Ohiko galderak: INGURUNET - Ingurumen-izapidea hautatzea
- Ingurumen-arloko jarduketa bat egin behar dut, baina ez dakit INGURUNETen zer izapide hautatu behar dudan. Nola identifika dezaket?
- Behar dudan izapidea ez da agertzen eskaera bat hastean. Zer egiaztatu behar dut?
- Izapidea argitaratutako informazioan agertzen da, baina INGURUNETen itxita dagoela adierazten da. Beste prozedura bat erabil dezaket?
- Aurreko baimen edo komunikazio batekin lotutako dokumentazioa aurkeztu behar dut. Eskaera berri bat hasi behar dut?
- Ingurumen-ebaluazioa eskatu nahi dut, baina prozedura ez da agertzen has ditzakedan izapideen artean. Zer egin behar dut?
- Aldizkako txosten edo adierazpen bat aurkeztu behar dut, baina antzeko hainbat prozedura agertzen dira. Zein hautatu behar dut?
Eskaera hasi aurretik, kontsultatu dagokion ingurumen-arloko prozedurari buruzko informazioa. Egiaztatu bereziki:
- baimen edo inskripzio berri bat eskatu behar duzun;
- jarduera bat edo aldaketa bat jakinarazi behar duzun;
- txosten bat, aldizkako adierazpen bat edo bestelako dokumentazioa aurkeztu behar duzun;
- jarduketa hasita dagoen espediente bati dagokion;
- jarduketa horretarako prozedura espezifikorik dagoen.
Hautatu egin behar duzun jarduketarekin bat datorren prozedura. Baimenak, komunikazioak, aldaketak, txostenak eta bajak ez dira izapide baliokideak.
Ezin baduzu zehaztu zer prozedura aplikatu behar den, ez hasi eskaera beste izapide batean. Kontsultatu aurretik honako helbide honetan: ingurumena@euskadi.eus.
- Ohiko kasua:
- Enpresa batek baimendutako jarduera batean izandako aldaketa jakinarazi behar du. Izapidea hautatu aurretik, aldaketa horretarako prozedura espezifikorik dagoen egiaztatu behar du. Ez du automatikoki baimen-eskaera berri bat hasi behar.
- Ohiko akatsa:
- Prozedura bat ingurumen-arlo egokikoa delako bakarrik hautatzea, zer jarduketa egiteko aukera ematen duen egiaztatu gabe. Arlo berean prozedura desberdinak egon daitezke eskaerak, komunikazioak, aldaketak, txostenak, ez-betetzeak edo bajak izapidetzeko.
Egiaztatu, hurrenkera honetan:
- Entitate egokiaren izenean ari zarela.
- Jarduketari dagokion zentroa hautatu duzula.
- Prozedura aurkez dezakeela sartu zaren pertsona- edo entitate-motak.
- Prozedura une horretan irekita eta erabilgarri dagoela.
- Jarduketa zuk hasi behar duzula, eta ez beste administrazio edo organo eskudun batek.
Egiaztapen horiek zuzenak badira eta izapidea oraindik ez bada agertzen, jakinarazi gorabehera laguntza-zerbitzuari. Adierazi entitatea, zentroa, NIMA, egin behar duzun prozedura eta, ahal bada, erantsi izapidea agertu beharko litzatekeen pantailaren irudi bat.
- Ohiko kasua:
- Pertsona ordezkari gisa sartzen da, baina entitatea edo zentroa ez daude INGURUNETen sortuta. Ordezkaritza baliozkoa izan arren, ezin izango du zentro horretarako izapidea hautatu beharrezko datuak alta emanda egon arte.
- Ohiko akatsa:
- Izapidea ez dagoela pentsatzea, benetako arazoa norberaren izenean, beste entitate baten izenean edo dagokiona ez den zentro baten gainean jardutea denean.
Ez erabili beste prozedura bat dokumentazioa aurkeztu ahal izateko soilik. Izapide batzuk aurkezteko ezarritako epean baino ez dira egoten irekita.
Egiaztatu prozedura eta ekitaldi egokiak hautatu dituzula. Argitaratutako informazioak epea irekita dagoela adierazten badu, baina INGURUNETen prozedura itxita agertzen bada, jakinarazi hemen: ingurumena@euskadi.eus.
Epea benetan amaitu bada, ingurumen-zerbitzu eskudunaren jarraibideak bete beharko dituzu. Beste prozedura bat irekita egoteak ez du esan nahi helburu bererako erabil daitekeenik.
- Ohiko akatsa:
- Dokumentazioa komunikazio orokor baten edo beste ingurumen-izapide baten bidez aurkeztea, prozedura espezifikoa itxita dagoelako. Dokumentazioa dagokiona ez den jarduketa bati lotuta gera daiteke.
Egin behar duzun jarduketaren araberakoa da.
Dokumentazioa errekerimendu bati, zuzenketa bati edo irekita dagoen espediente bateko jarduketa bati erantzuteko bada, espediente horretan aurkeztu behar duzu, horretarako gaitutako aukeraren bidez.
Komunikazio berri bat, aldaketa bat, aldizkako txosten bat, berritze bat, baja bat edo prozedura propioa duen beste jarduketa bat bada, dagokion izapide espezifikoa hasi behar duzu.
Eskaera berri bat sortu aurretik, egiaztatu dokumentazioa lehendik dagoen espediente bati dagokion eta espediente horretan egiteke dagoen jarduketarik duzun.
- Ohiko akatsa:
- Eskaera berri bat hastea dagoeneko irekita dagoen espediente bateko errekerimendu bati erantzuteko edo espedientea zuzentzeko. Horren ondorioz, dokumentazioa ez da behar bezala lotzen egiteke dagoen jarduketarekin.
Proiektuen ingurumen-ebaluazioko prozeduretan, organo substantiboari dagokio ingurumen-organoari eskaera egitea, eta ez zuzenean sustatzaileari.
Sustatzaileak dokumentazioa proiektuaren baimena izapidetzen duen organo substantiboaren aurrean aurkeztu behar du. Organo horrek egingo dio eskaera ingurumen-organoari, hala dagokionean.
Horregatik, ingurumen-ebaluazioko prozedura baliteke sustatzaileak INGURUNETen zuzenean has ditzakeen izapideen artean ez agertzea.
- Ohiko akatsa:
- Prozedura ez agertzea sarbide-arazo edo INGURUNETeko gorabehera bat dela pentsatzea, eta sustatzaileari sarbidea gaitzeko eskatzea.
Hautatu betebehar-motari eta adierazpen-aldiari dagokien prozedura.
Egiaztatu honako hauek:
- ingurumen-arloa;
- aurkeztu behar duzun dokumentu-mota;
- dagokion ekitaldia edo aldia;
- aurkezpena zentroaren titularrak edo erakunde laguntzaile batek egin behar duen;
- prozedura adierazpen bat, txosten bat, komunikazio bat edo lehendik dagoen espediente bati dokumentazioa eranstea den.
Ez erabili beste ekitaldi bateko prozedura edo aukera orokor bat, izapide espezifiko bat badago.
- Ohiko kasua:
- Entitate batek aurreko urteari dagozkion datuak aurkeztu behar ditu. Adierazpen-aldi horretarako gaitutako prozedura hautatu behar du, eta ez aurreko espediente bat edo dokumentuak eransteko soilik den aukera bat.
Azken aldaketako data: