Dosnostiako Zinemaldiko sail ofizialean ikusi da lehenengoz Arregiren eta Garañoren Handia filma. Euskarazko pelikulak Altzoko erraldoiaren istorioa du ardatz, baina Miguel Joaquin Eleizegik bere garaierarengatik bizi izan zituen egoera berezietatik harago, bi anaien arteko harremana kontatzen du. Zuzendariek metafora bat bilatu dute Eleizegiren eta bere anaiaren istorioan, gizarteetan "halabeharreakoak" diren aldaketei buruz hitz egiteko.

Estreinaldiaren ondoren, ugariak izan dira filma goraipatu duten iritziak. Garañok eta Arregik ere "harrera ona" izan duela sumatu dute, eta pozik agertu dira. "Iritsi zaiguna oso ona izan da", adierazi dute.

Joan den larunbatean, Arregik eta Garañok Zurriolako butaka saioan nabarmendu zuten Loreak eta Handia oso pelikula ezberdinak direla.