Plaza Domingo Alegría , Gernika-Lumo
Gabonetan barraskiloak jatea tradizio errotua da gurean. Egun batzuk lehenago, abenduko lehen larunbatean, jateko horri azoka bat eskainiko diote Gernika-Lumon.
Hala, hiribildura bertaratzen direnek barraskiloez egindako plater desberdinak probatzeko aukera izango dute, tartean, barraskiloak Bizkaiko erara. Standetan bestelako produktuak ere salduko dituzte: fruta, barazkiak, euskal pastela, ogia, jogurtak, eztia eta patea, gutxi batzuk bakarrik aipatzearren. Euskal dantza erakustaldiak eta umeentzako jarduera bereziak (jolasak eta puzgarriak, esaterako) izango dira.
