Los datos recogidos sobre las escuelas de bertsolaris "abrirán nuevas puertas"
18 urtetik beherakoetan, ia parekatuta daude bertso-eskoletan neskak eta mutilak. Argazkian, Ane Labaka neskato talde batekin /
- Fecha16 de Febrero
- Temática Artes escénicas
Bertsozale Elkarteak EHUrekin elkarlanean egin duen lanak erakutsi du, besteak beste, dezente dagoela egiteko generoaren arloan
Inork gutxik jarriko du auzitan bertso-eskolek bertsolaritzak bizi duen garai gozoan izan duten eragina. Bertsolariengan izan duten eragina agerikoa da. Bertso-eskolan ibilitakoak dira, esaterako, Gipuzkoako Txapelketaren finala jokatu zuten zortziak, eta hainbatek bertso-eskolei lotuta jarraizen dute. Bertsozaleen profila ere aldatu dute.
Bertso-eskolak.eus webgunean badago informazio nahikoa horien kopurua eta hedapena bistaratzeko. Bertan aurki daitekeen maparen arabera, 142 bertso eskola daude Euskal Herrian -44 Gipuzkoan, 22 Bizkaian, 28 Nafarroan, 15na Araban eta Lapurdin, 5 Nafarroa Beherean eta 2 Zuberoan-, eta nabarmenagoak dira eskolen arteko hutsarteak hegoaldera egin ahala.
Urrats bat gehiago egin du Bertsozale Elkarteak, eta Euskal Herriko Unibertsitatearekin duen elkarlanari esker burutu duen datu bilketaren emaitzak zabaldu ditu berriki. 2019-2020 ikasturteko datuak dira; oro har baikorrak; aurretik zeudenak baino zehatzagoak; betiere irakurketa sakonagoa behar, eta izango, dutenak.
Bertsozale Elkartean Transmisio saileko ardura duen Oihana Iguaran bertsolariak dioenez, lanaren garrantzia ez da mugatzen argazkia asko findu duten datu horietara. «EHUrekin elkarlanean aritu izana berrikuntza handia da. Lan honek eman digu aukera xehatzeko, ikusteko ze herritan duten indarra bertso-eskolek, zein izan den bilakaera, zein diren dinamika nagusiak... Baina, batez ere, jaso ditugun datu horiek ate berriak irekiko dituzte, eta neurri txikiko ikerketekin joango gara bertso-eskolei buruz dakiguna osatzen eta irakurketa sakonagoak egiten».