ERABILTZAILE GAITUTIK ADITURAKO BIDEAN: C2 ATARIKOA (2025/60/15/69)

Helburu orokorrak

Idatzizko testua planifikatzen eta argi (ordenatuta eta josita) eta jator adierazten trebatzea.

Helburu zehatzak

Idazmenean hobetzeko, honakoa landuko dute ikasleek: testuen egitura eta antolamendua, kohesioa (hitzen ordena eta testu-antolatzaileak), erdarakadak eta estiloa.

Konpetentziak

Ikaslea, prestakuntza-ekintza amaitzean, honetan trebatuko da:

-Testuaren gidoia prestatzen.
-Esaldia adierazi nahi denaren arabera ordenatzen.
-Testu-antolatzaile egokiena aukeratzen.
-Erdarakadak eta kalkoak identifikatu eta ordezko egokia bilatzen.

Irakasle batek gidatuko du ikasle-taldea eta bakoitzaren urratsak jarraituko ditu.

Testuaren ikuspegi orokorra: planifikazioa

-Oinarrizko jarraibideak eta aholkuak
-Eredua: eskema eta handik eraikitako testua

Hitzen ordena

Oinarrizko elementuak:

-Mintzagaia
-Iruzkina
-Galdegaia

Atzerakarga:

-Hitz iragarleak
-Aditza aurreratzea

Testu-antolatzaileak

-Sailkapena
-Erabilera estrategikoa
-Testu-antolatzaile iruzkingileak
-Ere lokailua

Erdarakadak eta kalkoak

-Erdal gerundioa euskaraz
-Okerreko menderatua
-Alferreko erlatiboa
-Ahalera eta kalkoak

Metodologia

Ikastaroak teoria eta praktika uztartzen ditu. Lau ataletan dago banatuta: helburua lortzeko ikasketa prozesuaren arabera egituratuta eta antolatuta. Atal bakoitzak azalpenak edo jarraibideak ditu, eta horieklantzeko ariketak eta jarduerak. Zortzi jardueratik bost (ikasketa prozesuari begira egokienak) taldean ere aztertu eta komentatuko dituzte, Streaming saioetan.

Ebaluazioa

Ebaluazioaren helburua: ikastaroaren helburu orokor eta zehatzak bete direla bermatzea.
Ikastaroak 8 jarduera ditu, eta jarduerotan oinarrituko da ebaluazioa. Ikasleak ikastaroko jarduerak egin eta horietako batzuk irakasleari bidaliko dizkio, hark zuzendu eta feedbacka eman diezaion. Gainera, ariketa batzuk taldean aztertu eta komentatuko dituzte, Streaming bidez. Era berean, irakasleak zehaztuko du edukiak noizko ikasi eta jarduerak noizko egin.

Aprobetxamendua

Aprobetxamenduko ziurtagiria lortzeko bete beharreko baldintzak:

-Irakasleari ikastaroko jarduera guztiak bidaltzea.
-Ikastaroko 8 jardueretatik 7k, gutxienez, gai kalifikazioa jasotzea.

Ikastaroaren balorazioa

Ikasleek asebetetze inkesta beteko dute.

Irakasleek balorazio inkesta osatuko dute.

Baldintzak

Beharrezkoa da posta elektroniko kontu korporatibo bat izatea ikastaroa egingo duen pertsona identifikatzeko.

Datuak Babesteko Erregelamendu Orokorraren (DBEO) 5. 1 d) artikuluan xedatutakoaren arabera, datu pertsonalak zehatzak izango dira, eta, behar izanez gero, eguneratuak. Hori guztia zehaztasun-printzipioa betetzeko.

Harremanetarako

ikasivap@ivap.eus

Ziurtagiri digitala

Ikastaroaren aprobetxamendu-ziurtagiria eskuragarri izango duzu posta elektronikoaren jakinarazpena jasotakoan, IVAPekiko izapideak/ Ziurtatzeak atalean sartuta