LABOren V. jardunaldiaren baitan, Amaia Elizaran eta Sagari Urzaiz ariko dira datorren ostiralean

Datorren ostiralean, otsailak 16, Laboren V. jardunaldia egingo da Donostiako Convent Garden espazioan. Gune horretan ohikoak dira kontzertuak, erakusketak eta bestelako adierazpen artistikoak, eta LABOren xedea da programa horretan proposamen eszeniko esperimentalak txertatzea. "Gorputza, mugimendua eta espazioaren kontzeptuak lantzen dituzten lanak aurkeztea da helburua. Dantza, antzerkia, performanceak, bideo-sorkuntzak, instalazio plastikoak, diskurtso mistoak, eta abar", diote. Artisten sortze prozesuak erakustea ere bada LABOren helburuetako bat.

Hileko ostiral bat hautatzen dute Convent Gardeneko espazio desberdinetan LABOren baitako ikuskizunak eskaintzeko. Hil honetan, datorren ostirala izan da hautatua. 19:30etan hasiko da saioa, eta ordu erdi lehenago irekiko dira ateak. Zortzi euroko sarrerak bi proposamen ikusteko aukera emango du: Amaia Elizaranen 'Pool' eta Sagari Urzaizen 'Klak'Tet'.

Leer información completa en el sitio web de la fuente