Kutsaduraren prebentzioa, ingurumenaren ikuskaritza eta kontrola

Uztailaren 1eko 16/2002 Legearen 1. artikuluan xedatutakoaren arabera, lege horren xedea da atmosferaren, uraren eta lurzoruaren kutsadura saihestea edo, hori ezinezkoa denean, kutsadura hori gutxitu eta kontrolatzea; eta hori lortzeko, ingurumen osoaren babes-maila altua helburutzat harturik, kutsadura prebenitu eta kontrolatzeko sistema integratu bat ezartzea.

Kutsaduraren Prebentzio eta Kontrol Integratuari buruzko uztailaren 1eko 16/2002 Legea garatu eta burutzeko Erregelamendua onartzen duen apirilaren 20ko 509/2007 Errege Dekretuaren 3. artikuluan xedatutakoarekin bat eginez, baimen honetan sartzen dira ekoizpen-elementu eta -lerro guztiak; 16/2002 Legearen 1. eranskinean aipatzen ez diren arren, lege hori aplikatu beharreko esparruko jardueren instalazioetan gauzatzen dira eta jarduera horrekin zerikusia dute.

16/2002 Legearen 9. artikuluak ezartzen duena betez, ingurumeneko baimen bateratua behar dute 1. eranskinean aipatzen diren jardueraren bat garatzen duten instalazioak eraiki, muntatu, ustiatu, lekuz aldatu nahiz funtsezko beste aldaketaren bat egiteko. 11. artikuluaren arabera, baimen honen oinarrizko helburua baldintzak ezartzea da, araua, berau aplika daitekeen instalazio guztietan betetzen dela bermatzeko; horretarako, baimena emateko parte hartuko duten Herri Administrazio desberdinen artean koordinatuta izango den prozedura bat erabili nahi da, izapideak erraztu eta partikularrek ordaindu beharreko kargak gutxitzearren. Era berean, indarrean dagoen araudiaren araberako ingurumeneko administrazio-baimen guztiak egintza administratibo bakar batean bildu nahi dira. Ekonor SA enpresaren kasuan, baimen hauek guztiak behar ditu: hondakin ez-arriskutsuak kudeatzeko baimena, horiek zabortegian utzita ezabatuz; hondakin arriskutsu eta ez-arriskutsuak sortzeko baimena; ibilgura isurtzeko baimena, eta ingurumen-izaerako beste zehaztapenen artean, atmosferaren kutsadurari dagozkion baimenak eta lurzoruaren kutsadura prebenitu eta zuzentzeari dagozkionak. Gainera, espedientean beste administrazio eta erakunde eskudun batzuk ere parte hartu dute, aginduzko txostenak igorriz.

16/2002 Legearen 29. artikuluan xedatutakoaren arabera, ingurumeneko baimen bateratua emateko prozedurak jarduera sailkatuetarako udal-lizentziaren prozedura ordezkatzen du, jarduera gogaikarri, osasungaitz, kaltegarri eta arriskutsuei buruzko azaroaren 30eko 2414/1961 Dekretuan aurreikusten zena; ez du ordezkatzen, ordea, udal-agintaritzak emango duen behin betiko ebazpena. Ondorio horietarako, ingurumeneko baimen bateratua udal-agintarientzat loteslea izango da, baldin eta lizentzia ukatzeko bada edota neurri zuzentzaileak ezartzeko bada; baita aipatu arauaren 22. artikuluan jasotako ingurumen-alderdiei buruzko aipamena egiten bada ere. 29. artikulu horretan aipatzen denez, goiko guztiak ez ditu kaltetuko autonomia erkidego bakoitzean jarduera sailkatuei aplikatzekoak diren gainerako arauak. Transkribatutako aginduak aplikatuz, Ekonor SA enpresari dagokion ingurumeneko baimen bateratuaren prozedurak barne hartu ditu Euskal Autonomia Erkidegoko Ingurumena Babesteko otsailaren 27ko 3/1998 Lege Orokorrean aurreikusitako izapideak, eta Lemoako Udalaren eta Eusko Jaurlaritzako Osasun Sailaren txostenak eskatu dira, espedientean agertzen den bezala.

Azkenik, instalazioak gehienez isur ditzakeen gai kutsagarrien balioak eta ingurumena, oro har, ahalik eta gehien babesteko ustiapenerako ezarriko zaizkion beste baldintza batzuk zehazte aldera, Ebazpen hau egiterakoan kontuan izan dira teknika erabilgarri onenak eta hondakinak zabortegian utziz hondakinen ezabatzea arautzen duen abenduaren 27ko 1481/2001 Errege Dekretuak eta hondakinen apirilaren 21eko 10/1998 Legeak ezarritako neurriak eta baldintzak.

Espedienteko txostenak aztertu ondoren, ebazpen proposamena sinatu eta Ekonor SA enpresak sustatutako proiektuak bete beharreko baldintzak ezarri ziren.

Goian adierazitako izapideak amaitu dira, eta 2002ko uztailaren 1eko 16/2002 Legearen, Kutsaduraren Prebentzio eta Kontrol Integratuari buruzkoaren 20. artikuluan jasotzen den entzunaldi-izapidea bete da. Zentzu horretan, kontuan hartu behar da organo honi atxikitako zerbitzu teknikoek sustatzaileak izapidetze honetan egindako oharrak aztertu dituztela, eta guztiak kontuan hartu direla Ebazpen hau lantzeko.

Organo hau da ingurumeneko baimen bateratu hau emateko eskuduna, aipatutako Legearen 13. artikuluan eta Ingurumen eta Lurralde Antolamendu Sailaren egitura organikoa ezartzen duen urriaren 25eko 340/2005 Dekretuaren 9. artikuluan ezarritakoari jarraituz.

Ondorengo araudia ikusi da: Ingurumen eta Lurralde Antolamendu Sailak 2008ko apirilaren 16an emandako ebazpen-proposamena; otsailaren 27ko 3/1998 Lege Orokorra, Euskal Herriko Ingurumena Babesteari buruzkoa; 16/2002 Legea, uztailaren 1ekoa, Kutsaduraren Prebentzio eta Kontrol Integratuari buruzkoa; Ingurumenaren gaineko Eraginaren Ebaluazioari buruzko ekainaren 28ko 1302/1986 Legegintzako Errege Dekretua, maiatzaren 8ko 6/2001 Legeak aldatu zuena; irailaren 30eko 1131/1988 Errege Dekretua, Legea burutzeko araudia onartzen duena; urriaren 25eko 340/2005 Dekretua, Ingurumen eta Lurralde Antolamendu Sailaren egitura organikoa ezartzen duena; 30/1992 Legea, Herri Administrazioen Araubide Juridikoa eta Administrazio Prozedura Erkideari buruzkoa, eta aplika daitekeen gainerako araudia,

Lehenengoa. Helbide soziala Iruña Okako (Araba) udalerriko Larras de San Juan z./g. kalean duen eta IFK: A-01038074 zenbakia duen Ekonor SA enpresari Ingurumeneko Baimen Bateratua ematea, hondakin ez-arriskutsuen zabortegi-proiekturako Lemoako udalerrian, eta Ebazpen honen bigarren atalean zehaztutako baldintzak jarraituz.

Era berean, Ingurumeneko Baimen Bateratu hau eman da, uztailaren 1eko 16/2002 Legearen 19. artikuluaren arabera, Arroko Erakundeak landu beharreko txostenaren emaitzei kalterik egin gabe.

Jarduera Kutsaduraren Prebentzio eta Kontrol Integratuari buruzko uztailaren 1eko 16/2002 Legearen 1. eranskineko 5.4. kategorian sartuta dago, «Mota guztietako hondakinen zabortegiak, egunean 10.000 tonatik gora hartzen dituztenak, edo guztira 25.000 tonatik gorako edukiera dutenak, hondakin geldoen zabortegiak izan ezik».

Kokapena malda moderatuko bi ibarbide naturalen artean dago, Lemoako udalerrian. Zabortegiaren kokapenaren UTM koordenatuak hauek dira:

X: 518000.

Y: 4786500.

Zabortegiak hartzen duen azalera, instalazio osagarriak barne, 90.000 m² ingurukoa da. Zabortegiaren kota 80 eta 175 m artean dago.

Ekonor SA enpresak sustatutako jarduera hondakin ez-arriskutsuen zabortegi bat ustiatzea da. Proiektuak egungo II. faseko ontziaren barruan hondakin ez-arriskutsuen ontzi berri bat eraikitzea proposatzen du, alde batetik oraingo ezpondetan bermatuta, eta bestetik hondakin geldoarazien betelanek osatzen duten ezpondan. Bi ontziak fisikoki bereiz geratuko dira geosintetikoen bidez, eta horietan sortutako lixibiatuek kanalizazio independenteak izango dituzte lixibiatu-putzuetaraino, denak batera tratatzeko.

Zabortegiaren edukiera 1.500.000 m3 ingurukoa da, hiru isuri-fasetan zatituta, eta fase horiek ustiatzeko dagokion guztizko isuri-bolumen erabilgarria 1.430.010,35 m3-koa da. 365 t/egun hondakin (275 m3) sartuko direla pentsatuz, 20,4 urteko balio-bizitza kalkulatu da, isuria hasten denetik (1997).

Isuri-ontzia isurtzeko esparruaren barruan andel independenteak osatuko dituzten 3 fasetan zatituta dago, hiru betetze-fase dituen zabortegiaren garapen orokorrean zehar bereizi, bete, iragazgaiztu eta zigilatu egiten direnak.

Zabortegiko iragazgaizte-disoluzioen diseinua isuri-ontzien hondo eta albo guztian egiten da. Halaber, betelan-planaren diseinuan kontuan hartu dira aurrealdearen behin betiko zigilatzea, altueran handitzen den heinean, eta behin-behineko iragazgaizteak eta behin-behineko ur-bilketak (rain flaps) aldi batean jardun gabe egongo diren ontziaren aldeetan. Urak lamina iragazgaiztu horren gainean erori eta perimetraletara joaten dira hodi-sistemen edo horretarako instalatutako ponpatze bidez.

Ustiapen-metodoa ustiatze-plataformaren ertzetik deskargatzea da, eta ondoren hondakinen gainazala eta malda berdintzea, eta maila bakoitza trinkotu eta zigilatzea, zabortegiaren egonkortasuna ziurtatzeko eta asentu diferentzialen arriskua minimizatzeko.

Ustiatze-elementu gisa lan-plataforma kontzeptua ezarri da (hondakinak isurtzen diren gainazal aktiboa), batez besteko ustiapen-kota baten bidez definitzen dena. Ustiapen-mailak, batez besteko behe- eta goi-koten bidez definituak, 5 metrokoak dira. Aldi berean 2,5 m-ko altuerako bi azpimaila operatibotan zatitzen dira, eta horrela isuri-ontziaren ustiapen sekuentziala egin daiteke. Bi azpimailek itxierako kanpo-ezponda bera dute. Ezpondaren maila bakoitzaren hasiera 5 metro atzeraeramanda dago azpikoarekiko, eta horrela 5 metroko segurtasun-berma bat gaitzen da maila bakoitzeko kanpo-ezponden artean.

Kamioiek, sarreran hartzeko egiaztapena egin ondoren, sarbideko pistan gora egiten dute, une horretan ustiatzen ari den isuriaren aurrealdera iritsi arte. Ustiapen-plataformaren ertz ingurura iritsita, deskargatu egiten da.

Zabortegian utzitako hondakinak zabaldu egiten dira, geruzek 1 metroko gehienezko lodiera gaindi ez dezaten, trinkotze egoki bat lortzeko. Zabortegian utzitako hondakinak, horien baldintzak egokiak direnean, trinkotu egingo dira, maila bakoitza zigilatu aurretik. Utzi eta zigilatutako geruza guztiak jariatze-malda batekin instalatuko dira, alde hori ustiatzen ez den faseetan ur-jariatzea errazteko.

Instalaziora iristen diren hondakinak sarbide-, hartze- eta erregistro-kontroletik igaroko dira, Eusko Jaurlaritzako Ingurumen eta Lurralde Antolamendu Saileko Ingurumenaren Kalitatearen Zuzendaritzak ezarritako «hondakinak EAEko zabortegietan hartzeko irizpideak eta prozedurak» agirian adierazitakoaren arabera (1). Baliotu daitezkeen hondakin-frakzioak (papera eta kartoia, zura, plastikoak, metal ferrikoak, metal ez-ferrikoak) diren hondakinak edo horiek dituztenak aurretratamendu bat izango dute, frakzio horiek gaika bereiziz. Frakzio horiek xede horretarako ezarritako edukiontzietan utziko dira, ondoren baliotu daitezen.

(1) http://www.ingurumena.ejgv.euskadi.net/r49-4892

/es/contenidos/informacion/resid_no_peligrosos/es_1005/adjuntos/Criterios de_aceptacion_%20de_residuos_en_vertederos_Feb2007.pdf.

Instalazioan gai osagarriak erabiltzen dira, hala nola sosa kaustikoa, azido sulfurikoa, azido nitrikoa, biomasa, etab.

Kanpoko energia-iturri gisa, instalazioetan energia elektrikoa erabiltzen da argian, baskulan, laborategian, bulegoetan, ponpatzean, etab. Arazketa-sistemako lurrungailuetako energia-ekarpena biomasa-galdara baten bidez egiten da (gasak errekuntza-ganbera batetik irteten dira hodi-bateria batean zehar, eta horietan beroa askatzen dute berotu beharreko uraren konbekzio bidez).

Instalazioan erabilera sanitariorako eta kamioien gurpil-garbitokian kontsumitutako ura lixibiatuak arazteko instalazioan araztutako ura da.

Instalazioan sortutako isuri atmosferiko nagusiak lixibiatuak arazteko sistemako lurrungailuetara energia ekartzeko erabilitako biomasa-galdarari lotutako foku sistematiko batekoak dira. Halaber, isurtze barreiatuak sortzen dira isuri-ontzian, hondakinen deskargetan eta kamioiak mugitzen diren aldeetan.

Instalazioan sortutako efluenteak hauek dira:

Bi bulego-eraikinetako ur sanitarioak, bi araztegi trinko independentetan tratatzen direnak, bi isuri-puntu independenteren bidez ibilgura isurtzeko (Bekoren ibaiadarra izengabeko erreka).

Laborategiko urak, dekantazio eta lixibiatuetatik igaro ostean kamioiak garbitzeko urak, lixibiatuak biltzeko putzuetara doazenak (guztira 1.000 m3-ko edukierako bi putzu). Lixibiatuak putzu batera edo bestera eramaten dira, horien aurrean dagoen konexio- eta banaketa-kutxeta baten bidez. Putzu horietatik, efluentea arazketa-sistemara doa, 26.000 m3/urteko edukierako eragin hirukoitzeko lurrun- eta kondentsazio-sistema bat duena; araztu ondoren, instalazioak hornitzeko erabiltzen da, eta soberakina ibilgura isurtzen da (Bekoren ibaiadarra izengabeko erreka) isuri-puntu independente baten bidez.

Azaleko urak bildu eta zabortegia inguratzen duten perimetro-kanalen bidez eramaten dira, mendi-magal, erreka, iturri eta iturburuen jariatze-urekin batera, eta baita area itxietako azaleko ur garbiekin ere (barne-drainadurako sarea), hondakin-masarekin ukipenez kutsatzea saihestuz.

1. faseko azpiazaleko uren drainadura-sareak drainadura sakona du iragazgaizte-laminaren azpian dauden infiltrazio-urak bildu eta eramateko. Arrain-hezur formako sare bat da, gai iragazlez beteriko 1 x 1 m-ko zanga bat eta 250 mm-ko hodi artekatua dituena, eta isuri-ontziaren kanpoaldean kontrol-lana egiten duen kutxeta bateraino eramaten duena. II. fasean draina I. faseko drainaduraren lotunean konektatzen da, eta III. faseko ontzian perimetro-kanalean hustuko da, uneko ustiapen-faseko antzeko kontrol-putzu baten bidez.

1. faseko lixibiatuen drainadura-sareak drainatzeko legar-maila bat du, eta horren barruan HDPEzko huste-sare bat instalatu da, geoehun iragazlean bilduta, xeheen eraginez lohiz betetzea saihesteko. Lixibiatuak isuri-ontziaren kanpoaldera eramaten ditu, kontrol-kutxeta batera, eta hortik lixibiatuak biltzeko bi putzuetako batera eramaten dira. Drainadura hori albotik luzatzen da hondakin-maila handitzen den heinean, ezpondaren gainean legar-geruza bat sortuz. II. faseko lixibiatuen drainadura-sarea I. fasearen luzapen gisa egiten da, eta lixibiatuak biltzeko putzuetara konektatzen dira horren lixibiatuak. III. faseko lixibiatu-sareak biltzeko bi sare independente izango ditu, bat eraiki beharreko ontzi bakoitzeko, zatitze-dike batez bereizita.

   Instalazioan sortutako hondakin nagusiak kontzentratu araztua eta zerbitzu orokorretan (araztegia, laborategia, etab.) sortutako hondakinak dira.

   Bigarrena. Ekonor SA enpresak Lemoako udalerrian hondakin ez-arriskutsuen zabortegiaren ustiapenerako ondorengo baldintzak eta eskakizunak jartzea:

   1. Erantzukizun zibileko aseguru bat eratu beharko da milioi bat euroko (1.000.000 euro) zenbatekoaz, ondorengoak estaliko dituena: hirugarren pertsonei edo horien ondasunei sortutako balizko kalteengatiko kalte-ordainak, eta baimen honek onartutako jardueraren ondorioz ingurumen aldatua konpondu eta berreskuratzeko kostuak.

      Ekonor SA enpresak kontratatutako aseguruaren baldintza orokorren, partikularren eta berezien kopia bidali beharko dio Ingurumen Organoari, ingurumen-organoak onar dezan.

      Erantzukizun zibileko aseguruaren eguneratzea egiaztatzen duen agiria urtero bidali beharko dio Ingurumen Organoari. Polizan aldaketarik izanez gero, ingurumen-organoari jakinarazi beharko zaio; halaber, kontratatutako aseguru berriaren baldintza orokorren, partikularren eta berezien kopia igorri beharko zaio.

   2. Hondakin geldo eta geldotuen kudeaketari buruzko azaroaren 2ko 423/1994 Dekretuaren 9. artikuluan ezarritako baldintzen arabera Ekonor SA enpresak jarritako fidantza urtero eguneratu ahal izango da, aurreko 12 hilabeteetako kontsumo-prezioen indizearen arabera (KPI) handituz, edo burututako gastuaren arabera txikituz.

   3. Administrazioarekiko harremanez arduratuko den pertsonaren gainean Ingurumen Sailburuordetzari eman dizkion datuetan aldaketarik balego, Ekonor SA enpresak aldaketa horien berri emango du.

   4. Neurri babesle eta zuzentzaileak, sustatzaileak Ingurumen Sailburuordetza honetan aurkeztu dituen agirietan aurreikusi bezala burutuko dira, indarrean dagoen araudiaren arabera eta ondorengo ataletan ezarritakoari jarraituz:

      1. Baldintza orokorrak obra-fasean.

      1.1. Jarduketa-esparrua mugatzea.

   1. Obrak eta lurzoruaren okupazioa ekartzen duten eragiketa osagarriak proiektuaren mugen barruan garatuko dira. Makinek eta ibilgailuek muga horietatik kanpo zirkulatzea ahalik eta gehien murriztuko da.

   2. Adierazitako eremutik kanpo ezbeharrean erasanak gertatuz gero, zuzentzeko eta leheneratzeko neurri egokiak ezarriko dira.

   3. Obrarako sarbideak, makina-parkea, obraren materialak aldi baterako gordetzeko gunea, hondeaketa-lurren eta hondakinen aldi baterako metaketak ingurumenean ahalik eta eragin txikiena izateko moduan jaurtiko dira. Obrak hasi aurretik, aurreko alderdiak xehetasunez adierazten dituen mugaketa egingo da kartografian. Mugaketa hori Obra Zuzendaritzak onartu beharko du.

      1.2. Ondare naturala babesteko neurriak.

   1. Zuzeneko okupaziorik aurreikusten ez den guneetan bertako landaredia sasiz garbitzea saihestu beharko da. Horretarako, mantendu eta zaindu beharreko landarediaren eremua zehatz mugatu eta balizatu beharko da.

   2. Hala badagokio, kolektorera doazen lixibiatuen hustubideen hodien eragina jasotzen duten ubideen gurutzatzeak, instalazio horietako babes-egiturek, erasandako ibilguaren tarteen funtzionaltasuna berreskuratzean ez eragiteko moduan egin beharko dira eta dagoen landaredia ahalik eta gehien errespetatuz.

   3. Behin hodiak ezarrita eta zangak itxita, ibaiaren ohantzearen bihurketari ekingo zaio, ohantzetik bertatik eratorritako materiala erabiliz eta berezko egitura errespetatuz. Halaber, aldatutako azaleretako landaredia berrituko da, erasandako bazterren berezko egitura ahalik eta gehien errespetatuz.

   4. Proiektuak erasandako ubideen bide-zorren eremua aldi baterako edo modu iraunkorrean okupatzea saihestuko da; ahalik eta baldintza naturalenetan geratu beharko da, betegarririk, itxiturarik eta bere funtzioa eragotziko duten bestelako okupaziorik gabe.

      1.3. Lurzorua eta ura babesteko neurriak.

   1. Obraren makina-parkearentzat bereizitako azalera eta horren mantentze-eremua drainatze naturaleko saretik isolatuko da. Zola iragazgaitza eta efluenteak biltzeko sistema izango ditu, lurzorua eta ura olio eta erregaien eraginaren ondorioz kutsa daitezen saihesteko. Erregaien zamalanak, olioa aldatzea eta tailerreko jarduerak ez dira baimenduko adierazitako guneetatik kanpo.

   2. Eraikuntza-fasea, jalkin xeheen isurtzea drainatze-sarera minimizatuz egin beharko da. Horretarako, ura bideratzeko tresnak eta solido esekiei eusteko sistemak proiektatu eta egingo dira, horietan obren ondoriozko ur kutsatua biltzeko.

      1.4. Hauts-isuriak gutxitzeko neurriak.

   1. Obrak dirauen artean, bideak eta ibilgailuak igarotzeko beste lekuak garbitzeko kontrol zorrotza burutuko da, bai obrek erasandako ingurunean, bai horietarako sarbideetan. Pistak eta aldi baterako soil egongo diren eremuak ureztatzeko sistema bat egongo da.

   2. Obra-guneetako irteeran ibilgailuak garbitzeko instalazioak izango dira. Instalazio horien ezaugarriak eta kokaleku zehatza Ebazpen honen D.1.9.d puntuak aipatzen duen agirian jaso beharko dira.

      1.5. Zarata eta dardaren eraginak gutxitzeko neurriak.

      Eraikitze-fasean barrena, proiektuan eta Ebazpen honetan deskribatutako neurriak ezarri beharko dira, makinek bete beharreko baldintzak, horien mantentze-lanak, eta lan ordutegiak zehaztuko dituena.

      1.6. Hondakinak kudeatzeko neurriak.

   1. Obretan sortutako hondakinak, hondeaketakoak, ebakiak, enbalajeak, erreuseko lehengaiak eta garbiketa-kanpainakoak prestatzeko eragiketetan sortutakoak barne, hondakinen apirilaren 21eko 10/1998 Legean eta aplikatzekoak diren berariazko araudietan aurreikusitakoaren arabera kudeatuko dira.

   2. Obran sortutako hondakin guztiak, horien baliotzea teknikoki eta ekonomikoki bideragarria bada, hondakin-baliotzaile baimendu bati igorri beharko zaizkio. Hondakinak ezabatu ahal izango dira, baldin eta horiek baliotzea teknika, ekonomia edota ingurumen aldetik bideragarria ez dela behar bezala egiaztatzen bada.

   3. Zabortegira bideratu behar diren berrerabili edo baliotu gabeko materialak, zabortegietan hondakinak onartzeko irizpide eta prozeduren arabera kudeatu behar dira.

   4. Lurrak betetzeko edo egokitzeko hondakinak hondakin geldo eta geldotuen kudeaketari buruzko azaroaren 2ko 423/1994 Dekretuaren arabera kudeatuko dira.

   5. Hondeaketaren soberakin-gordailuaren betegarria eraiki nahi izanez gero, azaroaren 2ko 423/1994 Dekretuan ezarritakoa betez, dagokion betetze-proiektua idatzi beharko da, eta horren edukia hondakin geldo edo geldotuen zabortegi-instalazioen, betelanen edo lurra egokitzeko lanen proiektu tekniko edo txosten deskriptiboen edukiari buruzko Lurralde Antolamendu, Etxebizitza eta Ingurumen sailburuaren 1995eko otsailaren 15eko Aginduan zehaztutakora egokituko da. Proiektua ingurumen-organo honi aurkeztu beharko zaio, betearazi aurretik baimena eman dezan.

      Materialak betelanetan edo lursailak egokitzeko lanetan uztea, material horien eduki kutsagarriak lurzorua ez kutsatzeko eta kutsatutakoa garbitzeko otsailaren 4ko 1/2005 Legearen I. eranskinean jasotako EBA-A ebaluazio-balio adierazleen azpitik badaude bakarrik baimenduko da.

   6. Olio erabilien kudeaketa Euskal Autonomia Erkidegoko (EAE) olio erabiliaren kudeaketa arautzen duen irailaren 29ko 259/1998 Dekretuaren eta industrian erabilitako olioaren kudeaketa arautzen duen ekainaren 2ko 679/2006 Errege Dekretuaren arabera gauzatuko da.

      Olio erabiliak kubeta edo segurtasun-sistema barruko gordailuetan gordeko dira aldi baterako, kudeatzaile baimenduak jaso arte, gordailu nagusia hausteagatik edo estankotasuna galtzeagatik olioak sakabanatzea saihesteko. Horretarako, kontratistak berak dituenak edo Ekonor SA enpresak Epeleko zabortegiko instalazioetan dituenak erabiliko dira.

   7. Hondakinak kudeatzeko araudia betetzea errazteko, lan guztietan sortutako hondakinak kudeatzeko sistemak jarri beharko dira. Sistema horiek lan horien arduradunek kudeatuko dituzte, horiek izango baitira langileek sistemak zuzen erabiltzearen arduradunak. Bereziki, erregai eta produktuak gordetzearen, makinen mantentze-lanak egitearen edo hondakinak erretzearen ondorioz ez dira inola ere sortuko efluente kontrolatugabeak.

      Aurrekoaren haritik, berariazko gune bat egokituko da olio-latak, iragazkiak, olioak, pinturak, etab. bezalako hondakin arriskutsuak aldi baterako gordetzeko instalazio estaliak jartzeko, eta horietatik bereiz, hondakin ez-arriskutsu eta geldoetarako berariazko edukiontziak. Edukiontzi horiek itxita egongo dira kudeatzaileari entregatu arte, edukia lurrunketagatik edo isurtzeagatik galtzea saihesteko. Era berean, sortutako hondakinak biltzeko gailu estankoak (bidoiak, eta abar) ezarriko dira obran zehar eta izaeraren arabera bereiziko dira. Hori guztia, aipatutako garbigunean aldi baterako biltegiratu aurretik egingo da, eta horretarako, kontratistak dituenak edo Ekonor SA enpresak Epeleko zabortegiaren instalazioetan dituenak erabiliko dira.

      1.7. Paisaia-integrazioa.

      Gune berri batean obrak abiatzean, landare-lurra erretiratuko da, pilatuko da edo zuzenean zabortegia zigilatzeko erabiliko da.

      1.8. Obraren garbiketa eta akabera.

      Obra amaitu ondoren, garbiketa-kanpaina zorrotz bat burutuko da, eta proiektuaren eragin-eremuak obra-soberakinez guztiz garbi geratu beharko du.

      1.9. Lan-programa diseinatzea.

      Kontratistak ekintza-proposamen xehatu batzuk egin beharko ditu ondorengo azpiataletan adierazitako alderdiei buruz. Proposamen horiek Ebazpen honetan kasu bakoitzerako ezartzen diren irizpideen arabera diseinatuko dira. Obra zuzendaritzak espresuki onetsi beharko ditu eta lanak burutzeko programan txertatuko dira. Jarraian zehaztukoak dira agiriak:

   1. Kontratistaren instalazioen guneen kokapenari eta ezaugarrien eta hondakinak aldi baterako gordetzeari buruzko xehetasunak, Ebazpen honen D.1.1 atalean aurreikusitakoaren arabera.

   2. Ebazpen honen D.1.2 atalak aipatzen dituen interesa duten eta okupazio zuzena aurreikusita ez dagoen landaredi-guneak kartografian xehetasunez seinaleztatzea.

   3. Ebazpen honen D.1.3 atalean aurreikusitako solido esekiei eusteko gailuen xehetasunak eta kokapena.

   4. Ebazpen honen D.1.4 atalean aurreikusitako ibilgailuak garbitzeko gailuen xehetasunak eta kokapena.

      1.10. Jarraibide egokien kontrola obren garapenean zehar.

      Obrak garatu bitartean jardunbide egokien kontrol bat egingo da, arreta berezia jarriz eragindako azalerari eta ingurune urtarraren babesari, hondakinen kudeaketari (hondeaketako soberakinak barne), solido esekiei eusteko gailuen funtzionamenduari, hautsa eta zarata egiteari, eta Ebazpen honetan adierazitako beste alderdi batzuei.

      1.11. Obra-amaierako txostena.

      Obra bukatu eta hilabeteko epean, Ekonor SA enpresak obra-zuzendaritzak sinatutako obra-amaierako ziurtagiria bidali beharko dio Ingurumen Organoari. Honako agiriak jaso behar ditu:

      Obren garapenean zehar sortutako gorabeherak.

      Ebazpen honetan jasotako neurri babesle eta zuzentzaileen betetze-maila, eta hondeaketa-materialen kudeaketa zuzena gauzatzeko ingurumen organoak eskatutako neurriena.

      Hala badagokio, obra gauzatu bitartean gehitu diren aldaketak. Xehetasunez dokumentatu beharko dira, segurtasuna edo ingurumenaren babesaren murrizketa ez dutela ekartzen egiaztatuz (dagokionean, kalkulu justifikagarriak). «As built» planoak gehituko dira.

      Obran barrena garatutako ingurumena zaintzeko programaren emaitzen txostena, sortu diren hondeaketa-materialen helmuga zehatza eta kopurua gehituz.

      Eraikitakoaren kalitatearen berme-kontrolaren emaitzak jasotzen dituen txostena, bereziki, geosintetikoen instalazioarena edo in situ trinkotutako material mineralekin egindako hesi geologiko artifizialen instalazioarena.

      2. Ontzia egokitzeko eta zabortegia iragazgaizteko obrak (II. faseko eta III. faseko hondakin ez-arriskutsuak isurtzeko gela) burutzeko baldintzak.

      2.1. Egokitzapen-obrak hasi aurretiko baldintzak (II. eta III. faseak).

      Ekonor SA enpresak obra-zuzendaritza izendatu beharko du, obraren eraikitzaile eta sustatzailearen menpekotasunik ez duena.

      Halaber, zabortegia iragazgaizteko geosintetikoen instalazioaren (II. eta III. faseak) kalitatea bermatzeko kontrolaz arduratuko den eta sustatzaile eta eraikitzailearekiko menpekotasunik ez duen enpresa izendatu beharko du. Enpresa hori izango da Ebazpen honetako D.2.2 atalean ezarritako baldintzak betetzen diren egiaztatzeko arduraduna.

      Obrak hasi aurretik, Ekonor SA enpresak zuzendaritza teknikoaren eta iragazgaizterako geosintetikoen instalazioaren (II. eta III. faseak) kalitatea bermatzeko kontrola egingo duen enpresa arduradunaren izendapenaren berri eman beharko dio ingurumen-organoari.

      2.2. Zabortegia iragazgaizteko obrak (II. eta III. faseak, dikearen barne-ezpondak barne) burutzeko baldintzak eta eskakizunak.

   1. Planimetria horizontal samarra duten guneetako iragazgaizte-sekuentzia hauxe izango da:

      Gune ez-arriskutsuetan:

      Lur naturala.

      Bentomat AS-50 geokonposatu bentonitikoa.

      Dentsitate handiko polietilenozko 2 mm-ko Atarfil AD/HDPE motako geomintza.

      Dentsitate handiko polipropilenozko 120 g/zm²-kogeoehuna.

      50 zm-ko lodierako legar-drainadura.

      Dentsitate handiko polipropilenozko 120 g/zm²-ko geoehuna.

      Gune arriskutsuetan:

      Lur naturala.

      Bentomat AS-50 geokonposatu bentonitikoa.

      Dentsitate handiko polietilenozko 2 mm-ko Atarfil AD/HDPE motako geomintza.

      Bi planoko geosare drainatzaileko Lintodrain geokonposatu drainatzailea, sarearen bi aurpegietan geoehun termofinkatuzko lamina duena.

   2. Ontzia egokitzeko eta zabortegia iragazgaizteko obretan (II. eta III. faseak) zehar aldaketa handiak ekar ditzakeen proiektuaren edozein aldaketa Ingurumen Sailburuordetzari jakinarazi beharko zaio, balora dezan, eta hala badagokio, burutu aurretik onets dezan.

      2.3. Sustatzailearen betebeharrak zabortegia iragazgaizteko obrak (II. eta III. faseak) amaitu ondoren.

      Zabortegia iragazgaizteko obrak (II. eta III. faseak) amaitu ondoren, horiek Ebazpen honetan eta honen oinarri diren agiri teknikoetan ezarritako baldintza eta eskakizunetara egokituta gauzatu direla ziurtatu beharko du obra-zuzendariak. Hori egiaztatzeko, iragazgaizteko eta aurretiko azpiegiturak (sarbideak, belar-sastrakak garbitzea, landare-lurra kentzea, perimetro-kanalak, iragazgaiztea, lixibiatuen drainadurak) burutzeko obra-amaierako ziurtagiri bat igorri beharko da, obra-zuzendaritzak sinatua, eta agiri hauek erantsita:

      Eraikitzeko proiektua («as built»), dagokion elkargo ofizial profesionalak oniritzia emanda duela. Plano-jokoa eta obra-fasean egindako aldaketek Ebazpen honetan eta ebazpenaren oinarri diren agirietan ezarritako baldintza eta eskakizunei dagokienez segurtasunaren murrizketa ekartzen ez dutela adierazten duen justifikazioa. Halaber, obra bukatzerakoan ikusi ezin diren elementuen eta euren ezaugarrien argazki-erreportajea egin beharko du, xehetasunen ikuspegiak eta planoan duten kokalekua azalduz, ikuspegi panoramiko orokor gisa.

      Iragazgaiztearen segidaren geomintzaren gaineko azaleraren plano topografiko bat, UTM-ETRS98 koordenatuetan eta kota absolutuetan.

      Eraikuntzaren kalitatea kontrolatzeko eta bermatzeko programaren emaitzak. Programa horrek barne hartuko ditu eginiko lanak deskribatzen dituen memoria, emaitzak eta ondorioak laburbiltzen dituzten taulak barne; horrez gain, esparruko eta laborategiko emaitza analitiko guztiak jasotzen dituzten eranskinak (azken horien txosten osoak hartuko dira) eta laginketa-puntuen kokapena plano takimetrikoan.

      Agiri horiek ingurumen organoari aurkeztuko zaizkio, onar ditzan. Aurkeztutako agiriak egokiak direla ziurtatu eta egiaztatzeko bisita egin ondoren, ingurumen organoak alderdi horien inguruko ziurtagiria egingo du.

      3. Instalazioaren jardunerako baldintza orokorrak.

      3.1. Teknika erabilgarri onenak.

      Teknika Erabilgarri Onenak (TEO) edo jarduera osoari buruzko antzeko ingurumeneko emaitzak eskaintzen dituztenak erabiltzea justifikatu beharko da, proiektuaren alderdi berezietan arreta berezia jarriz. Horretarako, Euskal Autonomia Erkidego mailan IHOBEk (Ingurumen Jarduketarako Sozietate Publikoa, Ingurumen eta Lurralde Antolamendu Sailera atxikia) garatutako erreferentziako agiriak erabili beharko dira, egun «Euskal Autonomia Erkidegoan ustiatzeko dauden zabortegiei aplikagarria zaien BREF gida (04ko ekaineko bertsioa)» zirriborro-fasean daudenak.

      Instalazioaren enpresa eskatzaileak bertan erabiltzen diren eta erreferentziako agirian TEO gisa hartzen diren teknikak identifikatu beharko ditu. Kasu bakoitzerako lortutako eta gai kutsagarri bereizgarriei lotutako isurtzeko muga-balioak adierazi eta justifikatuko dira. Kutsaduraren prebentzio eta kontrol integratuari buruzko Legearen 3. eranskinean zerrendatutako substantziei arreta berezia jarriko zaie.

      Erreferentziako agirietan jasotakoen bestelakoak diren teknikak erabiliz gero, teknika horiek ingurumeneko antzeko emaitzak eskaintzen dituztela justifikatu beharko da, lortutako isurtzeko muga-balioak adieraziz.

      3.2. Hondakinak hartu eta ikuskatzeko baldintzak eta kontrolak.

      Hondakinak deuseztatu daitezen zabortegian utzi ahal izango dira, baldin eta aurretiazko tratamendua jaso badute edo horien baliotzea teknika, ekonomia edo ingurumenaren aldetik bideragarria ez dela behar bezala justifikatzen bada. Ondorioz, zabortegira iristen diren hondakin balioztagarriak bereizi eta dagozkien banakako edukiontzietan gorde behar dira, helburu horretarako balioztagune baimendura eraman arte. Helburu horretarako eta egungo egoeran, honako hondakinak baliotu daitezkeela uste da: papera eta kartoia, metalak, eraikuntza eta eraispeneko hondakinak, beira, zura, plastikozko eta metalezko ontziak, erabiltzen ez diren pneumatikoak, kanpoko diametroa 1.400 mm baino txikiagoa dutenak, bizikletenak salbu. Zerrenda handitu egingo da, hondakin berriak baliotzeko baimendutako kudeatzaileak sortzen diren neurrian.

      Zabortegian ezabatu daitezen onartutako hondakin ez-arriskutsuak, hondakinak baliotzeko eta ezabatzeko eragiketak eta Hondakinen Europako Zerrenda argitaratzen dituen otsailaren 8ko MAM/304/2002 Aginduaren bidez argitaratutako Hondakinen Europako Zerrendaren arabera sailkatuta daude eta Ebazpen honetako I. eranskinean adierazitakoak dira. Ondorengo baldintzak dituzten hondakinak ez dira inolaz ere onartuko:

      1. 50 gradu zentigradu baino tenperatura handiagoa duten hondakinak.

      2. % 65eko hezetasuna baino handiagoa duten hondakinak.

         Hondakin ez-arriskutsu horiek, Euskal Autonomia Erkidegoko ingurumen organoak «Euskal Herriko zabortegietan hondakinak Onartzeko irizpideak eta prozedurak» izeneko agirian ezarritako arauetan hondakin ez-arriskutsuen zabortegietarako ezarritako onarpen-irizpideak bete beharko dituzte.

         Nolanahi ere, hondakinak onartu ahal izateko, lixibiatze-saiakuntzak egin beharko dira, UNE-EN 12457-4 arauaren arabera «Hondakinak karakterizatzea. Lixibiatzea. Hondakin pikortsuak eta lohiak lixibiatzeko adostasun-saiakuntza. 4. zatia: 10 l/kg-ko likido/solido erlazioa duen etapa baten lotekako saiakuntza 10 mm-ko partikula-tamainatik beherako materialetarako (tamaina-txikitzea izan edo ez)».

         Parametro batzuetan ezarritako mugak gaindituz gero, perkolazio-saiakuntzak onartu ahal izango dira, NEN 7343 arau holandarren arabera. Nolanahi ere, saiakuntzak Euskal Autonomia Erkidegoko ingurumen-organoak horretarako ezarritako artezpideei jarraituz egin beharko dira. Agiri horiek Ingurumen Sailburuordetzara bidaliko dira, ahal dela transakzio elektroniko bidez, IKS-L03 Sistemaren erakundeentzako bertsioa erabilita.

         Ekonor SA enpresak hilero hondakinen onarpen-agiriak eta jarraipen eta kontrolerako agiriak ondo beteta bidali beharko dizkio ingurumen organoari, hondakin geldo eta geldotuen kudeaketari buruzko arazoaren 2ko 423/1994 Dekretuaren 17, 18 eta 19. artikuluetan ezarritakoa betez. Agiri horiek Ingurumen Sailburuordetzara bidaliko dira, ahal dela transakzio elektroniko bidez, IKS-L03 Sistemaren erakundeentzako bertsioa erabilita. Sistema informatiko hori erabiltzeak agiri horiek hilero bidaltzetik salbuesten du kudeatzailea.

         Ekonor SA enpresak isuritako edo hondakin-balioztatzaile baimenduari igorritako hondakinen laburpena urtero bidali beharko dio ingurumen organoari formatu elektronikoan, honako hauek adieraziz:

         Hondakinaren sailkapena, hondakinak baliotzeko eta ezabatzeko eragiketak eta Hondakinen Europako Zerrenda argitaratzen dituen otsailaren 8ko MAM/304/2002 Aginduaren bidez argitaratutako Hondakinen Europako Zerrendaren arabera.

         Hondakin kopurua (tonatan).

         Hondakinaren sortzailea.

         Helmugako hondakin-kudeatzailea.

         3.2.1. Amiantoa duten hondakinak.

         Amianto aglomeratua duten eraikuntza-materialak baino ez dira onartuko, aglutinatzaile bidez aglomeratutako zuntzak edo plastikoan ontziratuak barne, beti ere hauskortasun baxua badute, hala nola fibrozementuzko hodiak, uralita-plaka lau edo uhinduak, etab. Hondakin horiek ezingo dute amiantoa ez den beste gai arriskutsurik izan.

         Zabortegiak onartzeko, amiantoa duten hondakinek osorik, amianto-hautsik gabe eta ongi itxitako zakutan sartuta eta plastikozko edo antzeko materialeko zorroetan babestuta egon beharko dute, horiek manipulatzean amianto-zuntzak ez isuri ahal izatea bermatzearren. Zaku horiek edukiari buruzko etiketekin etiketatuta seinaleztatu beharko dira. Amiantoa duten hondakinak ez dira onartuko birrinduta eta hauts-egoeran badaude, horiek hondakin arriskutsu gisa kudeatu beharko direlako.

         Zakuak hondakinak edo horiek dituzten zakuak berak ez hausteko moduan deskargatu beharko dira. Ildo horretan, garabiarekin edo antzekoarekin deskargatzea gomendatzen da.

         Zakuak tumuluak osatuz jarriko dira eta ahalik eta arinen, gehienez uzten diren egun berean, eta lur edo beste hondakinen geruza batekin estaliko dira, beti ere zakuak zulatu ditzaketen ertz askoko materialak ez badituzte.

         Zabortegiaren gainazalean amiantoa duten hondakinak utzi diren zona seinaleztatuko da. Zona horretan ibiliko diren pertsonak hondakin horiek deskargatzen dituztenak izango dira soilik, eta euren jarduera garatzeko behar duten denboran baino ez. Zona horretan ez da egingo zuntzak askatzea ekar dezakeen inolako obrarik.

         Urtero zabortegiaren plano batean amiantoa duten hondakinak isuri diren zona mugatuko da, isurtze-zona horren goi- eta behe-kotak adieraziz. Plano horren kopia bat bidaliko da urtero ingurumen organo honetara, zabortegian sartutako amiantoa duten hondakinei buruzko informazio hau duena, honela banakatuta:

         Jatorria (obra).

         Plakak desmuntatu dituen enpresa.

         Hondakin kopurua.

         Dagokion organo eskudunaren aurrean, langileak amiantoaren eraginaren arriskuaren kontra babesteko indarrean den araudiak ezarritako eskakizunak sinatu beharko ditu.

         Aurkeztutako eskabideari erantsitako agirian ezarritako baldintzak beteko dira, aurreko irizpideen edo langileak amiantoaren eraginaren arriskuaren kontra babesteko indarrean den araudiak ezarritakoen kontrakoak ez badira. «Fibrozementu-hondakinak eta amianto/asbestoa duten eraikuntzako eta isolamenduko beste materialak kudeatu eta onartzeko protokoloa» izenburua du agiriak, Ekonor SA enpresak 2002ko irailean idatzia.

         3.3. Lixibiatuen sorkuntza murrizteko ustiapenaren baldintzak.

         Zabortegia ustiatzean euri-uren eragin zuzena jasan dezaketen hondakinen gehienezko azalerak ez du inolaz ere 10.000 m²-ko balioa gaindituko. Isurketa-eremuko gainerako zatia aldi baterako edo behin betiko zigilatuta egongo da.

         Zabortegiko gelaxka baten zigilatzea ez da 90 egun baino gehiagoko epean abiatuko, aurreikusitako akaberako kotetara iristen den unetik kontatzen hasita. Zigilatze hori aldi baterako zigilatzea izango da, azaleraren gainean proiektuak ondorengo faseetan hondakinak uztea aurreikusten duenean, edo behin betiko zigilatzea izango da, aipatu azaleraren gainean akaberako zigilatzea ezarri behar denean. Kanpoko arrazoiak direla-eta (meteorologikoak, materialaren erabilgarritasuna, eta abar) akaberako zigilatzea epe horren barruan hastea ezinezkoa bada, aldi baterako zigilatzea ezarriko da, trinkotutako lurrez edo geomintz batez osatua, iragazketa murriztuko duena eta perimetro-kanaletara zuzenduko diren ur garbiez osatutako gainazaleko jariatzea osatzea ahalbidetuko duena. Nolanahi ere, behin betiko zigilatzea 9 hilabete baino lehen abiatuko da eta 12 hilabete baino lehen bukatuko da, hondakinak aurreikusitako gelaxkaren akaberako kotetara iristen diren unetik kontatzen hasita.

         4. Instalazioaren jardunerako baldintza orokorrak.

         4.1. Baso-biomasa baliotzeko baldintzak.

         Instalazioan baliotzeko onartuko diren hondakin ez-arriskutsuak (MAM/304/2002 Aginduaren I. eranskineko sailkapenaren arabera) hauek dira:

         HEZ kodea Deskribapena

         02 01 07 Basogintzako hondakinak

         02 03 99 Oliba-hezurrak

         03 01 01 Azal eta kortxoaren hondakinak

         03 03 05 Zerrautsa, txirbilak, zatiak, zura, partikulen taulak eta txapak, 03 01 04 kodean aipatutakoen bestelakoak direnak

         03 03 01 Azal eta zuren hondakinak

         Halaber, berdeguneen garbiketako hiri-hondakinekin (zuhaitzen kimaketa-hondarrak, lorategietako hondarrak, etab.) parekatutakoak ere, HEZ 20 02 01 kodeari dagozkionak, onartuko dira instalazioan.

         Xurgatzaile gisa edo zura kontserbatzeko tratamendurako erabilitako gaiekin bustita dauden zerrategiko hondar guztiak kanpo geratzen dira. Hiri-hondakinak ez dira inola ere erregai gisa erabiliko, lehen egindako salbuespenarekin. Erabili beharreko erregai mota aldatzeko edozein proposamen Ingurumen Sailburuordetzari jakinaraziko zaio, onar dezan.

         Baimentzeko den edozein hondakin onartu aurretik, titularrak biomasa onartzeko ziurtagiria bidaliko dio biomasaren jabeari, onarpen horren baldintzak zehaztuta. Ingurumen Sailburuordetzari agiri horren kopia igorriko zaio.

         Instalaziora erregai gisa erabiltzeko iristen den partida bakoitza aurrez aztertu egingo da, aurreko puntuan zehaztutakoaren arabera onartzeko aukera egiaztatzearren.

         Titularrak agiri-erregistro bat eramango du, datu hauek biltzen dituena:

         Biomasa onartua (hileko laburpena) Biomasa onartuaren izaera eta kopurua.

         Biomasaren jatorria eta prozesu mota.

         Biomasaren garraio-enpresa.

         Biomasa baliotua (hileko laburpena) Biomasa baliotuaren kopurua (frakzioka)

         Biomasa baztertua (denbora errealean eta hileko laburpena) Biomasa kopuru baztertua onarpen-irizpideak ez betetzeagatik.

         Biomasa baztertuaren jatorria.

         Biomasa baztertzearen kausa.

         Biomasa baztertuaren azken helmuga

         Ekoizte-prozesua (hileko laburpena) Ekoizpena eta errendimendua: sortutako elektrizitatea (MWh) eta biomasa-kontsumoa (kcal)

         Gorabeherak

         Titularrak erabili nahi duen erregistro-eredua aurkeztu behar dio Ingurumen Sailburuordetzari, onar dezan. Jarduera hasi ondoren, ingurumen-organo honi aipatutako erregistroaren kopia sei hilabetean behin igorri beharko zaio (bi epetan banatuta, urtarriletik ekainera eta uztailetik abendura).

         Titularrak hondakin ez-arriskutsuen kudeaketaren urteko memoria ere bidaliko du Ingurumen Sailburuordetzara, jardueren hurrengo urteko martxoaren 1a baino lehen.

         Proiektuak oinarrizko erregai gisa atal honetan adierazitako biomasa aurreikusten duela kontuan izanda, beste biomasa-iturri batzuk erabiltzea saihestuko da, eta bereziki baso-landaredia berariaz moztea instalazioan erabiltzeko. Jardueran zuraren lehen transformazioko zatien hondakinak ere tratatuko dira, beti ere kontserbazio-tratamendurik izan ez badute.

         4.2. Airearen kalitatea babesteko baldintzak.

         4.2.1. Baldintza orokorrak.

         Ekonor SA enpresa ustiatzeko isuri atmosferikoetan ez dira Ebazpen honetan ezarritako isurtzeko muga-balioak gaindituko.

         Prozesuan zehar atmosferara isurtzen den gai kutsatzaile oro bildu eta ihesbide egokienean zehar kanpora bideratuko da, behar denean, gai kutsatzaileen ezaugarrien arabera diseinatutako gasak arazteko sistema batetik igaro ondoren.

         Ildo horretan, hondakin ez-arriskutsuen gelaxkarako diseinatutako biltzeko sistemaren proiektu bat aurkeztu beharko da Ingurumenaren Kalitatearen Zuzendaritzak onar dezan, hauek kontuan izanda:

         Bilketa-putzuak kokatzeko erradioak gutxienez 25 m-koak izango dira.

         Bilketa-putzuak legar-inguratzailea duten dentsitate handiko polipropilenozko hodi artekatuak izango dira.

         Bilketa-sistemako kondentsatuek lixibiatuekin bat egin dezaten ahalbidetuko du diseinuak.

         Neurriak hartuko dira ustekabean gai kutsatzailerik ez botatzeko, eta botatzen direnak giza osasunerako nahiz gizartearen segurtasunerako arriskutsuak izan ez daitezen. Gas-efluenteak tratatzeko instalazioak behar bezala ustiatu eta mantenduko dira, efluenteen tenperatura- eta konposizio-aldakuntzei modu eraginkorrean aurre egiteko. Era berean, ahalik eta gehien murriztuko dira instalazio horiek gaizki dabiltzan edo geldirik dauden aldiak.

         4.2.2. Fokuak identifikatzea. Katalogazioa.

         Ekonor SA enpresaren instalazioak ondorengo fokuak ditu, atmosfera babestearen arloan indarrean dagoen araudiaren arabera katalogatuta:

         Foku Zk. Erregistro-liburuan duen izena Isurtze-fokuaren izena Garaiera (m) Barne-diametroa (m) Katalogazioa. Taldea UTM koordenatuak

         X Y

         1 48-004207-1 Biomasa-galdara 8 0,4 C 517943 4786430

         Gainera, isuri barreiatuak sortzen dira isuri-ontzian, hondakinak deskargatzean eta kamioiak mugitzeko zonetan.

         4.2.3. Isurtzeko muga-balioak.

         Instalazioa ustiatzean atmosferara egingo diren isurketek ez dituzte isurtzeko muga-balio hauek gaindituko:

         Fokua (k) Substantziak Isurtzeko muga-balioak Isurien estimazioak Sustatzailearen proposamena (1998ko otsailaren 12ko Agindua, erregai gisa biomasa solidoa erabiltzen duten errekuntza-instalazioetarako dena) Sustatzailearen proposamena

         Biomasa-galdara Karbono monoxidoa (CO) 1445 Ppm 1.445 1.445 500

         Partikulak 150 mg/Nm3 400 400 150

         Nitrogeno oxidoak (NOx) 300 ppm

         Isurtzeko muga-balioak baldintza hauei buruzkoak dira: 273 K-eko tenperatura, 101,3 kPa-ko presioa eta gas lehorra.

         Gehienez onar daitezkeen balioek ez dituzte isurtzeko muga-balioak gaindituko arauz egingo diren aldizkako ikuskapenetan (ordubeteko hiru neurketa gutxienez), zortzi ordutan zehar neurtuta. Neurketa-tolerantzia gisa onartuko da Industria Ministerioak 1976ko urriaren 18an emandako Aginduak (Industriak atmosferan eragiten duen kutsadurari aurre hartu eta hori zuzentzeari buruzkoa) bere 21. artikuluan adierazitakoa, hortaz, aipatutako mugak kasuen % 25ean gainditu ahal izango dira, betiere % 40 gainditzen ez bada. Tolerantzia hori gaindituz gero, neurketa-aldia astebetez luzatuko da, eta aldi horretako tolerantzia global gisa, kasuen % 6an gehienez onar daitezkeen mailak gainditzea onartuko da, % 25 gainditzen ez duen zenbatekoa denean. Tolerantzia horiek izanda ere, gai kutsatzaileak isurtzen dituen fokuaren eraginpeko zonaldean ezin izango dira inoiz higienikoki onar daitezkeen balioak gainditu.

         4.2.4. Gasak biltzeko eta husteko sistemak.

         Fokuetako gas-hondarrak kanporatzeko tximiniek ez dute D.4.2.2. atalean jasotako goreneko kota baino baxuagoa izango. Tximinietan behar beste neurri hartuko dira, Industria Ministerioak industriak atmosferan eragiten duen kutsadurari aurrea hartu eta hori zuzentzeari buruz 1976ko urriaren 18an emandako Agindua bete dezaten; besteak beste, laginak hartzeko puntuetara iristeko sarbide seguru eta errazak izango dituzte.

         Zehazki, laginak hartzeko aurreikusitako zuloen kokapenari eta ezaugarriei dagokienez, gas-fluxuak laginketa-puntutik neurketa-puntura bitartean, bere norabidean zehar nahiz aurkakoan, edozein asaldu izan dezakeen gunera bitarteko distantziek (L1 eta L2 parametroak) 1976ko urriaren 18ko Aginduaren III. eranskinean xedatutakoa beteko dute. Hala eta guztiz ere, L1 = 8D eta L2 = 2D distantziak betetzen ez direnean, baina L1 eta L2ren gutxieneko distantzia 2D eta 0,5D baino txikiagoa denean, hurrenez hurren, laginketa-puntua egokia dela ulertuko da; dena dela, laginketa-puntuaren egokitasuna kontrol-erakunde baimendu (KEB) batek egindako txosten baten bidez justifikatu behar da.

         Halaber, neurketa eta irakurketa ofizialak aldez aurretik abisatu gabe egiteko beharrezko gutxienekoak izango dituzte (argindarra eta beste batzuk).

         Isuri barreiatuak minimizatzearren, partikulak isur ditzaketen hautsezko materialak kamioi estalietan garraiatuko dira, hezetuta eta zakutan edo paletetan. Halaber, hondakinak deskargatzeko eremuak lixibiatuen bidez ureztatu beharko dira.

         4.3. Ibilgura isurtzeko baldintzak.

         4.3.1. Isurien sailkapena, jatorria, ingurune hartzailea eta kokapena.

         Isurketa sortzen duen jarduera mota nagusia: lixibiatzea.

         Jarduera-taldea: zabortegia.

         Mota-taldea-EJSN: 90.002.

         Isurketa-

         puntua Hondakin-ur mota Isurketaren jatorria Ingurune hartzailea Arro hidrografikoa Ingurune hartzailearen kategoria Isurketa-puntuaren UTM koordenatuak

         1 Kamioiak garbitzeko urak (dekantatu ondoren) Kamioiak garbitzeko urak dekantatzeko sistema Erreka (Bekoren ibaiadarra) Ibaizabal I X: 517.941

         Y: 4786.497

         Laborategiko industria-urak Lixibiatu gordinen tratagarrita sunerako egindako probak

         Lixibiatuak Isuri-ontzia

         2 Ur sanitarioak 1. araztegi sanitarioa X: 517.858,5884

         Y: 4.786.281,3298

         3 2. araztegi sanitarioa X: 517.990,5668

         Y: 4.786.460,2454

         4.3.2. Gehienez isur daitezkeen emari eta bolumenak.

         1. isurketa: kamioiak garbitzeko urak (dekantatu ondoren), laborategiko industria-urak eta lixibiatuak

         Puntako emaria 2,7m3/h

         Eguneko batez besteko bolumena 24,13 m3

         Urteko gehienezko bolumena 6.300 m3

         2. eta 3. isurietarako (ur sanitarioak) eguneko gehienezko bolumenari eta urteko gehienezko bolumenari buruzko datuak aurkeztu beharko dira.

         4.3.3. Isurtzeko muga-balioak.

         Efluente araztuak ibilgura isurtzearen ohiko kutsadura-parametroak ondoren zerrendatutakoak izango dira bakarrik, bakoitzerako zehazten diren gehienezko muga-balioekin:

         1. isurketa: kamioiak garbitzeko urak (dekantatu ondoren), laborategiko industria-urak eta lixibiatuak

         Parametroak Isurtzeko muga-balioak

         pH-a 5,5-9,5

         Eroankortasuna 300 µs/cm

         Oxigeno-eskari kimikoa (OEK) < 50 mg/l

         Oxigeno-eskari biologikoa (OEB5) <10 mg/l

         Solido esekiak < 25 mg/l

         Amonioa < 3 mg/lNH4

         Nitritoak < 0,10 mg/lNO2

         Nitrogenoa guztira (N) < 10 mg/lN

         Fosforoa guztira (P) < 0,5 mg/lP

         Burdina (Fe) < 2 mg/l

         Nikela (Ni) < 0,3 mg/l

         Zinka (Zn) < 0,3 mg/l

         Kobrea (Cu) < 0,2 mg/l

         Kromoa (Cr) < 0,3 mg/l

         Fluoruroak (F-) < 2 mg/l

         Fenolak < 0,10 mg/l

         Olioak

         Zianuroak (CN-)

         Kloruroak (Cl_-)

         Sulfuroak (S-)

         Sulfitoak

         Sulfatoak

         Nitrogeno nitrikoa

         Aluminioa (Al)

         Artsenikoa (As)

         Barioa (Ba)

         Boroa (B)

         Kadmioa (Cd)

         Kromo III (Cr)

         Kromo VI (Cr)

         Manganesoa (Mn)

         Merkurioa (Hg)

         Beruna (Pb)

         Selenioa (Se)

         Eztainua (Sn)

         2. eta 3. isuriak: erabilera sanitarioko Irak.

         Tenperatura: behe-ibilguko tenperatura ezin da 3º C baino gehiago areagotu.

         Ezingo dira diluzio-teknikak erabili isurtzeko muga-balioak lortzeko.

         Gainera, ingurune hartzaileari dagozkion arauak eta kalitate-helburuak bete behar dira. Aitzitik, titularrak kasuan kasu tratamendu egokia egin beharko du, isurketaren ondorioz aipatutako kalitate-helburuak urratzen ez direla ziurtatzeko.

         Baimen honek ez du baimentzen baldintza honetan esplizituki adierazitako beste substantzia batzuk isurtzea, bereziki gai arriskutsuak izenekoak badira (Uren abuztuaren 2ko 29/1985 Legearen atariko, I., IV., V., VI. eta VIII. tituluak garatzen dituen Jabari Publiko Hidraulikoaren Erregelamendua onartzen duen apirilaren 11ko 849/1986 Errege Dekretua aldatzen duen maiatzaren 23ko 606/2003 Errege Dekretuaren hirugarren xedapen gehigarriak aipatzen ditu gai horiek).

         4.3.4. Araztu eta husteko instalazioak.

         Hondakin-urak arazteko instalazioak edo hondakin-uren neurri zuzentzaileak espedientean agertzen den enpresa eskatzaileak aurkeztutako agirietara egokituko dira, eta ondorengo jarduketetan oinarrituko dira funtsean:

      1. Burutu diren jarduketak:

      1. araztegi sanitarioa, bulego zaharretako plataformaren ondoan dagoena, eta oinarrizko ezaugarri hauek dituena: komunitate ertainetarako putzu/iragazki arazketa-estazio ekologikoa, beira-zuntzez indartutako poliesterrezkoa, REMOSA marka, FF-15 modeloa, 15 biztanle baliokidetarako, 4.500 litroko edukiera, 1.600 mm-ko diametro eta 2.660 mm-ko luzerakoa. Bi dekantazio-ganbera eta iragazki biologikoko bat ditu, PVCzko ur- eta aire-sarrerak eta -irteerak eta betegarri iragazlea, korrosioarekiko erresistentea.

      2. Burutzeke dauden jarduketak:

      2. araztegi sanitarioa, bulego berrietako plataformaren ondoan kokatuko dena, eta oinarrizko ezaugarri hauek dituena: komunitate ertainetarako putzu/iragazki arazketa-estazio ekologikoa, beira-zuntzez indartutako poliesterrezkoa, Remosa marka, FF-10 modeloa, 10 biztanle baliokidetarako, 3.000 litroko edukiera, 1.600 mm-ko diametro eta 2.140 mm-ko luzerakoa. Bi dekantazio-ganbera eta iragazki biologikoko bat ditu, PVCzko ur- eta aire-sarrerak eta -irteerak eta betegarri iragazlea, korrosioarekiko erresistentea.

         Lixibiatuak arazteko sistema, 26.000 m3/urteko edukierako eragin hirukoitzeko lurrun- eta kondentsazio-sistema bat duena. Araztegiaren konfigurazioa honela laburbil daiteke: lixibiatuen aurretratamendua (pH-a doitzea), lurrun- eta kondentsazio-tratamendua, ur araztuen pH-a isuri aurretik doitzea (5m3-ko kontrol-andel batean), eta ur kontzentratuak (kontzentratuak) 75m3-ko andel batean biltegiratzea kanpo-kudeatzaile batek kudeatzeko.

         Dekantazio-sistema independentea kamioak garbitzeko uretarako, horren ondoren sortutako lohia zuzen kudeatuko da karakterizazioaren arabera, eta gainerako efluentea lixibiatuak biltegiratzeko putzuetara bidaltzen da, batera tratatzeko. Dekantazio-sistema horri buruzko proposamen zehatz bat aurkeztu beharko da (dimentsionatzea, etab.).

         Hartutako neurri zuzentzaileak nahikoak ez direla ikusiz gero, Ekonor SA enpresak behar beste aldaketa egingo ditu arazteko instalazioetan, isurketak baimenean ezarritako baldintzak bete ditzan. Aldaketak Administrazioari jakinaraziko dizkio lehenik, eta behar izanez gero, baimena aldatzeko ere eskatuko du.

         Aurkeztutako agirien arabera, isurketak kontrolatzeko kutxeta bat jarriko da baimendutako hondakin-ur mota bakoitzerako; kutxeta horiek isurketen lagin esanguratsuak lortzeko beharrezkoak diren ezaugarri guztiak izango dituzte. Kutxetak ikuskatu ahal izateko sarbide zuzena ahalbidetzen duten lekuan kokatuko dira, hala badagokio. Gutxienez, ondorengo kontrol-kutxetak jarriko dira; kutxeta horiek isurketen lagin esanguratsuak lortzeko beharrezko ezaugarri guztiak izango dituzte:

         Lixibiatuak biltzeko kutxeta.

         Perimetro-kanaletako euri-urak biltzeko kutxeta.

         Azpiazaleko urak biltzeko kutxeta.

         Ondorengo kontrolerako gailuak izango dira gutxienez:

         Lixibiatu gordinetarako emari-neurgailua (lixibiatu-putzuaren aurretik).

         Ur araztuetarako emari-neurgailua.

         pHmetroa eta ur tratatuen azken kontroleko konduktibitate-neurgailua, dagozkien alarma-sistemak, neurketen tokiko adierazpena eta biltegiratze jarraikia euskarri informatikoan dituena.

         4.3.5. Isurien kontrol-kanona.

         Uraren Legearen Testu Bateginaren 113. artikulua eta Jabari Publiko Hidraulikoaren Araudiko (606/2003 Errege Dekretua) 291. artikulua aplikatuz, hau da isurien kontrol-kanonari dagokion zenbatekoa:

         (IKK): Isurien Kontrol-kanona = V x Pu.

         Pu = Po x Km.

         Km = K2 x K3 x K4.

         Honela ulertuta:

         V = Isurketa baimenduaren bolumena (m3/urte).

         Pu = Isurketen kontrolaren prezio unitarioa.

         Po = Oinarrizkoa prezioa m3-ko isurketaren izaeraren arabera.

         Km = Isurketaren maiorazioko edo minorazioko koefizientea.

         K2 = Isurketaren ezaugarrien araberako koefizientea.

         K3 = Isurketaren kutsadura-mailaren araberako koefizientea.

         K4 = Ingurune hartzailearen ingurumen-kalitatearen araberako koefizientea.

      1. isurketa: industria-erabilerako urak:

         V: Bolumena:

         Po: Hondakin-ura: Industriala

         K2: Gai arriskutsuak dituena

         K3: Tratamendu egokia

         K4: Kategoria-eremua: I V = 6.300 m3/ urteko

         Po = 0,03005 /m3

         K2 = 1,28

         K3 = 0,5

         K4 = 1,25

         Cm = 1,28 x 0,5 x 1,25 = 0,8.

         Pu = 0,03005 x 0,8 = 0,02404 euro/ m3.

         Isurien kontrol-kanona = 6.300 x 0,024040 = 151,45 euro/urte.

      2. isurketa: osasun-erabilerako urak:

         Ekonor SA enpresak osasun-erabilerako uren emariaren kalkulua igorri beharko du Ingurumen Sailburuordetzara gehienez hilabete bateko epean, dagokion isurien kontrol-kanonaren kalkulua egin ahal izateko.

         4.5. Instalazioan sortutako hondakinak egoki kudeatzen direla bermatzeko baldintzak.

         Instalazioetan sortzen diren hondakin guztiak hondakinei buruzko apirilaren 21eko 10/1998 Legean eta aplikatzekoa den berariazko gainerako araudian xedatutakoari jarraituz kudeatuko dira; hondakinak karakterizatu egin beharko dira euren izaera zehaztu eta helburu egokiena erabakitzeko.

         Espresuki debekatuta dago sortzen diren tipologia desberdineko hondakinak elkarrekin edo beste hondakin zein efluente batzuekin nahastea; hondakinak jatorritik bertatik bereiziko dira eta horiek bildu eta biltegiratzeko bide egokiak jarriko dira, nahasketa saihesteko.

         Hondakinen kudeaketari buruzko printzipio hierarkikoei jarraituz, hondakin oro baliotu egin behar da eta horretarako balioztagune baimendu batera eraman behar dira. Hondakinak ezabatu ahal izango dira, baldin eta horiek baliotzea teknika, ekonomia edota ingurumen aldetik bideragarria ez dela behar bezala egiaztatzen bada. Birsortzea eta berrerabiltzea lehenetsiko dira baliotzeko beste modu material edo energetikoren aurretik.

         Era berean, hondakinak tratatzeko Euskal Autonomia Erkidegoan instalazio baimenduak badaude, lehentasunez instalazio horietara bidaliko dira, autosufizientzia- eta gertutasun-printzipioei jarraituz.

         Azken helmuga zabortegian ezabatzea duten hondakinen karakterizazioa Euskal Autonomia Erkidegoko ingurumen organoak «Euskal Herriko zabortegietan hondakinak onartzeko irizpideak eta prozedurak» izeneko agirian ezarritako arauen arabera egingo da.

         Hondakinak biltzeko eremuek lurzoru estankoa izan beharko dute. Egoera fisiko likidoan edo oretsuan dauden edo oso bustita daudelako isurketak edo lixibiatuak sor ditzaketen hondakinen kasuan, horiek biltzeko kubeta edo sistema egokiak jarriko dira, ezbeharrez gerta daitezkeen isurketak kanpora irten ez daitezen. Hondakina hautsa bada, euri-urarekin kontakturik izan dezan edo haizeak arrasta dezan saihestuko da; behar izanez gero, estali egingo da.

         Hondakinak desagertu, galdu edo ihes eginez gero, berehala jakinaraziko da gertatutakoa Ingurumen Sailburuordetzan eta Lemoako Udalean.

         Kamioiak garbitzeko uren dekantazio-sistema independenteari dagokionez, gurpilak garbitzeko sistemako lohi-hondakinei buruz aurreikusitako datuak aurkeztu beharko dira.

         4.5.1. Hondakin arriskutsuak.

         Hondakin arriskutsuak sortzeko prozesua hau da:

         Zerbitzu orokorrak

         Identifikazioa: NIF/4824248/1

         Prozesuaren kodea: B0019

         Sustatzaileak adierazitako hondakin arriskutsuak hauek dira:

      1. hondakina: «Plastikozko ontziak».

         Hondakinaren kodea: Q05/R13/S36/C41-51/H14/A936(5)/B0019.

         HEZ: 15 01 10.

         Urtean sortutako kantitatea: < 50 kg.

         Ontzi erabiliak biltzean sortzen da.

      2. hondakina: «Beirazko ontzi hutsak».

         Hondakinaren kodea: Q05/R13/S36/C23-24-41/H14/A936(5)/B0019.

         HEZ: 15 01 10.

         Urtean sortutako kantitatea: < 100kg.

         Ontzi erabiliak biltzean sortzen da laborategian.

      3. hondakina: «OEK saiakuntzak egiteko entsegua flaskoak».

         Hondakinaren kodea: Q02/D15/L27/C10-23/H8/A936 (5)/B0019.

         HEZ: 16 05 07.

         Urtean sortutako kantitatea: < 50 kg.

         Uren OEK edukirako analisi jakin batzuk egitean sortzen da.

      4. hondakina: «Disoluzio azido ez-organikoak».

         Hondakinaren kodea: Q07/D09/L27/C23/H08/A936(5)/B0019.

         HEZ: 11 01 06.

         Urtean sortutako kantitatea: < 500 kg.

         Laborategian kloruroak, metalak eta abar zehazteko analisi-prozesuaren ondorioz sortzen da.

      5. hondakina: «Fenola duten ur kloratuak».

         Hondakinaren kodea: Q07/D13/L06/C39-42/H06/

         A936(5)/B0019.

         HEZ: 07 07 07.

         Urtean sortutako kantitatea: < 200 kg.

         Laborategian uretan fenol-edukia zehazteko analisi-prozesuaren ondorioz sortzen da.

      6. hondakinak «Fluoreszenteak».

         Hondakinaren kodea: Q06/R13/S40/C16/H6-14/A936(5)/B0019.

         HEZ: 20 01 21.

         Urtean sortutako kantitatea: noizean behin sortzen dira.

         Fluoreszenteak birjartzeko lanetan sortzen da.

      7. hondakina: «Pila alkalinoak/Ibilgailuen bateriak».

         Hondakinaren kodea: Q06/R13/S37/C22/H5/A936(5)/B0019.

         HEZ: 20 01 33.

         Urtean sortutako kantitatea: noizean behin sortzen dira.

         Pilak eta bateriak birjartzeko lanetan sortzen da.

      8. hondakina: «Ekipo elektriko eta/edo elektronikoak».

         Hondakinaren kodea: Q06/R13/S35-40/C16-18/H14/A936(5)/B0019.

         HEZ: 16 02 13.

         Urtean sortutako kantitatea: noizean behin sortzen dira.

         Ekipo ofimatiko baztertuak birjartzeko lanetan sortzen da.

         1. Hondakin arriskutsuak biltzeko sistemak bereiziak izango dira, duten tipologia dela-eta, isuriren bat gertatuz gero, nahasi, arriskutsuago bihurtu edo kudeaketa zaildu dezaketen kasuetan.

         2. Hondakin arriskutsuak jasotzen dituzten ontziek, hondakin toxiko eta arriskutsuei buruzko maiatzaren 14ko 20/1986 Oinarrizko Legea betearazteko erregelamendua onartzen duen uztailaren 20ko 833/1988 Errege Dekretuak 13. artikuluan ezarritako segurtasun-arauak kontuan izan beharko dituzte, eta itxita egongo dira kudeatzaileak jaso arte, isuri edo lurrundu ez daitezen.

         3. Aurreko atalean aipatzen diren ontziek etiketatuta egon beharko dute, eta etiketak argia, irakurtzeko modukoa eta ezabaezina izan beharko du; etiketa 1988ko uztailaren 20ko 833/1988 Errege Dekretuak 14. artikuluan horretarako adierazitako jarraibideen araberakoa ere izango da.

         4. Hondakin arriskutsuak gordetzeko denbora ezingo da 6 hilabetetik gorakoa izan.

         5. Hondakinak kudeatzaile baimenduaren instalazioetara eraman aurretik, nahitaezko baldintza izango da agiri baten bidez egiaztatzea kudeatzaile baimendu horrek hondakinak onartu dituela. Agiri horretan hondakinak onartzeko baldintzak ezarriko dira, eta egiaztatu egingo da tratatu beharreko hondakinaren ezaugarriak administrazio-baimenarekin bat datozela. Agiri hori Ingurumen Sailburuordetzara bidaliko da hondakina lehenengoz erretiratu aurretik eta, behar izanez gero, hondakin-kudeatzaile berri batengana eraman aurretik. Beharrezkoa izanez gero, karakterizazio xehatua egingo da, proposatutako tratamenduaren egokitasuna egiaztatzeko.

         6. Hondakin arriskutsuak eraman aurretik eta, hala badagokio, araudian ezarritako aurretiazko jakinarazpena egin ondoren, kontrolerako eta jarraipenerako agiria bete beharko da. Agiri horren zati bat garraiolariari emango zaio, zamarekin batera jatorritik helmugaraino eraman dezan. Ekonor SA enpresak artxibategian gorde beharko ditu onarpen-agiriak eta kontrolerako zein jarraipenerako agiriak, edo horien agiri ofizial baliokideak, bost urtean gutxienez.

         7. Egiaztatu egin beharko da hondakin arriskutsuak baimendutako kudeatzailearen instalazioetara eramateko erabiliko den garraiobideak horrelako gaiak garraiatzeko indarrean dagoen legerian ezarritako baldintzak betetzen dituela.

         8. Ekonor SA enpresak ekainaren 2ko 679/2006 Errege Dekretuari, Industrian erabilitako olioaren kudeaketa arautzen duenari, jarraituz kudeatu beharko du sortutako olio erabilia.

         9. Ekainaren 2ko 679/2006 Errege Dekretuan, industrian erabilitako olioaren kudeaketa arautzen duenean, aurreikusitako baimendutako kudeaketa bateraturako sistema bat ezartzen ez den bitartean, irailaren 29ko 259/1998 Dekretuan, Euskal Autonomia Erkidegoan erabilitako olioaren kudeaketa arautzen duenean, begiesten diren aurreikuspenak bete beharko ditu Ekonor SA enpresak.

         10. Tresna elektriko eta elektronikoen hondakinak, horien artean hodi fluoreszenteak, tresna elektriko zein elektronikoei eta horien hondakinen kudeaketari buruzko otsailaren 25eko 208/2005 Errege Dekretuan ezarritakoaren arabera kudeatuko dira.

         11. Europako Parlamentuaren eta Kontseiluaren 2000ko ekainaren 29ko 2037/2000 EE Arautegian ozono-geruza agortzen duten substantzia batzuk zehazten eta arautzen dira. Ekonor SA enpresak era horretako substantziarik badu, substantzia horiek bildu eta suntsitu egingo dira aldeek erabakitako bide teknikoak erabiliz edota ingurumen ikuspuntutik onar daitekeen suntsiketarako beste edozein bide erabiliz; hondakin horiek birziklatu edo birsortu egingo dira bestela, aparailuak aztertu eta mantentzeko lanen aurretik nahiz desmuntatu eta suntsitu baino lehen.

         12. Erregistro bat edukiko du, hondakin arriskutsuei buruzko datu hauek agerrarazteko: kopurua, izaera, identifikazio-kodea, jatorria, tratatzeko metodo eta tokiak, sorrera- eta lagapen-datak, biltzeko maiztasuna eta garraiatzeko modua, uztailaren 20ko 833/1988 Errege Dekretuaren 17. artikuluan ezarritakoa betez, eta uztailaren 20ko 952/1997 Errege Dekretuaren bidezko aldaketan ezarritakoa betez. Sei hilean behin, Ingurumen Sailburuordetzari kontrolerako erregistro horren kopia bidaliko dio.

         13. Aipatutako e) eta f) (kudeatzaileak EAEn daudenean) eta l) ataletan adierazitako agiriak Ingurumen Sailburuordetzara bidaliko dira, ahal dela transakzio elektroniko bidez, erakundeentzako IKS-L03 Sistemaren bertsioa erabilita.

         14. Amiantoa duten hondakinak antzemanez gero, Ekonor SA enpresak 108/1991 Errege Dekretuan, amiantoak ingurumenean sortzen duen kutsadura saihestu eta gutxitzekoan, ezarritako eskakizunak bete beharko ditu. Era berean, amiantoa duten hondakinak kudeatzeko egingo diren manipulazioak 396/2006 Errege Dekretuan ezarritako aginduen arabera burutuko dira; dekretu horren bidez ezarri ziren amiantoarekin lan egiterakoan segurtasun- eta osasun-arloan bete behar diren gutxieneko baldintzak.

             4.5.2. Hondakin ez-arriskutsuak.

             Sustatzaileak adierazitako hondakin ez-arriskutsuak hauek dira:

             Hondakinaren izena HEZ kodea Zein prozesuri lotuta Kudeatzeko modua Zenbatetsitako ekoizpena

             Paper eta kartoizko ontziak 15 01 01 Jarduera orokorrak Baliotzea 500 kg/urte

             Biomasa-errekuntzako errautsak 10 01 01 Araztegiko galdara Lurzoruaren osagarri gisa berrerabiltzea abeletxeetan fosforoa edo potasioa bezalako konposatuak birziklatzeko 162,3 t/urte

             Toner agortuak 08 03 18 Bulegoak Baliotzea Noizean behin

             Lixibiatuen arazketako kontzentratuak 19 07 03 Lixibiatuen tratamendua Ezabatzea 580 m3/urte

             Plastikoa 15 01 02

             15 01 04 Baliotu daitezkeen hondakinak bereiztea Baliotzea Zehaztu beharrekoa

             Plastikozko eta metalezko ontziak 15 01 02

             15 01 04

             Erabiltzen ez diren pneumatikoak 16 01 03

             Obra-hondakinak 17 09 04

             Metal ferrikoak eta ez-ferrikoak 19 12 02

             19 12 03

             Beira 19 12 05

             Zura 19 12 07

             Papera eta kartoia 20 01 01

             Urtean sortutako hondakin ez-arriskutsu hauen kopurua adierazi beharko da: plastikoa, plastikozko eta metalezko ontziak, erabiltzen ez diren pneumatikoak, eraikuntzako eta eraispeneko hondakinak, metal ferrikoak eta ez-ferrikoak, beira, zura, papera eta kartoia.

         1. Lixibiatuen arazketako kontzentratuen kasuan, hondakin horrek ispilu-sarrera du gaur egun indarrean dagoen hondakinen Europako zerrendan. Bada, horiek hondakin ez-arriskutsutzat hartuko dira, baldin eta hondakin horiek lehenengo aldiz erretiratu baino lehen karakterizatzen badira; karakterizazio horren emaitzak Ingurumen Sailburuordetzara bidali beharko dira, proposatutako kudeaketa egokia ote den egiaztatzeko. Baldin eta hondakin hori arriskutsua dela ezartzen bada, Ebazpen honetako D.4.5.1 atalean jasotako xedapenak aplikatuko dira.

         2. Erabilitako ontziak eta ontzi-hondakinak gaika behar bezala bereizi eta eragile ekonomiko bati emango zaizkio (hornitzaileari), erabilitako ontzien kasuan berriro erabili ahal izateko; ontzi erabiliak, berriz, berreskuratzaile, birziklatzaile edo balioztagune baimendu bati.

         3. Hondakin horiek ezabatzeko direnean ezin dira urtebete baino gehiagoz biltegiratuta eduki. Hondakinen azken helburua baliotzea denean, 2 urtez gorde ahal izango dira.

         4. Oro har, hondakinak hustu aurretik, baimendutako kudeatzaile batek onartzen dituelako agiria izan beharko dute, onarpen horretarako baldintzak zehaztuta. Agiri horren kopia bidali beharko da Ingurumen Sailburuordetzara, proposatutako kudeaketa egokia dela eta Ebazpen honetan ezarritako printzipio orokorrak betetzen direla egiaztatzeko. Ekonor SA enpresak artxibategian gorde beharko ditu onarpen-agiriak eta kontrolerako zein jarraipenerako agiriak, edo horien agiri ofizial baliokideak, bost urtean gutxienez.

         5. Halaber, hondakin geldo eta geldotuen kudeaketari buruzko azaroaren 2ko 423/1994 Dekretuarekin bat etorriz, hondakin ez-arriskutsuak zabortegi baimendu batera eraman aurretik, jarraipenerako eta kontrolerako dagokion agiria bete beharko da. Agiri horiek bost urtez gorde beharko dira.

         6. Erregistro bat egingo da, hondakinei buruzko datu hauek agerrarazteko: kopurua, izaera, identifikazio-kodea, jatorria, tratatzeko metodo eta tokiak, sorrera- eta lagapen-datak, biltzeko maiztasuna eta garraiatzeko modua. Urtero, Ingurumen Sailburuordetzari bidaliko zaio kontrolerako erregistro horren kopia.

         7. Aurreko d) eta e) (kudeatzaileak EAEn daudenean), eta f) ataletan adierazitako agiriak Ingurumen Sailburuordetzara bidaliko dira, ahal dela transakzio elektroniko bidez, IKS-L03 Sistemaren erakundeentzako bertsioa erabilita.

            4.6. Lurzorua babesteko baldintzak.

            Urtarrilaren 14ko 9/2005 Errege Dekretuan eta otsailaren 4ko 1/2005 Legean ezarritako aginduak betez lurzoruaren egoerari buruz aurkeztutako aurretiazko txostenean jasota dauden gomendioen arabera, Ekonor SA enpresak lurzorua babesteko beharrezko neurriak hartu beharko ditu.

            4.7. Zaratari buruzko baldintzak.

            Jarraian adierazitako zarata-mailak ez gainditzeko neurriak hartuko dira:

         1. Jarduera maila hauei egokitu behar zaie: etxebizitzen barrualdean entzungo den zarata ezin izango da inoiz ere 40 dB (A) baino handiagoa izan Leq 60 segundo etengabeko balioan neurtuta, 08:00ak eta 22:00ak bitartean, leiho eta ateak itxita, ezta 45 dB (A) ere gehienezko balioetan.

         2. Jarduera maila hauei egokitu behar zaie: etxebizitzen barrualdean entzungo den zarata ezin izango da inoiz ere 30 dB (A) baino handiagoa izan Leq 60 segundo etengabeko balioan neurtuta, 22:00ak eta 08:00ak bitartean, leiho eta ateak itxita, ezta 35 dB (A) ere gehienezko balioetan.

         3. Era berean, zarata ezin da 60 dB (A) baino handiagoa izan, Leq 60 segundo etengabeko balioan neurtuta, industria-eremuaren kanpoko itxituran.

         4. Zamalanetan eta materiala kamioietan garraiatzean egiten den zaratak ez du handituko sentsibilitate akustiko handieneko guneetako zarata-maila.

            4.8. Usainei buruzko baldintzak.

            Sustatzaileak aurkeztutako agirien arabera, jalkitze-putzuak aldizka garbituko dira, hartzidura-usainak saihesteko.

            4.9. Paisaiari buruzko baldintzak.

            Dagoen landare-pantailari eutsiko zaio, paisaian erasanak saihesteko.

         5. Hondakin ez-arriskutsuen zabortegia zigilatzeko obrak (II. fasea) burutzeko baldintzak eta eskakizunak.

         1. Zigilatzeko profil tipoa honelakoa izango da:

            0,5 m-ko lodierako berdintze-geruza, hondeaketako materialekin, itxiera-gainazalaren azken morfologia lortzearren, diseinuko ponpatze-maldak gaituz.

            Zulatzeen kontra babesteko geoehun-geruza, PP ez-ehundukoa, 500g/m²-koa.

            2 mm-ko lodierako HDPEzko lamina, ontziaren ustiategian instalatutakoari termosoldatua.

            Euri-urak husteko geokonposatu drainatzailea, HDPEzko erdiko geosare batez eta PP ez-ehunduzko bi geoehunez osatua. Geokonposatu hori isuri-ontziaren perimetroan kanpoko euri-urak desbideratzeko dagoen sarearekin konektatuko da.

            0,5 m-ko lodierako landare-lurrezko geruza, gai organikoaren eduki handia duena, landaredia berreskuratzeko lanak ahalbidetzeko.

         2. Malda egokiak izan daitezen, zabortegiaren azaleraren birmoldaketa amaitu ondoren, zabortegiaren azaleraren plano takimetriko bat altxatuko da, okupatuko duen azalera eta zigilatu beharreko azalera definituko duena. Gutxienez metro bateko banda gehigarria okupatuko du, birmoldaketaren ostean zabortegiak okupatutako azalerarekiko. Plano takimetriko horren gainean, zigilatzeko lanetan zehar ager daitezkeen lixibiatuen iturburuak kokatuko dira, horietako bakoitzean honako hauek zehaztuz: emaria, pH-a, tenperatura, eroankortasun elektrikoa (CE) eta neurketa-data.

         3. Zigilatze-lanetan zehar sortzen den eta aldaketa nabarmenak eragiten dituen zigilatze-proiektuaren aldaketa oro ingurumen organoari jakinarazi behar zaio, gauzatu aurretik onar dezan.

         4. Hondakin ez-arriskutsuen zabortegia zigilatu ondoren, zigilatze-lanen zuzendariak lanak Ebazpen honetan ezarritako baldintza eta betebeharren eta ebazpenaren oinarri den agiri teknikoen arabera bete dela egiaztatu beharko du. Egiaztapena egiteko, obra-zuzendariak zabortegia zigilatzeko sinatutako obra-amaierako ziurtagiria bidali beharko du, ondorengo agiriekin batera:

            Dagokion eraikitzeko proiektua («as built»), dagokion elkargo ofizial profesionalak oniritzia emanda duela. Plano-jokoa eta obra-fasean egindako aldaketek Ebazpen honetan eta ebazpenaren oinarri diren agirietan ezarritako baldintza eta eskakizunei dagokienez segurtasun-murrizketa ekartzen ez dutela adierazten duen justifikazioa. Halaber, obra bukatzean ezin ikusi diren elementuen eta horien ezaugarrien argazki-erreportajea egin beharko du, xehetasunen ikuspegiak eta planoan duten kokalekua azalduz, ikuspegi panoramiko orokor gisa.

            Zigilatze-segidako landare-lurrezko geruzaren gainazalaren plano topografikoa, UTM koordenatuetan eta kota absolutuetan.

            Eraikuntzaren kalitatea kontrolatzeko eta bermatzeko programaren emaitzak. Programa horrek barne hartuko ditu eginiko lanak deskribatzen dituen memoria, emaitzak eta ondorioak laburbiltzen dituzten taulak barne; horrez gain, esparruko eta laborategiko emaitza analitiko guztiak jasotzen dituzten eranskinak (azken horien txosten osoak hartuko dira) eta laginketa-puntuen kokapena plano takimetrikoan.

         5. Aurreko atalean adierazitako obra-amaierako ziurtagiria eta horri erantsitako dokumentazioa ingurumen organoari aurkeztu beharko zaio, onar dezan. Aurkeztutako agiriak egokiak direla ikusi eta egiaztapen-bisita egin ondoren, ingurumen-organoak isurketa-jarduera etetea, zigilatzearen bukaera eta itxi ondorengo aldia abiatzea onartuko du.

         6. Hondakin ez-arriskutsuen zabortegia itxi ondorengo baldintzak:

         1. Ekonor SA enpresak zabortegia ustiatzen duen erakundea den heinean, zabortegia itxi ondorengo mantentze-lanen eta kontrolaren arduraduna izango da, eta funtzio horietaz arduratuko den pertsonaren izena jakinarazi beharko dio ingurumen organoari.

         2. Posta-helbidearen, telefonoaren, faxaren, posta elektronikoaren edo edozein komunikabide eta kontakturen, eta itxiera ondorengo kontrolaz arduratuko den pertsonaren aldaketarik izango balitz, zabortegiaren titularrak jakinarazi beharko du.

         3. Itxi ondorengo kontrola eta zainketa aldia 30 urtekoa izango da, zabortegiaren jarduera eten eta zigilatzea bukatzean den data onartzen den unetik kontatzen hasita. Ingurumen-organoak hala irizten badio, data hori aldatu ahal izango da, itxi ondorengo kontroletan barrena lortutako emaitzen arabera. Itxi ondorengo aldiari dagokionez, sustatzaileak horrela eskatuta, ingurumen-organoak emandako ebazpenaren bidez ezarriko dira itxi ondorengo aldiaren bukaera eta horren inguruan ezarritako betebeharren epe-betetzea. Aldez aurretik atal honetan ezarritako baldintzak betetzen direla egiaztatu beharko da.

         4. Ekonor SA enpresak itxi ondorengo zainketak betetzeaz arduratuko den enpresa arduraduna izendatuko du. Enpresa hori zabortegiaren titularraren bestelakoa baldin bada, titularrak enpresa hori gutxienez urtebeteko aldirako izendatuko du. Izendapen horren berri eman beharko zaio ingurumen-organoari, izendapena egin eta 15 eguneko epean, eta zabortegiaren titularraren ordezkariaren onarpen-sinadura, itxi ondorengo zainketaz arduratuko den enpresako ordezkariaren onarpen-sinadura eta titularrak emandako agirien zerrenda xehatua barne izango ditu. Zerrendak aipatu zabortegiari dagozkion administrazio-eskakizun guztiak eta zigilatzean eta ordura arteko itxi ondorengo zainketan zehar sortutako dokumentazio tekniko guztia jaso beharko ditu.

         5. Itxi ondorengo aldian zehar kokapenean jarduerak egin nahi izanez gero, aldez aurretik ingurumen-organoaren baimena izan beharko da. Nolanahi ere, jarduera horiek zigilatze osoa, perimetro-kanaren funtzionamendua, eginkortasuna edo itxi ondorengo kontrol-sistemaren elementuetan eraginik ez dutela, eta garatu nahi den erabilerarako edo jarduerarako arrisku onartezina eragingo ez duela ziurtatu beharko zaio ingurumen-organoari. Hala eginez gero, horiek birjartzeko nahikoa neurri zuzentzaile aurreikusi direla ziurtatu beharko da.

            Xede horretarako, zigilatzean sortzen den zuhaitz- edo zuhaixka-landaredia ezabatu egingo da.

            Inolaz ere ez da baimenduko zabortegia itxi ondorengo fasean barrena zabortegiaren zigilatzea bizilekurako erabiltzea. Halaber, ez da baimenduko inolako jarduketarik zigilatze-segidako ur garbien drainatze-geruzaren gainazaletik 50 cm baino gutxiagora hurbil dadin.

         6. Lan-arriskuen prebentziorako baldintzak.

            Zabortegiaren ustiapenean, zigilatzean eta itxi ondorengo aldian zehar beharrezko neurriak hartu beharko dira istripuak saihesteko eta horien ondorioak mugatzeko, bereziki lan-arriskuen prebentziorako azaroaren 8ko 31/1995 Legea eta hori garatzen duten arauzko xedapenak aplikatzea, aurkeztutako agirietako «Segurtasunari eta osasunari buruzko azterlana» V. agirian deskribatutakora egokituz.

         7. Ingurumena Zaintzeko Programa.

            Ingurumena zaintzeko programa sustatzaileak aurkeztutako agirietan aurreikusitakoaren eta ondoko atal hauetan ezarritakoaren arabera gauzatu beharko da:

            1. Datu meteorologikoak biltzea.

            Zabortegiaren ustiapenean eta itxi ondorengo fasean zehar, parametro meteorologikoei buruzko kontrol bat burutuko da, sustatzaileak 2006ko ekainaren 12an aurkeztutako agirietan aurreikusitakoari jarraituz. Horretarako, Ekonor SA enpresak parametro horiek neurtzeko erabiliko du bere estazio meteorologikoa.

            2. Atmosferara isurtzen diren kutsatzaileak kontrolatzea.

            Ekonor SA enpresak isurien kontrola egin beharko du, informazio honi jarraituz:

            Fokua Erregistro-liburuko izena Fokuaren izena Neurketa-parametroak Kontrolen maiztasuna

            1 48-NIF-1 Biomasa-galdara Partikulak 5 urtean behin

            CO

            Aurreko atalean aipatutako neurketa guztiak kontrol-erakunde baimendu (KEB) batek egin beharko ditu, eta aldizkako kontrol horiei buruzko txostenak Ingurumen Sailburuordetza honek prestatutako «Kontrol-erakunde baimenduen gutxieneko txostenean» ezarritakora egokitu beharko du.

            Foku berrien edo arautzeko daudenen kasuan, Ebazpen honen aurretik neurketarik egin ez denetan, sustatzaileak Ebazpen honen H.2.1 atalak aipatzen duen erregistro-eredu bat igorri beharko du Ingurumen Sailburuordetzara, eta KEBaren txostena eta burututako analisien emaitzak erantsiko dira, organo horrek onar dezan.

            2.1. Lortutako emaitzak erregistratzea.

            Erregistro bat egin beharko da euskarri informatikoan edo, horrelakorik ezean, paperean. Dokumentazio gaurkotua erabilita gauzatuko da erregistroa, eta industriak atmosferan sortzen duen kutsadura saihestu eta zuzentzeari buruzko 1976ko urriaren 18ko Aginduak 33. artikuluan ezarritako edukia jaso beharko du. Erregistro horretan adieraziko dira sustatzaileak (autokontrola) zein KEBek egindako neurketen emaitzak, mantentze-lanak, garbiketa, aldizkako ikuskatzeak, matxuraren ondorioz gertatutako etenaldiak, egiaztapenak, edozein motako gorabeherak, eta abar. Dokumentazio hori eguneratuta egongo da, eta ingurumen-ikuskatzaileek eskatuko balute, eskuragarri izango dute gutxienez 5 urtez.

            3. Isuritako uraren kalitatea kontrolatzea.

         1. Sustatzaileak aurkeztu dituen agirien arabera, ondorengo analisiak egingo dira:

            Isurketa-puntua Kontrolatu beharreko fluxua Kontrol-kutxako UTM koordenatuak Neurtu beharreko parametroak Kontrolen maiztasuna Kontrol mota

            Ustiapena Itxi

            ondorengoa

            1 Lixibiatuak (Parshall kanala) Emaria Etengabea Autokontrola

            Tenperatura

            pH-a

            Eroankortasuna

            Lixibiatuak (lixibiatu-putzua) X: 517959,1682

            Y: 786466,5631

            X: 517967,7665

            Y:4786464,5764 pH-a Hilero Sei hilean

            behin Autokontrola

            Tenperatura

            Eroankortasuna

            Eh

            Oxigeno-eskari kimikoa (OEK)

            Oxigeno-eskari biologikoa (OEB5)

            Solido esekiak

            Olioak eta koipeak

            Guztizko konposatu organikoak (TOC)

            Amoniakoa

            Kloruroak (Cl-)

            Fluoruroak (F-)

            Silizea (Si)

            Karbonatoak

            Bikarbonatoak

            Sulfatoak

            Sulfuroak (S-)

            Nitritoak

            Nitratoak Sei hilean behin Kanpo-kontrola

            Fenolak

            Artsenikoa (As)

            Merkurioa (Hg)

            Kromo VI (Cr)

            Zianuroak (CN)

            1 Lixibiatuak (lixibiatu-putzua) X: 517959,1682

            Y: 786466,5631

            X: 517967,7665

            Y:4786464,5764 Kaltzioa (Ca) Sei hilean behin Sei hilean

            behin Kanpo-kontrola

            Potasioa (K)

            Sodioa (Na)

            Kromoa guztira (Cr)

            Konposatu organiko halogenatuak (AOX)

            Kadmioa (Cd)

            Beruna (Pb)

            Kobrea (Cu)

            Nikela (Ni)

            Zinka (Zn)

            Boroa (B)

            Burdina (Fe)

            • Perimetroko urak X: 517958,5412

              Y: 786486,3645 pH-a Hilero - Autokontrola

              Oxigeno-eskari kimikoa (OEK)

              Tenperatura

              Eroankortasuna

              1 Azpiazaleko urak X: 517943,2525

              Y: 786430,3882 pH-a

              Oxigeno-eskari kimikoa (OEK)

              Tenperatura - Sei hilean

              behin Kanpo-kontrola

              Eroankortasuna

            • Beko erreka Beko erreka ibaian gora eta ibaian behera pH-a

              Oxigeno-eskari kimikoa (OEK)

              Tenperatura

              Eroankortasuna

              1 Ur araztuen kontrol-kutxeta

              X: 517941,7324

              Y: 786497,4967 Guztizko nitrogenoa Urtero - Autokontrola

              Fosforoa guztira (P)

              Kadmioa (Cd)

              Kromoa (Cr)

              Kobrea (Cu)

              Merkurioa (Hg)

              Nikela (Ni)

              Beruna (Pb)

              Zinka (Zn)

              Konposatu organiko halogenatuak (AOX)

              Guztizko konposatu organikoak (TOC)

              Zianuroak (CN-)

              Kloruroak (Cl-)

              1 Ur araztuen kontrol-kutxeta pH-a Hiru hilero Sei hilean

              behin Autokontrola

              Eroankortasuna

              Oxigeno-eskari kimikoa (OEK)

              Oxigeno-eskari biologikoa (OEB5)

              Solido esekiak

              Amonioak

              Fosforoa guztira (P)

              Burdina (Fe)

              Nikela (Ni) Urtero - Kanpo-kontrola

              Zinka (Zn)

              Kobrea (Cu)

              Kromoa (Cr)

              Fluoruroak (F)

              Fenolak

         2. Kanpoan egiten den kontrol bakoitza, laginak hartzea zein ondorengo analisia, «Erakunde Laguntzaile» batek (Jabari Publiko Hidraulikoaren Erregelamenduaren 255. artikulua) egin eta egiaztatuko du, eta goian aipatutako parametro bakoitzaren gainean egingo dira. Sustatzaileak isurketa-puntu bakoitzeko lagin hartu berri baten analisia aurkeztu beharko du gutxienez; lagina 24 orduko ur-emariarekiko proportzionala izango da, edo bestela, lagin puntual esanguratsua.

            Isurketen kontrolen emaitzak Ingurumen Sailburuordetzara bidaliko dira laginak hartzen direnetik hilabete bateko (1) epean.

         3. Laginketak kutsatzaile gehien sortzen den aldietan egingo dira beti.

         4. Isurketak baimenean jarritako baldintza guztiak betetzen dituela ulertuko da, D.4.3.3 atalean ageri diren parametro guztiek ezarritako mugak betetzen badituzte.

         5. Isurketan lehen aipatutako maiatzaren 23ko 606/2003 Errege Dekretuaren hirugarren xedapen gehigarriak aipatzen dituen gai arriskutsuak badauden ala ez dioen adierazpen bat igorriko du titularrak urtero. Adierazpen horretan produkzio-prozesuan manipulatu diren substantzia guztiak adierazi behar dira, nahiz eta isurketan ez detektatu.

            4. Zabortegiaren balantze hidrikoa.

            Kanpoko erakunde batek urtero zabortegiaren balantze hidriko bat egin beharko du. Horretarako, erregistratutako lixibiatuen emariaren datuak eta erregistratutako datu meteorologikoak eta zabortegiaren gainazalean sortzen diren aldaketen plano topografikoak (zigilatutako eremuak, isurketarako eremuak, etab.) erabiliko dira. Tokiko oinarrizko datuak definitzeke dagoen lisimetro bat instalatuz kalkulatuko dira.

            Itxi ondorengo aldiko lehen balantzeak zabortegiaren jarrera hidrodinamikoaren analisia barne izango du, erregistratutako emariaren eta eroankortasun elektrikoaren datuetatik eta itxi aurreko eta ondorengo balantzearen alderaketatik abiatuta.

            5. Isuri-ontziaren topografia kontrolatzea.

            Isuri-ontziaren topografiaren kontrola oinarrizko proiektuko proposamenaren arabera burutu beharko da. Kontrol topografiko horren emaitzek neurtzeko bitartekoak eta materialak hartuko dituzte barne, izandako gorabeherak, aldi bateko bilakaeraren grafikoak, erregistratutako datuak euskarri elektronikoan (kalkulu-orria), eta horien interpretazioa.

            Urtero zabortegiaren betetze-lanen plano topografiko eguneratu bat egin beharko da, zabortegiaren mugak, zabortegiaren zona zigilatua, eta azken urtean hondakinak utzi diren zabortegiaren zona zehaztuta dituena, eta horien azalerak eta zabortegiaren gainazalean aldaketak egin diren datak adierazita.

            6. Jardueraren ohiko adierazleak.

            Sustatzaileak jardueraren gaineko ondorengo parametro adierazleen jarraipena egingo du urtero, ingurumenean duten eragina aztertzeko:

            Adierazlea Unitatea

            Energia-kontsumoa ur tratatuko Kw/m3 ur tratatu

            Erreaktibo-kontsumoa ur tratatuko Kg erreaktibo /m3 ur tratatu

            Biomasa-kontsumoa ur tratatuko Kg biomasa/m3 ur tratatu

            7. Zarataren kontrola.

            Jarduera garatzen den lursaileko kanpoko baldintza akustikoak araztegia abian jartzean kontrolatuko dira, batez ere zarata etxe barruetara sartzeko arriskurik handiena dagoen aldeetan. Lortutako emaitzen arabera, ondorengo neurketen maiztasuna zehaztuko da.

            Sustatzaileak neurketen proposamen zehatz bat landu beharko du eta neurketa-metodo zehatzak adierazi bertan. Proposamen hori Ebazpen honetako H.10. atalean aipatzen den ingurumena zaintzeko programako testu bateginarekin batera aurkeztuko da.

            8. Usainen kontrola.

            Sustatzaileak aurkeztutako agiriei jarraituz, bi hilean behin aire-laginen analisiak eta usain-neurketak egingo dira.

            9. Emaitzak kontrolatu eta bidaltzea.

            Ingurumena zaintzeko programa osatzen duten analisi eta txostenen emaitzak behar bezala erregistratuko dira, eta Ingurumen Sailburuordetzara bidaliko dira. Ingurumena zaintzeko programaren emaitzak urtean behin bidaliko dira, eta ingurumenean aditua den erakunde aske batek egindako txostena ere bidaliko da. Txosten horretan adieraziko dira neurri zuzentzaileen funtzionamendua, eta prozesuak eta ingurunearen kalitatea kontrolatzeko sistemak. Emaitzen analisia ere adieraziko da, eta bereziki aipatuko dira aldi horretan gertatu diren gorabehera garrantzitsuenak, horien ustezko arrazoiak eta konponbideak, eta baita laginketen xehetasunak ere, aurretik zehaztu ez baldin badira.

            10. Ingurumena zaintzeko programari buruzko agiri bategina.

            Sustatzaileak ingurumena zaintzeko programaren agiri bategina landu beharko du, aurkeztu dituen agirietan eta Ebazpen honetan proposatutako betekizunak bilduz. Programa horrek hauek zehaztu beharko ditu: kontrolatu beharreko parametroak, parametro bakoitzerako erreferentzia-mailak, analisi edo neurketen maiztasuna, laginketak eta analisiak egiteko teknikak, eta laginketa-puntuen kokapen xehatua. Halaber, dagokion aurrekontua ere barne hartu beharko du.

            Era berean, ingurumena zaintzeko programak jardueraren adierazleak zehaztu eta adierazle horiek aztertzeko sistematika barruan izan beharko du, horien arabera enpresan bertan ingurumen-hobekuntza ziurtatzearren ezarritako neurri eta mekanismoen eraginkortasuna egiaztatu ahal izateko (ingurumen-adierazleak).

            1. Ezohiko egoeretan, kutsadurari aurrea hartzeko neurriak eta jardunerako baldintzak.

               1. Fabrika gelditzeko eta abiarazteko eragiketak eta mantentze-lanetarako programatutako eragiketak.

               Programatutako urteko mantentze-lanei dagokienez, sortuko diren isurien eta hondakinen balioespena egin beharko du enpresak, eta dagokionean, horiek kudeatzeko eta tratatzeko proposamena ere bai.

               2. Jarduera etetea, itxi ondorengo aldia bukatuta.

               Jarduera lege hauen aplikazio-esparrukoa da: lurzoruaren kutsadura prebenitu eta zuzentzeari buruzko otsailaren 4ko 1/2005 Legea (90.002 epigrafea, «Hondakinak tratatzeko jarduerak»), eta lurzoruan kutsadura sor dezaketen jardueren zerrenda eta lurzoru kutsatuen adierazpenerako irizpide zein estandarrak ezartzen dituen urtarrilaren 14ko 9/2005 Errege Dekretua. Hori dela-eta, Ekonor SA enpresak hasiera eman beharko dio lurzoruaren kalitatearen adierazpenerako prozedurari, gehienez ere bi hilabeteko epean, jarduera behin betiko uzten duenetik kontatzen hasita, otsailaren 4ko 1/2005 Legeak 17.4 artikuluan xedatutakoaren arabera.

               3. Ezohiko jardunean aplikatzeko prebentziozko neurriak eta jarduerak.

               Sustatzaileak aurkeztutako agirietan jasotako proposamenean ezohiko egoeretan aplikatu beharreko prebentziozko neurriak eta jardunerako baldintzak zehazten dira. Horiez gain, ondorengo ataletan aipatzen diren baldintzak bete behar dira:

               1. Prebentziozko mantentze-lanen eskuliburua eduki beharko da instalazioen egoera bermatzeko, batez ere ustekabeko isuri edo ihesak daudenean kutsadura ekiditeko eskuragarri dauden baliabideei eta ezarritako segurtasun-neurriei dagokienez. Ihesak daudenean lurzorua babesteko hartu beharreko neurriak zehaztuko dira, eta zehatz adieraziko da hauei dagokien guztia: eraikuntzako materialak (iragazgaiztea), biltegiratzeko neurri bereziak (gai arriskutsuak), egon daitezkeen ihesak antzemateko neurriak edo gainbetetzerako alarma-sistemak, lantegiko kolektore-sarea zaindu eta garbitzekoak (sistematikoki garbitzeko beharra, maiztasuna, garbiketa mota), eta lurzoruaren gaineko isuriak biltzeko sistemak.

               2. Aurreko paragrafoan adierazitako eskuliburuak ikuskapen eta kontrolerako programa jaso beharko du, hauek bilduko dituena: estankotasun-probak, mailen eta adierazleen egoera, balbulak, presioa arintzeko sistema, hormen egoera eta lodieren neurketa, andelen barnealdearen begi-bidezko ikuskaritzak (hormena eta estaldurena) eta kubetetako detekzio-sistemen aldizkako kontrol sistematikoa, zorua kutsa dezakeen edozein egoerari aurrea hartzeko.

               3. Era berean, ustiapenari buruzko eskuliburu bat eduki behar da, eta bertan, aldizka egindako mantentze-lanen berri eman behar da, baita antzemandako gorabeherena ere.

               4. Laborategiko hondakinak eta erreaktiboak, besteak beste, maneiatzeak lurzorua eta ura kutsa dezake. Beraz, isuriak, jarioak edo ihesak gertatzeko arriskua izan dezaketen lursailen gainazal guztiak irazgaiztuko dira.

               5. Prozesurako behar diren lehengaiak, erregaiak eta produktuak ingurunean ez sakabanatzeko moduan biltegiratuko dira.

               6. Larrialdi-egoera sortzen denean, berehala eta eraginkortasunez jarduteko behar beste material eduki behar da: berriro ontziratzeko erreserbako edukiontziak, beharrezkoa izanez gero; gerta daitezkeen isuriei eusteko produktu xurgatzaile selektiboak, segurtasuneko edukiontziak, hesiak eta kaltetutako ingurunea isolatzeko seinaleztapen-elementuak eta babes pertsonalerako ekipamendu bereziak.

               7. Andel edo putzuen hondoan pilatzen diren solidoak ez dira ibilgura hustuko aldizkako garbitze-lanetan zehar; erretiratu eta behar bezala kudeatuko dira edo zabortegi baimendura eramango dira.

               8. Arazte-prozesuan pilatutako hondakin solidoak eta lohiak aldizka aterako dira instalazioa behar bezala ibil dadin. Behar izanez gero, andel iragazgaitzetan eta hondoan hustubiderik ez dutenetan gordeko dira.

               9. Inoiz ez dira pilatuko euri-uren jariatzearen ondorioz ibilgu publikoko ura kutsatzeko arriskua egon daitekeen guneetan.

               10. Titularrak behar diren bitartekoak izango ditu arazketa-instalazioak zuzen ustiatzeko eta ustekabeko isurketak prebenitzeko hartu diren segurtasun-neurriak abian izateko.

                   Araztegia ustiatzeko enpresa espezializatu batek egindako protokolo edo eskuliburu bat izango da nahitaez, eta ekipo elektromekaniko, zunda, mintz, dosifikatu eta kontrolatzeko tresna eta abarren azterketa eta mantentze-lanak finkatuko dira bertan. Enpresa espezializatu batek egindako araztegiaren mantentze-lanen protokolo edo eskuliburu bat eduki behar da derrigorrez, eta bertan, hauek finkatuko dira: ekipo elektromekanikoen mantentze-lanak, arbastuen garbiketak, gehiegizko solido, lohi etababarren purgak, erreaktore biologikoko lohien kontzentrazioaren aldizkako jarraipenak barne, horiek behar bezala purgatu eta erretiratzeko.

                   Era berean, nahitaez kontratu bat sinatzea eskatzen da araztegiaren mantentze-lanetarako, eta prozesuaren, errendimendu eta arazketaren, ekipo elektromekaniko eta sentsoreen funtzionamendu egokia ikuskatzeko.

               11. Bereziki egun haizetsuen iragarpena izanez gero (haizearen abiadura > 60 km/h), -haizeak arrastaka eramana ditzakeen materialak aldez aurretik jaso beharko dira (plastikozko poltsak, eta abar).

               12. Larrialdi-egoeretan babes zibileko legeriari helduko zaio, eta bertan ezarritako betekizun guzti-guztiak bete beharko dira.

               13. Ingurunearen edo jardueraren kontrolaren gainean kalteak eragin ditzakeen gorabehera edo ezohiko gertaeraren baten aurrean (besteak beste, ustekabeko isuria, isurtzeko muga-balioako gainditzea, edo zabortegin zigilatzearen edo itxi ondorengo sistemaren elementuren baten funtzionamenduari edo integritateari eragin diezaiokeen beste edozein), Ekonor SA enpresak gorabehera edo ez ohiko gertaera horren berri eman beharko dio Ingurumen Sailburuordetzari.

               14. Tartean dauden hondakinak arriskutsuak badira edo arriskutsuak direla susmatzen bada, gorabehera hori berehala jakinaraziko zaio faxez edo posta elektronikoz (jaso izanaren adierazpenarekin) Euskal Autonomia Erkidegoko ingurumen organoari, gora-beheren erregistroan idatzitako datuak gehituz.

               16. Gorabehera edo arazo lurriren bat edo ustekabeko isuriren bat egonez gero, SOS Deiak eta Udalari ere jakinarazi beharko zaie berehala. Ondoren, eta gehienez ere 48 orduko epean, ezbeharrari buruzko txosten xehatua bidali beharko da Ingurumen Sailburuordetzara, eta bertan, datu hauek agertuko dira gutxienez:

                   Gertakari-mota.

                   Gertakaria non, zergatik eta zein ordutan gertatu den.

                   Iraupena.

                   Ustekabeko isuria izanez gero, emaria eta isuritaka gaiak.

                   Mailak gainditu badira, isurketei buruzko datuak.

                   Eragindako kalteen balioespena.

                   Hartutako neurri zuzentzaileak.

                   Berriro gerta ez dadin aurreikusitako neurriak.

                   Prebentziozko neurriak eraginkortasunez aplikatzeko ezarritako epeak.

               17. Instalazioek suteen aurkako babesari buruz indarrean dagoen araudian ezarritako betekizunak betetzen dituztela egiaztatu beharko da. Egiaztapen hori egiteko, Ingurumen Sailburuordetza honi aurkeztuko zaizkio eskumena duten erakundeek emandako egiaztagiriak.

               9. Baldin eta arautegi berria indarrean sartzeak, edo barneratzen diren sistemen egitura eta funtzionamenduari buruzko ezagutza berri esanguratsuetara egokitu beharrak hori egitea gomendatzen badute, neurri babesle zein zuzentzaileak eta ingurumena zaintzeko programa aldarazi ahal izango dira, bai neurtu behar diren parametroen kasuan, bai neurketaren aldizkakotasuna eta aipatutako parametroek hartu behar duten tarteari dagozkion mugen kasuan. Era berean, neurri babesle zein zuzentzaileak eta ingurumena zaintzeko programa jardueraren sustatzaileak hala eskatuta, edo ofizioz aldaraz daitezke, ingurumena zaintzeko programan lortutako emaitzetan oinarrituta.

               10. Urtean behin, Ekonor SA enpresak Ingurumen Sailburuordetzari jakinaraziko dizkio atmosferara eta uretara egindako isurtzeei, eta sortu dituen hondakinei buruzko datuak, E-PRTR-Euskadi, botatako eta eskualdatutako kutsagarrien Inbentarioa landu eta eguneratzeko, kutsagarrien isurtze eta eskualdatzeen europar erregistro bat ezartzen duen 2006ko urtarrilaren 18ko 166/2006 (EE) Erregelamenduaren artezpideei jarraituz.

                   Informazio hori ekitaldi horren hurrengo martxoaren 31 baino lehen bidali beharko da. Informazioa Ingurumenari buruzko Adierazpenaren (IA) bidez gauzatuko da, hori baita kanpoko erakundeek eta Ingurumen eta Lurralde Antolamendu Sailak ingurumen-informazioa batak besteari elektronikoki emateko ardatza. Informazio-trukaketa horren funtsa Ingurumenari buruzko Adierazpenari (IA) dagozkion ingurumeneko datu teknikoak eta prozedurakoak sartzean datza, IKS-L03 Sistemako erakundeentzako bertsioaren bidez (www.eper-euskadi.net web-orrian eskuragarri): Ingurumen eta Lurralde Antolamendu Saileko Ingurumen-informazioa Kudeatzeko Sistema. Datu horiek guztiek Ingurumenean Eragina duten Jardueren Euskal Autonomia Erkidegoko Erregistroa osatuko dute, Europako Ingurumen Agentziaren Erregistrora (Europako E-PRTR Erregistroa) egiten diren informazio-bidalketen oinarri dena.

                   Halaber, Ebazpen honetan aurreikusitako gainontzeko informazio-trukeak aipatutako Ingurumenari buruzko Adierazpenaren bidez gauzatuko dira, ahal izanez gero.

                   Informazio hori agerikoa izango da, uztailaren 18ko 27/2006 Legearen xedapenekin bat etorriz. Lege horren bidez informazioa eskuragarri izateko, herritarren partaidetzarako eta ingurumen-gaietan justizia eskura izateko eskubideak arautzen dira (2003/4/EE eta 2003/2005/EE Zuzentarauak jasotzen ditu). Horrez gain, uneoro bermatu beharko da datu pertsonalak babesteko abenduaren 13ko 15/1999 Lege Organikoan ezarritakoa betetzen dela.

               11. 2007ko apirilaren 21eko 509/2007 Errege Dekretuaren 4. artikuluko 3. atalari jarraituz, instalazioaren titularrek agintaritza eskudunari jakinarazi beharko diote instalazio horietan erabiltzen eta ekoizten diren substantziek, 1907/2006 EE araudian erregistratu eta ebaluatzeko aurreikusitako prozesuan identifikatu direnak, giza osasunerako eta ingurumenerako izan dezaketen arriskua.

               13. Ingurumeneko baimen bateratu honen eraginpeko instalazioan egindako aldaketek bat etorri beharko dute kutsaduraren prebentzio eta kontrol integratuari buruzko uztailaren 1eko 16/2002 Legeak 10.3 artikuluan ezarritako komunikazio-erregimenarekin. Hori horrela, ingurumeneko beste baimen bateratu bat beharko da aldaketak funtsezkoak direnean.

                   Hirugarrena. Ebazpen hau eraginkorra izan dadin, aurretik Ingurumen Sailburuordetzari agiri bidez egiaztatu beharko zaio Ebazpen honetako Bigarren ataleko puntu hauetan ezarritako baldintzak betetzen direla:

                   A (Erantzukizun zibileko asegurua);

                   4.2.1 (Zabortegian sortutako balizko gasak tratatzeko sistema baten proiektua);

                   4.5.1.e) eta D.4.5.2.d) (Hondakin arriskutsu eta ez-arriskutsuen onarpen-agiriak);

                   4.5.1.l) eta D.4.5.2.f) (Hondakin arriskutsu eta ez-arriskutsuen erregistro-eredua);

                   10. (Ingurumena zaintzeko programaren agiri bategina);

                   Halaber, baimen hau indarrean jarri aurretik, ingurumen-organo honi atxikitako zerbitzu teknikoen ikuskaritza-bisitan egiaztatu beharko da instalazioak aurkeztutako proiektuaren arabera eta Ebazpen honetan ezarritakoarekin bat etorrita eraiki direla. Bisita-egunetik kontatzen hasita, hilabeteko epea izango du txosten bat egiteko.

                   Goiko baldintza horiek guztiak betetzeko 6 hilabeteko epea ezarri da, ingurumeneko baimen bateratua eraginkorra dela adierazteko Ingurumen Sailburuordetzak emandako Ebazpen hau jakinarazten den biharamunetik kontatzen hasita.

                   Adierazitako baldintzak betetzen direla ziurtatzean, ebazpena emango da eta, horren bitartez, ingurumeneko baimen bateratua eraginkortzat aitortuko da.

                   Laugarrena. Ingurumeneko baimen bateratu hau 8 urteko epean egongo da indarrean, aurreko atalean ezarritakoaren arabera ondorioak dauzkan egunetik kontatzen hasita. Epe hori igarota, baimena berritu egin beharko da eta, hala badagokio, jarraian datozen aldietarako eguneratu.

                   Ingurumeneko baimen bateratua amaitu baino hamar hilabete lehenago, titularrak baimena berritzeko eskaera egin beharko du, uztailaren 1eko 16/2002 Legearen 25. artikuluan xedatutakoa betez.

                   Bosgarrena. Edonola ere, ingurumeneko baimen bateratua ofizioz aldatu ahal izango da uztailaren 1eko 16/2002 Legearen 26. artikuluan ezarritako kasuak aintzat hartuta.

                   Seigarrena. Ekonor SA enpresak ebazpen honen xede den hondakin ez-arriskutsuen zabortegiaren proiektuaren inguruan titulartasun-aldaketarik eginez gero, aldaketa hori Ingurumen Sailburuordetzan jakinarazi beharko du, horrek onar dezan.

                   Zazpigarrena. Baimen honek balioa galduko du kausa hauek gertatzen direnean:

                   Epearen barruan ez egiaztatzea Ebazpen honetako hirugarren atalean ingurumeneko baimen bateratuak ondorioak izan ditzan ezarritako baldintzak betetzen direla, interesdunak behar bezala justifikatuz epea luzatzeko eskatzen ez badu.

                   Ekonor SA enpresaren nortasun juridikoa bukatzea, indarrean dagoen araudian ezarritako kasuetan.

                   Baimena indarrean jartzen dela adierazten duen ebazpenean xedatutakoak.

                   Zortzigarrena. Ebazpen honen edukia jakinaraztea Ekonor SA enpresari, Lemoako Udalari, ingurumeneko baimen bateratua emateko prozeduran parte hartu duten erakundeei, eta gainerako interesdunei.

                   Bederatzigarrena. Ebazpen hau Euskal Herriko Agintaritzaren Aldizkarian argitaratzeko agintzea.

                   Hamargarrena. Ebazpen honek ez du agortzen administrazio-bidea; horrenbestez, interesdunek gora jotzeko errekurtsoa aurkez diezaiokete Ingurumen eta Lurralde Antolamenduko sailburuari, hilabeteko epean, Ebazpen hau jakinarazi eta hurrengo egunean kontatzen hasita, hori guztia Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legearen 114. artikuluarekin eta ondorengoekin bat etorriz (urtarrilaren 13ko 4/1999 Legeak aldatu zuen lege hori).

                   Vitoria-Gasteiz, 2008ko apirilaren 30a.

                   Ingurumeneko sailburuordea,

                   IBON GALARRAGA GALLASTEGUI.