EPE Euskadiko Administrazio Orokorra 2026

33 plaza txanda irekian, sarbide orokorraren modalitatean, honela banatuta:

2. hizkuntza–eskakizunarekin: 29

3. hizkuntza–eskakizunarekin: 1

Hizkuntza–eskakizunik gabe: 3

1. Europar Batasuneko kide den edozein estatutako nazionalitatea edukitzea. Parte hartzeko aukera izango dute, halaber, Europar Batasunaren estatu kideetako herritarren ezkontideek, edozein dutela ere nazionalitatea eta, betiere, zuzenbidez bananduta ez badaude, haien ondorengoek eta, zuzenbidez bananduta ez badaude, ezkontidearenek, baldin eta hogeita bat urtetik beherakoak badira edo, adin horretatik gorakoak izanda ere, gurasoen kontura bizi badira. Era berean, Europar Batasunak izenpetu eta Espainiak berretsitako nazioarteko itunen aplikazio-eremuan dauden pertsonek ere parte hartu ahal izango dute, baldin eta itun horietan langileen zirkulazio askea aplikatzen bada.
2. Gaitasun funtzionala izatea, sartu nahi den kidegoko edo eskalako zereginak betetzeko.
3. 16 urte beteta izatea eta nahitaezko erretiro-adina beteta ez izatea.
4. Diziplina-espediente batez edozein administrazio publikotako edo autonomia-erkidegotako organo konstituzional edo estatutarioen zerbitzutik bereizita ez egotea; ezta, ebazpen judizial baten ondorioz, enplegu edo kargu publikoetarako desgaikuntza absolutua edo berezia izatea ere, bereizi edo desgaitu duten funtzionario-kidegoan edo eskalan sartzeko. Beste estatu bateko herritarra izanez gero, hautagaia ezingo da desgaituta edo egoera baliokidean egon, eta ezingo du ezarrita izan diziplina-zehapenik edo baliokiderik, bere estatuan, baldintza berberetan, enplegu publikorako sarbidea eragozten dionik.
5. Oinarri espezifikoetan eskatutako titulazioa izatea edo titulua eskuratzeko eskubideak ordainduta izatea. Titulazioak atzerrikoak badira, haien homologazioaren egiaztagiria eduki beharko da.
6. Indarrean dagoen araubidearen arabera, ezgaitasun edo bateraezintasuneko lege-kausaren batean sarturik ez egotea; hala ere, araudiak ematen duen aukera-eskubidea errespetatuko da.
7. Ordainduta izatea langileak hautatzeko deialdietan inskribatzeagatik ordaindu beharreko tasa, lehiatu nahi den prozesuaren eta kidegoaren nahiz eskalaren arabera. Tasaren zenbatekoa oinarri espezifikoetan zehaztuko da.
8. Kidego eta eskala bereko karrerako funtzionario ez izatea.
9. Oinarri espezifikoetan eskatzen den beste edozein betekizun.

Deialdi honetako lanpostuetan, euskararen 2. eta 3. hizkuntza–eskakizunak izatea betekizun izan daiteke lanpostua betetzeko. Euskara jakitea betekizuna da derrigortasun–data igarota daukaten lanpostuetan.

Horrez gain, deialdi honetako lanpostuek betekizun espezifiko hauek izan ditzakete:

– Ziurtagiri negatiboa, Haurrak eta Nerabeak Indarkeriatik Begiratzeko Babes Integralaren ekainaren 4ko 8/2021 Lege Organikoaren 57.1 artikuluaren arabera.

Merezimenduak alegatzeko izapidean erantzukizunpeko adierazpenaren bidez alegatu beharko da.

– Erizaintzako lanbide arautuan jarduteko gaikuntza–titulua.

Merezimenduak alegatzeko izapidean erantzukizunpeko adierazpenaren bidez alegatu beharko da.

Erantzukizunpeko adierazpenaren bidez eta egiaztagiriaren kopia arruntaren bidez alegatu beharko da merezimenduen balorazio txandan.

– Laneko erizaintzako espezialistaren titulua.

Merezimenduak alegatzeko izapidean erantzukizunpeko adierazpenaren bidez alegatu beharko da.

Eskainitako lanpostuen zerrendan —oinarri orokorretako 15.2 apartatuan aipatzen da—, hauek zehaztu behar dira: lanpostu bakoitzaren izena, saila edo organismoa, zentro organikoa, lanpostua kokatuta dagoen herria, destino–osagarriaren eta berariazko osagarriaren mailak, hizkuntza–eskakizuna eta derrigortasun–data, eta lanpostua betetzeko bete behar diren betekizun espezifikoak.

Hautaketa–sistema oposizio–lehiaketa izango da.

• Oposizio–fasea.

Hiru proba egingo dira, bi fasetan banatuta.

• I. FASEA

• 1. proba. Teoriko-praktikoa izango da, eta bi zati izango ditu:

A zatia: Gai-zerrenda orokor eta espezifikoei buruzko galdera sorta bat izango da, eta galderek zenbait erantzun-aukera izango dituzte.

B zatia: Zenbait erantzun-aukera dituen galdera sorta bati erantzun beharko zaio hemen ere. Deialdiko lanpostuetako zereginekin lotutako kasu teoriko-praktikoei buruzkoak izango dira galderak, eta deialdi bakoitzaren oinarri espezifikoekin batera argitaratutako den gai-zerrenda espezifikoaren esparruan egongo dira kokatuta.

Erantzuten ez diren galderek ez dute baloraziorik izango, eta okerreko erantzun bakoitzeko penalizazio bat aplikatuko da: erantzun zuzen baten balioaren heren bat deskontutako da.

Hautaketa-prozesua egokiro garatu dadin, kontuan hartuta eskatutako gutxieneko maila, bai, halaber, proban erakutsitako ezagutza-maila eta deialdiko plaza kopurua, eta hautagaiak nor diren jakin aurretik, epaimahaiak puntuazio-atalase bat ezarriko du, proba gainditzeko behar den gutxieneko puntuazioa zein den zehazteko, eta jendaurrean emango da erabaki horren berri. Gutxieneko zuzeneko puntuazioa ezingo da izan zati bakoitzean gehienez lor daitekeen puntuazioaren ehuneko 35 baino txikiagoa eta ehuneko 65 baino handiagoa.

Proba bakoitza (edo probaren zati bat) gainditzeko epaimahaiak ezartzen dituen gutxieneko zuzeneko puntuazioak hura gainditzeko behar diren gutxieneko kalifikazioak izango dira.

Gehienez lor daitezkeen zuzeneko puntuazioak probako (edo probaren zatiko) gehieneko kalifikazioak izango dira.

Kalifikazioak (puntuazio bihurtuak) kalkulatzeko, formula hauek aplikatuko dira:

Hautagaiak lortutako zuzeneko puntuazioa epaimahaiak ezarritako gutxieneko zuzeneko puntuazioa baino handiagoa bada:

Hautagaiak lortutako zuzeneko puntuazioa epaimahaiak ezarritako gutxieneko zuzeneko puntuazioa baino txikiagoa bada:

Non:

b(z) – Hautagaiaren kalifikazioa (puntuazio bihurtua) z – Hautagaiaren zuzeneko puntuazioa

Gu – Ariketa edo ariketaren zati bat gainditzeko epaimahaiak ezarritako gutxieneko zuzeneko puntuazioa (gutxieneko nota)

Ge – Ariketan eta ariketa zati batean gehienez lor daitekeen zuzeneko puntuazioa

A – Ariketan edo ariketaren zati batean gehienez lor daitekeen kalifikazioa (gehieneko puntuazio bihurtua)

Probak gehienez 50 puntuko kalifikazioa izango du, eta zati bakoitza 0tik 25 puntura baloratuko da. Proba gainditzeko,12,5 puntuko kalifikazioa (puntuazio bihurtua) beharko da zati bakoitzean.

• II. FASEA

• 2. proba. Proba praktikoa izango da.

Lanpostuaren zeregin kritikoak simulatuko ditu; hala, balizko egoera bat edo batzuk azaldu edo aztertu beharko da/dira idatziz, galdera bati edo batzuei erantzun beharko zaie, deialdiko lanpostuko ohiko arazo bati konponbidea emateko diagnostikoa eta proposamena eratu beharko da edota txostena, irizpena edo beste edozein analisi egin, betiere bat etorrita deialdiaren xede diren lanpostuen gai-zerrendetan eta konpetentzia-profiletan jasotako edukiekin, plazari dagozkion abilezia teknikoekin eta hautaketa-prozesuan parte hartzeko eskatzen den prestakuntza akademikoarekin.

Epaimahaiak proba praktiko hau zer formatutan egin erabakiko du, deialdiko plazetan jarduteko behar diren abilezia teknikoak ahalik ondoen jasotzea helburutzat hartuta. Era berean, probaren iraupena ere zehaztuko du, zeina ezin izango baita hiru ordutik gorakoa izan.

Proba honek 45 puntuko balorazioa izango du gehienez.

Alderdi hauek baloratuko dira: ea erantzuna proban planteatu den egoerari egokitu zaion, plazari dagozkion abilezia teknikoak eta ezagutzak erakutsi diren eta ezagutza eta abilezia horiek uztartzeko gaitasuna erakutsi den. Beste alderdi hauek ere baloratuko dira: analisi- eta sintesi-gaitasuna izatea, erantzunak arrazoitzea, kontzeptu eta terminologia doiak erabiltzea, ideiak ordena egokian eta argitasunez garatzea eta idatzizko adierazpena zuzena izatea. Epaimahaiak aurreko balorazioirizpideak garatzeko beste irizpide batzuk adostuz gero, proba egin aurretik argitaratu beharko ditu.

Epaimahaiak zuzentze-irizpideen arabera kalifikatu beharko du ariketa hau, eta deialdiaren oinarrietan berariaz azaldu ez diren alderdiak zuzentzeko, baloratzeko eta gainditzeko erabiliko diren irizpideak proba egin aurretik argitaratuko ditu.

Bigarren proba gainditzeko, oro har, 22,5 puntu lortu beharko dira gutxienez.

Dena dela, ariketa gainditu duten hautagaien kopurua deialdiko plazen kopurua baino txikiagoa bada, 18 puntu edo gehiago lortu dituzten hautagaiei ere gainditutzat emango zaie ariketa.

• 3. proba. Konpetentziak ebaluatzeko proba.

Nahitaezkoa izango da eta ez baztertzailea, eta deialdiko lanpostuak betetzeko hautagaiek duten konpetentzia-profilaren elementuak baloratuko dira proba honen bitartez. Ariketan ebaluatu daitezkeen konpetentzien profilaren elementu zehatzak Enplegu Publikoaren Atarian argitaratutakoetako bat edo batzuk izango dira. Proba egin aurretik, ezagutzera emango da konpetentzien profileko zer elementu neurtu ahal izango diren, zer proba mota egingo den/diren (nortasunari, konpetentziei edo gaitasunei buruzko test edo galdetegiak, elkarrizketak, sarrera-ontziak, egoera-probak, talde-dinamikak, rol-probak, kasu-azterketak, ahozko aurkezpenak eta beste proba batzuk), zenbat iraungo duen probak eta haztapen eta baloraziorako zer irizpide erabiliko diren.

Proba honek 5 puntuko balorazioa izango du gehienez.



• Lehiaketa–fasea.

Lehiaketa–fasean, gehienez 45 puntu lor daitezke, baremo honen arabera lortutako puntuak batuz:

• Emandako zerbitzuengatiko esperientzia. Esperientziatzat hartzen dira edozein administrazio publikotan, organismo autonomotan, zuzenbide pribatuko erakunde publikotan, unibertsitate publikotan, estatutu–organoetan eta organo konstituzionaletan, edota justizia–administrazioan emandako zerbitzuak, funtzionario–harremanekoak nahiz lan–kontratuko harremanekoak izan:

Euskal Autonomia Erkidegoko Administrazio orokorrean eta haren administrazio instituzionalean emandako zerbitzuak:
– Indarrean dagoen lanpostu–zerrendan lehentasunezko eskala Kidego Teknikoko Erizaintzako Eskala duten lanpostuetan.
– Kidego Teknikoko Erizaintzako Eskalako izendapenarekin edo pareko kategoriako lan–kontratuarekin.
– Erdi–mailako Kidego Teknikoko Erizaintzako aukerako izendapenarekin emandako zerbitzuak, Euskal Autonomia Erkidegoko Administrazioko kidego eta eskalei buruzko 2021eko azaroaren 11ko 7/2021 Legearen eranskinean ezarritakoaren arabera.

Gainerako administrazio eta erakundeetan emandako zerbitzuak: Kidego/eskala/aukerako izendapenarekin edo lan–kategoria kontratuarekin emandako zerbitzuak Erdi–mailako Kidego Teknikoko Erizaintzako Eskalaren pareko funtzioekin.

Zenbaketa egiteko, eskatutako betekizunak betetzen dituzten azken 10 urteetako lan–aldiak batuko dira, eta, batu ondoren, hilabetetik beherako zatikiak kenduko dira. Horretarako, 30 eguneko multzoa hartuko da hilabetetzat.

Esperientzia hori baloratzeko, 0,45 puntu emango dira lan egindako hilabete bakoitzeko, eta gehienez 27 puntu lortu ahal izango dira.

Seme–alabak zaintzeko, senideak zaintzeko, genero–indarkeriagatiko edo indarkeria terroristagatiko eszedentzian emandako denbora esperientzia gisa baloratuko da erreserbako lanpostuan.
Esperientzia kidego eta eskala bakar batera sartzeko soilik alegatu ahalko da.

• Tituluak, gehienez 18 puntu.

Ez dira merezimendu gisa baloratuko sartzeko betekizuna den edo merezimendu gisa baloratu den goi–mailako titulu bat lortzeko behar diren tituluak. Aurreikuspen horretatik salbuetsita daude master ofizialeko titulua eta espezialista–tituluak lortzeko behar diren tituluak

– 10,80 puntu emango dira deialdiko lanpostuen eginkizunekin zerikusia duten master ofizialengatik. Hautaketa–prozesuko epaimahaiari dagokio balora daitezkeen masterrak zehaztea, Giza Baliabideen Zerbitzuak horretarako emango dituen txostenak aztertu ondoren.

– Osasun–zientzietako erizain espezialistaren tituluak (lanpostuaren betekizuna ez denean) espezialitate hauetan:

Erizaintza obstetriko–ginekologikoa
Osasun mentaleko erizaintza
Geriatriako erizaintza
Familia eta komunitate–erizaintza
Erizaintza pediatrikoa
Erizaintza mediko–kirurgikoa

- 7,2 puntu emango dira ikasketa–eremu hauetako titulu bakoitzeko (gradua, lizentzia, ingeniaritza, diploma eta ingeniaritza teknikoa):

091201 Medikuntza
051901 Biomedikuntza
051101 Biologia
051201 Biokimika
072101 Elikagaien zientzia eta teknologia
052101 Ingurumen–zientziak
053101 Kimika
084101 Albaitaritza
051202 Bioteknologia
091601 Farmazia
091503 Giza elikadura eta dietetika
091402 Optika eta optometria
091501 Fisioterapia
071101 Industria–kimikaren ingeniaritza
054201 Estatistika
054101 Matematika
054988 Beste matematika batzuk eta estatistika
031406 Soziologia
031301 Psikologia
011101 Pedagogia

Gradu–, lizentzia–, ingeniaritza–, ingeniaritza teknikoko edo diploma–tituluen kasuan, titulu bakarra baloratuko da ikasketa–eremu bakoitzeko. Era berean, aipatutako tituluen mailetan, ez dira baloratuko sartzeko betekizun gisa alegatutako tituluaren ikasketa–eremu berekoak direnak, master ofizialeko tituluak izan ezik.

Oinarri orokorretako 7.ean adierazitako lekuetan argitaratzen dira ikasketa–eremu bakoitzean sartzen diren tituluak. (PDF, 4 MB)

• Euskara jakitea.

Hizkuntza–eskakizunek derrigortasun–data igarota ez dutelako euskara jakitea betekizun gisa eskatzen ez den lanpostuetan bakarrik baloratuko da. Baremo honen arabera baloratuko da euskara jakitea:

Euskal Autonomia Erkidegoko Administrazio Orokorraren eta haren organismo autonomoen hizkuntza–eskakizunen baliokide diren ziurtagiri eta tituluak dekretu hauetan zehaztuta daude: 297/2010 Dekretua, azaroaren 9koa, Euskararen jakite–maila egiaztatzen duten tituluak eta ziurtagiriak baliokidetu, eta Hizkuntzen Europako Erreferentzia Marko Bateratuko mailekin parekatzeko dena, eta 47/2012 Dekretua, apirilaren 3koa, Euskaraz egindako ikasketa ofizialak aintzat hartzeko eta euskara–maila hizkuntza–tituluen eta ziurtagirien bidez egiaztatzetik salbuesteko dena.

Eskaerak eta hautaketa-prozesuen jarraipena

Eskabidea bide elektronikoz aurkezteko, Enplegu Publikoaren Atariko helbide elektronikoa erabili beharko da (https://www.euskadi.eus/enplegu–publikoa/), eskabidea bete ahala adierazten diren argibideei jarraituz. Horretarako, nork bere burua identifikatu beharko du, Euskal Autonomia Erkidegoko Administrazio Orokorrean onartutako edozein bitarteko erabiliz (https://www.euskadi.eus/identifikazio-elektronikorako-onartutako-bitartekoak/web01-sede/eu/), edo eskabidea bete ondoren aplikazioak berak ematen duen aldi baterako erabiltzailearen bidez. Aldi baterako erabiltzaile hori eskabidea kontsultatzeko bakarrik erabili ahal izango da. Gainerako izapideak egiteko, beharrezkoa izango da identifikazio elektronikorako onartutako bitartekoren bat edukitzea.

Eskabide elektronikoa Eusko Jaurlaritzako KZ–Gunea zentro publikoetan ere egin ahal izango da. KZguneen zerrenda eta kokapena helbide honetan ikus daitezke: www.kzgunea.eus.

• Oinarri orokorrak
• Oinarri espezifikoak

Kidego teknikoaren gai-zerrenda orokorraren bibliografia (2026ko maiatza) (PDF, 278 KB)

Eritzaintza bibliografia (2026ko maiatza) (PDF, 326 KB) (PDF)

1. Euskadiko osasun publikoaren arloko arau-esparrua. Osasun publikoaren printzipio orokorrak. Osasun publikoaren arloko jarduketak. Eusko Jaurlaritzako Osasun Sailaren egitura organikoa eta funtzionala.

2. Politika publiko osasungarriak. Osasuna politika guztietan. Osasuna Politika Guztietan: kontzeptuak eta printzipioak. Estrategiak eta jardunbide egokiak.

3. Adikzioak prebenitzea eta gai horren gaineko arreta ematea Euskadin.

4. Osasunaren sustapena. Definizioa, kontzeptuak, estrategiak eta jardun-arloak.

5. Osasun-hezkuntza. Osasunerako trebetasun pertsonalak. Esku-hartze arloak (osasun-arazoak, bizitza-estiloak, bizi-trantsizioak) eta esku-hartze motak (aholkua, heziketa indibiduala eta taldeko heziketa).

6. Gizarte Segurantzaren Lege Orokorra.

– Kontzeptuak: lan-istripua, gaixotasun profesionala, lanekoa ez den istripua eta gaixotasun arrunta.

– Aldi baterako ezintasuna. Kontzeptua. Aldi baterako ezintasuneko prozesuen gaineko eskumenak. Prestazio ekonomikoa. Onuradunak. Subsidiorako eskubidearen sorrera eta iraupena. Subsidiorako eskubidea azkentzea. Subsidiorako eskubidea galtzea edo etetea. Behaketa-aldiak eta betebehar bereziak gaixotasun profesionalaren kasuan.

– Haurdunaldiko arriskua. Babestutako egoera. Prestazio ekonomikoa.

– Edoskialdi naturaleko arriskua. Babestutako egoera. Prestazio ekonomikoa.

– Minbizia edo beste gaixotasun larriren bat duten adingabeak zaintzea. Babestutako egoera. Onuradunak. Prestazio ekonomikoa. Kalifikazioa eta berrikuspena.

– Ezintasun iraunkorraren graduak. Onuradunak. Prestazio ekonomikoak. Kalifikazioa eta berrikuspena.

– Baliaezintasunik gabeko lesio iraunkorrak. Baremoaren araberako kalte-ordainak. Onuradunak. Ezintasun iraunkorragatiko prestazioekin bateraezin direnak.

7. Lan Arriskuen Prebentzioari buruzko Legea. Xedea, aplikazio-eremua eta definizioak. Enpresaburuen eta langileen eskubideak eta betebeharrak. Prebentzio-ekintzaren printzipioak. Lan‑ekipamenduak eta babes‑tresnak. Langileen informazioa, kontsulta eta partaidetza. Langileen prestakuntza. Osasunaren zaintza. Bereziki kalteberak diren langileak babestea. Amatasuna babestea. Adingabeak babestea. Aldi baterako lanak eta aldi baterako laneko enpresak. Prebentzio Zerbitzuak. Prebentzio-ordezkariak: eskumenak eta ahalmenak, enpresa bakoitzeko ordezkari-kopurua; segurtasun eta osasun batzordeak. Erantzukizunak eta zehapenak.

8. Prebentzio Zerbitzuak eta haien antolaketa: Prebentzio Zerbitzuen Erregelamendua. Modalitateak. Prebentzio‑jardueraren integrazioa. Prebentzio-plana. Arriskuen ebaluazioa eta prebentzio-plangintza: Prebentzio-baliabideak. Eginkizunak eta kualifikazio-mailak.

9. Osalan – Laneko Segurtasun eta Osasunerako Euskal Erakundea. Sortzeko legea eta aldaketak: helburua eta eginkizunak; antolaketa eta araubide juridikoa; Osalanen plan estrategikoa eta kudeaketa-planak. Laneko Medikuntza eta Erizaintzako Katedra EHU-Osalan María Isabel Bilbao Bengoechea: Xedea, helburuak, jarduerak.

10. Laneko segurtasunaren eta osasunaren arloan organismo nazionalek eta nazioartekoek dituzten misioa eta balioak: Lanaren Nazioarteko Erakundea, Laneko Segurtasun eta Osasunerako Europako Agentzia, Laneko Segurtasun eta Osasunerako Institutu Nazionala, OSALAN.

11. Datuak babesteari buruzko legea. Osasunari buruzko datuak babestea. Konfidentzialtasuna. Historia Klinikoa. Definizioa. Historia klinikorako sarbidea eta erabilerak. Dokumentazio klinikoari buruzko eskubideak eta betebeharrak: pazienteen eskubideak. Baimen informatua. Aurretiazko borondateen agiria. Pazienteen betebeharrak. Profesional sanitarioen eskubideak eta betebeharrak. Erakunde sanitarioen eskubideak eta betebeharrak.

12. Lan-istripua: definizioa, jakinarazpena, epeak, erregistroa, delta sistema, ikerketa. Enpresaburuaren eta prebentzio-zerbitzuen betebeharrak.

13. Gaixotasun profesionalak. Gaixotasun profesionalen koadroa. Gaixotasun profesionalaren susmoaren komunikazioa. GDM gutxieneko datu-multzoa.

14. Prebentzio-zerbitzuen jarduketa sanitarioak EAEn. Xedapen orokorrak. Osasun arloko koordinazioa, lankidetza eta informazioa. Prebentzio-zerbitzuetako jarduerak, langileak eta osasun-zentroak. Unitate mugikorrak. Prebentzio-zerbitzuko osasun-zentroetako oinarrizko osasun-ekipamendua eta giza baliabideak.

15. Osasuna zaintzea, laneko arriskuak prebenitzeko. Osasun-zaintzaren definizioak, irizpideak eta printzipio orokorrak. Osasun indibidualaren zaintza. Langilearentzako informazioa. Dokumentazioa. Gaitasunaren balorazioa. Osasun kolektiboaren zaintza. Prebentzio-zerbitzuek egin beharreko jarduerak.

16. Zaintza epidemiologikoa lanean. Zaintza epidemiologikoa: sarrera, kontzeptua, helburuak, motak eta ezaugarriak. Laneko segurtasun eta osasunaren arloan planak eta programak kudeatu eta ebaluatzea.

17. Laneko erizaintzako teknikak eta prozedurak, osasun indibiduala zaintzean. Otoskopia, Rinne, Weber. Audiometria aire bidez eta hezur bidez. Espirometria behartua. Elektrokardiograma. Ikusmenaren kontrola. Ikusmen-zolitasuna. Ikusmen kromatikoa. Tonometria. Laginak hartzea. Tentsio arteriala neurtzea.

18. Immunizazioa lan-ingurunean. Enpresako txertaketarako oinarriak. Txerto-segurtasuna eta txertoek eragin ditzaketen ondorio kaltegarrien zaintza. Zaurien tetanosaren aurkako profilaxia. Nola jokatu anafilaxia baten aurrean, txerto edo produktu immunizatzaile bat eman ondoren.

19. Biziraupen-katea. Helduentzako bizi-euskarri oinarrizkoa eta aurreratua. Kanpoko desfibriladore automatizatua erabiltzea. Lehen laguntzak.

20. Laneko erizaintzako ikerketa, ikerketa kuantitatiboa eta kualitatiboa. Ikerketa-proiektua.

21. Agente fisikoekiko esposizio profesionalaren ondoriozko arriskuaren prebentzioa: zarata, bibrazioak, erradiazioak eta giro termikoa. Ondorioak eta osasunaren zaintza.

22. Nahasmendu muskuloeskeletikoak. Kontzeptua. Nahasmendu ohikoenak. Arrisku-faktore nagusiak. Osasunaren zaintza. Mugimendu errepikakorrak, jarrera behartuak eta kargak eskuz manipulatzea.

23. Datuak bistaratzeko pantailak erabiltzea. Kontzeptua, definizioak. Enpresaburuaren betebehar orokorrak. Osasunerako ondorioak: ikusmen-nekea, nahasmendu muskuloeskeletikoak eta karga mentala. Prebentzio-neurri teknikoak eta antolakuntzakoak. Osasunaren zaintza. Protokolo espezifikoa.

24. Transmisio hematikoko agente biologikoekiko esposizioaren ondoriozko lan-istripuetan jarduteko protokoloa. Objektu ebakitzaile eta zorrotzek eragindako lesioak prebenitzea. Laneko erizainaren zereginetan agente infekziosoen transmisioa prebenitzeko arreta-neurri estandarrak.

25. Ahotsaren esfortzu iraunkorrak: ahots-kordetako noduluak eta disfonia. Etiologia, zeinu klinikoak. Prebentzio-neurriak eta osasunaren zaintza.

26. Arrisku psikosozialaren faktoreak: Arrisku psikosozialen kontzeptua eta osasunerako ondorioak. Laneko erizainaren zeregina arrisku psikosozialen kudeaketan. Laneko estresa. Laneko jazarpena. Neke profesionalaren sindromea (burnout). Txandakako lana eta gaueko lana.

27. Lanean osasuna sustatzea. Osasuna sustatzeko programak diseinatzea. Lanean osasuna sustatzeko programak. Prebentzio-ekintzak. Biztanleria langilearen zahartzea. Bizimodu eta bizi-ohitura osasungarriak. Arrisku kardiobaskularreko faktore nagusiak. Enpresa Osasungarrien Espainiako Sarea (REES).

28. Adikzioen prebentzioa enpresan: Oinarrizko kontzeptuak. Euskal Autonomia Erkidegoko enpresetan adikzioak prebenitzeko plana.

29. Genero-ikuspegia lan-ingurunean. Morbilitate diferentziala.

30. Lanean amatasuna babestea. Haurdunaldian eta edoskitzaroan osasuna zaintzea. Haurdunaldiko eta edoskitzaro naturaleko arrisku-egoerak. Prebentzio-neurriak: lanpostua egokitzea eta aldatzea. Kontratua etetea haurdunaldiko arriskuagatik. Haurdunaldiko arriskuagatiko prestazioaren kudeaketa.

31. Arrisku emergenteak: Digitalizazioa eta teknologiak. Biztanleriaren zahartzea.

32. Desparekotasun sozialak osasunean eta ekitatean. Osasun-arloko desparekotasunen kontzeptua, jatorriak eta kausak. Osasunaren determinatzaile komertzialak. Osasun-politiketan, -programetan eta -jardueretan ekitate-ikuspegia txertatzeko estrategiak.

33. Osasuna sustatzen duten inguruneak. Kontzeptua. Inguruneen eragina pertsonen jokabideetan. Osasuna sustatzen duten eskolak.

34. Parte-hartze komunitarioa eta osasuna. Osasun komunitarioaren kontzeptuak eta oinarriak. Prozesu komunitario baten etapak. Osasunerako aktiboak eta Euskadi Aktiboa.

35. Tokiko ekintza komunitarioa. Tokiko partaidetza-proiektu komunitarioak. Eskola-bideak, eskola-patioen eraldaketa eta ibiltarientzako ibilbideak sortzea.

36. Jokabide osasungarriak sustatzea. Osasun Sailaren atalak: Bizimodu Osasuntsua eta Osasun Eskola. Jarduera fisikoa eta sedentarismoa. Gomendioak eta estrategiak. Elikadura osasungarria. Elikadura osasungarriari eta osasunerako elikadura-ohitura egokiei buruzko informazioa eta prestakuntza; Jarduera fisikoa eta sedentarismoa. Gomendioak eta estrategiak; Osasun sexuala.

37. Adikzioei buruz Osasun Sailak eginiko sentsibilizazio-kanpainak.

38. Estrategia: Euskadi Libre de Humo/ Kerik Gabeko Euskadi. Kerik Gabeko Guneak eta Kerik Gabeko Gazteak ekimenak, informazio-materiala eta Erretzeari uzten lagunduko dizugu atala, Osasun Eskolarena.

39. Informazio eta zaintza epidemiologikoko sistemak EAEn. Zaintza epidemiologikoaren oinarriak. EAEko araudia. Zaintza epidemiologikoko sistemak EAEn: EDO eta SIMCAPV. Jagoletza Sarea. AIAren zaintza (arnas infekzio akutuak), mikrobiologia eta zentinela-medikuak. Populazio-erregistroak eta informazio-sistemak: Minbiziaren Erregistroa, Hilkortasuna eta Datuen Gutxieneko Oinarrizko Multzoa. EAEOI: EAEko Osasun Inkesta. Txertoen Informazio Sistema.

40. Epidemiologia: definizioa eta kontzeptua. Epidemiologiaren erabilerak. Neurketa epidemiologikoa: maiztasun- eta efektu-neurriak. Azterketa epidemiologikoak: diseinua eta motak. Alborapenak eta nahaste-faktoreak. Datu epidemiologikoen analisia.

41. Epidemiologia klinikoa: Epidemiologia klinikoaren kontzeptua eta aplikazioak. Proba diagnostikoen ebaluazioa. Sentsibilitatea eta espezifikotasuna. Balio prediktiboak. ROC kurbak eta kurbaren azpiko eremuak. Erabaki klinikoen analisia.

42. Gaixotasun transmitigarrien epidemiologia orokorra. Kate epidemiologikoa: agentea, erreserborioa, ostalaria, giroa. Transmisio-moduak: zuzena, zeharkakoa, airekoa, bektoriala, bertikala. Arrisku-faktoreak eta talde kalteberak. Prebentzio- eta kontrol-printzipioak.

43. Agerraldiak zaintzea eta ikertzea. Agerraldiak definitzea eta konfirmatzea. Pertsona, leku eta denboraren araberako deskribapena. Hipotesiak formulatzea eta egiaztatzea. Kontrol- eta jarraipen-neurriak. Zaintza sindromikoa eta adimen epidemiologikoa. Epidemia-agerraldiak: detekzioa, kontrola eta koordinazioa.

44. Elikagaien eta uraren bidez transmititutako gaixotasunen epidemiologia. Etiologia eta arrisku-faktoreak. Zaintza-protokoloak: botulismoa, sukar tifoidea eta paratifoidea, listeriosia, shigelosia, E. coli-a. Prebentzio-neurriak eta agerraldien kontrola.

45. Gaixotasun immunoprebenigarriak eta zaintza. Difteria, kukutxeztula, poliomielitisa, tetanosa eta jaioberrien tetanosa. Gaixotasun inbaditzaileak: meningokokoa, pneumokokoa, H. influenzaea. Parotiditisa, errubeola, elgorria, A eta B hepatitisa. Zaintza-protokoloak, nahitaezko jakinarazpena eta kontrol-neurriak.

46. Arnas transmisioko gaixotasunak. Legionellosia: zaintza eta kontrola. Tuberkulosia: EAEko programa, diagnostikoa eta jarraipena.

47. Beste gaixotasun batzuk. A taldeko estreptokokoak eragindako gaixotasun inbaditzailea. Giza entzefalopatia espongiformeak. Sukar hemorragiko birikoak eta Monkeypoxa. Zaintza, kontrola eta jakinarazpena.

48. Txertologia eta osasun-programak. Txertologiaren oinarriak. Immunitate pasiboa. Efikazia, efektibitatea eta immunogenizitatea. Printzipio orokorrak. Txertoen sailkapena. Immunizazioko erizaintza-prozedurak, administrazio-teknikak eta hotz-katea. Txertoak eta beste produktu immunizatzaile batzuk. EAEko txertaketa-egutegiak, arrisku-taldeak eta txertaketa-egokitzapena: haurren eta heldu osasuntsuen txertaketa-egutegia (indarreko urtea), haurdunen txertaketa, arrisku-taldearen txertaketa haurtzaroan, arrisku-taldearen txertaketa helduetan, txertaketa-egokitzapena haurretan eta helduetan. Egoera berezietako txertaketa. Bidaiarien txertaketa. Atzemateko eta jarraipena egiteko estrategiak.

49. Bektoreen bidez transmititutako gaixotasunak. Dengea, chikungunya, Zika (sortzetiko Zika barne). Sukar horia, kaparrek transmititutako entzefalitisa, Mediterraneoko sukar exantematikoa, kaparrek transmititutako sukar itzulkorra. Paludismoa eta Mendebaldeko Niloko birusa. Zaintza, kontrol bektoriala eta jakinarazpena.

50. Zoonosia. Bruzelosia, Q sukarra, leptospirosia. Hegazti-gripea, amorrua, tularemia. Leishmaniasia: epidemiologia eta kontrola. Jakinarazpena eta prebentzio-neurriak.

51. Sexu-transmisiozko gaixotasunak. Sexu-transmisiozko infekzio ohikoenen oinarrizko epidemiologia. Zaintza- eta jakinarazpen-protokoloak. Prebentzioa eta kontrola biztanleria orokorrean eta arrisku-taldeetan.

52. Inferentzia kausala epidemiologian. Kausalitate-irizpide klasikoak eta modernoak (Bradford Hill). Ikuspegi kontrafaktuala. Aplikazioak ikerketan eta osasun-politiketan.

53. Gaixotasun ez-transmitigarrien epidemiologia. Minbizia: Minbizia EAEn txostena. Intzidentzia, Hilkortasuna. Minbizia prebenitzeko estrategiak: lehen mailako prebentzioa eta bigarren mailako prebentzioa. Euskadiko minbizi-baheketako programak. Gaixotasun kardiobaskularrak, diabetesa, biriketako gaixotasun buxatzaile kronikoa (BGBK). Arrisku-faktore aldagarriak eta aldaezinak.