan dute Xabi Bandini, Izaro eta Xabier Doncel epaimahaikideek, beraien esku geratu delako 29. edizioko irabazlea hautatzea. Lan zaila izan da, maila handiko eta estilo oso ezberdinetako musikariak lehiatu baitira.

Nolanahi dela, bakar bat aukeratu behar izan dute, eta Raitx izan da zorionekoa.

Leer información completa en el sitio web de la fuente