Eusko Jaurlaritza

BakQ: ohiko galderak

Pertsona fisikoak identifikatzeko bitartekoa ere bada, kautotzeko eta sinadura elektronikorako. Honako hauek osatzen dute:

  • Identifikatzaile bat, erabiltzailearen NANarekin/AIZrekin bat datorrena.
  • Pasahitz bat. (Bak-ekin partekatua)
  • Koordenatuen jokoa, 16 posiziokoa (2021eko otsailaren 2a baino lehen eskatu bazenuen) edo SMS bidez telefono mugikorrera bidalitako kode bat.
  • Eta biltegi zentralizatu batean jaulkitako ziurtagiri kualifikatua, sinadura-egintzetarako baliagarria izango dena.

 Azken batean, Bak da, segurtasun-elementu bat gehituta: koordenatuak. Eta izaera juridiko handiagoa duen “hodeiko” ziurtagiri bat.

 BakQ baldin baduzu, Bak erabiltzeko aukera ere baduzu. Alderantziz ez da gertatzen, Bak beheragoko mailakoa baita.

Identifikaziorako bitarteko OSAGARRIAK dira.

Bi maila edo bertsio daude. Oinarrizkoa, kritikotasunik gabeko zerbitzu eta izapideak egiteko: Bak (NAN/AIZ + pasahitza) eta BakQ, maila bat goragokoa, gure transakzioetan segurtasun handiagoa eskaintzen diguna, baina erabiltzeko sinpletasun berberarekin.

BakQ baldin baduzu, oinarrizko mailako Bak ere beti eskuragarri dago erabiltzeko.

Alderantziz ez da gertatzen. Bak izan dezakezu, baina ez BakQ, horretarako eskaera berria egin behar baita beste eskakizun batzuekin.

 

Euskal administrazioen zenbait zerbitzutan kontsultak eta tramiteak online egiteko aukera ematen du. BakQren kasuan, segurtasun maila handiagoa da, beraz, izapide eta zerbitzu gehiagotara sartzeko aukera eskaintzen du.

Ziurtagiri kualifikatu bat denez gero, aurrez aurreko identifikazioa egin behar da.

  • Errazena da aurrez aurreko arreta-puntu hauetako batera hurbiltzea eta bertan eskatzea. Proposatzen dizugun mapan aurki dezakezu hurbilen duzun arreta-puntua, bertan BakQ bitartekoa eskatzeko aurrez aurreko arreta ematen duten entitateak ageri dira.

    BAKQ BITARTEKOA ESKATZEKO PUNTUEN MAPA

  • Zure eskaera gure bideo-identifikazio zerbitzuaren bidez has dezakezu.
  • Izenperen herritarren ziurtagiria baduzu (txartel berdea), aurrez aurre lortua, edo NAN elektronikoa baduzu, online eska dezakezu zure BakQ, online eskaerak ataletik.

 

Ez, inolaz ere ezin du hirugarren batek BakQ eskaera bat izapidetu beste baten izenean, ezta ordezkaritza legal, tutoretzako edo antzekoen kasuetan ere.

Kasu horietan, ordezkariak BakQ eskatu beharko du eta ordezkaritza aurrez aurre aurkeztu beharko du dagokion zerbitzuaren aurrean.

Arreta-puntu batean eskaera osatu ondoren, email bat bidaliko dugu. Bertan ikusiko duzu jaulkipen- eta aktibazio-prozesurako esteka bat.

Jaulkipen- eta aktibazio-prozesua oso erraza da:

  1. SMS bat bidaliko dugu pasahitz batekin. Pasahitza aldatu egin beharko duzu eta berri bat, gogoratzeko erraza den bat, jarri.
  2. Datu pertsonalak egiaztatu eta BakQren erabilera-baldintzak onartu beharko dituzu.
  3. Lehen aldiz kautotu beharko duzu hodeiko sinadura-ziurtagiria jaulki ahal izateko.
  4. BakQ prest egongo da behar dituzun onlineko harremanetan kautotzeko eta sinatzeko.

Kautotzeko pantailan bertan agertzen den estekaren bidez berreskura daiteke pasahitza.

 

Edo Izenperen zerbitzu-ataritik:

https://servicios.izenpe.com/jbbak/?lang=EU

Izenpek erabilera bakoitzean jakinaraziko dizu, BakQ iraungitze-data baino 30 egun lehenagotik, eta hura berritzeko egin beharreko urratsak adieraziko dizkizu.

Iraungitze-data iritsiz gero eta berritu ez badugu, BakQ berria eskatu beharko dugu, lehen aldiko pauso berberak emanez.

Berritzean, bigarren faktorea (koordenatu-jokoa) telefono mugikorrera bidaliko zaizun SMS batez ordezkatuko da, etorkizunean egingo dituzun erabileretarako. Horregatik, erabilitako telefono mugikorreko zenbakia BakQren titularrarena eta harena bakarrik izatea eskatuko da, ezingo da beste erabiltzaile batekin partekatu.

Bai, koordenatuak erabili ordez bigarren faktorea telefono mugikorrera bidalitako SMS bidezkoa izatea nahi baduzu, BakQren kudeaketa-paneletik egin dezakezu aldaketa.

EZ. Segurtasun-baldintzek eskatzen dute bai pasahitzaren berreskurapena jasotzen dugun posta elektronikoa, bai SMS bidezko erabilera bakarreko kodea jasotzen dugun telefono mugikorra bakarrak izatea pertsona bakoitzarentzat.
Pertsona bakoitzaren identitate bakarra ziurtatzeak, eta ez hirugarren bat, ezinbestekoa egiten du ukipen-puntuen bakartasuna autentifikazio-faktoreetarako (pasahitza eta erabilera bakarreko kodea), eta horregatik ezin dira partekatu.

BakQ berritzean emaila beste erabiltzaile batek erabiltzen duela detektatuz gero, zuk soilik erregistratutako beste batekin aldatzeko eskatuko dizugu.

BakQ berritzean telefono mugikorra beste erabiltzaile batek erabiltzen duela detektatuz gero, bi aukera izango dituzu:

  • Partekatu gabeko beste telefono zenbaki batekin aldatu.
  • Berarekin jarraitu. Pasahitza bidalita zurea dela egiaztatuko dugu eta beste erabiltzailearen BakQ ezeztatu egingo da segurtasunagatik. Pertsona horri emailez jakinaraziko diogu.

Konfiantzako zerbitzuak arautzen dituen legeriak ez du aurreikusten pertsona fisikoaren ordezkariaren ziurtagiririk dagoenik; beraz, notario-ahalordeak ez dira baliozkotzat jotzen hirugarren baten izenean jarduteko.

Kasu horretan, jardulearen ziurtagiria ordezkatutako pertsonarekin lotuko litzateke, administrazio bakoitzean horretarako dagoen Ordezkarien Erregistroaren bidez, eta ordezkari gisa jardutea.

Izenperen zerbitzuko ataritik aldatu eta eguneratu daitezke Izenperekin harremanetan jartzeko datuak, Bak/BakQ kudeaketa-panelera sartuta.

 Gogoan izan! Ezin duzu emaila edo telefono mugikorra BakQren beste erabiltzaile batekin partekatu.

Harremanetarako email-helbidea bezala, mugikorreko aldaketak Izenperen zerbitzuko ataritik egin daitezke, Bak/BakQ kudeaketa-panelera sartuta.

Gogoan izan! Ezin duzu emaila edo telefono mugikorra BakQren beste erabiltzaile batekin partekatu.

Ez. Bak/BakQ identifikazio elektroniko pertsonaleko bitartekoa da; beraz, pertsona bakoitzak bakarra izango du eta norberarena eta transferiezina izango da.

Ez, behin koordenatuetatik SMSrako aldaketa egindakoan ezin da berriz koordenatuen bidezko BakQ erabili. Hasieratik SMS bidezko kodea erabiltzen duten BakQ ziurtagirien kasuan ere ezin da koordenatuen jokoa lortu BakQrako.

Bai, NAN/AIZ eta pasahitza eskatzen den pantaila berean dago aukera: Pasahitza ahaztu duzu? Estekaren bidez, berehala emailera bidaliko dizugu baliozko pasahitz berria, izapidearekin jarraitu ahal izateko.

Bada aukera bat hemen ere: https://servicios.izenpe.eus/jbbak/

BakQ identifikazio elektronikorako baliabide bat zenuen. Zure Bakq-eko pasahitza berreskuratzeko, beste pertsona batek erabiltzen duen telefono mugikor bat behar zen.

Bidalketa horien segurtasunagatik, zure BakQ baliogabetu dugu, hau da, ezin da erabili.

Eta orain zer egin dezaket?

BakQ berri bat behar izanez gero, errazena aurrez aurreko arreta-gune hauetara jotzea da, eskatzeko. Hurbilen duzun eskaera-puntua bila dezakezu proposatzen dizugun mapan. Bertan, BakQ eskatzera zein erakundetara joan nahi duzun agertuko da.

BAKQ BITARTEKOA ESKATZEKO PUNTUEN MAPA

Gogoan izan puntu horietako askotan aurretiko hitzordua behar dela. Gainera, NAN/AIZ edo pasaportea indarrean duen pertsonara joan beharko duzu, eta, azkenik, alta-prozesuan eskatuko dizkizugun helbide elektronikoko eta telefonoko harreman-datuek bakarrak eta ez partekatuak izan beharko dute.

Langileak prozedura honi jarraituko dio:

  1. Eskatzaileak identifikazio- eta sinadura-bitarteko bat eskatzearen eta behar bezala erabiltzearen kontzeptua eta norainokoa ulertzen dituela egiaztatzea.
  2. Bitartekoa emateko eskaera sinatzeari dagokionez, ezgaitasunak sinatzea galarazten badio, langileak horren berri emango du.
  3. Azkenik, langileak identifikazio- eta sinadura-bitartekoa emango dio eskatzaileari, eta sinatzaileak kontrol esklusiboa izateko baldintzaren berri emango dio.