Urteko kontuak Euskal Autonomia Erkidegoko Fundazioen Erregistroan aurkeztea
- Egoera:
Deskribapena
Fundazioek bere jardueren kontabilitatea eraman behar du, era ordenatu eta egokian. Derrigorrez, honako liburuak osatu beharko dituzte: patronatuko bileren Akta-Liburua, Eguneroko Liburua, Inbentario Liburua eta Urteko Kontuen Liburua.
Patronatuak urteko kontuak onartuko ditu. Akordio hori jasotzen duen ziurtagiria Babesletzari aurkeztuko dio urteko lehen seihilekoan. Beharrezkoa den kasuetan, kontuen ikuskaritza-txostena ere aurkeztuko da ziurtagiriarekin batera.
Urteko kontuek honako dokumentuak jasoko dituzte: inbentarioa, egoera-balantzea, ekintza-memoria eta aurreko ekitaldiko sarrera eta gastu-aurrekontuaren likidazioa. Memoria horrek argi arrazoitu eta adierazi beharko du zein ekintza burutu diren ekitaldi ekonomiko horretan fundazioaren helburua betetze aldera. Gobernu-organoan eta ekonomia-kudeaketan egin diren aldaketak ere jaso beharko dira txostenean.
Nori dago zuzenduta
Fundazioak
Urteko kontuak Euskadiko Autonomia Erkidegoko Fundazioen Erregistroan aurkeztea.
Kontuak nahitaez onartu behar ditu Patronatuak, eta, urtearen lehen seihilekoan, eta Euskal Autonomia Erkidegoko Fundazioen Erregistroan aurkeztu beharko dizkio urteko kontuak onartu eta 30 egunen buruan, gordailatu daitezen:
- Kontuak (balantzea, emaitzen kontua, memoria eta irabazi asmorik gabeko kontabilitate planak ezarritako gainontzeko dokumentuak)
- Era berean, Euskal Autonomia Erkidegoko Fundazioei buruzko 33.artikuluan ezarritako ezaugarriak betetzen dituzten fundazioek ikuskaritza txostena aurkeztu beharko dute.
- Erregistro datu eguneratuen ziurtagiri bat aurkeztuko dute. Ziurtagiria ez da urteko kontuen parte izango.
- Fundazioak aldi baterako finantza-inbertsioak egiten baditu, jokabide kodea eta jokabide-kodearen betetze-mailari buruzko urteko txostena aurkeztu beharko du.
- Fundazioek, sozietate-talde bateko erakunde nagusiak badira urteko kontu bateratuak aurkeztu behar dituzte, unean-unean indarrean dagoen merkataritza-legeen arabera formulatuta.
Urteko Kontuak elektronikoki aurkezteko PROZEDURA BERRIA:
Inprimaki berriak deskargatu (Balantze-emaitzen kontua, eta kontuak onartu izanaren ziurtagiria) eta bete.
PDF formularioak programa bateragarri batekin editatu eta gorde behar dira (adibidez, Adobe Acrobat Reader). Ez editatu eta gorde web nabigatzailearekin.
- Aurkeztu beharreko gainontzeko dokumentazioa bete.
- Aurkeztutako PDF dokumentu bakoitza idazkariaren eta presidentearen sinadura elektroniko aitortuaz bermatuko da. Ikuskaritza txostena ere auditorearen sinadura elektronikoa barneratuko du. Ez da eskuz sinatutako dokumenturik onartuko.
- Urteko kontuak aurkezteko aplikazioan sartu, eskaera bete, dokumentazioa erantsi (PDF dokumentuak) eta dokumentazioa bidali.
(Informazio gehiago "Deskribapena" eta "Araudia" ataletan (Oinarrizko informazioa)
PDF formularioak programa bateragarri batekin editatu eta gorde behar dira (adibidez, Adobe Acrobat Reader). Ez editatu eta gorde web nabigatzailearekin.
-
-
Egoera-balantzea eta emaitzen kontuaren ereduak:
-
-
-
-
Memoriaren ereduak (Memorian sartu beharreko informazioaren artean, INBENTARIOA eta AURREKONTUAREN LIKIDAZIOA erantsi behar dira):
Memorian sartu beharreko informazioaren artean, INBENTARIOA eta AURREKONTUAREN LIKIDAZIOA erantsi behar dira.
-
-
-
Erregistro datu eguneratuen Ziurtagiri-Eredua, Eranskinak eta Jarraibideak (BERRIA):
-
-
-
-
-
-
-
Izapide hau egiteko, honako hauek egin behar dituzu:
- identifikazio elektronikoaren bitarteko bat izan
- dokumentazioa bete, PDF formatuan (edo onartutako beste batean), hala balitz, eskaneatu, idazkariaren eta presidentearen sinadura elektroniko aitortuaz bermatu eta ordenagailuan gorde.
- Zerbitzu elektronikora sartu. Bertan 4 pausu jarraitu beharko dira:
- eskabidea bete
- dokumentuak eta prestatutako inprimakia erantsi
- eskabidea sinatu
- bidali eskabidea eta erantsitako dokumentuak
- Hartu izanaren agiria erakutsiko da pantailan bidalketa egin ondoren.
Abisua: Espedientearen segimendua Nire karpetaen egin dezakezu.
FUNDAZIOEK APLIKATU BEHARREKO KONTALIBITATE-PLANAK ETA KONTUEN EREDUAK
IRABAZI ASMORIK GABEKO ERAKUNDEEN KONTABILITATE-PLANA APLIKATZEA. PLAN HORI IRABAZI ASMORIK GABEKO ERAKUNDEEN KONTABILITATE-PLANA ONARTZEN DUEN KONTABILITATE ETA KONTU-IKUSKARITZAKO INSTITUTUAREN 2013KO MARTXOAREN 26KO EBAZPENEAN AURREIKUSITAKOA DA.
EREDU ARRUNTAK:
Beheko ataletan aurreikusitako baldintzak betetzen ez dituzten fundazioek urteko kontuen eredu arruntak erabili beharko dituzte, irabazi asmorik gabeko erakundeen kontabilitate-plana onartzen duen Kontabilitate eta Kontu Ikuskaritzako Institutuaren 2013ko martxoaren 26ko Ebazpenean aurreikusitakoak (EAO, 86. zk., 2013ko apirilaren 10ekoa).
EREDU LABURTUAK:
Fundazioek kasu hauetan erabili ahalko dituzte urteko kontuen eredu laburtuak, irabazi asmorik gabeko erakundeen kontabilitate-plana onartzen duen Kontabilitate eta Kontu-ikuskaritzako Institutuaren 2013ko martxoaren 26ko Ebazpenean aurreikusitakoak:
a) Laburtutako balantzea eta memoria: Fundazioek baldin eta, ekitaldiaren itxiera-egunean, baldintza hauetako bi, gutxienez, betetzen badituzte:
- Aktiboaren partiden guztizkoak bi milioi zortziehun eta berrogeita hamar mila euro gainditzen ez baditu. Ondorio horietarako, aktiboaren guztizkotzat joko da balantzearen ereduan ageri den guztizko zenbatekoa.
- Diru-sarreren urteko bolumenaren zenbateko garbiak bost milioi zazpiehun mila euro gainditzen ez baditu. Ondorio horietarako, diru-sarreren urteko bolumenaren zenbateko garbitzat joko da partida hauen batura: 1. «Erakundearen beraren jardueratiko diru-sarrerak» eta, hala badagokio, 2. «Salmentak eta merkataritza-jardueratiko beste diru-sarrera batzuk».
- Ekitaldian erakundearentzat jardun duten langileen batez bestekoa 50etik gorakoa ez bada.
b) Laburtutako emaitzen kontua: Fundazioek baldin eta, ekitaldiaren itxiera-egunean, baldintza hauetako bi, gutxienez, betetzen badituzte:
- Aktiboaren partiden guztizkoak hamaika milioi eta laurehun mila euro gainditzen ez baditu. Ondorio horietarako, aktiboaren guztizkotzat joko da balantzearen ereduan ageri den guztizko zenbatekoa.
- Diru-sarreren urteko bolumenaren zenbateko garbiak hogeita bi milioi zortziehun mila euro gainditzen ez baditu. Ondorio horietarako, diru-sarreren urteko bolumenaren zenbateko garbitzat joko da partida hauen batura: 1. «Erakundearen beraren jardueratiko diru-sarrerak» eta, hala badagokio, 2. «Salmentak eta merkataritza-jardueratiko beste diru-sarrera batzuk».
- Ekitaldian jardun duten langileen batez bestekoa 250etik gorakoa ez bada.
Ekitaldiaren itxiera-egunean fundazioa aipatutako baldintzetatik bi betetzera igarotzen bada edo horiek betetzeari uzten badio, egoera horrek ondorioak izango ditu soilik baldin eta atal honetan adierazitakoa bi ekitalditan jarraian errepikatzen bada.
Laburtutako ereduei buruzko atalean jasotako memoria laburtuaren edukia horixe erabil dezaketen erakundeek bete beharreko gutxieneko informazioa da. Horren osagarri, erakunde horien ekintza jakin batzuei buruz memorian jasotako informazioa urteko kontuen eredu laburrean araututa badago, eta ez eredu laburtuan, informazio hori eredu laburtuan sartu beharko dute. Ekintza horien artean aipa daitezke, besteak beste, kontabilitate-estaldura, negozio bat erostea eta ingurumenari buruzko informazioa.
IRABAZI ASMORIK GABEKO ERAKUNDE TXIKI ETA ERATAINEN KONTABILITATE-PLANA APLIKATZEA. PLAN HORI IRABAZI ASMORIK GABEKO ERAKUNDE TXIKI ETA ERTAINEN KONTABILITATE-PLANA ONARTZEN DUEN KONTABILITATE ETA KONTU-IKUSKARITZAKO INSTITUTUAREN 2013KO MARTXOAREN 26KO EBAZPENEAN AURREIKUSITAKOA DA.
PYMES EREDUAK:
Irabazi Asmorik Gabeko Erakunde Txiki eta Ertainen Kontabilitate Plana, irabazi asmorik gabeko erakunde txiki eta ertainen kontabilitate-plana onartzen duen Kontabilitate eta Kontu Ikuskaritzako Institutuaren 2013ko martxoaren 26ko Ebazpenean aurreikusitakoa (EAO, 86. zk., 2013ko apirilaren 10ekoa), fundazio guztiek aplikatu ahalko dute, ebazpen horretan bertan jasotako kontuen ereduak erabilita, bi ekitaldiz jarraian eta horien itxiera-datan gutxienez ere baldintza hauetako bi betetzen badituzte:
- Aktiboaren partiden guztizkoak bi milioi zortziehun eta berrogeita hamar mila euro gainditzen ez baditu.
- Diru-sarreren urteko bolumenaren zenbateko garbiak bost milioi zazpiehun mila euro gainditzen ez baditu. Ondorio horietarako, diru-sarreren urteko bolumenaren zenbateko garbitzat joko da partida hauen batura: 1. «Erakundearen beraren jardueretatik eratorritako diru-sarrerak» eta, hala badagokio, merkataritza-jardueraren urteko negozio-zifraren zenbateko garbia.
- Ekitaldian erakundearentzat jardun duten langileen batez bestekoa berrogeita hamarretik gorakoa ez bada.
Fundazioek Kontabilitate Plan hau aplikatzeko gaitasuna galduko dute baldin eta, bi ekitaldiz jarraian, eta horien itxiera-datan, ez badituzte betetzen aurreko paragrafoan aipatutako baldintzetako bi.
Erakundeen eraketaren edo eraldaketaren ekitaldi ekonomikoan, onura publikoko fundazio eta elkarteek Plan hori aplikatu ahalko dute baldin eta, ekitaldi horren itxieran, atal honetan adierazitako hiru baldintzetatik bi betetzen badituzte.
IRABAZI ASMORIK GABEKO MIKROERAKUNDEAK:
"Irabazi asmorik gabeko mikroerakunde" izateko jarraian adierazitako baldintzak betetzen dituzten fundazioek baliatu ahal izango dituzte Irabazi asmorik Gabeko Erakunde Txiki eta Ertainen Kontabilitate-Planean aurreikusitako ereduak. Horretarako, irabazi asmorik gabeko erakunde txiki eta ertainen kontabilitate-plana onartzen duen Kontabilitate eta Kontu-ikuskaritzako Institutuaren 2013ko martxoaren 26ko Ebazpenean irabazi asmorik gabeko mikroerakundeentzat xedatutako irizpide bereziak aintzat hartu beharko dituzte.
Irabazi asmorik gabeko erakunde txiki eta ertainen kontabilitate-plana onartzen duen Kontabilitate eta Kontu-ikuskaritzako Institutuaren 2013ko martxoaren 26ko Ebazpenak irabazi asmorik gabeko mikroerakundeentzat xedatutako irizpideak fundazio guztiek aplikatu ahalko dituzte baldin eta, Irabazi Asmorik Gabeko Erakunde Txiki eta Ertainen Kontabilitate Plana aplikatzea aukeratzen badute eta, bi ekitaldiz jarraian, eta horietako bakoitzaren itxiera-datan, baldintza hauetako bi betetzen badituzte, gutxienez ere:
- Aktiboaren partiden guztizkoak 150.000 euro gainditzen ez baditu.
- Diru-sarreren urteko bolumenaren zenbateko garbiak 150.000 euro gainditzen ez baditu. Ondorio horietarako, diru-sarreren urteko bolumenaren zenbateko garbitzat joko da partida hauen batura: 1. «Erakundearen beraren jardueretatik eratorritako diru-sarrerak» eta, hala badagokio, merkataritza-jardueraren urteko negozio-zifraren zenbateko garbia.
- Ekitaldian jardun duten langileen batez bestekoa bostetik gorakoa ez bada.
Onura publikoko fundazio eta elkarteek arau honetan adierazitako irizpide bereziak aplikatzeko gaitasuna galduko dute baldin eta, bi ekitaldiz jarraian, eta horien itxiera-datan, ez badituzte betetzen aurreko paragrafoan aipatutako baldintzetako bi.
Erakundeen eraketaren edo eraldaketaren ekitaldi ekonomikoan, onura publikoko fundazio eta elkarteek arau honetan adierazitako irizpide bereziak aplikatu ahalko dituzte baldin eta, ekitaldi horren itxieran, atal honetan adierazitako hiru baldintzetatik bi betetzen badituzte.
Eskaeraren zerbitzu elektronikora sartzeko eta identifikatzeko, entitatearen edo hirritarraren ziurtagiri elektroniko eduki beharko da.
Beste tramite batzuk
- Bete itzazu eskatutako inprimakiak, inprimakirik badago.
- Presta ezazu eskatutako dokumentazioa formatu digitalean.
- Sartu zaitez tramitazio elektronikorako aplikaziora. Identifikazio elektronikorako bitarteko bat izan behar duzu.
Dokumentazioa aurkezteko edo zuzentzeko, bete ezazu Nire karpeta-n dagoen inprimakia.
Eskaerak deialdiko arauan ezarritako betekizunak betetzen ez baditu, organo eskudunak hilabete bateko epea emango dizu akatsak zuzentzeko. Zuzentzen ez badituzu, Administrazioak eskaeran atzera egin duzula ulertuko du.
Agiri hauek aurkez ditzakezu:
- Administrazioak eskatu dizkizun agiriak, baldin eta zuzentzeko errekerimendua jakinarazi badizu.
- Beharrezkotzat jotzen dituzun agiriak, nahiz eta Administrazioak ez eskatu.
- Bete eta inprimatu itzazu eskatutako inprimakiak, inprimakirik badago.
- Presta ezazu eskatutako dokumentazioa.
- Aurkeztu dokumentazio guztia adierazitako lekuren batean.
-
Eskaerak deialdiko arauan ezarritako betekizunak betetzen ez ba ditu, órgano eskudunak 10 eguneko epea emango dizu zuzentzeko. Hala egin ezean, eskabidean atzera egin duzula joko du Administrazioak.
Inprimakia betetzeko informazioa:
Zure izenean ari bazara:
- Eskatzailea atalean, aukera ezazu Titularra.
- Datu pertsonalak atalean, bete itzazu titularrari dagozkion datuak.
- Sina ezazu eskabidea.
Beste pertsona edo entitate baten ordezkari gisa ari bazara:
- Eskatzailea atalean, aukera ezazu Ordezkaria.
- Datu pertsonalak atalean, bete itzazu ordezkatzen duzun pertsonari dagozkion datuak Titularra atalean, eta zureak, Ordezkaria atalean.
- Sina ezazu eskabidea.
Oharra: Erakundeak ordezkari bidez aritzen dira beti.
Zuzenean: Herritarrentzako aurrez aurre zerbitzua
Aurkezteko beste leku batzuk
Administrazio Publikoen Administrazio Prozedura Erkidearen urriaren 1eko 39/2015 Legearen 16.4 artikuluan aurreikusita dagoen bitartekoren bat erabiliz.
Dokumentazioa aurkezteko edo zuzentzeko, inprimakia bete eta adierazitako lekuetan aurkeztu.
Eskaerak deialdiko arauan ezarritako betekizunak betetzen ez baditu, organo eskudunak hilabete bateko epea emango dizu akatsak zuzentzeko. Zuzentzen ez badituzu, Administrazioak eskaeran atzera egin duzula ulertuko du.
Agiri hauek aurkez ditzakezu:
- Administrazioak eskatu dizkizun agiriak, baldin eta zuzentzeko errekerimendua jakinarazi badizu.
- Beharrezkotzat jotzen dituzun agiriak, nahiz eta Administrazioak ez eskatu.
- Bete itzazu eskatutako inprimakiak, inprimakirik badago.
- Presta ezazu eskatutako dokumentazioa formatu digitalean.
- Sartu zaitez tramitazio elektronikorako aplikaziora. Identifikazio elektronikorako bitarteko bat izan behar duzu.
- Dokumentazioa aurkezteko, Nire karpeta-n dagoen inprimakia bete behar duzu.
- Izapide hau egiteko, identifikazio elektronikoaren bitarteko baten bidez identifikatu beharra daukazu.
Nahi dituzun dokumentu guztiak aurkez ditzakezu, Administrazioak eskatzen ez badizkizu ere.
- Bete eta inprimatu itzazu eskatutako inprimakiak, inprimakirik badago.
- Presta ezazu eskatutako dokumentazioa.
- Aurkeztu dokumentazio guztia adierazitako lekuren batean.
-
Zure izenean ari bazara:
- Datu personalak atalean, bete itzazu titularrari dagozkion datuak.
- Sina ezazu eskabidea.
Beste pertsona baten ordezkari badiharduzu:
- Datu pertsonalak atalean, bete itzazu ordezkatzen duzun pertsonari dagozkoin datuak. Titularra atalean, eta zureak Ordezkaria atalean.
- Sina ezazu eskabidea.
Oharra: Erakundeak ordezkari baten bidez aritzen dira beti.
Zuzenean: Herritarrentzako aurrez aurre zerbitzua
Aurkezteko beste leku batzuk
Administrazio Publikoen Administrazio Prozedura Erkidearen urriaren 1eko 39/2015 Legearen 16.4 artikuluan aurreikusita dagoen bitartekoren bat erabiliz.
Nahi dituzun dokumentu guztiak aurkez ditzakezu, Administrazioak eskatzen ez badizkizu ere.