Debabarrena Eskualdeko Mankomunitatearen eta Badesa SAren zerbitzuen eremuan ingurumenari lotutako eginkizunak bete eta garatzea, eta zehazki:

— Ingurumenaren arloko programak, ekimenak eta jardunak planifikatzea, diseinatzea eta egitea.

— Herritarrek parte hartzeko prozesuaren plangintza, diseinua eta prozesua egitea Mankomunitatearen eremuko komunikazioko eta ingurumen kudeaketako estrategietan.

— Dibulgazio jardunaldiak eta ingurumenari buruzko beste ekitaldi batzuk antolatzea.

— Ingurumen plangintza eta ingurumen plan eta jarduketa zehatzetarako laguntzak eta dirulaguntzak tramitatzea.

— Ingurumen osagarri horri buruzko era guztietako txostenak egitea eta idaztea.

— Informazioa ematea jende orori, auzo elkarteei eta inguru- menari buruzko gai orokorretan interesa duten teknikariei.

— Ingurumen arloko arauak, emisioei eta isurketei buruzkoak Urruzunoko zabortegiari lotuta betetzen direla berrikustea.

— Ingurumenaren alorreko udal ordenantzak idazten laguntzea.

— Ingurumenaren alorrean, erakunde, elkarte, administrazio, partikular, eta enpresekin nahiz gainerako udal sailekin koordinatzea.

— Ingurumen arloari dagozkion gaien inguruko proposamenak egitea eta aurrekontuak egiten laguntzea.

— Ikuskapenak egitea eta horien aktak jasotzea, betiere edukiontzietan hondakinak gordetzeko gaiei buruz.

— Kutsadura akustikoaren arazoak kudeatzea.

 — Hondakin arriskutsuen kudeaketa eta hondakin arriskutsuen kudeaketarekin tratatzeko enpresekin lankidetzan aritzea.

— Informatikako erremintak eta aplikazioak erabilera aurreratua.

— Eskola Agenda 21a planifikatzen, diseinatzen eta egiten laguntzea, Debabarreneko Eskualdeko Elkarteak garatutako ingurumen jarduerei dagokienez.

— Erosketa publiko berdea, eta udal ekipamenduen eta udal zerbitzuen kudeaketa jasangarria sustatzea.

— Ingurumenaren arloko sentsibilizazio kanpainak egitea: prebentzioa hondakinen sorreran, birziklapenerako bereiztea, autokonpostajea, eta abar.

— Gogobetetze inkestak egitea bezeroei.

 — Hiriko bilguneen kalitateari buruzko kudeaketaadierazleei jarraipena egitea: edukiontzien erabileraren mailei, mantentze lanei eta kontserbazio egoerari eta abarri buruzko azterketa.

— Kale garbiketaren adierazleei jarraipena egitea: jasotako erreklamazioak eta oharrak, gogobetetze indizeak, eta abar.

— Kudeaketa-adierazleei jarraipena egitea, Debabarrena Eskualdeko Mankomunitateko garbiguneei dagokienez bezero partikularrek eta gremioek egiten duten erabileraren inguruan.

— Etxekoekin Asimilagarriak diren Hondakin Industrial, Komertzial eta Instituzionalak biltzeko zerbitzuei buruz bezeroek —industria arloko bezeroek nahiz ostalaritza eta merkataritza arlokoek— egindako erreklamazioak kontuan hartzea.

— Ingurumen arloko lantegiak: laguntza teknikoa, gainbegiratzea, erreminten mantentze lanak (ingurumen arloko fitxak, eta abar.).

— Debabarrena Eskualdeko Mankomunitateak eta Badesak beren Estatutuen arabera egiten dituen eginkizunei lotuta dagoen ingurumenari lotutako edozein jardun.

— Bere goragoko eta laneko nagusien jarraibideak, Debabarrena Eskualdeko Mankomunitateko eta Badesako zerbitzu teknikoen taldean.

— Bere betekizunekin eta bere kategoria profesionalarekin lotuta eska dakiokeen beste edozein lan edo zeregin.

Diplomatura, Lizentziatura edo Gradu unibertsitarioko titulua izatea ingurumenaren, biologiaren, kimikaren alorretan edo baliokideren batean. Atzerriko titulazioen kasuan, tituluaren homologazioari dagokion egiaztagiriaren jabe izan beharko dira izangaiak.

3. Hizkuntza Eskakizuna.

a. Europar Batasuneko estatu kide bateko nazionalitatea edukitzea, edo Europar Batasunak egindako eta Espainiak berretsitako nazioarteko hitzarmenen bidez langileen zirkulazio askea duten estatuetakoa izatea. Aurkez daitezke, halaber, Europar Batasuneko kide den estaturen bateko nazionalitatea dutenen ezkontideak ere, baldin eta zuzenbidez banatuta ez badaude, baita haren ondorengoak eta haren ezkontide zuzenbidez banatugabearen ondorengoak ere, hogeita bat (21) urte baino gutxiago badituzte, edota, gehiago izanik ere, haien kontura bizi badira.

b. Eskabideak aurkezteko epea amaitzen den egunean 16 urte beteta edukitzea eta nahitaezko erretiroa hartzeko gehieneko adina ez gainditzea.

c. Zereginak gauzatzeko funtzio gaitasuna edukitzea.

d. Diziplina espediente bidez, edozein administrazio publikoren zerbitzutik bananduta ez egotea, edota eginkizun publikoak betetzeko erabat edo bereziki gaitasunik gabe geratu ez izana. Beste Estatu bateko nazionalitatea izanez gero, desgaituta edo egoera baliokidean ez egotea, eta diziplina zehapenik edo baliokiderik ez izatea, dagokion estatuan baldintza berberetan enplegu publikora iristea eragotziko duenik, hain zuzen.

e. Ez egotea bateraezintasun edo ezintasuneko legezko kausaren batean, 53/84 Legeak, Herri Administrazioaren Zerbitzurako Bateraezintasuna arautzen duenak, xedatutakoaren arabera.

Eskaerak behar bezala beteta aurkeztu beharko dira Debabarrena Eskualdeko Mankomunitatearen Erregistro Orokorrean.

Eskaerak aurkeztu ahal izango dira 39/2015 Legeak, urriaren 1ekoak, Herri Administrazioen Administrazio Prozedura Erkideari buruzkoak, bere 16.4. artikuluan ezartzen duen moduan, eta 30/1992 Legeak, azaroaren 26koak, Administrazio Publikoen Araubide Juridikoari buruzkoak, bere 38.4. artikuluan ezarritako bide eta bitartekoen bidez.

Hala ere, gomendatzen da aurrez Mankomunitateari posta elektroniko bidez jakinaraztea (debabarrena@debabarrena.eus), eskaerak aurkezteko epearen barnean, erakundeak jakin dezan eskaera horiek ezarritako epean aurkeztu direla.

OINARRIAK (PDF, 190 KB)

GAITEGI OROKORRA

1.gaia. Espainiako Konstituzioa: Lehenengo titulua, oinarrizko eskubideak eta betebeharrak.

2.gaia. Administrazio Publikoen zerbitzura dauden langileak: Enplegatu publikoak: motak. Enplegatu publikoen eskubideak eta betekizunak. Enplegatu publikoen jokabide-kodea.

3. gaia. 7/1985 Legea, Toki Araubidearen Oinarriak arautzen dituena. Udalerria: Antolaketa eta eskumenak

4.gaia. 30/1992 Legea (39/29015 Legearen aldaketak barne). Zehaztapenak eta epeak. Administrazio egintzen betekizunak. Egintzen eraginkortasuna. Administrazio prozedurei buruzko xedapen orokorrak.

5. gaia.- 4/2005 Legea, otsailaren 18koa, Gizonen eta Emakumeen Berdintasunerakoa: Xedea, aplikazio esparrua eta printzipio orokorrak (EHAO, 2005eko martxoaren 2a, 42 zk.).

6. gaia.- 3/2018 Lege Organikoa, abenduaren 5ekoa, Datu Pertsonalak Babestekoa eta eskubide digitalak bermatzekoa.

GAI ESPEZIFIKOAK

7 gaia. Garapen iraunkorra. Kontzeptua. Aurrekariak Nazioarteko tratatuak. Bereziki, hiri iraunkortasunaren alorrekoak. Europako Hiri eta Herri Jasangarrien Konferentziak. Euskal Autonomia Erkidegoak iraunkortasunaren alde duen konpromisoa.

8.gaia. Ingurumenari buruzko euskal arauak: 3/98 Legea, otsailaren 27koa, Euskal Autonomia Erkidegoko ingurumena babestekoa eta Ingurumen Esparru Programa.

Herritarren informazioa eta parte hartzea.

9.gaia. Herritarren parte hartzea. Ingurumeneko Udal Kontseiluak. Herritarren parte hartzea sustatzeko beste modu batzuk. Ingurumen alorreko informazioa eskuratzeko modua.

Hots Kutsadura.

10.gaia. 213/2012 Dekretua, urriaren 16koa, Euskal Autonomia Erkidegoko hots kutsadurari buruzkoa. Gai horren inguruan estatuak duen araudia.

11. gaia. Zarata eta bibrazioak: ingurumen akustikaren oinarrizko printzipioak, iturri igorle nagusiak, zarata neurtzeko teknikak.

Hondakinak.

12.Gaia. Hiri hondakinak. Gipuzkoako Hiri Hondakinen Kudeaketako Plan Integrala. 22/2011 Legea, uztailaren 28koa, Hondakin eta Lurzoru Kutsatuena. Hondakinak: Kontzeptua eta motak Toki erakundeen eskumenak. Toki erakundeek eskaintzen dituzten zerbitzuak. Hondakin bilketak antolatzeko sistemak. Murrizteko eta berrerabiltzeko jarduerak. Hiri hondakinak birziklatzea. Garbiguneak.

Jasangarritasun energetikoa.

13.gaia. Agortzen dauden energiak eta energia berriztagarriak. Kontzeptua, motak eta ezaugarriak. Energia fosilak eta Klima Aldaketa. Menpekotasun energetikoa.

Varios

14. gaia. Badesa / Debabarrena Eskualdeko Mankomunitatea

15. gaia. Badesa / Debabarrena Eskualdeko Mankomunitateak emandako zerbitzuak