Herririk herri ibiliko dira apirilera arte.

Urtero legez, negu bete-betean maskaradak antolatu ditue Zuberoan, eta herrialde horretako 15 herritan izango dira agerraldiak, apirilera bitarteko asteburuetan. Aurten Muskildiko gazteek hartu dabe antolakuntzearen ardurea, hain zuzen be, euren herrian egingo dabe lehenengo emonaldia, domekan, urtarrilaren 7an; azkena be, apirilaren 22an, Muskildin bertan izango da.

Lau hileko ibilbidean, Zuberoako 15 herri bisitauko ditu maskaradeak, 16 emonalditan. Saio gehienak domekatan egingo ditue, baina zapatuan be izango dira batzuk. Muskildiko estreinaldiaren ostean, Pagola, Atharratze eta Ainharben izango dira urtarrileko saioak. Zezeilean, Lexantzü, Urdiñarbe, Gamere eta Eskiulara helduko dira. Martian, Altzürükü, Idauze, Lakarri eta Mauleren txandea izango da. Azkenik, Barkoxe, Hoki, Larraine eta Muskildi dagoz apirileko egitarauan.

Leer información completa en el sitio web de la fuente