Liburutegiko laguntzaile kategoriako lan-poltsa
Bizkaia
— Liburutegiko erabiltzaileei arreta ematea: eskatutako maileguak egitea, orientabideak eta informazio bibliografikoa ematea eta abar.
— Funts bibliografikoa eta, oro har, instalazioak zaintzea, eta eremua txukun mantentzea.
— Funtsak tratatzea, liburutegiak kudeatzeko programa informatikoaren bidez: berauek erregistratzea, sailkatzea, katalogatzea.
— Funtsak ordenatuta mantentzea.
— Hainbat administrazio-lan egitea. Hala nola: bazkideen alta, estatistikak egitea, materiala eskatzea…
— Liburutegirako funtsak erostea: hautatzea, liburu-dendak bisitatzea, materiala eta fakturak erkatzea eta abar.
— Egoera txarrean dagoen materiala detektatzea eta berau ordezteko edo kentzeko proposamena egitea.
— Aldizkako argitalpenak kudeatzea: eskuratzea, biltegiratzea, garbitzea.
— Irakurzaletasuna eta liburutegiaren erabilera sustatzeko antolatzen diren jardueretan laguntzea.
— Bilerak egitea nagusiekin eta gainerako liburutegi-laguntzaileekin.
Batxilergoa edo erdi-mailako Lanbide Heziketa edo LHko teknikaria, goi-mailako Batxilergoa, LH2 edo horren baliokidea.
2. hizkuntza-eskakizuna edo horren baliokidea.
a) Espainiako nazionalitatea izatea, Enplegatu Publikoaren Oinarrizko Estatutuaren 57. artikuluan ezarritakoaren kalterik gabe.
b) Hamasei urte beteta izatea; eta, hala badagokio, nahitaezko erretiroa hartzeko gehieneko adina ez gainditzea.
c) Lana betetzeko beharrezko gaitasun funtzionala izatea: hautagaiek deialdiaren xede den lanpostuaren zereginak eta betebeharrak betetzeko moduko gaitasun psikofisikoa izan beharko dute.
d) Diziplina-espediente batez edozein herri-administrazio edo autonomia erkidegotako organo konstituzional edo estatutarioren zerbitzutik bereizita ez egotea, ez eta ebazpen judizial bitartez enplegu edo kargu publikorako desgaikuntza erabatekoa edo berezia ez izatea, lan-kontratudun langileen kasuan, bereiziak edo desgaituak izan diren lanpostuaren antzeko eginkizunak betetzeko.
e) Herri-administrazioetan lanean dauden langileen bateraezintasunei buruzko abenduaren 26ko 53/84 Legean aurreikusitako bateraezintasun-arrazoiren bat ez egotea.
f) Honako titulu hauetako bat izatea: Batxilergoa edo erdi-mailako Lanbide Heziketa edo LHko teknikaria, goi-mailako Batxilergoa, LH2 edo horren baliokidea, bai eta2. hizkuntza-eskakizuna edo horren baliokidea ere, euskararen ezagutza egiaztatzen duten tituluak eta ziurtagiriak baliozkotzeko eta Hizkuntzen Europako Erreferentzia Marko Bateratuko mailekin parekatzeko Dekretua aldatzen duen uztailaren 4ko 187/2017 Dekretuan xedatutakoaren arabera.
Eskaera-orriak eranskinean dauden eredu ofizial eta normalizatuari jarraituz aurkeztuko dira Kultur Basauri erakunde autonomoan (Kale Nagusia, 2, Basauri-Bizkaia). Halaber, Administrazio Publikoen Administrazio Prozedura
Erkidearen urriaren 1eko 39/2015 Legearen 16.4 artikuluan aipatzen diren lekuetan ere aurkeztu ahal izango dira.