Helburu orokorrak

• 4. HEko ahozko azterketari aurre egiteko baliabideak ematea.
• Ahozko azterketaren balorazioa egiteko irizpideak ezagutzea.

Helburu zehatzak

• Azterketaren aurkezpena egitea.
• IVAPeko proben balorazio-irizpideak azaltzea: komunikagaitasuna, jariotasuna, aberastasuna, zuzentasuna.
• Ahozko azterketan erabili beharreko estrategiak lantzea.
• Komunigaitasuna zer den azaltzea.
• Jariotasunez berba egitea.
• Aberastasunaren gaineko argibide batzuk ematea.
• Zuzentasunari buruzko azalpenak ematea: oinarrizkoak diren akats larriak aipatzea, aholkuak ematea.

Konpetentziak

Ikastaroa amaitzen denean ikaslea gai izango da, 4. HEko ahozkoak egin behar dituenean, egitura jakin bati jarraitzeko, eta bide horretan behar dituen tresnak identifikatu eta erabiltzeko. Gai izango da, era berean, sortzen ari den testua ebaluatzeko eta, behar izanez gero, hobetzeko.

• Lau egunetan dinamika oso antzekoa izango da: hainbat azalpen, aholku eta jarraibide labur emango dira. Jarraian, ahozko azterketaren entseguak egingo dira.

• Bikote batzuek bakarkako saioa egingo dute, eta beste batzuek elkarreraginaren ariketa. Bikote bakoitzak bukatu eta gero, ikaskideek iritzia emango dute (gai/ez gai, zergatik, zer alde on izan dituen, zer eta nola hobetu ahal duen), eta irakasleak ere bere ikuspuntua emango du.

• Bikoteak txandakatzen joango dira, ikasle guztiek bakarkako saioak eta elkarreraginarenak egiteko aukera izan dezaten. Halaber, egiten zaizkien oharrak kontuan hartuta, ikasleek izan dituzten alderdi positiboak indartzeko eta txarto egin dituzten puntuak hobetzen saiatzeko parada izango dute

Metodologia

• Arlo praktikoari emango zaio lehentasuna.
• Bakarka edo binaka egingo da lan.
• Egindako lana partekatu eta komentatuko da.

Ebaluazioa

Ebaluazioaren helburua: ikastaroaren helburu orokor eta zehatzak bete edo lortu direla bermatzea.

Ebaluazioan ikastaroan zehar egindako entseguak neurtu eta baloratuko dira.

Aprobetxamendua

• Bertaratzea, gutxienez, % 80koa izatea, ikastaroaren ordu kopurua kontuan hartuta.
• Proposatzen diren ariketak egin eta gainditzea.

Ikastaroaren balorazioa

• Ikasleek asebetetze inkesta beteko dute.
• Irakasleek balorazio inkesta osatuko dute.

Baldintzak

Beharrezkoa da posta elektronikoko kontu korporatibo bat izatea ikastaroa egingo duen pertsona identifikatzeko.

Datuak Babesteko Erregelamendu Orokorraren (DBEO) 5.1 d) artikuluan xedatutakoaren arabera, datu pertsonalak zehatzak izango dira, eta, behar izanez gero, eguneratuak. Hori guztia zehaztasun printzipioa betetzeko.

Harremanetarako

ikasivap@ivap.eus

Ziurtagiri digitala

Ikastaroaren aprobetxamendu-ziurtagiria eskuragarri egongo da posta elektronikoan jakinarazpena jasotakoan, IVAPekiko izapideak / Ziurtatzeak atalean sartuta.