2025 urteak, 2024ko aldi berarekin alderatuta, hazkunde positiboa metatu du adierazle nagusi guztietan: Eguneko eskainitako plazetan: +%4,1 (60.261); turisten sarreretan: +%4,2 (3.867.401); gaualdietan: +%3,7 (8.243.490), eta plazen okupazio-mailan: +%1,4 (43,30%)

Ostatu-tipologiei dagokienez, kanpinek behera egin dute turisten sarreretan eta gaualdietan; gainerako ostatu-moten emaitzak positiboak dira. Hala ere, plazen okupazio-mailan, hotelek eta landa-ostatuek soilik izan dute hazkundea.

Helmuga guztiek handitu egin dute eguneko plaza eskaintza, 2024ko aldi berarekin alderatuta. Gasteizek, ordea, behera egin du, bai plazen okupazio-mailan, bai turisten sarreretan. Bestalde, Donostiak ostatu-eskariaren adierazle guztietan egin du behera.

Nazioarteko merkatutik datozen turisten presentzia apur bat handiagoa da (%50,3); 2024ko aldi berarekin alderatuta +%5,7 igo da. Estatuko merkatuaren igoera +%2,7koa izan da.

10 merkatu igorle nagusien artean lau nazioarteko merkatu daude: Frantzia, Erresuma Batua, Estatu Batuak eta Alemania. Beherakadak Frantziatik eta Kataluniatik datozenek soilik erregistratzen dituzte.

Sailkapenaren buruan daude, hurrenkera honetan: Madrilgo Erkidegoa (%11,8), barne-merkatua -Euskadi- (%9,3), Frantzia (%9,1), Katalunia (%7,3) eta Erresuma Batua (%4,9).

2025eko abuztuan, 2024ko hilabete berarekin alderatuta, %2,2 plaza gehiago eskaini dira eguneko (66.425). Ostatu-eskariaren adierazle guztiek gora egin dute: Sarreretan: +%2,7 (611.607); Gaualdietan: +%0,4 (1.438.729); eta plazen okupazio-mailan: +%2,6 (%67,70).

Ostatu-tipologiei dagokienez, landa-ostatuek soilik eskaini dituzte plaza gutxiago eguneko (-%1,1). Abuztuan, kanpinek eskaera-adierazle guztietan balio negatiboekin itxi dute. Plazen okupazioari dagokionez, hotelek eta turismo-apartamentuek egin dute behera, eta sarreretan, landa-ostatuek.

Gasteizek eta Donostiak balantze negatiboa izan dute abuztuan, 2024ko abuztuarekin alderatuta.

Nazioarteko merkatuak estatuko merkatua baino kuota handiagoa du, %55, %45aren aldean. Nazioarteko merkatua %5,5 hazi da 2024ko abuztuarekin alderatuta; estatuko merkatua, ordea, %0,7 jaitsi da.

Abuztuan, 10 merkatu igorle nagusien artean, gehienetan, hazkundea ikusten da. Jaitsierak soilik erregistratu dituzte Madrilgo Erkidegoak (sarreretan -%4,6 eta gaualdietan -%6), Kataluniak (sarreretan -%5,9 eta gaualdietan -%6,8) eta Andaluziak (sarreretan -%3,8 eta gaualdietan -%5,4). Hilabete honetan, 5 nazioarteko merkatu igorle ditugu 10 nagusien artean, hurrenez hurren: Frantzia, Italia, Alemania, Erresuma Batua eta Estatu Batuak.

Sailkapenaren buruan daude, hurrenkera honetan: Frantzia (%12,7), Madrilgo Erkidegoa (%10,2), Katalunia (%8,7), Italia (%6,1) eta barne-merkatua (Euskadi) (%5,8).

Aurtengo irailak, 2024ko hilabete berarekin alderatuta, hazkundeak erregistratu ditu ostatu-eskaintzaren eta eskariaren adierazle guztietan: egunean eskainitako plazetan +%2,7 (64.178), sarreretan +%1,9 (470.678), gaualdietan +%3,7 (1.019.518), eta plazen okupazio-mailan +%4,4 (%47,10).

Irailean, ostatu-turitikoen plaza eskaintzan hazkunde orokorra egon da. Ostatu-eskariaren adierazleei dagokienez, kanpinek soilik itxi dute hilabetea beherakadekin.

Helmuga gehienek eguneko plazen eskaintza handitu dute; Gasteizek, baina, beherakada txikia izan du (-%0,1). Donostiak behera egin du ostatu-eskariaren adierazle guztietan. Eta Gasteizek behera egin du bai sarreretan (-%14,6) eta bai gaualdietan (-%0,1).

Nazioarteko merkatuak estatuko merkatua baino kuota handiagoa du, %56, %44aren aldean. Estatuko merkatua, ordea, gehiago hazi da, +%2,7, nazioartekoa +%1,3 hazi den bitartean, 2024ko irailarekin alderatuta.

10 merkatu igorle nagusien artean nazioarteko bost merkatu ditugu: Frantzia, Estatu Batuak, Erresuma Batua, Alemania eta Herbehereak. Ia merkatu guztiek urtez urteko beherakadak erregistratu dituzte, bai sarreretan bai gaualdietan; salbuespen dira, Katalunia, Estatu Batuak, Erresuma Batua eta Alemania.

Sailkapenaren buruan daude, ordena honetan: Madrilgo Erkidegoa (%10,1), barne-merkatua -Euskadi- (%7,9), Katalunia (%6,7), Frantzia (%6,5) eta Estatu Batuak (%6,5).