Helburu orokorrak

Administrazio-hizkeraren oinarrizko kontzeptuak, eta gutuna eta ofizioa euskaraz idazteko oinarrizko irizpideak ezagutzea.

Konpetentziak

Ikasleak prestakuntza-ekintza amaitzean egoki erabiliko ditu:

Administrazio-hizkeraren oinarrizko irizpideak.

Gutuna idazteko oinarrizko irizpideak.

Ofizioa idazteko oinarrizko irizpideak.

1. Atariko unitatea

Administrazio-hizkeraren kalitatea: hizkera zuzena, argia eta egokia.

Idazterakoan kontuan izan beharrekoak: idazketa-prozesua, gramatika, estiloa, diseinua eta zuzenketa.

2. Idazketa-prozesua urratsez urrats

Idazten hasi aurreko lana atondu.

Ideiak sortu.

Testua antolatu.

Testua idazteko kontuan hartu behar ditugunak.

3. Gutuna

3.1 Gramatika

• Letra larria eta xehea.
• Data.
• Puntuazioa.
• Siglak.
• Eta juntagailua eta deklinabidea.
• Hau, hori, hura.
• Aditzaren komunztadura.

3.2 Estiloa

• Gutunetan sarri egiten diren zenbait estilo-akats.
• Hartzailea kontuan hartu.
• Egilea agerian utzi.
• Aditza aurreratu.
• Esaldi laburrak erabili.
• Aditza hobe izena baino.
• Erdal gerundioak.

3.3 Diseinua

• Gutunen diseinua.
• Hartzailearen datuak.
• Data.
• Hasiera eta bukaerako agurrak.
• Izenpea.
• Izenburuak.
• Paragrafoak.
• Lerrokatzeak.
• Zerrendak.

3.4 Zuzenketa

• Gutuna atalez atal eta osotasunean zuzendu:
• Gramatika aldetik.
• Estilo kontuak.
• Diseinua.

4. Ofizioa

• Hartzailearen datuak.
• Izenburua.
• Hasierako eta bukaerako agurrak.
• Informazioa aurreratu.
• Data eta izenpea.

Metodologia

Ikastaroak teoria eta praktika uztartzen ditu. Ikastaroak 4 atal nagusi ditu eta, bertan, hainbat unitate didaktiko.

Unitate bakoitzean leiho tutorial baten bidez teoria landu eta programak berak edo norberak zuzentzeko ariketa batzuk proposatuko dira; gainera, plataformak aukera ematen du jarraibideak ikusteko, entzuteko edota irakurtzeko. Horrez gain, unitate gehienek irakasleari bidali beharreko jarduera bana izango dute.

Ebaluazioa

Ebaluazioaren helburua: Ikastaroaren helburu orokor eta zehatzak bete edo lortu direla bermatzea.

Ikastaroak 6 jarduera ditu eta horietan oinarrituko da ebaluazioa. Ikasleak ikastaroko jarduerak egin eta bidaliko dizkio irakasleari, horrek ikasleari zuzendu eta lanaren feedbacka eman diezaion. Era berean, irakasleak gomendatuko du edukiak noizko ikasi eta jarduerak noizko egin behar diren.

Baldintzak

Beharrezkoa da posta elektroniko kontu korporatibo bat izatea ikastaroa egingo duen pertsona identifikatzeko.

Datuak Babesteko Erregelamendu Orokorraren (DBEO) 5. 1 d) artikuluan xedatutakoaren arabera, datu pertsonalak zehatzak izango dira, eta, behar izanez gero, eguneratuak. Hori guztia zehaztasun-printzipioa betetzeko.

Harremanetarako

ikasivap@ivap.eus

Ziurtagiri digitala

Ikastaroaren aprobetxamendu-ziurtagiria eskuragarri izango duzu posta elektronikoaren jakinarazpena jasotakoan, IVAPekiko izapideak/ Ziurtatzeak atalean sartuta