Consulta en DUDANET: Nola lotu ordinalak? Ikus 10. eta 11. orrialdeak

Dudanet es un servicio de consulta gratuito que ofrece el IVAP. Su objetivo es aclarar las dudas que puedan surgir en el ámbito del lenguaje y la terminología jurídico-administrativa en euskera.

La consulta publicada en este post responde a una duda planteada respecto a la ortografia de los numerales ordinales.

 

 

Galdera
Nola esan behar da: "XIX eta XX. mendeetan gertatu zen hori" ala "XIX. eta XX. mendeetan gertatu zen hori"?

Erantzuna
Euskaltzaindiaren oniritzia duen Ortotipografia lanean honako hau zehazten da:

“Ordinalaren -garren atzizkia aldiro eta beti adierazi beharko da (letraz nahiz puntuz) elkarren segidan datozen zenbaki bati baino gehiagori dagokienean.

Ikus 14. or.

Ikus 2. eta 3. atalak

Ikus 14.-19. or.

Ikus 14., 16. eta 19. or.

Araudiko bigarren, hirugarren, seigarren eta hamargarren atalak aztertuko dira.

XVII. eta XVIII. mendeetan gerra ugari izan zen Europan”.

 

Beraz, "XIX. eta XX. mendeetan gertatu zen hori" idatzi.

 

Informazio gehiago:

ZUBIMENDI, Joxe Ramon. Ortotipografia. Vitoria-Gasteiz: Eusko Jaurlaritzaren Argitalpen Zerbitzu Nagusia, 2004. (47. or.)

 

 

Mota horretako zalantzaren bat sortu zaizu esku artean duzun testuan? Bidali egiguzu Dudanet zerbitzura, 24 orduko epean erantzungo dizugu.