Usapal europarraren kudeaketa-planean honako eremu hauek ezarri dira: a) Usapal europarraren Interes Bereziko Eremuak (IBE): kartografikoki mugatutako eremuak, zeinetan hegazti honen populazio-maila egokia lortzea funtsezkotzat jotzen den EAEko populazio habiagilea epe luzean mantentzeko. b) Lehentasunezko Esku-hartze Eremuak-1. maila (LEHE1): kartografikoki mugatutako eremuak, non epe laburrean lehentasunezko esku-hartzea behar den populazio habiagilearen kontserbazio-egoera hobetzeko kudeaketa-jarduerak edo -neurriak ezartzerakoan. c) Lehentasunezko Esku-hartze Eremuak-2. maila (LEHE2): kartografikoki mugatutako eremuak, non epe ertain edo luzeko esku-hartzea behar den populazio habiagilearen eta migrazio-igarobideko populazioaren kontserbazio-egoera hobetzeko kudeaketa-jarduerak edo -neurriak ezartzerakoan.

LEINUA: Honako lan hauek hartu dira abiapuntutzat: - Usapal europarraren populazio ugaltzailearen zentsua (Streptopelia turtur) 2020. urtean, eboluzioaren eta joeren azterketa 2006tik eta kontserbazio-egoeraren ebaluazioa - Euskal Autonomia Erkidegoan usapal europarrarentzako (Streptopelia turtur) habitataren erabilgarritasunari buruzko diagnostikoa ? 2021 - Euskal Autonomia Erkidegoko usapal europarraren (Streptopelia turtur) hilkortasunari buruzko azterketa ? 2021 - EUNIS 2019 habitaten kartografia.