EPE Euskadiko Administrazio Orokorra 2026

Sarbide orokorreko modalitate: 27 plaza eta hizkuntza–eskakizunik gabe.

Deialdi honetako lanpostuek betekizun espezifiko hauek izan ditzakete:
– Laneko medikuntzako espezialistaren titulua.

1. Europar Batasuneko kide den edozein estatutako nazionalitatea edukitzea. Parte hartzeko aukera izango dute, halaber, Europar Batasunaren estatu kideetako herritarren ezkontideek, edozein dutela ere nazionalitatea eta, betiere, zuzenbidez bananduta ez badaude, haien ondorengoek eta, zuzenbidez bananduta ez badaude, ezkontidearenek, baldin eta hogeita bat urtetik beherakoak badira edo, adin horretatik gorakoak izanda ere, gurasoen kontura bizi badira. Era berean, Europar Batasunak izenpetu eta Espainiak berretsitako nazioarteko itunen aplikazio-eremuan dauden pertsonek ere parte hartu ahal izango dute, baldin eta itun horietan langileen zirkulazio askea aplikatzen bada.
2. Gaitasun funtzionala izatea, sartu nahi den kidegoko edo eskalako zereginak betetzeko.
3. 16 urte beteta izatea eta nahitaezko erretiro-adina beteta ez izatea.
4. Diziplina-espediente batez edozein administrazio publikotako edo autonomia-erkidegotako organo konstituzional edo estatutarioen zerbitzutik bereizita ez egotea; ezta, ebazpen judizial baten ondorioz, enplegu edo kargu publikoetarako desgaikuntza absolutua edo berezia izatea ere, bereizi edo desgaitu duten funtzionario-kidegoan edo eskalan sartzeko. Beste estatu bateko herritarra izanez gero, hautagaia ezingo da desgaituta edo egoera baliokidean egon, eta ezingo du ezarrita izan diziplina-zehapenik edo baliokiderik, bere estatuan, baldintza berberetan, enplegu publikorako sarbidea eragozten dionik.
5. Oinarri espezifikoetan eskatutako titulazioa izatea edo titulua eskuratzeko eskubideak ordainduta izatea. Titulazioak atzerrikoak badira, haien homologazioaren egiaztagiria eduki beharko da.
6. Indarrean dagoen araubidearen arabera, ezgaitasun edo bateraezintasuneko lege-kausaren batean sarturik ez egotea; hala ere, araudiak ematen duen aukera-eskubidea errespetatuko da.
7. Ordainduta izatea langileak hautatzeko deialdietan inskribatzeagatik ordaindu beharreko tasa, lehiatu nahi den prozesuaren eta kidegoaren nahiz eskalaren arabera. Tasaren zenbatekoa oinarri espezifikoetan zehaztuko da.
8. Kidego eta eskala bereko karrerako funtzionario ez izatea.
9. Oinarri espezifikoetan eskatzen den beste edozein betekizun.

Deialdi honetako lanpostuek betekizun espezifiko hauek izan ditzakete:
– Laneko medikuntzako espezialistaren titulua
Merezimenduak alegatzeko izapidean deklaratu behar da dokumentu egiaztagarriaren kopia arrunta atxikituta.

– Ziurtagiri negatiboa, Haurrak eta Nerabeak Indarkeriatik Begiratzeko Babes Integralaren ekainaren 4ko 8/2021 Lege Organikoaren 57.1 artikuluaren arabera.
Merezimenduak alegatzeko izapidean deklaratu behar da.

– Medikuntzako lanbide arautuan jarduteko gaikuntza–titulua.
Merezimenduak alegatzeko izapidean deklaratu behar da.

– Dagokion elkargo profesionaleko kide izatea. Lanpostuaz jabetzeko unean egiaztatu beharko da betekizun hori, 9.1 oinarri orokorrean xedatutakoaren arabera.

Hautaketa–sistema oposizio–lehiaketa izango da.

• Oposizio–fasea.

Hiru proba egingo dira, bi fasetan banatuta.

• I. FASEA

• 1. proba. Teoriko-praktikoa izango da, eta bi zati izango ditu:

A zatia: Gai-zerrenda orokor eta espezifikoei buruzko galdera sorta bat izango da, eta galderek zenbait erantzun-aukera izango dituzte.

B zatia: Zenbait erantzun-aukera dituen galdera sorta bati erantzun beharko zaio hemen ere. Deialdiko lanpostuetako zereginekin lotutako kasu teoriko-praktikoei buruzkoak izango dira galderak, eta deialdi bakoitzaren oinarri espezifikoekin batera argitaratutako den gai-zerrenda espezifikoaren esparruan egongo dira kokatuta.

Erantzuten ez diren galderek ez dute baloraziorik izango, eta okerreko erantzun bakoitzeko penalizazio bat aplikatuko da: erantzun zuzen baten balioaren heren bat deskontutako da.

Hautaketa-prozesua egokiro garatu dadin, kontuan hartuta eskatutako gutxieneko maila, bai, halaber, proban erakutsitako ezagutza-maila eta deialdiko plaza kopurua, eta hautagaiak nor diren jakin aurretik, epaimahaiak puntuazio-atalase bat ezarriko du, proba gainditzeko behar den gutxieneko puntuazioa zein den zehazteko, eta jendaurrean emango da erabaki horren berri. Gutxieneko zuzeneko puntuazioa ezingo da izan zati bakoitzean gehienez lor daitekeen puntuazioaren ehuneko 35 baino txikiagoa eta ehuneko 65 baino handiagoa.

Proba bakoitza (edo probaren zati bat) gainditzeko epaimahaiak ezartzen dituen gutxieneko zuzeneko puntuazioak hura gainditzeko behar diren gutxieneko kalifikazioak izango dira.

Gehienez lor daitezkeen zuzeneko puntuazioak probako (edo probaren zatiko) gehieneko kalifikazioak izango dira.

Kalifikazioak (puntuazio bihurtuak) kalkulatzeko, formula hauek aplikatuko dira:

Hautagaiak lortutako zuzeneko puntuazioa epaimahaiak ezarritako gutxieneko zuzeneko puntuazioa baino handiagoa bada:

Hautagaiak lortutako zuzeneko puntuazioa epaimahaiak ezarritako gutxieneko zuzeneko puntuazioa baino txikiagoa bada:

Non:

b(z) – Hautagaiaren kalifikazioa (puntuazio bihurtua) z – Hautagaiaren zuzeneko puntuazioa

Gu – Ariketa edo ariketaren zati bat gainditzeko epaimahaiak ezarritako gutxieneko zuzeneko puntuazioa (gutxieneko nota)

Ge – Ariketan eta ariketa zati batean gehienez lor daitekeen zuzeneko puntuazioa

A – Ariketan edo ariketaren zati batean gehienez lor daitekeen kalifikazioa (gehieneko puntuazio bihurtua)

Probak gehienez 50 puntuko kalifikazioa izango du, eta zati bakoitza 0tik 25 puntura baloratuko da. Proba gainditzeko,12,5 puntuko kalifikazioa (puntuazio bihurtua) beharko da zati bakoitzean.

• II. FASEA

• 2. proba. Proba praktikoa izango da.

Lanpostuaren zeregin kritikoak simulatuko ditu; hala, balizko egoera bat edo batzuk azaldu edo aztertu beharko da/dira idatziz, galdera bati edo batzuei erantzun beharko zaie, deialdiko lanpostuko ohiko arazo bati konponbidea emateko diagnostikoa eta proposamena eratu beharko da edota txostena, irizpena edo beste edozein analisi egin, betiere bat etorrita deialdiaren xede diren lanpostuen gai-zerrendetan eta konpetentzia-profiletan jasotako edukiekin, plazari dagozkion abilezia teknikoekin eta hautaketa-prozesuan parte hartzeko eskatzen den prestakuntza akademikoarekin.

Epaimahaiak proba praktiko hau zer formatutan egin erabakiko du, deialdiko plazetan jarduteko behar diren abilezia teknikoak ahalik ondoen jasotzea helburutzat hartuta. Era berean, probaren iraupena ere zehaztuko du, zeina ezin izango baita hiru ordutik gorakoa izan.

Proba honek 45 puntuko balorazioa izango du gehienez.

Alderdi hauek baloratuko dira: ea erantzuna proban planteatu den egoerari egokitu zaion, plazari dagozkion abilezia teknikoak eta ezagutzak erakutsi diren eta ezagutza eta abilezia horiek uztartzeko gaitasuna erakutsi den. Beste alderdi hauek ere baloratuko dira: analisi- eta sintesi-gaitasuna izatea, erantzunak arrazoitzea, kontzeptu eta terminologia doiak erabiltzea, ideiak ordena egokian eta argitasunez garatzea eta idatzizko adierazpena zuzena izatea. Epaimahaiak aurreko balorazioirizpideak garatzeko beste irizpide batzuk adostuz gero, proba egin aurretik argitaratu beharko ditu.

Epaimahaiak zuzentze-irizpideen arabera kalifikatu beharko du ariketa hau, eta deialdiaren oinarrietan berariaz azaldu ez diren alderdiak zuzentzeko, baloratzeko eta gainditzeko erabiliko diren irizpideak proba egin aurretik argitaratuko ditu.

Bigarren proba gainditzeko, oro har, 22,5 puntu lortu beharko dira gutxienez.

Dena dela, ariketa gainditu duten hautagaien kopurua deialdiko plazen kopurua baino txikiagoa bada, 18 puntu edo gehiago lortu dituzten hautagaiei ere gainditutzat emango zaie ariketa.

• 3. proba. Konpetentziak ebaluatzeko proba.

Nahitaezkoa izango da eta ez baztertzailea, eta deialdiko lanpostuak betetzeko hautagaiek duten konpetentzia-profilaren elementuak baloratuko dira proba honen bitartez. Ariketan ebaluatu daitezkeen konpetentzien profilaren elementu zehatzak Enplegu Publikoaren Atarian argitaratutakoetako bat edo batzuk izango dira. Proba egin aurretik, ezagutzera emango da konpetentzien profileko zer elementu neurtu ahal izango diren, zer proba mota egingo den/diren (nortasunari, konpetentziei edo gaitasunei buruzko test edo galdetegiak, elkarrizketak, sarrera-ontziak, egoera-probak, talde-dinamikak, rol-probak, kasu-azterketak, ahozko aurkezpenak eta beste proba batzuk), zenbat iraungo duen probak eta haztapen eta baloraziorako zer irizpide erabiliko diren.

Proba honek 5 puntuko balorazioa izango du gehienez.



• Lehiaketa–fasea.

Lehiaketa–fasean, gehienez 45 puntu lor daitezke, baremo honen arabera lortutako puntuak batuz:

• Emandako zerbitzuengatiko esperientzia. Esperientziatzat hartzen dira edozein administrazio publikotan, organismo autonomotan, zuzenbide pribatuko erakunde publikotan, unibertsitate publikotan, estatutu–organoetan eta organo konstituzionaletan, edota justizia–administrazioan emandako zerbitzuak, funtzionario–harremanekoak nahiz lan–kontratuko harremanekoak izan:

Euskal Autonomia Erkidegoko Administrazio orokorrean eta haren administrazio instituzionalean emandako zerbitzuak:
– Indarrean dagoen lanpostu–zerrendan lehentasunezko eskala Fakultatiboen Goi–mailako Kidegoko Medikuntzako Eskala duten lanpostuetan.
– Fakultatiboen Goi–mailako Kidegoko Medikuntzako Eskalako izendapenarekin edo pareko kategoriako lan–kontratuarekin.
– Fakultatiboen Goi–mailako Kidegoko Medikuntzako lizentziaren aukerako izendapenarekin emandako zerbitzuak, Euskal Autonomia Erkidegoko Administrazioko kidego eta eskalei buruzko azaroaren 11ko 7/2021 Legearen eranskinean ezarritakoaren arabera.

Gainerako administrazio eta erakundeetan emandako zerbitzuak: Kidego/eskala/aukerako izendapenarekin edo lan–kategoria kontratuarekin emandako zerbitzuak Fakultatiboen Goi–mailako Kidegoko Medikuntzako Eskalaren pareko funtzioekin.

Zenbaketa egiteko, eskatutako betekizunak betetzen dituzten azken 10 urteetako lan–aldiak batuko dira, eta, batu ondoren, hilabetetik beherako zatikiak kenduko dira. Horretarako, 30 eguneko multzoa hartuko da hilabetetzat.

Esperientzia hori baloratzeko, 0,45 puntu emango dira lan egindako hilabete bakoitzeko, eta gehienez 27 puntu lortu ahal izango dira.

Seme–alabak zaintzeko, senideak zaintzeko, genero–indarkeriagatiko edo indarkeria terroristagatiko eszedentzian emandako denbora esperientzia gisa baloratuko da erreserbako lanpostuan.
Esperientzia kidego eta eskala bakar batera sartzeko soilik alegatu ahalko da.

• Tituluak, gehienez 18 puntu.

Ez dira merezimendu gisa baloratuko sartzeko betekizuna den edo merezimendu gisa baloratu den goi–mailako titulu bat lortzeko behar diren tituluak. Aurreikuspen horretatik salbuetsita daude master ofizialeko titulua eta espezialista–tituluak lortzeko behar diren tituluak

– 10,80 puntu emango dira deialdiko lanpostuen eginkizunekin zerikusia duten master ofizialengatik. Hautaketa–prozesuko epaimahaiari dagokio balora daitezkeen masterrak zehaztea, Giza Baliabideen Zerbitzuak horretarako emango dituen txostenak aztertu ondoren.
– 10,80 puntu emango dira osasun–zientzietako mediku espezialista titulu bakoitzeko (lanpostuaren betekizuna ez denean) BAME bidezko edozein espezialitatetan deialdiko lanpostuetan betekizuna diren lanpostuetan izan ezik.

– 7,2 puntu emango dira ikasketa–eremu hauetako titulu bakoitzeko (gradua, lizentzia edo diploma):

091301 Erizaintza
051901 Biomedikuntza
051101 Biologia
051201 Biokimika
072101 Elikagaien zientzia eta teknologia
052101 Ingurumen–zientziak
053101 Kimika
084101 Albaitaritza
051202 Bioteknologia
091601 Farmazia
091401 Biomedikuntzako eta osasuneko ingeniaritza
091503 Giza elikadura eta dietetika
091402 Optika eta optometria
091501 Fisioterapia
054201 Estatistika
054101 Matematika
054988 Beste matematika batzuk eta estatistika
031406 Soziologia

Oinarri orokorretako 7.ean adierazitako lekuetan argitaratzen dira ikasketa–eremu bakoitzean sartzen diren tituluak. (PDF, 4 MB)

• Euskara jakitea.

Hizkuntza–eskakizunek derrigortasun–data igarota ez dutelako euskara jakitea betekizun gisa eskatzen ez den lanpostuetan bakarrik baloratuko da. Baremo honen arabera baloratuko da euskara jakitea:

Euskal Autonomia Erkidegoko Administrazio Orokorraren eta haren organismo autonomoen hizkuntza–eskakizunen baliokide diren ziurtagiri eta tituluak dekretu hauetan zehaztuta daude: 297/2010 Dekretua, azaroaren 9koa, Euskararen jakite–maila egiaztatzen duten tituluak eta ziurtagiriak baliokidetu, eta Hizkuntzen Europako Erreferentzia Marko Bateratuko mailekin parekatzeko dena, eta 47/2012 Dekretua, apirilaren 3koa, Euskaraz egindako ikasketa ofizialak aintzat hartzeko eta euskara–maila hizkuntza–tituluen eta ziurtagirien bidez egiaztatzetik salbuesteko dena.

Eskaerak eta hautaketa-prozesuen jarraipena

Eskabidea bide elektronikoz aurkezteko, Enplegu Publikoaren Atariko helbide elektronikoa erabili beharko da (https://www.euskadi.eus/enplegu–publikoa/), eskabidea bete ahala adierazten diren argibideei jarraituz. Horretarako, nork bere burua identifikatu beharko du, Euskal Autonomia Erkidegoko Administrazio Orokorrean onartutako edozein bitarteko erabiliz (https://www.euskadi.eus/identifikazio-elektronikorako-onartutako-bitartekoak/web01-sede/eu/), edo eskabidea bete ondoren aplikazioak berak ematen duen aldi baterako erabiltzailearen bidez. Aldi baterako erabiltzaile hori eskabidea kontsultatzeko bakarrik erabili ahal izango da. Gainerako izapideak egiteko, beharrezkoa izango da identifikazio elektronikorako onartutako bitartekoren bat edukitzea.

Eskabide elektronikoa Eusko Jaurlaritzako KZ–Gunea zentro publikoetan ere egin ahal izango da. KZguneen zerrenda eta kokapena helbide honetan ikus daitezke: www.kzgunea.eus.

• Oinarri orokorrak
• Oinarri espezifikoak

Gai-zerrenda orokorraren bibliografia Goi-mailako Kidegoko eskala guztietarako (2026ko maiatza) (PDF, 278 KB) 

Medikuntzako Eskala bibliografia (2026ko maiatza) (PDF, 400 KB)

1. Laneko arriskuen prebentzioaren arau-esparrua. Euskal Autonomia Erkidegoko Laneko Arriskuen Prebentziorako Zerbitzuen erregelamendua. Prebentzio-zerbitzuetako oinarrizko osasun-unitateak antolatzea eta kudeatzea.

2. Laneko arriskuen prebentzioan eskumena duten organismo eta erakunde nazionalak eta nazioartekoak. Osalan – Laneko Segurtasun eta Osasunerako Euskal Erakundea. Egitura organikoa. Funtzioak eta eskumenak.

3. Laneko medikuntzaren funtzioak eta eskumenak. Laneko historia klinikoa. Edukiak. Osasun-dokumentuen zaintza eta kontserbazioa. Baimen informatua. Gaitasun medikoaren ziurtagiria.

4. Laneko osasun indibiduala eta kolektiboa zaintzea. Kontzeptua, helburuak eta arau-esparrua. Osasunaren zaintzaren orientaziorako oinarrizko gida eta gida orokorra.

5. Lanposturako gaitasunaren balorazioa. Enpresan informazioa transmititzea. Alderdi etikoak. Borondatezkoa edo nahitaezkoa izatea.

6. Bereziki kalteberak diren langileak babestea. Lanpostua egokitzea. Amatasuna babestea: laneko arriskuen prebentzioa haurdunaldian eta edoskitzaroan. Haurdunaldiko arriskuagatiko prestazioa. Indarrean dagoen lege-araudia.

7. Laneko istripua. Kontzeptua eta jakinarazpena. Ikerketa.  Laneko istripuen mutuak, funtzioak. Gaixotasun profesionala. Kontzeptua eta jakinarazpena. Gaixotasun profesionalaren susmoaren komunikazioa.

8. Laneko Arriskuen Prebentziorako Plana. Prebentzioaren integrazioa enpresan. Euskal Autonomia Erkidegoko Administrazio Orokorraren eta Organismo Autonomoen Laneko Arriskuen Prebentziorako Plana.

9. Laneko arrisku psikosozialak: karga mentala, estresa, laneko jazarpena, sexu-jazarpena, jazarpen diskriminatzailea. Definizioa, faktore erabakigarriak eta osasunaren gaineko ondorioak. Arrisku psikosozialen ebaluazioa. Jarduketa-protokoloa.

10. Ezintasun iragankorra. Ezintasun iraunkorra: laneko ezintasunen balorazioa. Kontzeptua, betekizunak eta prestazioak.

11. Lantokian osasuna sustatzea. Osasunaren sustapenaren printzipioak, Osasunaren Mundu Erakundearen arabera. Lan-ingurunean osasuna sustatzeko programen ezaugarriak: Kontzeptua, helburuak eta metodoak. Osasun-adierazleak. Lantokiko osasunerako hezkuntza-programak.

12. Epidemiologia laneko osasunean: azterketa epidemiologiko baten faseak. Laneko gaixotasunen eta istripuen zaintza epidemiologikoa. Diseinu epidemiologiko motak.

13. Laneko arriskuak datuak bistaratzeko pantailekiko esposizioagatik. Osasuna zaintzeko protokolo espezifikoa.

14. Agente biologikoekiko esposizioa lanean. M. tuberculosisarekiko esposizio-arriskua prebenitzea. Haurren gaixotasun infekzioso birikoen eraginpean dauden langileak. Immunizazioa. Lege-alderdiak. Txertaketa-programak lan-ingurunean. Immunoprofilaxia.

15. Zaratarekiko esposizioa lanean.  Osasuna zaintzeko protokolo espezifikoa.

16. Erradiazio ionizatzaileekiko esposizioa lanean. Esposiziopeko langileentzako osasun-zaintzako protokolo espezifikoa eta gaitasun-irizpide medikoak.

17. Pestizidekiko esposizioa lanean.  Osasuna zaintzeko protokolo espezifikoa.

18. Amiantoarekiko esposizioa lanean.  Osasuna zaintzeko protokolo espezifikoa.

19. Silizearekiko esposizioa lanean.  Osasuna zaintzeko protokolo espezifikoa.

20. Kimikoekiko esposizioa lanean.  Osasuna zaintzeko protokolo espezifikoa.

21. Erradiazio ez-ionizatzaileekiko esposizio profesionala. Iturriak eta esposizio profesionala. Efektu biologikoak. Osasuna babesteko eta zaintzeko neurriak.

22. Laneko karga fisikoa: Kontzeptua, esfortzu estatikoak eta dinamikoak, lotutako nahasmendu muskuloeskeletiko nagusiak. Osasuna zaintzeko protokolo espezifikoak.

23. Agente kantzerigeno eta mutagenoekiko esposizioagatiko arriskuen prebentzioa: Agente kausalak, prebentzioa eta osasunaren zaintza.

24. Lehen sorospenak eta larrialdien arreta lan-esparruan. Oinarrizko bizi-euskarria. Bizi-euskarri aurreratua.

25. Antolamendu sanitarioa: zentro, zerbitzu eta establezimendu sanitarioak baimentzeari buruzko araudia.

26. Lanbide sanitarioak: araudia.

27. Profesional Sanitarioen Euskal Erregistroa.

28. Zentro, zerbitzu eta establezimendu sanitarioen erregistro orokorra.

29. Jarduera sanitarioen akreditazioa.

30. Neurrira egindako produktu sanitarioen fabrikazioa baimentzea.

31. Osasun Sistema Nazionaleko erreferentziazko zentroak, zerbitzuak eta unitateak izendatzea eta akreditatzea. (CSUR)

32. Osasun Sistema Nazionalaren zerbitzu eta prestazioen zorroa.

33. Informazio sanitarioko sistemak: Historia klinikoa.

34. Pazientearen segurtasuna: araudi autonomikoa.

35. Bioetika-printzipioak. Baimen informatua.

36. Publizitate sanitarioa.

37. Hondakin sanitarioen kudeaketa EAEn.

38. Osasun Sailaren egitura organiko eta funtzionala.

39. Osasun Sailaren esparru estrategikoa.

40. Euskadiko Osasun Plana. Helburu eta lerro estrategikoak. Jarraipena eta ebaluazioa.

41. EAEko biztanleen osasun-egoera. Osasunaren determinatzaileak.

42. Osasun- eta zainketa-zerbitzuak.

43. Osasun Sailaren erregistro epidemiologikoak: hilkortasunaren erregistroa, ospitaleko alten erregistroa, minbiziaren erregistroa, haurdunaldia borondatez etetearen erregistroa, toxikomanien informazio-sistema, gaixotasun arraroen erregistroa, sortzetiko anomalien erregistroa.

44. Programa-kontratuen jarraipena eta ebaluazioa.

45. Programa-kontratua: kontzeptua eta edukia.

46. Programa-kontratuaren kalitatearen eranskina (II. eranskina) eta haren ebaluazioa.

47. Osasun Sailaren eta Osakidetzaren plan eta estrategia nagusiak, programa-kontratuaren kalitate-eranskinean ebaluatzen direnak: Euskadiko Plan Onkologiko Integrala. Euskadiko Osasun Mentaleko Estrategia. Euskadin Iktusa duten Pazienteei Arreta emateko Plana. Euskadiko Adikzioen VIII. Plana. Euskadiko Zainketa Aringarrien Plana. Osasun Arloko Ikerketa eta Berrikuntza Estrategia. Euskadiko Arreta Soziosanitarioko Estrategia. Osakidetzako Plan Estrategikoa. Pazientearen Segurtasunerako Estrategia.

48. Teknologia Sanitarioen Ebaluazioa. Helburuak eta metodoak. Ebaluazio-txostenak, berrikuspen-txostenak eta praktika klinikoko gidak.

49. Aseguramendu sanitarioa. Osasun Txartel Indibiduala. Pertsonen eskubideak eta betebeharrak Euskadiko sistema sanitarioan.

50. EAEko ikuskaritza medikoak kudeatutako prestazioak eta zerbitzuak: Prestazio sanitarioak. Prestazio ortoprotesikoa. Aldi baterako ezintasuneko eta ezintasun iraunkorreko prozesuak kontrolatzea. Ikus-onespen farmazeutikoa. Aparkatzeko behin-behineko txartela. Aurretiazko borondateak. Bolanteen oniritzia, itundutako zentro eta zerbitzuak erabiltzeko.