• Clasificación: Socio-Económico
• Finalidad: Promociones Sectoriales
• 1. Landa-lngurunearen Garapenaren ekainaren 30eko 7/2022 Legean eta Bizkaiko Lurralde Historikoaren landa garapeneko xedapenetan batutako helburu orokorrak eta/edo arlokoak lortzea. 2. Honako helburu estrategikoak honeek lortzea: 2.1 EAEko landa-espazioa sustatzea eta babestea, bereziki nekazaritza-jarduerak okupatutakoa eta mendi-eremuak, EAEko lurraldea egituratzen dauen eta lurraldearen paisaia bereizgarriena osatzen dauen funtsezko elementu gisa. 2.2 Erakundeen arteko beharrezko koordinazioa bermatzea EAEko landa-eremuen jarduera ekonomikoa sustatu eta dibertsifikatzeko, herrialdearen ekonomia jasangarria garatu daiten laguntza emoteko eta landa-eremu horreetan biztanleria eta zerbitzuak ezarri daitezan, betibe landa-ingurunean funtsezkoa dan lehen sektoreko jarduera errespetatuz. 2.3 EAEko landa-biztanleen ongizate-maila hiri-biztanleen ongizate-mailarekiko parekatzea, bai eta landa-ingurunearen despopulatzeari eta zahartzeari buelta emotea bere, funtsezko faktorea baita Euskadiko gizartearen eta lurraldearen kohesiorako. Helburu horreek NBEren Garapen Jasangarriko Helburuakaz eta klima-aldaketaren aurka bu rru katzeko 2015eko Parisko Hitzarmenarekin bat etorriz bultzatuko dira. 3. Honako helburu orokor honeek lortzea: A) Euskal landa-gunea zaintzeko I) Euskal landa-gunearen lurralde-antolamendua behar bezala egitea, ikuspegi integrala, sistemikoa eta sektore anitzekoa eukiko dauen lurralde-garapeneko eredu jasangarri orekatu baten a rabera, ingurunea despopulatzea eta uztea saihestuz, indarrean dagozan lurraldearen antolamenduko tresnekin bat. II) Nekazaritza- eta basogintza-sektorearen jasangarritasuna eta funtzio-aniztasuna, euskal landagunearen kudeatzaile nagusia, aberastasun- eta enpleguiturria eta euskal gizartearentzako oinarrizko ondasunen hornitzailea dalako, lurraldearekiko errespetua dauen nekazaritzan oinarritutako ekoizpen ereduen alde eginez. III) Natura-ondarea eta paisaia zaintzea, ikuspegi integral batetik. lkuspegi horrek buztartu egingo dauz ingurumen-babesari, -kontserbazioari eta -leheneratzeari buruzko araudien betetzea baliabideen aprobetxamendu jasangarriagaz, garapen sozioekonomikoagaz eta gizarteak naturaguneez gozatzeagaz, horretan bizi diranen bizimodua eta jarduerak errespetatuz. IV) Energia sortzeko iturriak deszentralizatzea eta landa-ingurunea energiaz hornitzeko instalazino txikiak bultzatzea. Horreek bateragarriak izango dira ingurumena eta lurraldea zaintzeagaz eta mantentzeagaz. B) Euskal Autonomia Erkidegoko landa-eremuetan jarduera ekonomikoa sustatu eta dibertsifikatzeko. V) Euskal landa-ingurunean ekintzailetza eta barneekintzailetza sustatzea; xede horrekaz, enpresadinamismo endogenoa indartzea eta barrikuntzari lotutako ekintzailetza-agertoki barriak aurreikustea, bereziki lurralde adimendunaren («smart territory») testuinguru digitaletan, baita landa-eremuko balio-kate barriei lotutakoak bere, balio-kate horreek onura sozial argiak ekarriko bait dabez bioteknologiaren, ekonomia sozialaren eta ekonomia zirkularraren arlotik, eta lanpostu egonkorrak eta kalitatezkoak sortuko bait dabez. VI) Ekonomia dibertsifikatzea eta enpresak sortzea euskal landa-ingurunea, nekazaritza-jardueraz gain, hazkunderako indar handia daukien nitxo ekonomikoetan: turismo jasangarria, osasuna eta ongizatea, elikagaiindustria, gastronomia eta jatetxe-arloa, abenturako aisialdia, energia berriztagarriak, artisautzaren merkataritza eta abar. Balio erantsi handiko jarduera ekonomikoak sustatzea, hau da, materia eta energia globalen hornidura-kateetatik eratorritako inpaktuekiko erresilienteak diranak, landa-erakundeei aberastasuna sortzen deutseenak eta ingurumen eta klima-helburuak betetzen laguntzen dabenak. C) EAEko landa-biztanleen ongizate-maila hobetzeko eta biztanleria horren zahartzeari eta despopulazioari buelta emoteko. VII) Landa-inguruneko biztanleei bizi-kalitate ona bermatzeko beharrezkoak diren azpiegitura, zerbitzu eta ekipamendu publikoak hobetzea, hareetarako sarbidea bermatuz aukera-bardintasunean uri-inguruneko biztanleakaz. VIII) IKTak erabiltzea, landa-eremuetako biztanleen bizi-kalitatea eta lana hobetzeko nahiz landaingurunearen isolamendua arintzeko bidea dan aldetik. IX) Landa-ingurunean etxebizitzarako erispidea izatea, eremu bakoitzaren ezaugarri sozioekonomikoak eta paisaia eta ingurumen arloko ezaugarriak errespetatzen dauzan urigintza batean oinarrituta. X) Landa-ingurunearen natura, kultura eta identitate-ondare materiala nahiz immateriala babestea. Hain zuzen bere, nahitaezkoa da ondare hori kontserbatzea, indartzea eta balioan jartzea, etorkizuneko belaunaldiei begira. XI) Barrikuntza landa-ingurunean txertatzea, eraldaketa sozial, diziplina anitzeko eta sistemikoaren ardatza dalakoan. XII) Landa-ingurunean despopulazioaren aurka burrukatzea, zerbitzu espezifikoak emonez, bereziki hezkuntzan eta osasunean, seme-alabak daukiezan familiak finkatzen eta jaiotza-tasa handitzen laguntzeko. 4. Landa-inguruneko politika instituzionalen helburu sektorialak honeek lortzea: 4 .1. - lnstituzio eta erakunde eskudunek, koordinatuta, harreen jardueran artikulu honetan ezarritako helburu sektorialak lortzea izango dabe xede, eta kontuan hartuko dabe Landa-lngurunearen Garapenaren ekainaren 30eko 7/2022 Legearen 7. artikuluaren arabera gerora erregelamendu-garapen bidez ezarriko dan landaeremuen karakterizazioa. 4.2. - Helburu horreek lagungarriak izan beharko dabe landaingurunea nahiz landa-ingurunearen arazoak eta funtzionaltasuna ikuspegi orohartzaile batetik ikusteko; bide horretatik, diskriminazino positiboa eta haztapen malgua ahalbidetu beharko dabez politika sektorialak modu malgu batean aplikatzerakoan, populazio-arloan edo erabiltzaileen arloan erispide ekonomikoak do gitxieneko atalaseak erabiltzeari jagokonez. 4 .3. - Honako honeek dira helburu sektorialak: A) Lurralde-antolamenduaren arloan. I) Bidea emotea Lurralde Antolamenduko Gidalerroak (LAG), lurralde-plan partzialak (LPP), lurralde-plan sektorialak (LPS) eta uri antolamenduko plan orokorrak (HAPO) onartzeko edo berrikusteko prozesuak landagunea zaintzeko lagungarriak izan daitezen, eta Landalngurunearen Garapenaren ekainaren 30eko 7/2022 Legearen 9 . artikuluan aurreikusten diren lurralde-garapeneko programetan (LuGP) jasotako beharrizan eta estrategiak kontuan hartu daitezan horreek idaztean. II) Nekazaritza eta Basozaintzako Lurralde Plan Sektorialean eta Euskadiko Nekazaritza eta Elikagaigintza Politikakoaren abenduaren 23ko 17/2008 Legeko II. titulutik sortutako araudian jasotzen diren tresnak, nekazaritza-lurrak babestekoak, garatzea eta aplikatzea, tresnok funtsezkoak baitira nekazaritza-lurrak bertan behera uztea eragozteko eta haren artifizializazinoa saihesteko, elikagaien hornidurarekiko betetzen daben funtzinoa babestua. III) Euskal Autonomia Erkidegoko Lurralde Antolamendurako Batzordearen barruan adierazotea eta adostea landa-gunea kontserbatzeari jagokonez antolamendurako edozein tresnatan kontuan hartu beharko diran erispideak. B) Nekazaritzaren, basogintzaren eta elikaduraren arloan. I) Nekazaritza sektorearen lehiakortasuna handitzea, eta horretarako produktuen berezitasunerako pizgarriak emotea kalitatean, ingurumen-jasangarritasunean eta elikadura-segurtasunean oinarrituta; ekoizpen naturala eta ekologikoa sustatzea; sektorea egituratzen laguntzea asoziazionismoaren eta kooperatibismoaren bidez, eta merkataritza-sustapena egitea sektorearen produktibitatea nahiz ekoizpen-kostuak optimizatzeko, arreta berezia eskainita garapen endogenoko jarduketei eta merkaturik hurbilenetan egin beharreko sustapenari. Lehentasunezko arreta eskainiko jake familia-ustiategiei, bereziki harreen titularra emakumea edo nekazari gaztea danean. II) Baso-kudeaketa jasangarria eta orekatua bultzatzea, baso autoktonoak eta jarduera tradizionalaren osagarri izango diran aukera-nitxo barriak sustatuz eta enplegu egonkorrak, seguruak eta kalitatezkoak sortuz eta mantenduz, horretarako bitartekoak ezarrita. III) Euskadiko Gastronomia eta Elikadura Planarekin koordinatuta, nekazaritzako elikagaien industriaren garapena indartzea, bereziki lehen sektorearen eragile dan horren garapena, eta elikaduraren balio-katean integrazino bertikala egiteko prozesuak bere bai; horren haritik, balio-kate horretan garrantzi handiagoa emongo jake ekoizleei, gastronomia-ondarea errebalorizatzeko eta balio erantsi handiagoa sortzeko bitartekoak diralako. IV) Nekazari-errentari eusten laguntzea, Nekazaritza Politika Erkidearen finantza-baliabideak optimizatuz eta behar bezala kudeatuz. V) Belaunaldi-aldaketa bultzatzea sektorean, familianekazaritzarekin batera, eta emakumezko nekazariei protagonismo handiagoa emotea, Emakume Nekazarien Estatutuari buruzko urriaren lSeko 8/2015 Legean xedatutakoagaz bat. VI) Erraztea eta ikuskatzea lehen sektoreak ekoizpenkostuak baino prezio handiagoak jasotzen dauzela bere produktuen truke, horrela ezartzen bait dabe Estatuko araudiak (Elikadura Katearen Legea) eta Europakoak, sektore bideragarri eta lehiakorrari eusteko helburuagaz. VII) Euskal nekazaritza-ekologiako ondarea mantentzea eta bultzatzea. VIII) Lehen sektoreko produktuak azken kontsumitzaileari zuzenean saltzea sustatzea, banaketaeta merkaturatze-kanalak sustatuz. IX) Europar Batasunaren Baserritik Mahaira estrategia babestea eta hori garatzen laguntzea. X) Kontratazio publiko arduratsuko baldintza-agiriak sustatzea, gizarte- eta ingurumen-erispideak lehenesteko helburuagaz. C) Natura-ondarearen eta ingurumenaren kontserbazioaren arloan. I) lraunarazoteko eta leheneratzeko lanetan laguntzea ekosistemetan eta ekosistemen zerbitzuetan, bereziki Natura 2000 Sareko gune eta habitatetan, bai eta abian jartzen diran ekintza-planetan katalogautako paisaietan ere. Horretarako, kudeaketako plan eta tresnak bateragarri egingo dira basogintza- eta abeltzaintza-arloko eta ekonomia arloko jarduera tradizionalekin; jarduera ekonomiko berriak garatzean, barriz, kontuan hartu beharko da gune horreek kontserbatu behar dirala eta euskal herritarrek espazio horreetaz gozatzea. II) Naturagune babestuek eta, bereziki, Natura 2000 Sareak sorrarazten dituzten aukerez eta kanpo-efektuez baliatzea landa-eremuetako jarduera ekonomikoa dibertsifikatu eta sustatzeko. III) Euskadiko 2030erako Biodibertsitate Estrategia eta Europar Batasuneko 2030erako Biodibertsitateari buruzko Estrategia garatzen laguntzea. IV) lngurumena babesten laguntzea, ingurumenaren hondaketari aurrea hartuz eta kaltea jasan dauen lekuetan leheneratzeko bidea emonez, uraren, lurzoru emonkorraren, biomasaren, biodibertsitatearen eta paisaiaren kudeaketa iraunkorraren bitartez, giza jardueren eta lurraldearen kontserbazioaren arteko oreka bilatuz. V) Klima-aldaketaren arloko EAEko helburuek Europar Batasunaren helburu klimatikoekin lerrokatzea. VI) Neurri jasangarriak sustatzea ekosistemen zerbitzuak eta nekazaritzako eta basogintzako jarduerak ingurumenaren arloan ekarritako beste kanpo-efektu positibo batzuk bultzatzen laguntzeko, eta horren aintzatespen soziala erraztea. D) Landa-inguruneko sare ekonomikoaren dibertsifikazioaren eta enplegu-sorreraren arloan. I) Kalitatezko enplegu egonkorra sortzen sustatzea eta laguntzea, landa-eremuetako biztanleek aukera bardinak izan dagiezan. Horretarako, arreta berezia jarriko da emakumeentzako, gazteentzako eta enplegua lortzeko zailtasunak dituzten beste kolektibo batzuentzako programa espezifikoen garapenean. II) Ekintzailetzari eta landa-ingurunean eragina daukien enpresen sorrerari laguntzen dautsien funts, programa eta jarduketa instituzionalak koordinatzea, kalitatezko enplegu egonkorra sortzeko eta mantentzeko. III) Lanaren antolaketarako eredu barriak garatzen laguntzea. Horretarako, oinarri hartuko da ekonomia soziala, solidarioa eta lankidetzakoa. Harreen garapenaren bidez, kalitatezko enplegua lortzeko eta belaunaldien arteko erreleboa eta emakumeen parte-hartzea bultzatzeko, informazioaren teknologia berriek, berrikuntza teknologikoek, bioekonomiak, digitalizazioak, 4.0 industriak, 4.0 nekazaritzak eta 4.0 abeltzaintzak eskaintzen dabezan aukerak aprobetxatuko dira. IV) Euskal landa-ingurunean enpresa txiki eta ertainak eta mikroenpresak atzitzeko eta egonkortzeko tresnak eta ekipamenduak bideratzea; horretarako oinarrizko zerbitzuak txertatzea, esaterako finantza-, aseguru-, aholkularitza- eta kudeaketa-zerbitzuak, enpresa-bilbeari testuinguru trinkoa eta fidagarria ziurtatzeko eta, halan, testuinguru horretatik abiatuta lan egiteko. V) Landa-ingurunean guneak gaitu eta dinamizatzea, gune fisiko nahiz birtualak, non ekintzaileek euren ekintzailetza-prozesua garatu ahalko daben, arlo publikoaren eta pribatuaren arteko elkarlana sustatuz eta gune horreen sareko kudeaketa bultzatuz. VI) Landa-turismo jasangarria sustatzea, bai eta jarduera horreri lotutako jarduera ekonomikoak bere, esaterako, gastronomía, merkataritza, tokiko merkatuei lotutako ekipamenduen modernizazinoa, nekazaritzaturismoak, kanpinak, landetxeak eta ostatu-eskaintzako beste modalitate batzuk. Horretarako, landako ostatuestablezimenduen garapena bultzatuko da, masifikazioa saihesteko etajarduera tradizionalak eta natura-ingurunea errespetatzeko helburuagaz. VII) Ekosistemak eta ekosistemen zerbitzuak iraunarazoteari eta leheneratzeari lotutako jarduera ekonomiko jasangarriak bultzatzea, eta biztanleriaren osasuna eta ongizatea hobetzen laguntzen dabezanak be bai. VIII) Prestakuntza-programak garatzea, ekintzailetza eta barne-ekintzailetza sustatzeko eta landa-ingurunean enpresa-dinamismoa indartzeko. IX) Emakumeen presentzia handiagoa sustatzea landa-inguruneko enpresa, kooperatiba, alkarte eta, orokorrean, erakundeen erabaki-organoetan, ingurune horretan emakumearen ahalduntzea indartzeko. X) Landa-ingurunean lehen mailako jarduera dibertsifikatzen eta jarduera barriak garatzen laguntzea. XI) Landa-ingurunean lehendik dagozan jarduerak indartzea, harreen modernizazioa bultzatzea eta jarduera barriak ezartzea ahalbidetuko dauen politika fiskala garatzea. E) Landa-nukleoetako eta landa-entitateetako oinarrizko azpiegituren arloan. I) Energia barriztagarri eta jasangarriei lotutako azpiegituren garapena indartzea, bereziki baso-biomasa erabiltzen daben azpiegiturena, helburu hirukoitz bategaz: Euskadiren energia-nahikotasuna handituko duten energia-forma garbiak sortzea; ekonomiaren garapenerako nitxo barriak inplementatzea, eta basoazalera handien kudeaketa ziurtatzea, holan arrisku naturalak saihestuz eta lurraldearen iraunarazopenean lagunduz, eta iturri barriztagarri eta jasangarrietatik sortutako energiaren autosorkuntza eta autokontsumoa erraztea, bai landa-guneetan, bai nekazaritza eta abeltzaintzako ustiategietan. II) Kalitatezko oinarrizko azpiegituren sare bat bultzatzea, zeinak bermatuko bait dau landa-inguruneko biztanleriak ur-, saneamendu-, telekomunikazio- eta elektrizitate-hornidura zerbitzuak eskuratu dagiazan. III) Landa-eremuetako mugikortasuna erraztea eta, horretarako, errepide- eta bide-sarea eta garraio publikoa hobetzea, eta landa-eremuetako biztanleriaren egoerari eta beharrizanei egokitzen jakezan sistema alternatiboak sustatzea, mugikortasun jasangarria bultzatuz. IV) Landa-entitate, -udalerri eta -eremuetan ibaiarroak atontzeko eta leheneratzeko proiektuetan laguntza e matea. V) Lantegiak, eraldaketa-zentro txikiak, hiltegiak eta antzeko azpiegiturak sustatzea, ekoizpen-eredu jasangarriagoak bultzatzeko, etorkizunean elikadura-autosufizientzia handitzeko eta O km-ko elikagai seguru, osasungarri eta kalitatezkoen hornitzaile izateko. F) Etxebizitzaren arloan. I) Kalitatezko etxebizitza-politika bat bultzatzea, landaingurunearen beharrei eta aukerei egokituta, ingurune hori ohiko bizileku gisa erakargarri bihurtuko dauena, espekulazioa saihestuko dauena eta landa-inguruneko gazteei bidea emongo deutsena etxebizitza eskuratzeko. II) Landa-inguruneko biztanleria mantentzea eta handitzea. Xede horrekaz saihestuko da biztanleriak eremu horreek uztea eta populazio-dentsitate handiagoko beste batera joatea; gutxieneko biztanleriari bide emongo jako, iraunarazoteko eta zerbitzu barriak abian jartzeko, bereziki osasun- eta hezkuntza-zentroak, eta populazio barria kokatzea erraztuko da, modu ordenatuan. III) Ondare higiezina hobetzen eta kontserbatzen laguntzea, eta halan, ondare horren nortasun kulturala zaintzea. G) Hezkuntzaren, kirolaren eta kulturaren arloan. I Behar diran zerbitzuak ezartzea landa-eremuko biztanleriak hezkuntza-eskaintza behar bezala eskura dagian bultzatzea, biztanleria horren berezitasunak kontuan hartuko dabezan erispide eta baremoak erabiliz, bereziki derrigorrezko irakaskuntzari jagokonez, urrunen dagozan eta tamaina txikiena daukien biztanle-guneetan. II) lrakaskuntzaren kalitatea sustatzea, euskal landaingurunearen eta, batik bat, lehenengo sektorearen berezitasunei egokitzen jakezan hezkuntza-arloko eredu, teknika eta jarraibide berritzaileetara joz; eredu, teknika eta jarraibide horreek, era berean, landa-eremuetako biztanleek ezagutzeko eta baloratzeko modukoak izango dira, eta lehentasun gisa eremu horietako emakumeen eta gazteen prestakuntza eta gaikuntza bultzatuko dabez. III) Landa-eremuetako biztanleen unibertsitateko, lanbideko eta lanerako prestakuntza sustatzea, biztanle horreen beharrizan zehatzei egokitutako prestakuntza garatuz. IV) Hezkuntza-, kirol- eta kultura-ekipamenduak orokorrean antolatzeko bidea emotea, eta horretarako, balio eta funtzio anitzeko ekipamenduak sustatzea, eta dagozan desorekak zuzentzea. V) Landa-eremuko kulturaren eta onda rearen ezagutza, zabalkundea eta balioa sustatzea, gizarteak orokorrean landa-ingurunean dagozan prozesu eta balicen barririk ez daukala-eta, egoera hori gainditzeko modua dalakoan. VI) Landa-eremuetako natura-, historia-, kultura- eta paisaia-ondarea berreskuratzea, kontserbatzea, garatzea eta zabaltzea, euskeraren erabilera eta sustapena zeharka bultzatuz. H) Osasunaren eta gizarte-ongizatearen arloan. I) Osasun-baliabideak urrunen dagoza eta tamaina txikiena daukien landa-guneetako biztanleengana modu progresiboan hurbilduko dauzan osasun-eskaintza sustatzea, bereziki lehen mailako arretan, pertsona nagusiei eta behar bereziak daukiezan artatze egoki bat eskainiz. II) Landa-eremuko biztanleriaren beharrizanei erantzuteko bereziki diseinatutako farmazia-eskaintza sustatzea. III) Landa-entitate eta -udalerrietan jarduten daben Euskal Osasun Sistemako profesionalei eta zentroei bitarteko eta teknologia modernoak eskura jartzea; bereziki, telemedikuntza. IV) Gizarte-ongizateko ekipamenduen garapenean laguntzea, talderik kalteberenei arreta berezia emanda. I) IKTen arloan. I) Telekomunikazio-azpiegituren hedapena bultzatzea eta horretarako bidea emotea, modu berean Euskal Autonomía Erkidegoko lurralde osoan, eta bereziki azken teknologiako banda zabala hedatzea, landa-eremuko eragileek globalizazinoan sartzeko eta parte hartzeko aukera izan dagien, halan saihestuko bait da uriko lurraldearen eta landa-eremuko lurraldearen arteko arrakala digitala. II) Landa-inguruan zerbitzuak diseinatzeko eta garatzeko sistema barriak ikertu eta bultzatzea, IKTak nahiz lurraldean banda zabalak daukan hedapena baliatuz, eta ordezko konponbideen bilaketan proaktiboak izanez. III) 4.0 nekazaritza eta 4.0 abeltzaintza sustatuko dira, akademiarekin eta tokiko enpresekin elkarlanean. Teknologia digitalak landa-ingurunearen garapenean nekazaritza- eta abeltzaintza-sektorea sendotzeko eta hobetzeko erabiliko dira, sektorean beharrezko dan sarea sortuz eta baliabide digitalak zein harreen erabilerarako beharrezko prestakuntza helburu horren eskura jarriz. J) Berrikuntzaren arloan I) Landa-eremuetako eragileen arteko lankidetza bultzatzea, ikerkuntzako eta berrikuntzako ekintzek benetako beharrizanak bete dagiazan. II) Gaikuntzarako, prestakuntzarako eta trebetasunen garapenerako tresnak eskura jartzea, landainguruneko eragileek berrikuntza baliatu ahal izan dagien eta berrikuntza-prozesuetan gaitasun proaktiboa euki dagien. Horrekaz batera, prestakuntza hori euskeraz jasotzeko eskubidea bermatuko da. III) Ezagutzaren sozializazioa sustatzea, akademiaren, ikerketaren eta aholkularitzaren esparruetatik nekazaritza-elikaduraren sektorera transferitzen dala ziurtatuz, baita esparru akademikoari nekazaritza-sektorearen behar zehatzak helarazotea bere. Horrez gain, ezagutzaren trukea erraztea azken erabiltzaileen eta elikaduraren baliokateko mailen artean. IV) Euskal landa-ingurunean berrikuntza sozialaren eredu jakin bat garatzea; eredu horren oinarriak dira eragile anitzeko ikuspegiak, baterako sorkuntza, herritarren zientzia eta arlo publikoaren eta pribatuaren arteko elkarlan-formula barrien aldeko apustua. V) Talentua landa-eremuetara erakartzeko bide egokiak prestatzea, ekintzailetza bultzatuz eta enpresa berritzaileei inguru horreetan kokatzeko erraztasunak emonez. VI) Gastronomia eta elikaduraren balio-katearen digitalizazio integrala sustatzea, lurralde adi- mendunaren euskal estrategiarekin bat etorriz.

Estatutos - 19/04/2024 (13400 KB)