• Clasificación: Cultural Específico
• Finalidad: Estudios
• "UDAKO EUSKAL UNIBERTSITATEA, U.E.U." Elkartearen helburu nagusia euskararen eta unibertsitatearen munduak elkarrengana hurbiltzea eta uztartzea da, eta ildo horretatik Euskal Unibertsitatea sortzea: Euskal Herri osoa hartuko duen, herritarra eta berdinzalea izango den, eta euskara lan- eta komunikazio-tresna nagusitzat edukiko duen unibertsitatea. Helburu nagusi horrez gain, honako beste helburu hauek lortzeko ekintzak eragitea eta antolatzea du xedetzat Elkarteak, ezarritako legezko baldintzak bete ondoren: 1. Unibertsitate-mailako ezagutzaren sorkuntza eta zabalkundea ahalbidetzea euskaraz. 2. Euskal kultura eta euskarazko irakaskuntza bultzatzea eta garatzea, unibertsitate-mailan bereziki, eta halaber, horretara bideraturiko jardueren sustapena eta antolaketa. 3. Zientzia, teknika, irakaskuntza eta ikerkuntzaren arloan euskara garatzeko ekintzak aurrera eraman ditzaketen erakundeekin elkarlana bideratzea. 4. Unibertsitate-gaiak ekoitzi eta gizartearen esku jartzea. 5. Euskal Komunitate zientifiko-intelektuala biltzea. 6. Gizarteari jakintza ezagutaraztea eta jakintza trukatzea Zientzia, Teknologia eta Berrikuntzaren Euskal Sistemako eragileen artean. 7. Euskal gizartearen arazoei ekarpen zientifikoekin erantzutea. 8. Edukiak euskaraz sortu eta hedatzea.

Estatutos - 05/06/2025 (892 KB)