Helburu orokorrak

Langileek hizkuntza gehiago eta segurtasunez erabil dezaten, euskararen gaineko ezagutza eta esperientzia indartzea.

Helburu zehatzak

Laguntza eskaintzea eguneroko jardueran hizkuntza zuzen eta egoki erabiltzeko.
Langileei euskara eguneroko lanean gehiago eta hobeto erabil dezaten baliabideak ematea.
Joskeran trebatzea, hitz-ordenan eta testu-antolatzaileetan, batez ere.
Erdarakada eta estilo kontuez jabetu eta euskara jatorrean adierazteko aukerak eskaintzea.
Laneko lexikoa zehaztea eta aberastea (zalantzak argitu eta non kontsultatu gomendatzea).
Idatzia zein ahozkoa praktikatu eta segurtasuna lortzen laguntzea.

Konpetentziak

Ikasleak prestakuntza-ekintza amaitzean jakingo du:

• Dibulgazio- eta iritzi-testuen ezaugarriak egoki erabiltzen, zuzentasunez idazten eta modu estrategikoan josten.
• Erdarakadak eta kalkoak saihesten.
• Irakurgaiak eta entzungaiak, oro har, hobeto ulertzen.

Gramatika

Ikasleen ohiko zalantzak eta akats gramatikalak.
Joskera (testu-antolatzaileak eta hitzen ordena).

Lexikoa

Hiztegi batua, laneko hiztegia.

Testu-generoa

Dibulgazio- eta iritzi-artikuluen ezaugarri nagusiak eta ereduak.

Erdarakadak

Erdal gerundioa.
Menderatu faltsuak.
Kalkoak.
Estilo kontuak.

Mintzamena

Elkarrizketak eta azalpenak.

Ikastaroaren planteamendua C.1 mailako ikuspuntu orokorretik bideratuta badago ere, administrazioko jardunarekin zerikusia duten idazkiak, gaiak edota ariketak txertatu eta landuko dira.

Metodologia

Teoria eta praktika uztartuko dira ikastaroan nahiz eta alde praktikoak lehentasuna izango duen.

Ebaluazioa

Ikastaroan betetako eginkizunak hartuko dira kontuan GAI kalifikazioa lortu ahal izateko.

Aprobetxamendua

% 80ko bertaratzea eta eskoletan proposatu diren ariketak egin izana.

Ikastaroaren balorazioa

Ikasleek astebetetze inkesta beteko dute.
Irakasleek balorazio-inkesta osatuko dute.

Baldintzak

Beharrezkoa da posta elektronikoko kontu korporatibo bat izatea ikastaroa egingo duen pertsona identifikatzeko.
Datuak Babesteko Erregelamendu Orokorraren (DBEO) 5.1 d) artikuluan xedatutakoaren arabera, datu pertsonalak zehatzak izango dira, eta, behar izanez gero, eguneratuak. Hori guztia zehaztasun printzipioa betetzeko.

Harremanetarako

ikasivap@ivap.eus

Ziurtagiri digitala

Ikastaroaren aprobetxamendu-ziurtagiria eskuragarri izango duzu posta elektronikoan jakinarazpena jasotakoan, IVAPekiko izapideak / Ziurtatzeak atalean sartuta.