Ekonomiaren Garapen eta Azpiegitura Saila

Ermua saihesbide eta geltoki berria

ets ermua portada

Ermurako trenbide sarbideak nabarmen hobetuko dituen trenbide bikoitzeko kilometro bateko tunel bat eraikiko da

Proiektu honen barruan, Ermurako trenbide sarbideak nabarmen hobetuko dituen trenbide bikoitzeko kilometro bateko tunel bat eraikiko da. Horrez gain, tunel barruan 120 metroko luzerako maniobren mahuka ere hondeatu da, trenbideko maniobrak errazteko.

Trenbide bikoitzeko trazatu berriak 1.500 metroko luzera du. Hasiera Eitzaga inguruan, Zaldibarko udalerrian, izango du, eta ia osorik joango da tunel barruko trazatua duen saihesbidetik (1.025 metroko luzerakoa), Ermuko sarreraraino. Bertan, N-634 errepidea gurutzatuko du 40 metroko luzerako bide-zubi baten bitartez, geltoki berrira iritsi aurretik. Ondoren, egungo trenbidearekin bat egingo du berriro, Izelaieta kaleko azpialdeko igarobidearen aurretik. Jarduketa horri esker, Oletxeko trenbide-pasagunea kendu ahal izango da

80 metro luze den erdialdeko nasa izango duen geltoki berria bidezubian egongo da. Halaber, Ermuko herritarrek irisgarritasun eta segurtasun gehiago izango dute, aurrekoa kurban zegoelako eta unitateetatik nasara zegoen tartea handiagoa zelako.

Onurak

supresio urratsak ikonoa

Kentzea

Trenbide pasagunea kentzea.

segurtasun ikonoa

Fidagarritasuna eta Segurtasuna

1.500 metrotan trenbidea bikoizteak fidagarritasun eta segurtasun handiagoa emango dizkio trenbideko zirkulazioari.

erabilera publikoa ikonoa

Tartea

Saihesbide berria zerbitzua ematen hasi ondoren, trazatu zaharra erabilera publikora bideratuko da.

ets ermua onurak irudia
ets ermua informazio irudia

Intereseko bestelako informazioa

Horrez gain, geltoki berria eraikitzeko lanei esker, orain arte eskailera eta igogailu bitartez lotuta egon diren Valdespinako parkea eta N-634 errepidearen ondoko plaza bereizten dituen trenbideko ezponda kendu ahal izango da. Etorkizunean, aisiako bi leku horien lotura pertsona guztientzako irisgarria izango da, inolako mugarik gabe, azpialdeko igarobideari esker.

Datu interesgarriak

aurrekontu ikonoa

Aurrekontua

30 milioi euro

data ikonoa

Martxan jartzea

2019

denbora ikonoa

Hobekuntzak bidaiatzeko denboran

2 minutu

Azken aldaketako data: