Aurtengo lehen bi hilabete hauetan % 3,6 handitu da eguneko erabilgarri dauden ostatu-plazen kopurua, 2025eko aldi berarekin alderatuta.

Hala ere, ostatu-eskariak behera egin du, 2025eko aldi beraren aldean: % -2,5 (491.670) turisten sarreretan, % -0,6 (979.749) gaualdietan, eta % -1,5 (% 25,90) plazakako betetze-mailan.

Ostatu-tipologia guztiek eguneko plaza gehiago eskaini dituzte 2026. urtearen hasiera honetan, 2025. urtearekin alderatuta. Eskariari dagokionez, aterpetxe turistikoek soilik lortu dituzte igoerak plazakako betetze-mailan (+% 8,4) eta gaualdietan (+% 10,3); eta apartamentu turistikoak % 6,1 hazi dira gaualdietan.

Helmuga guztiek handitu dute eguneko plazen eskaintza, 2025eko urtarrilaren eta otsailaren aldean; Donostiak, ordea, gutxiago eskaini du (% -6,2). Gasteizek eta Donostiak behera egin dute sarreretan, gaualdietan eta plazakako betetze-mailan. Euskadiko barnealdeak behera egin du sarreretan eta plazakako betetze-mailan. Bilbok, euskal kostaldeak eta Arabako Errioxak plazakako betetze-mailan soilik egin dute behera.

Merkatu nazionalak merkatu-kuota handiagoa du, % 64,3koa hain zuzen, baina % 4,1 jaitsi da 2025eko urtarrilarekin eta otsailarekin alderatuta. Nazioarteko merkatua, berriz, % 0,7 igo da.

10 merkatu igorle nagusien artean nazioarteko merkatu bakarra dago, Frantzia, eta behera egin du bai sarreretan bai gaualdietan. 10 nagusien zerrenda horretan, Asturiasetik eta Galiziatik datozenek hazkundea izan dute sarreretan eta gaualdietan; barne-merkatuari eta Nafarroari dagokienez, turisten sarreretan hazi dira.

Honako hauek dira sailkapeneko buru, hurrenkera honetan: barne-merkatua (Euskadi) (% 15,1), Madrilgo Erkidegoa (% 12,8), Frantzia (% 9,7), Katalunia (% 7,5) eta Gaztela eta Leon (% 4,4).

2026ko otsailean, egunean % 3,1 plaza gehiago eskaini dira (52.975), 2025eko hil berarekin alderatuta. Baina ostatu-eskariaren adierazle guztiek behera egin dute: % -4,1 (257.607) sarreretan, % -1,5 (508.984) gaualdietan, eta % -0,4 (% 28,40) plazakako betetze-mailan.

Ostatu-tipologiei dagokienez, plazen eskaintzak gora egin du ostatu guztietan, 2025eko otsailaren aldean. Eskariaren adierazleei erreparatuta, landa-ostatuek gora egin dute adierazle guztietan. Bestalde, apartamentu eta aterpetxe turistikoak igo egin dira gaualdietan eta plazakako betetze-mailan. Gainerako ostatu-motek zifrak negatiboan itxi dute otsaila.

Gasteizek eta Euskal Kostaldeak behera egin dute ostatu-eskariaren adierazle guztietan, 2025eko otsailarekin alderatuta. Donostiak plazen okupazioan soilik egin du gora. Gaualdietan eta plazakako okupazioan gora egin du Euskadiko Barnealdeak. Eta, Bilbon eta Arabako Errioxan plazen okupazioak bakarrik egin du gora.

Merkatu nazionalak nazioartekoak baino kuota handiagoa du: % 64,5 merkatu nazionalarentzat eta % 35,5 nazioartekoarentzat. 2026ko otsail honetan bai merkatu nazionalak (% -6,1) bai nazioartekoak (% -0,4) behera egin dute, 2025eko otsailaren aldean.

2026ko otsaileko 10 merkatu igorle nagusien artean, behera egin dute gehienek. Sarreretan, barne-merkatuak eta Nafarroak bakarrik izan dituzte igoerak, eta Erresuma Batutik eta Asturiasetik datozenak ere hazi egin dira, bai sarreretan bai gaualdietan. Otsail honetan nazioarteko 2 merkatu igorle ditugu 10 nagusien artean: Frantzia eta Erresuma Batua.

Honako hauek dira sailkapeneko buru, hurrenez hurren: barne-merkatua (Euskadi) (% 14,7), Madrilgo Erkidegoa (% 13,1), Frantzia (% 10,4), Katalunia (% 7,4) eta Gaztela eta Leon (% 4,5).