Industria-kutsaduraren prebentzioa eta kontrola

2006ko abenduaren 14an, Gurutz Franco Leiza jaunak, Olazabal y Huarte, S.A. enpresaren izenean eta ordezkaritzan, Eusko Jaurlaritzako orduko Lurralde Antolamendu eta Ingurumen Sailari ingurumeneko baimen bateratua ematea eskatu zion, kutsaduraren prebentzio eta kontrol integratuari buruzko uztailaren 1eko 16/2006 Legeak xedatutakoaren arabera, Vitoria-Gasteizko udalerrian (Araba) burdinurtzeko jarduerarako. Eskaerarekin batera, Vitoria-Gasteizko Udalak 2006ko irailaren 11n eman zuen aldeko hirigintza-txostena eta agiri tekniko hauek aurkeztu ziren:

Ingurumeneko baimen bateraturako proiektua (2006. urtea).

Agiri osagarriak: datu administratiboak.

Erreferentziako baimena eskatzeko unean, Olazabal y Huarte, S.A. enpresak jarduerarako 2005eko ekainaren 29ko baimena zuen, besteak beste. Baimen hori burdinurtzeko jarduerarako eman zen. Era berean, enpresa sustatzaileak agiri hauek zituen: atmosferan kutsadura sor dezakeen instalazioaren katalogazioa, 2004ko uztailaren 26koa; industria-hondakin geldoen ekoizleen erregistroko inskripzioa, 2001eko urriaren 16koa, eta hondakin arriskutsuen ekoizle txikien erregistroko inskripzioa, 2007ko maiatzaren 10ekoa, isuri atmosferiko eta hondakinen arloan indarrean den araudian xedatutakoari jarraiki.

2007ko urtarrilaren 30ean, Ingurumenaren Kalitatearen Zuzendaritzak prozeduran parte hartzen duten hainbat organori txostenak eskatu zizkion, Ingurumen Organoak proiektua jendaurrean jartzeko agindu zezan. Zehazki, Vitoria-Gasteizko Udalari eta Eusko Jaurlaritzako Osasun Sailari egin zitzaien eskaera.

2007ko apirilaren 3an eta urriaren 2an Ingurumen Organoak agiri osagarriak eskatu zizkion sustatzaileari; espedientea 2007ko azaroaren 7an osatu zen.

Aurkeztutako agiriak nahikoa zirela egiaztatu ondoren, Ingurumen sailburuordeak 2007ko azaroaren 14an emandako ebazpen bidez, jendaurrean jarri ziren 30 egun baliodunen epean, Olazabal y Huarte, S.A. enpresak sustatutako proiektua, egoki iritzitako alegazioak aurkezteko, eta Euskal Herriko Agintaritzaren Aldizkarian eta Arabako Aldizkari Ofizialean argitaratu zen, bietan 2007ko abenduaren 3an. Era berean, Euskal Autonomia Erkidegoko bi egunkaritan argitaratu zen 2007ko abenduaren 2an eta ondoko auzokide bakoitzari jakinarazpena bidali zitzaion.

Jendaurrean jartzeko izapidetze-epea bete ondoren, alegazio-idazkirik aurkeztu ez zela egiaztatu zen.

Uztailaren 1eko 16/2002 Legearen 17. eta 18. artikuluetan xedatutakoa betez, 2008ko urtarrilaren 14an Ingurumenaren Kalitatearen Zuzendaritzak txostenak eskatu zizkien Vitoria-Gasteizko Udalari eta Eusko Jaurlaritzako Osasun Sailari, espedientean ageri den emaitza jasoz.

2008ko martxoaren 5ean, Kutsaduraren Prebentzio eta Kontrol Integratuari buruzko uztailaren 1eko 16/2002 Legearen 20. artikuluan xedatutakoa betez, espediente osoa Olazabal y Huarte, S.A. enpresaren esku utzi zen, Ingurumen eta Lurralde Antolamendu Sailak egindako ebazpen-proposamena gehituta.

Uztailaren 1eko 16/2002 Legearen 1. artikuluan xedatutakoaren arabera, lege horren xedea da atmosferaren, uraren eta lurzoruaren kutsadura saihestea edo, hori ezinezkoa denean, kutsadura hori gutxitu eta kontrolatzea; eta hori lortzeko, ingurumen osoaren babes-maila altua helburutzat harturik, kutsadura prebenitu eta kontrolatzeko sistema integratu bat ezartzea.

Kutsaduraren Prebentzio eta Kontrol Integratuari buruzko uztailaren 1eko 16/2002 Legea garatu eta burutzeko Erregelamendua onartzen duen apirilaren 20ko 509/2007 Errege Dekretuaren 3. artikuluan xedatutakoarekin bat eginez, baimen honetan sartzen dira ekoizpen-elementu eta -lerro guztiak; 16/2002 Legearen 1. eranskinean aipatzen ez diren arren, lege hori aplikatu beharreko esparruko jardueren instalazioetan gauzatzen dira eta jarduera horrekin zerikusia dute.

16/2002 Legearen 9. artikuluak ezartzen duena betez, ingurumeneko baimen bateratua behar dute 1. eranskinean aipatzen diren jardueraren bat garatzen duten instalazioak eraiki, muntatu, ustiatu, lekuz aldatu nahiz funtsezko beste aldaketaren bat egiteko. 11. artikuluaren arabera, baimen honen oinarrizko helburua baldintzak ezartzea da, araua, berau aplika daitekeen instalazio guztietan betetzen dela bermatzeko; horretarako, baimena emateko parte hartuko duten Herri Administrazio desberdinen artean koordinatuta izango den prozedura bat erabili nahi da, izapideak erraztu eta partikularrek ordaindu beharreko kargak gutxitzearren. Era berean, indarrean dagoen araudiaren araberako ingurumeneko administrazio-baimen guztiak egintza administratibo bakar batean bildu nahi dira. Olazabal y Huarte, S.A. enpresaren kasuan, baimen hauek behar ditu: saneamendu-sistema bateratura (Vitoria-Gasteizko Udaleko udal-kolektorea) isurtzeko baimena; hondakin arriskutsuen ekoizle izateko baimena; industria-hondakin geldoen ekoizleen erregistroan inskripzioa; eta ingurumen-izaerako bestelako zehaztapenen artean, atmosferaren kutsadurari dagozkion baimenak eta lurzoruaren kutsadurari aurrea hartu eta zuzentzeari dagozkion baimenak. Era berean, beste administrazio eta erakunde eskudunek espedientean parte hartu dute, aginduzko txostenak igorriz.

16/2002 Legearen 29. artikuluan xedatutakoaren arabera, ingurumeneko baimen bateratua emateko prozedurak jarduera sailkatuetarako udal-lizentziaren prozedura ordezkatzen du, jarduera gogaikarri, osasungaitz, kaltegarri eta arriskutsuei buruzko azaroaren 30eko 2414/1961 Dekretuan aurreikusten zena; ez du ordezkatzen, ordea, udal-agintaritzak emango duen behin betiko ebazpena. Ondorio horietarako, ingurumeneko baimen bateratua udal-agintarientzat loteslea izango da, baldin eta lizentzia ukatzeko bada edota neurri zuzentzaileak ezartzeko bada; baita aipatu arauaren 22. artikuluan jasotako ingurumen-alderdiei buruzko aipamena egiten bada ere. 29. artikulu horretan aipatzen denez, goiko guztiak ez ditu kaltetuko autonomia-erkidego bakoitzean jarduera sailkatuei aplikatzekoak diren gainerako arauak. Transkribatutako aginduak aplikatuz, Olazabal y Huarte, S.A. enpresari dagokion ingurumeneko baimen bateratuaren prozedurak barne hartu ditu Euskal Herriko Ingurumena Babesteko otsailaren 27ko 3/1998 Lege Orokorrean aurreikusitako izapideak; horiez gain, espedientean sartu dira Vitoria-Gasteizko Udalaren eta Eusko Jaurlaritzako Osasun Sailaren txostenak.

Azkenik, instalazioak gehienez isur ditzakeen gai kutsagarrien balioak eta ingurumena, oro har, ahalik eta gehien babesteko ustiapenerako ezarriko zaizkion beste baldintza batzuk zehazte aldera, ebazpen hau egiterakoan kontuan izan dira teknika erabilgarri onenen erabilera eta aplikatzekoa den arloko legerian ezarritako neurriak eta baldintzak.

Zehazki, Europako Batzordearen agiri hauen edukiak hartu dituzte kontuan: 2005eko maiatzeko Reference Document on Best Available Techniques in the Smitheries and Foundries Industry BREF agiria; 2001eko abenduko Reference Document on the application of Best Available Techniques to Industrial Cooling Systems agiria, eta 2006ko uztaileko Reference Document on Best Available Techniques for Emissions from Storage.

Espedienteko txostenak aztertu ondoren, ebazpen-proposamena sinatu eta Olazabal y Huarte, S.A. enpresak sustatutako proiektuak bete beharreko baldintzak ezarri ziren.

Goian adierazitako izapideak amaitu dira, Kutsaduraren Prebentzio eta Kontrol Integratuari buruzko uztailaren 1eko 16/2002 Legearen 20. artikuluan jasotzen den entzunaldi-izapidea bete da, eta organo hau da ingurumeneko baimen bateratu hau emateko eskuduna, aipatutako araudiaren 13. artikuluan eta Ingurumen eta Lurralde Antolamendu Sailaren egitura organikoa ezartzen duen urriaren 25eko 340/2005 Dekretuaren 9. artikuluan ezarritakoaren arabera.

Ondorengo araudia ikusi da: Ingurumen eta Lurralde Antolamendu Sailak 2008ko martxoaren 5ean emandako ebazpen-proposamena; Euskal Herriko Ingurumena Babesteari buruzko otsailaren 27ko 3/1998 Lege Orokorra; Kutsaduraren Prebentzio eta Kontrol Integratuari buruzko uztailaren 1eko 16/2002 Legea; Ingurumenaren gaineko Eraginaren Ebaluazioari buruzko ekainaren 28ko 1302/1986 Legegintzako Errege Dekretua, maiatzaren 8ko 6/2001 Legeak aldatu zuena; Legea burutzeko araudia onartzen duen irailaren 30eko 1131/1988 Errege Dekretua; Ingurumen eta Lurralde Antolamendu Sailaren egitura organikoa ezartzen duen urriaren 25eko 340/2005 Dekretua; Herri Administrazioen Araubide Juridikoa eta Administrazio Prozedura Erkideari buruzko azaroaren 26ko 30/1992 Legea eta aplikatzeko den gainerako araudia,

Lehenengoa. Helbide soziala Vitoria-Gasteizko udalerriko Larragana kalean eta IFK: A-01002716 zenbakia duen Olazabal y Huarte, S.A. enpresari Ingurumeneko Baimen Bateratua ematea, burdinurtzeko jarduerarako, ebazpen honen Bigarren atalean zehaztutako baldintzekin.

Jarduera Kutsaduraren Prebentzio eta Kontrol Integratuari buruzko uztailaren 1eko 16/2002 Legearen 1. eranskinean jasota dago, hain zuzen ere 2.4 kategorian, Burdina-metalen galdaketa, eguneko 20 tonatik gora ekoizteko ahalmena duena.

Olazabal y Huarte, S.A. enpresa Betoño industrialdeko Larragana kalean dago, industria-lurzoru gisa kalifikatuta, Vitoria-Gasteizko Hiri-antolamendurako Plan Nagusiaren Berrikusketan jasota dagoenari jarraiki.

Enpresaren jarduna hauxe da: grafito orritsuz nahasturiko burdinurtuzko piezak (galdaketa grisa eta horren aleazioak), grafito esferoidalez nahasturiko burdinurtuzko piezak (galdaketa nodularra eta horren aleazioak), Ni-Resistezko urtuzko piezak, eta Ni-Hardezko urtuzko piezak ekoiztea. Fabrikatutako piezen tamaina 20 tonarainokoa izan daiteke, eta seriean egiten dira. 2005eko ekoizpen garbia 4.443 tonakoa izan zen.

Ekoizte-prozesua etapa hauek osatzen dute: ereduak prestatzea, moldekatzea, argintza, muntaketa, isurtzea, desmoldekatzea, mazarotak kentzea eta granailatzea, bizar-kentzea, ikuskatzea eta bidaltzea.

Ekoizte-prozesua urtuzko piezak fabrikatzea da, eta horretarako, aurrez molde bat fabrikatzen da erretxinekin eta katalizatzaile furanikoekin kimikoki aglomeratutako silize-hareaz. Moldeetako harea gogortu ondoren, ereduak ateratzen dira eta alkohol-oinarriko pintura erregogorrez pintatzen da. Pintatu ondoren, fabrikatu beharreko piezak barne-zuloak baditu, erretxina fenolikoz soilik aglomeratutako silize-hareaz aurrez fabrikatutako arrak sartzen dira. Eragiketa hori egin ondoren, muntatu egiten da, hots: arrak moldekatzeko kutxetan sartzea, piezaren barne-konfigurazioa lortzearren. Kutxak itxi egiten dira, isurketarako dagozkion sarrerak utziz.

Galda bi indukzio-labe elektrikotan egiten da metal-karga aurrezarriak erabiliz, eta beti ere gau-ordutegian. Galda egindakoan, eta aurretiko analisien ostean, moldeetan isurtzen da. Hozte-fasearen ondoren, harea askatzen duen parrilla bibratzaile batean desmoldekatzen dira piezak. Moldea suntsitzean harea kantitate handia sortzen denez, xehatu egiten da, eta harea berreskuratzeko instalaziora igarotzen da. Desmoldekatu ondoren, granailatzea eta akabera igarotzen dute piezek bizar-kentzeko postuetan, soberako metal-hondarrak ezabatzeko.

Isuri atmosferiko zarratuak sortzen dituzten instalazio nagusiak hauek dira: urtzeko labea, granailatzeko makina, desmoldekatzeko makinak, bizar-kentzeko instalazioak eta haize-makinak. Isuri atmosferikoak sortzen dituzten foku guztiek, haize-makinek izan ezik, arazketa-sistemak (iragazkiak) dituzte.

Bestetik, industriako hondakin-uren isurketa (hozte-sistemetakoak, konpresoreetakoak eta plaka-trukagailukoak) eta hondakin-ur sanitarioak (komun eta aldageletakoak) sortzen ditu jarduerak, euri-urez gain. Korronte horiek isurtze-puntu bakar batetik isurtzen dira udal-kolektorera. Ez da prozesuko hondakin-uren isurketarik sortzen, jarduera garatzeko ez delako urik erabili beharrik.

Proiektuak 2005eko maiatzeko Reference Document on Best Available Techniques in the Smitheries and Foundries Industry BREF agirian jasotako teknika erabilgarri onenak (TEO) izan daitezkeen ondorengo neurriak hartzen ditu barne: lurzoru iragazgaiztuaren gainean biltegiratzea; maiztasun ertaineko labeak erabiltzea; galdaketa-ziklo osoaren xurgapena; bitarteko lehorrean araztea; jardunbide egokiak erabiltzea txatarra kargatzean; labeen keak biltzea; isuriak mahuka-iragazkiekin araztea; mahuka-iragazkia moldeetara isurtzeko eta hozteko instalazioan; hileko kontrola aglomeratzaile-, erretxina- eta harea-kontsumoa murrizteko; alkohol-oinarriko estaldurak erabiltzea molde eta arretarako; xurgatzea eta araztea pieza ertainak moldekatzean (MMR); harearen berreskuratze mekanikoa; granailatzeko isuriak bildu eta araztea; bizar-kentzeko isuriak bildu eta araztea, eta antzeko neurriak zarata murrizteko.

Hona hemen erabiltzeko beste hainbat agiri: Europako Batzordearen 2001eko abenduko Reference Document on the application of Best Available Techniques to Industrial Cooling Systems, eta 2006ko uztaileko Reference Document on Best Available Techniques for Emissions from Storage.

Bigarrena. Olazabal y Huarte, S.A. enpresak Vitoria-Gasteizko udalerrian sustatutako burdinurtzeko jarduera ustiatzeko ondorengo baldintzak eta eskakizunak ezartzea.

1. Administrazioarekiko harremanen arduradunari buruz emandako datuetan aldaketarik badago, Olazabal y Huarte, S.A. enpresak aldaketa horien berri emango du.

2. Neurri babesle eta zuzentzaileak, sustatzaileak Ingurumen Sailburuordetza honetan aurkeztu dituen agirietan aurreikusi bezala burutuko dira, indarrean dagoen araudiaren arabera eta ondorengo ataletan ezarritakoari jarraituz:

   1.1. Airearen kalitatea babesteko baldintzak.

   1.1.1. Baldintza orokorrak.

   Burdinurtzeko instalazioa ustiatzean atmosferara egingo diren isuriek ez dituzte ebazpen honetan ezarritako muga-balioak gaindituko.

   Prozesuan zehar atmosferara isurtzen den gai kutsatzaile oro bildu eta ihesbide egokienean zehar kanpora bideratuko da, behar denean, gai kutsatzaileen ezaugarrien arabera diseinatutako gasak arazteko sistema batetik igaro ondoren.

   Arau orokor hori bete beharrik ez dute izango isuri ez-zarratuak biltzea teknikoki edota ekonomikoki bideragarria ez denean, edo ingurunean kalte urria eragiten dutela egiaztatzen denean.

   Neurriak hartuko dira ustekabeko isuriak murrizteko, eta egiten direnak giza osasunerako eta gizartearen segurtasunerako arriskutsuak izan ez daitezen. Gas-efluenteak tratatzeko instalazioak behar bezala ustiatu eta mantenduko dira, efluenteen tenperatura- eta konposizio-aldakuntzei modu eraginkorrean aurre egiteko. Era berean, ahalik eta gehien murriztuko dira instalazio horiek gaizki dabiltzan edo geldirik dauden aldiak.

   1.1.2. Fokuak identifikatzea. Katalogazioa.

   Burdinurtzeko instalazioak ondorengo fokuak ditu, atmosfera babestearen arloan indarrean dagoen araudiaren arabera katalogatuta:

   (Ikus .PDF)

   Gainera, aldizka isuri barreiatuak sortzen dira hemen:

   Lehenengoa pintatzeko eremuan dago, pieza metalikoak estaltzen diren bidaltze-prozesuaren ondorioz. Isurtzen diren kutsatzaileak KOHak dira, isuri etenean, eta urtean zenbatetsitako kantitatea tona batekoa da.

   Isurtzeko prozesuaren ondorioz, urtzeko prozesuaren ondoren galdaren mantentze-labekoak dira. Partikula eseki eta jalkigarrien isuri etena sortzen da.

   Moldeak hareaz betetzean, moldekatzeko prozesuaren barruan, isuri barreiatu eta etena sortzen da, partikula eseki eta jalkigarriak isurtzen dituena. Horri dagokionez, isuri horiek bildu eta husteko proposamen bat aurkeztu beharko da.

   Argintza-prozesuan. Horri dagokionez, isuri horiek bildu eta husteko proposamen bat aurkeztu beharko da.

   1.1.3. Isurtzeko muga-balioak.

   Instalazioa ustiatzean egingo diren isuri atmosferikoek ez dituzte isurtzeko muga-balio hauek gaindituko:

   (Ikus .PDF)

   Balio horiek baldintza hauek dituzte: 273 ºK-eko tenperatura, 101,3 kPa-eko presioa eta gas lehorra.

   Neurtutako parametroek ez dituzte isurtzeko muga-balioak gaindituko arauz egingo diren aldizkako ikuskapenetan (ordubeteko hiru neurketa gutxienez), zortzi ordutan zehar neurtuta. Neurketa-tolerantzia gisa, kasu guztien % 25ean gainditu ahal izango da muga-balioa, % 40a gainditzen ez duen zenbatekoa baldin bada. Tolerantzia hori gaindituz gero, neurketa-aldia astebetez luzatuko da, eta aldi horretako tolerantzia global gisa, kasuen % 6an gehienez onar daitezkeen mailak gainditzea onartuko da, % 25a gainditzen ez duen zenbatekoa denean. Tolerantzia horiek izanda ere, gai kutsatzaileak isurtzen dituen fokuaren eraginpeko zonaldean ezin izango dira inoiz higienikoki onar daitezkeen balioak gainditu.

   1.1.4. Gasak bildu eta husteko sistemak.

   Fokuetako gas-hondarrak kanporatzeko tximiniek ez dute B.1.1.2 atalean jasota dagoen goreneko kota baino baxuagoa izango. Tximinietan behar beste neurri hartuko dira Industria Ministerioak industriak atmosferan eragiten duen kutsadurari aurrea hartu eta hori zuzentzeari buruz 1976ko urriaren 18an emandako Agindua bete dezaten; besteak beste, laginak hartzeko puntuetara iristeko sarbide seguru eta errazak izango dituzte.

   Zehazki, laginak hartzeko aurreikusitako zuloen kokapenari eta ezaugarriei dagokienez, gas-fluxuak laginketa-puntutik neurketa-puntura bitartean, bere norabidean zehar nahiz aurkakoan, edozein asaldu izan dezakeen gunera bitarteko distantziek (L1 eta L2 parametroak) 1976ko urriaren 18ko Aginduaren III. eranskinean xedatutakoa beteko dute. L1 8D eta L2 2D distantziak betetzen ez diren fokuetarako inoiz ez dira L1 < 2D eta L2 < 0,5D balioak onartuko. Kasu horietan, neurketen txostenean laginketa-planoaren baliozkotasuna justifikatzea eskatuko da.

   Ezarritako IMBak lortzen ez badira, beharrezko neurri zuzentzaileak hartuko dira (arazketa-sistemak instalatzea, eta abar) isuri atmosferikoen balio horiek betetzen direla ziurtatzeko.

   Isuri barreiatuak murrizteko, isuriak biltzeko, husteko eta arazteko sistema guztien mantentze-lan zuzenak egingo dira, eta gainera, beste jarduera hauek burutuko dira: instalazioak egunero eta astero garbitzea, kanpoko ateak ixtea, barruko eta kanpoko bideak garbitzea, etab., isuri horien minimizazioa ziurtatzeko. Aipatutako informazio guztia agiri honen D.3 ataleko prebentziozko mantentze-lanen eskuliburuan jaso eta erregistratuko da.

   Gainera, pintatzeko eremuan pintura aplikatzeko instalatutako teknika berriak, hots, «airless» lainoztatzeko aplikagailuak, erabili eta horien mantentze-lanak egin beharko dira. Hori ezinezkoa denean, beharrezko neurriak hartuko dira isuri horiek murrizteko.

   1.2. Saneamendu-sarera isurtzeko baldintzak.

   1.2.1. Isurketen sailkapena, jatorria, ingurune hartzailea eta kokapena.

   Isurketa sortzen duen jarduera mota nagusia: burdinurtzea.

   Jarduera-taldea: 2.

   Mota-taldea-EJSN: 1-2-Burdinurtzea.

   (Ikus .PDF)

   1.2.2. Gehienez isur daitezkeen emari eta bolumenak.

   1. isurketa: industria-urak Hozte-zirkuituaren purgak.

   (Ikus .PDF)

   2. isurketa: industria-urak Hozte-dorreen garbiketa.

   (Ikus .PDF)

   3. isurketa: industria-urak Konpresoreen purgak.

   (Ikus .PDF)

   4. isurketa: industria-urak Trukagailuaren plantxen garbiketa.

   (Ikus .PDF)

   1.2.3. Isurtzeko muga-balioak.

   Saneamendu-sarera egiten diren isurketen kutsadura-parametroen ezaugarriek Vitoria Gasteizko saneamendu-sarera etxekoak ez diren isurketen ordenantza bete beharko dute.

   Ezingo dira diluzio-teknikak erabili isurtzeko muga-balioak lortzeko.

   Hozte-zirkuituak husteko protokoloa arau egokien bidez kontuan hartu eta bermatu egin behar da. Hauxe da protokolo hori:

   1. Husteko gutxieneko denbora: 72 h.

   2. Hondar-kloro askea erreaktiboak gehituz edo beharrezko denboran pausagune bidez, etab. ezabatzea, eta zuzeneko «in situ» analisi-kontrola, isuri aurretik klororik ez dagoela bermatzeko.

   3. Putzuaren hondoan metatutako lohiak kendu eta hustea, hori isurtzea derrigorrez saihestu behar baita.

      1.2.4. Araztu eta husteko instalazioak.

      Hartutako neurri zuzentzaileak nahikoak ez direla ikusiz gero, Olazabal y Huarte, S.A. enpresak behar beste aldaketa egingo ditu arazketa-instalazioetan, isurketak baimenean ezarritako baldintzak bete ditzan. Aldaketak Administrazioari jakinaraziko dizkio lehenik, eta behar izanez gero, baimena aldatzeko ere eskatuko du.

      Aurkeztutako agirien arabera, azken isurketa kontrolatzeko kutxetaz gain, hozte-zirkuituaren hustuketaren laginak hartzeko eta karakterizazioa egiteko kontrol-kutxeta bat egongo da; kutxeta horrek isurketen lagin esanguratsuak lortzeko beharrezkoak diren ezaugarri guztiak izango ditu. Kutxetak behar denean ikuskatu ahal izateko sarbide zuzena ahalbidetzen duten lekuan kokatuko dira.

      Zerbitzuko aire-konpresoreek galdaratxoak purgatu ondoren sortutako olioak ezabatzeko ekipamendu berezia izan behar dute nahitaez.

      1.3. Instalazioan sortutako hondakinak egoki kudeatzen direla bermatzeko baldintzak.

      Instalazioetan sortzen diren hondakin guztiak hondakinei buruzko apirilaren 21eko 10/1998 Legean eta aplikatzekoa den berariazko gainerako araudian xedatutakoari jarraituz kudeatuko dira; hala badagokio, hondakinak karakterizatu egin beharko dira euren izaera zehaztu eta helburu egokiena erabakitzeko.

      Espresuki debekatuta dago sortzen diren tipologia desberdineko hondakinak elkarrekin edo beste hondakin nahiz efluente batzuekin nahastea; hondakinak jatorritik bertatik bereiziko dira eta horiek bildu eta biltegiratzeko bide egokiak jarriko dira, nahasketak saihesteko.

      Hondakinen kudeaketari buruzko printzipio hierarkikoei jarraituz, hondakin oro baliotu egin behar da eta horretarako balioztagune baimendu batera eraman behar dira. Hondakinak ezabatu ahal izango dira, baldin eta horiek baliotzea teknika, ekonomia edota ingurumen aldetik bideragarria ez dela behar bezala egiaztatzen bada. Birsortzea eta berrerabiltzea lehenetsiko dira baliotzeko beste modu material edo energetikoren aurretik.

      Era berean, hondakinak tratatzeko Euskal Autonomia Erkidegoan instalazio baimenduak badaude, instalazio horietara bidaliko dira lehentasunez, autosufizientzia- eta gertutasun-printzipioei jarraituz.

      Baimendutako zabortegian ezabatzea aurreikusita dagoen hondakinen karakterizazioa, 2002ko abenduaren 19ko Kontseiluaren 2003/33/EE Erabakiarekin bat etorriz gauzatuko da. Erabaki horren bidez, hondakinak zabortegian hartzeko irizpideak eta prozedurak ezartzen dira. Bestela, erabaki hori garatzeko Euskal Autonomia Erkidegoan onartutako jarraibideekin bat etorriz gauzatuko da.

      Hondakinak biltzeko guneak edo guneek lurzoru estankoa izan beharko dute. Egoera fisiko likidoan edo oretsuan dauden edo oso bustita daudelako isurketak edo lixibiatuak sor ditzaketen hondakinen kasuan, horiek biltzeko kubeta edo sistema egokiak jarriko dira, ezbeharrez gerta daitezkeen jarioak kanpora irten ez daitezen. Hondakina hautsa bada, euri-urarekin kontakturik izan dezan edo haizeak arrasta dezan saihestuko da; behar izanez gero, estali egingo da.

      Hondakinak desagertu, galdu edo ihes eginez gero, berehala jakinaraziko da gertatutakoa Ingurumen Sailburuordetzan eta Vitoria-Gasteizeko Udalean.

      1.3.1. Hondakin arriskutsuak.

      Sustatzaileak adierazitako hondakin arriskutsuak hauek dira:

   1. prozesua: «zerbitzu orokorrak».

   1. hondakina: «Hondakin olioa».

      Identifikazioa: A-01002716/100000206/1/1.

      Hondakinaren kodea: Q7//R13//L8//C51//H5/6//A230//B0019.

      EHZ: 130208.

      Urtean sortutako kantitatea: hondakin puntuala.

   2. hondakina: «Balbolina».

      Identifikazioa: A-01002716/100000206/1/2.

      Hondakinaren kodea: Q7//R13//L8//C51//H5/6//A230//B0019.

      EHZ: 130208.

      Urtean sortutako kantitatea: hondakin puntuala.

   3. hondakina: «Detergenteak dituen olioa».

      Identifikazioa: A-01002716/100000206/1/3.

      Hondakinaren kodea: Q7//R13//L8/19//C51//H5//A230//B0019.

      EHZ: 130208.

      Urtean sortutako kantitatea: hondakin puntuala.

   4. hondakina: «Likido hidraulikoa».

      Identifikazioa: A-01002716/100000206/1/4.

      Hondakinaren kodea: Q5//R13//L20/34//C51//H5//A230//B0019.

      EHZ: 130105.

      Urtean sortutako kantitatea: hondakin puntuala.

   5. hondakina: «Labeetako xehekiak».

      Identifikazioa: A-01002716/100000206/1/5.

      Hondakinaren kodea: Q9//R4//S25//C7//H14//A230//B0019.

      EHZ: 100909.

      Urtean sortutako kantitatea: 10.440 kg.

   6. hondakina: «Mahuka iragazki erabiliak».

      Identifikazioa: A-01002716/100000206/1/6.

      Hondakinaren kodea: Q9//R13//S35//C7//H14//A230//B0019.

      EHZ: 150202.

      Urtean sortutako kantitatea: hondakin puntuala.

   7. hondakina: «Disolbatzaile ez halogenatua».

      Identifikazioa: A-01002716/100000206/1/7.

      Hondakinaren kodea: Q5//R13//L5//C41//H3b/5//A230//B0019.

      EHZ: 140603.

      Urtean sortutako kantitatea: 40 kilogramo.

   8. hondakina: «Hidrokarburoz kutsatutako materialak».

      Identifikazioa: A-01002716/100000206/1/8.

      Hondakinaren kodea: Q5//D13//S34//C41/51//H5//A230//B0019.

      EHZ: 150202.

      Urtean sortutako kantitatea: 50 kilogramo.

   9. hondakina: «Metalezko ontziak (gai arriskutsuez kutsatuak)».

      Identifikazioa: A-01002716/100000206/1/9.

      Hondakinaren kodea: Q5//R4//S36//C41/51//H5//A230//B0019.

      EHZ: 150110.

      Urtean sortutako kantitatea: 1.100 kilogramo.

   10. hondakina: «Plastikozko ontziak (gai arriskutsuez kutsatuak)».

       Identifikazioa: A-01002716/100000206/1/10.

       Hondakinaren kodea: Q5//R3//S36//C23/24//H5//A230//B0019.

       EHZ: 150110.

       Urtean sortutako kantitatea: 200 kilogramo.

   11. hondakina: «Aerosol teknikoa».

       Identifikazioa: A-01002716/100000206/1/11.

       Hondakinaren kodea: Q3//R13//S/G36//C41//H3b//A230//B0019.

       EHZ: 160504.

       Urtean sortutako kantitatea: 20 kilogramo.

   12. hondakina: «Hodi fluoreszenteak».

       Identifikazioa: A-01002716/100000206/1/12.

       Hondakinaren kodea: Q6//R13//S40//C16//H14//A230//B0019.

       EHZ: 200121.

       Urtean sortutako kantitatea: 50 kilogramo.

   13. hondakina: «Botoi pilak».

       Identifikazioa: A-01002716/100000206/1/13.

       Hondakinaren kodea: Q6//R13//S37//C16//H14//A230//B0019.

       EHZ: 160603.

       Urtean sortutako kantitatea: hondakin puntuala.

   14. hondakina: «Bestelako pilak eta bateriak».

       Identifikazioa: A-01002716/100000206/1/14.

       Hondakinaren kodea: Q6//R13//S37//C5/11/22//H5/14//A230//B0019.

       EHZ: 200133.

       Urtean sortutako kantitatea: hondakin puntuala.

   15. hondakina: «Ekipo elektriko eta elektronikoak».

       Identifikazioa: A-01002716/100000206/1/15.

       Hondakinaren kodea: Q14//R13//S40//C6/18//H6/14//A230//B0019.

       EHZ: 160213.

       Urtean sortutako kantitatea: hondakin puntuala.

   16. hondakina: «PCB/PCTak dituzten transformadoreak eta kondentsadoreak».

       Identifikazioa: A-01002716/100000206/1/16.

       Hondakinaren kodea: Q12//R13//S10//C32/51//H6/7//A230//B0019.

       EHZ: 160209.

       Urtean sortutako kantitatea: hondakin puntuala.

       1. Hondakin arriskutsuak biltzeko sistemak bereiziak izango dira, duten tipologia dela-eta, jarioren bat gertatuz gero, nahasi, arriskutsuago bihurtu edo kudeaketa zaildu dezaketen kasuetan.

       2. Hondakin arriskutsuak dituzten ontziek hondakin toxiko eta arriskutsuei buruzko maiatzaren 14ko 20/1986 Oinarrizko Legea betearazteko erregelamendua onartzen duen uztailaren 20ko 833/1988 Errege Dekretuak 13. artikuluan ezarritako segurtasun-arauak kontuan izan beharko dituzte, eta itxita egongo dira kudeatzaileak jaso arte, isuri edo lurrundu ez daitezen.

       3. Aurreko atalean aipatzen diren ontziek etiketatuta egon beharko dute, eta etiketak argia, irakurtzeko modukoa eta ezabaezina izan beharko du; etiketa uztailaren 20ko 833/1988 Errege Dekretuak 14. artikuluan horretarako adierazitako jarraibideen araberakoa izango da.

       4. Berariazko hondakin sanitarioak (II. taldea) manipulatu, ontziratu, etiketatu eta biltegiratzeko baldintzak Euskal Autonomia Erkidegoan hondakin sanitarioak kudeatzeko baldintzak arautzen dituen martxoaren 26ko 76/2002 Dekretuan eta hori garatzeko araudietan ezarritakoak izango dira.

       5. Gainerako hondakin arriskutsuak ezin izango dira 6 hilabetetik gora biltegiratu.

       6. Hondakinak kudeatzaile baimenduaren instalazioetara eraman aurretik, nahitaezko baldintza izango da agiri baten bidez egiaztatzea kudeatzaile baimendu horrek hondakinak onartu dituela. Agiri horretan hondakinak onartzeko baldintzak ezarriko dira, eta egiaztatu egingo da tratatu beharreko hondakinaren ezaugarriak administrazio-baimenarekin bat datozela. Agiri hori Ingurumen Sailburuordetzara bidaliko da hondakina lehenengoz erretiratu aurretik eta, behar izanez gero, hondakinen kudeatzaile berri batengana eraman aurretik. Beharrezkoa izanez gero, karakterizazio xehatua egingo da, proposatutako tratamenduaren egokitasuna egiaztatzeko. Hala badagokio, arrazoitu egin beharko da proposatutako kudeaketa-modua ebazpen honetako hondakinen kudeaketari buruzko printzipio hierarkikoei egokitzen zaiela.

       7. Hondakin arriskutsuak eraman aurretik eta, hala badagokio, araudian ezarritako aurretiazko jakinarazpena egin ondoren, kontrolerako eta jarraipenerako agiria bete beharko da. Agiri horren zati bat garraiolariari emango zaio, zamarekin batera jatorritik helmugaraino eraman dezan. Olazabal y Huarte, S.A. enpresak artxibategian gorde beharko ditu onarpen-agiriak eta kontrolerako zein jarraipenerako agiriak, edo horien agiri ofizial baliokideak, bost urtean gutxienez.

       8. Egiaztatu egin beharko da hondakin arriskutsuak kudeatzaile baimenduaren instalazioetara eramateko erabiliko den garraiobideak horrelako gaiak garraiatzeko indarrean dagoen legerian ezarritako baldintzak betetzen dituela.

       9. Olazabal y Huarte, S.A. enpresak industrian erabilitako olioaren kudeaketa arautzen duen ekainaren 2ko 679/2006 Errege Dekretuari jarraituz kudeatu beharko du sortutako olio erabilia.

       10. Ekainaren 2ko 679/2006 Errege Dekretuan, industrian erabilitako olioaren kudeaketa arautzen duenean, aurreikusitako baimendutako kudeaketa bateraturako sistema bat ezartzen ez den bitartean, irailaren 29ko 259/1998 Dekretuan, Euskal Autonomia Erkidegoan erabilitako olioaren kudeaketa arautzen duenean, jasotzen diren aurreikuspenak bete beharko ditu Olazabal y Huarte, S.A. enpresak.

       11. Ekipo elektriko eta elektronikoen hondakinak, horien artean hodi fluoreszenteak, otsailaren 25eko 208/2005 Errege Dekretuan, tresna elektriko zein elektronikoei eta horien hondakinen kudeaketari buruzkoan ezarritakoaren arabera kudeatuko dira.

       12. Olazabal y Huarte, S.A. enpresak PCB daukaten gailuak dituenez, nahitaez bete behar ditu horiek behar bezala kudeatzeko abuztuaren 27ko 1378/1999 Errege Dekretua, poliklorobifeniloak, polikloroterfeniloak eta horiek dituzten gailuak ezabatu eta kudeatzeko neurriak ezartzen dituena, eta errege-dekretu hori aldatzen duen otsailaren 24ko 228/2006 Errege Dekretua.

       13. Europako Parlamentuaren eta Kontseiluaren 2000ko ekainaren 29ko 2037/2000 EE Erregelamenduan ozono-geruza agortzen duten substantzia batzuk zehazten eta arautzen dira. Olazabal y Huarte, S.A. enpresak era horretako substantzia erabilirik badu, substantzia horiek bildu eta suntsitu egingo dira aldeek erabakitako bide teknikoak erabiliz edota ingurumen-ikuspuntutik onar daitekeen suntsiketarako beste edozein bide erabiliz; hondakin horiek birziklatu edo birsortu egingo dira bestela, aparatuak aztertu eta mantentzeko lanen aurretik nahiz desmuntatu edo suntsitu baino lehen.

       14. Erregistro bat edukiko du, hondakin arriskutsuei buruzko datu hauek agerrarazteko: kopurua, izaera, identifikazio-kodea, jatorria, tratatzeko metodo eta tokiak, sorrera- eta lagapen-datak, jasotzeko maiztasuna eta garraiatzeko modua, uztailaren 20ko 833/1988 Errege Dekretuaren 17. artikuluan ezarritakoa betez, eta uztailaren 20ko 952/1997 Errege Dekretuaren bidezko aldaketan ezarritakoa betez. Sei hilean behin, Ingurumen Sailburuordetzari kontrolerako erregistro horren kopia bidaliko dio.

       16. Aurreko f), g) (kudeatzaileak EAEn daudenean), n) ataletan adierazitako agiriak Ingurumen Sailburuordetzara bidaliko dira, ahal dela transakzio elektroniko bidez, IKS-L03 Sistemaren erakundeentzako bertsioa erabilita.

       17. Amiantoa duten hondakinak antzemanez gero, Olazabal y Huarte, S.A. enpresak amiantoak ingurumenean sortzen duen kutsadura saihestu eta gutxitzeari buruzko 1991ko otsailaren 1eko 108/1991 Errege Dekretuan ezarritako eskakizunak bete beharko ditu. Era berean, amiantoa duten hondakinak kudeatzeko egingo diren manipulazioak martxoaren 31ko 396/2006 Errege Dekretuan ezarritako aginduen arabera burutuko dira; dekretu horren bidez ezarri ziren amiantoarekin lan egiterakoan segurtasun- eta osasun-arloan bete behar diren gutxieneko baldintzak.

           1.3.2. Hondakin ez-arriskutsuak.

           Sustatzaileak adierazitako hondakin ez-arriskutsuak hauek dira:

           (Ikus .PDF)

       1. «Labeetako erregogorra», «harea» eta «xurgaketako xehekiak» hondakinen hurrengo hustuketaren aurretik, karakterizazio bat egingo da horiek baliotu edo berreskuratzeko bideraezintasuna justifikatzearren, ezarri den ezabatzeko kudeaketa-modua burutu aurretik. Hondakin horiek ispilu-sarrera dute gaur egun indarrean dagoen hondakinen Europako zerrendan. Bada, horiek hondakin ez-arriskutsutzat hartuko dira, baldin eta hondakin horiek lehenengo aldiz hustu baino lehen karakterizatzen badira; karakterizazio horren emaitzak Ingurumen Sailburuordetzara bidali beharko dira, proposatutako kudeaketa egokia ote den egiaztatzeko. Baldin eta hondakin hori arriskutsua dela ezartzen bada, ebazpen honetako B.1.3.1 atalean jasotako xedapenak aplikatuko dira.

          B.1.3 atalean bereiztearen eta hondakinen kudeaketari buruzko printzipio hierarkikoen inguruan xedatutakoari jarraituz, «nahasketak» izeneko hondakinak ezingo du baliotu daitekeen hondakin-frakziorik izan. Horri dagokionez, egungo egoeran Euskal Autonomia Erkideagoan baliotu daitezkeen hondakin-frakzioak hauek dira: papera eta kartoia, zura, plastikoak, metal ferrikoak eta metal ez-ferrikoak.

3. Erabilitako ontziak eta ontzi-hondakinak gaika behar bezala bereizi eta eragile ekonomiko bati emango zaizkio (hornitzaileari), erabilitako ontzien kasuan berriro erabili ahal izateko; ontzi-hondakinak, berriz, berreskuratzaile, birziklatzaile edo balioztagune baimendu batera.

4. Hondakin horiek ezabatzeko direnean ezin dira urtebetetik gora biltegiratu. Hondakinen azken helburua baliotzea denean, 2 urtez biltegiratu ahal izango dira.

5. Oro har, hondakinak hustu aurretik, kudeatzaile baimendu batek onartzen dituela dioen agiria izan beharko dute, onarpen horretarako baldintzak zehaztuta. Agiri horren kopia bidali beharko da Ingurumen Sailburuordetzara, proposatutako kudeaketa egokia dela eta ebazpen honetan ezarritako oinarrizko printzipioak betetzen direla egiaztatzeko. Hala badagokio, arrazoitu egin beharko da proposatutako kudeaketa-modua ebazpen honetako hondakinen kudeaketari buruzko printzipio hierarkikoei egokitzen zaiela. Olazabal y Huarte, S.A. enpresak artxibategian gorde beharko ditu onarpen-agiriak eta kontrolerako zein jarraipenerako agiriak, edo horien agiri ofizial baliokideak, nahitaezkoak direnean, bost urtean gutxienez.

6. Halaber, hondakin geldo eta geldotuen kudeaketari buruzko azaroaren 2ko 423/1994 Dekretuarekin bat etorriz, hondakin ez-arriskutsuak zabortegi baimendu batera eraman aurretik, jarraipenerako eta kontrolerako dagokion agiria bete beharko da. Agiri horiek bost urtez gorde beharko dira.

7. Erregistro bat egingo da, hondakinei buruzko datu hauek agerrarazteko: kopurua, izaera, identifikazio-kodea, jatorria, tratatzeko metodo eta tokiak, sorrera- eta lagapen-datak, biltzeko maiztasuna eta garraiatzeko modua. Urtero, Ingurumen Sailburuordetzari bidaliko zaio kontrolerako erregistro horren kopia.

8. Aurreko e), f) (kudeatzaileak EAEn daudenean) eta g) ataletan adierazitako agiriak Ingurumen Sailburuordetzara bidaliko dira, ahal dela transakzio elektroniko bidez, IKS-L03 Sistemaren erakundeentzako bertsioa erabilita.

   1.4. Lurzorua babesteko baldintzak.

   Urtarrilaren 14ko 9/2005 Errege Dekretuan eta otsailaren 4ko 1/2005 Legean ezarritako agindua betez lurzoruaren egoerari buruz aurkeztu duten aurretiazko txostenean jasota dauden gomendioen arabera, Olazabal y Huarte, S.A. enpresak honako zereginak izango ditu:

   Hautsezko materialak arrastatzea murriztuko da, honelako neurri orokorrak ezarriz:

   Hautsezko gaiak siloetan, pabiloi barruan, edo horrelakorik ezean, haizetik hobekien babestutako guneetan biltegiratu.

   Haize gogorra dabilenean hautsezko solidoak manipulatzea saihestu.

   Materialak deskargatzeko garaiera mugatu.

   Isurketek, jarioek edo ihesek kaltetu ditzaketen lur zatiko gainazal guztiak zolatuak eta iragazgaiztuak egongo dira.

   Isurketak, jarioak edo ihesak eragozteko moduan biltegiratuko dira lehengaiak, erregaiak eta produktuak.

   Era horretan, ontzi mugikorretan zein finkotan gordetako produktu kimiko likido guztiek (batez ere substantzia eta prestakin arriskutsuak) eta biltegiratutako erregai likidoek jarioak biltzeko sistema izango dute.

   Produktu kimikoak biltegiratzeari buruz indarrean dagoen araudiaren mendeko biltegiratzeek araudi horretan ezarritako babes-neurriak beteko dituzte. Petrolio-instalazioei buruz indarrean dagoen araudiaren mendeko biltegiratzeek araudi horretan ezarritako babes-neurriak beteko dituzte. Egiaztapen horiek egiteko, Ingurumen Sailburuordetza honi aurkeztuko zaizkio eskumena duten erakundeek emandako egiaztagiriak.

   Hondakinak B.1.3 eta B.1.3.1 ataletan adierazitako jarraibideen arabera biltegiratuko dira.

   Hondakin metalikoak barruan edo, hala ezin bada, estalkipean biltegiratuko dira, lixibiatuak lurzorura eta uretara ahalik eta gutxien heltzeko.

   1.5. Zaratari buruzko baldintzak.

   Vitoria-Gasteizko Udaleko «Zaratak eta bibrazioak arautzen dituen Udal Ordenantzan» ezarritako maila hauek ez gainditzeko neurri guztiak barne hartuko dira:

   (Ikus .PDF)

   (Ikus .PDF)

   Sentsibilitate baxuko eremua: gune industrialek definitutako eremu bat da.

   Sentsibilitate ertaineko eremua: bizitegi-eremuak dira eta Ingurumen Zarataren Mapan 50 dB-A zarata-maila edo altuagoa dute gauez eta/edo 60 dB-A egunez.

   Sentsibilitate altuko eremua: bizitegi-eremuak dira eta Ingurumen Zarataren Mapan 50 dB-A zarata-maila edo altuagoa dute gauez eta/edo 60 dB-A egunez. Halaber, sentsibilitate altuko eremuak dira eraikuntza itxiko etxadien barruko espazioak.

   Zamalanetan eta materiala kamioietan garraiatzean egiten den zaratak ez du handituko sentsibilitate akustiko handieneko guneetako zarata-maila.

2. Ingurumena Zaintzeko Programa.

   Ingurumena zaintzeko programa sustatzaileak aurkeztutako agirietan aurreikusitakoaren eta ondoko atal hauetan ezarritakoaren arabera gauzatu beharko da:

   1. Isuri atmosferikoak kontrolatzea.

1. Olazabal y Huarte, S.A. enpresak egiten dituen isuriak kontrolatu beharko ditu, ondorengo informazioaren arabera:

   (Ikus .PDF)

   Aurreko atalean aipatutako aldizkako neurketa guztiak kontrol-erakunde baimendu batek (KEB) egin beharko ditu (ordubeteko hiru neurketa, gutxienez, zortzi orduan zehar neurtuta; eta dioxinak eta furanoak ere neurtzen direnean, 6-8 orduko neurketa bat), eta aldizkako kontrol horiei buruzko txostenak Ingurumen Sailburuordetza honek prestatutako «KEBen gutxieneko txostenean» ezarritakora egokitu beharko du. Nolanahi ere, isurtzeko kontrolek eta baldintzek Ingurumen Sailburuordetzaren jarraibide teknikoetan eskatutako baldintza guztiak bete beharko dituzte.

2. Eskatzen diren parametro guztien neurketen KEB txostenak igorri behar dira. Neurketa berriak egin beharko dira, baldin eta parametroen neurketarik ez badago edo egindako neurketak ebazpen honetan ezarritako kontrol-maiztasunaren aurretik egindakoak badira. Isuri atmosferikoen ondorengo kontrolak, egindako azken neurketarekiko adierazitako maiztasunarekin egingo dira.

3. Erregistro bat egin beharko da euskarri informatikoan edo, horrelakorik ezean, paperean. Dokumentazio gaurkotua erabilita gauzatuko da erregistroa, eta 1976ko urriaren 18ko Aginduak, industriak atmosferan sortzen duen kutsadura saihestu eta zuzentzekoak, 33. artikuluan ezarritako edukia jaso beharko du. Erregistro horretan adieraziko dira egindako neurketen emaitzak, mantentze-lanak, garbiketa, aldizkako ikuskatzeak, matxuraren ondorioz gertatutako etenaldiak, egiaztapenak, edozein motako gorabeherak, eta abar. Dokumentazio hori eguneratuta egongo da, eta ingurumen-ikuskatzaileek eskuragarri izango dute.

   2. Isuritako uraren kalitatearen kontrola.

1. Sustatzaileak aurkeztu dituen agirien arabera, ondorengo analisiak egingo dira:

   (Ikus .PDF)

   Hozte-dorreen zirkuituen hustuketako fluxuak isuri aurretik, parametro hauek analizatuko dira: pH-a, oxigeno-eskari kimikoa (OEK), solido esekiak (S.E.), guztizko fosforoa (Pguzt), zinka (Zn), burdina (Fe), konposatu organiko halogenatuak (AOX), hondar-kloro aske baliokidea (bromoa edo kloro dioxidoa, behar bada) bezalako oxidatzaileak.

2. Kanpoan egiten den kontrol bakoitza, laginak hartzea zein ondorengo analisia, «Erakunde Laguntzaile» batek egin eta egiaztatuko du, eta goiko puntuetan aipatutako parametroak hartuko dira kontuan. Sustatzaileak isurketa-puntu bakoitzeko lagin hartu berri baten analisia aurkeztu beharko du gutxienez; lagina 24 orduko ur-emariarekiko proportzionala izango da, edo bestela, lagin puntual esanguratsua.

   Isurketen kontrolen emaitzak Ingurumen Sailburuordetzara bidaliko dira laginak hartzen direnetik hilabete bateko epean.

3. Laginketak kutsatzaile gehien sortzen den aldietan egingo dira beti.

4. Isurketak baimenean jarritako baldintza guztiak betetzen dituela ulertuko da, B.1.2.3 atalean ageri diren parametro guztiek ezarritako mugak betetzen badituzte.

   3. Jardueraren adierazleak kontrolatzea.

   Sustatzaileak jardueraren gaineko ondorengo parametro adierazleen jarraipena egingo du urtero, ingurumenean duten eragina aztertzeko:

   (Ikus .PDF)

   4. Zarataren kontrola.

   Jarduera garatzen den lur zatiko kanpoko baldintza akustikoak hiru urtean behin kontrolatuko dira, batez ere zarata etxe barruetara sartzeko arriskurik handiena dagoen aldeetan. Kontroleko lehen urtean izandako emaitzen arabera erabakiko da aurrerantzean neurketak urtero egin ala ez.

   Sustatzaileak neurketen proposamen zehatz bat landu beharko du eta neurketa-metodo zehatzak adierazi bertan. Proposamena ebazpen honen C.6 atalak aipatzen duen ingurumena zaintzeko programaren agiri bateginari gehituko zaio.

   5. Emaitzak kontrolatu eta bidaltzea.

   Ingurumena zaintzeko programa osatzen duten analisi eta txostenen emaitzak behar bezala erregistratuko dira, eta Ingurumen Sailburuordetzara bidaliko dira. Ingurumena zaintzeko programaren emaitzak urtean behin bidaliko dira, beti martxoaren 30 baino lehen, ingurumenean aditua den erakunde aske batek egindako txostenarekin batera. Txosten horretan adieraziko dira neurri zuzentzaileen funtzionamendua, eta prozesuak eta ingurunearen kalitatea kontrolatzeko sistemak. Emaitzen analisia ere adieraziko da, eta bereziki aipatuko dira aldi horretan gertatu diren gorabehera garrantzitsuenak, horien ustezko arrazoiak eta konponbideak, eta baita laginketen xehetasunak ere, aurretik zehaztu ez baldin badira.

   6. Ingurumena zaintzeko programaren agiri bategina.

   Sustatzaileak ingurumena zaintzeko programaren agiri bategina landu beharko du, aurkeztu dituen agirietan eta ebazpen honetan proposatutako betebeharrak bilduz. Programa horrek hauek zehaztu beharko ditu: kontrolatu beharreko parametroak, parametro bakoitzerako erreferentzia-mailak, analisi edo neurketen maiztasuna, laginketak eta analisiak egiteko teknikak, eta laginak hartzeko puntuen kokapen xehatua. Halaber, dagokion aurrekontua ere barne hartu beharko du.

   Era berean, ingurumena zaintzeko programak jardueraren adierazleak zehaztu eta adierazle horiek aztertzeko sistematika barruan izan beharko du, horien arabera enpresan bertan ingurumen-hobekuntza ziurtatzearren ezarritako neurri eta mekanismoen eraginkortasuna egiaztatu ahal izateko (ingurumen-adierazleak).

3. Ezohiko egoeretarako prebentziozko neurriak eta jardunerako baldintzak.

   1. Fabrika gelditzeko eta abiarazteko eragiketak eta mantentze-lanetarako programatutako eragiketak.

   Programatutako urteko mantentze-lanei dagokienez, isurien eta sortuko diren hondakinen balioespena egin beharko du enpresak, eta dagokionean, horiek kudeatzeko eta tratatzeko proposamena ere bai.

   2. Jarduera uztea.

   Jarduera aplikazio esparru honetakoa da: lurzorua ez kutsatzeko eta kutsatutakoa garbitzeko otsailaren 4ko 1/2005 Legea (27.510 epigrafea «Burdinurtzea»), eta kutsadura sor dezaketen jardueren zerrenda eta lurzoru kutsatuen adierazpenerako irizpide zein estandarrak ezartzen dituen urtarrilaren 14ko 9/2005 Errege Dekretua. Hori dela-eta, Olazabal y Huarte, S.A. enpresak hasiera eman beharko dio lurzoruaren kalitatearen adierazpenerako prozedurari, gehienez ere bi hilabeteko epean, jarduera behin betiko uzten duenetik kontatzen hasita, otsailaren 4ko 1/2005 Legeak 17.4 artikuluan xedatutakoaren arabera.

   3. Ezohiko jardunean aplikatzeko prebentziozko neurriak eta jarduketak.

   Sustatzaileak aurkeztutako oinarrizko proiektuan egindako proposamenean ezohiko egoeretan aplikatu beharreko prebentziozko neurriak eta jardunerako baldintzak zehazten dira. Horiez gain, ondorengo ataletan aipatzen diren baldintzak bete behar dira:

1. Prebentziozko mantentze-lanen eskuliburua eduki beharko da instalazioen egoera bermatzeko, batez ere ustekabeko jario edo ihesak daudenean kutsadura ekiditeko eskuragarri dauden baliabideei dagokienez. Ihesak daudenean lurzorua babesteko hartu beharreko neurriak zehaztuko dira, eta zehatz adieraziko da hauei dagokien guztia: eraikuntzako materialak (iragazgaiztea), biltegiratzeko neurri bereziak (gai arriskutsuak), egon daitezkeen ihesak antzemateko neurriak edo gainbetetzerako alarma-sistemak, lantegiko kolektore-sarea zaindu eta garbitzekoak (sistematikoki garbitzeko beharra, maiztasuna, garbiketa mota), eta lurzoruaren gaineko isuriak biltzeko sistemak.

2. Goian aipatutako prebentziozko mantentze-lanen eskuliburuan, atmosferaren kutsadurari aurrea hartzeko eta zuzentzeko (arazketa, minimizazioa, eta abar) sistemen egoera ona bermatuko duten neurriak gehitu behar dira.

3. Aurreko paragrafoan adierazitako eskuliburuak ikuskapen eta kontrolerako programa jaso beharko du, hauek bilduko dituena: estankotasun-probak, mailen eta adierazleen egoera, balbulak, presioa arintzeko sistema, hormen egoera eta lodieren neurketa, andelen barnealdearen begi-bidezko ikuskapenak (hormena eta estaldurena) eta kubetetako detekzio-sistemen aldizkako kontrol sistematikoa, lurzorua kutsa dezakeen edozein egoerari aurrea hartzeko.

4. Era berean, erregistro bat eduki behar da, eta bertan, aldizka egindako mantentze-lanen berri eman behar da, baita antzemandako gorabeherena ere.

5. Besteak beste, olioak, erregaiak, gehigarriak eta zepak, eta orokorrean, fabrikan sortutako hondakinak maneiatzeak lurzorua eta ura kutsa ditzake. Beraz, isurketak, jarioak edo ihesak gertatzeko arriskua izan dezaketen lur zatien gainazal guztiak iragazgaiztuko dira.

6. Prozesurako behar diren lehengaiak, erregaiak eta produktuak ingurunean ez sakabanatzeko moduan biltegiratuko dira.

7. Hauts-produktuak biltegiratzeko, iragazkiak dituzten silo itxiak egongo dira.

8. Segurtasun-tarteei eta babes-neurriei dagokienez, egiaztatu egin beharko da biltegiratzeko instalazio horiek bete egiten dituztela produktu kimikoak biltegiratzeari buruz indarrean dagoen araudian ezarritako betebeharrak. Egiaztapen hori egiteko, Ingurumen Sailburuordetza honi aurkeztuko zaizkio eskumena duten erakundeek emandako egiaztagiriak.

9. Larrialdi-egoera sortzen denean, berehala eta eraginkortasunez jarduteko behar beste material eduki behar da: berriro ontziratzeko erreserbako edukiontziak, beharrezkoa izanez gero; gerta daitezkeen jarioei eusteko produktu xurgatzaile selektiboak, segurtasuneko edukiontziak, hesiak eta kaltetutako inguruneak isolatzeko seinaleztapen-elementuak eta babes pertsonalerako ekipamendu bereziak.

10. Kubeten hustuketa-lanetarako kontrol gisa jardungo duen protokolo edo prozedura dokumentatua igorri beharko da Ingurumen Sailburuordetza honetara.

11. Larrialdi-egoeretan, babes zibileko legeriari helduko zaio, eta bertan ezarritako betekizun guzti-guztiak bete beharko dira.

12. Titularrak behar diren bitartekoak izango ditu arazketa-instalazioak zuzen ustiatzeko eta ustekabeko isurketak prebenitzeko hartu diren segurtasun-neurriak abian izateko.

13. Ingurunearen edo jardueraren kontrolaren gainean kalteak eragin ditzakeen gorabehera edo ezohiko gertaeraren baten aurrean (besteak beste, ihesak, jarioak, lurzorua edo ura kutsa ditzaketen hondakinak, erregaiak edo substantzien isurketa garrantzitsuak; suteak), gorabehera edo ezohiko gertaera horren berri eman beharko dio Ingurumen Sailburuordetzari.

14. Gorabehera edo arazo larriren bat edo ustekabeko isuriren bat egonez gero, SOS Deiak eta Udalari ere jakinarazi beharko zaie berehala. Ondoren, eta gehienez ere 48 orduko epean, ezbeharrari buruzko txosten xehatua bidali beharko da Ingurumen Sailburuordetzara, eta bertan, datu hauek agertuko dira gutxienez:

    Gertakari mota.

    Gertakaria non, zergatik eta zer ordutan gertatu den.

    Iraupena.

    Ustekabeko isurketa izanez gero, emaria eta isuritako gaiak.

    Mugak gainditu badira, isuriei buruzko datuak.

    Eragindako kalteen balioespena.

    Hartutako neurri zuzentzaileak.

    Prebentziozko neurriak berriro gerta ez dadin.

    Prebentziozko neurriak eraginkortasunez aplikatzeko ezarritako epeak.

16. Instalazioek suteen aurkako babesari buruz indarrean dagoen araudian ezarritako betekizunak betetzen dituztela egiaztatu beharko da. Egiaztapen hori egiteko, Ingurumen Sailburuordetza honi aurkeztuko zaizkio eskumena duten erakundeek emandako egiaztagiriak.

4. Baldin eta arautegi berria indarrean sartzeak, edo barneratzen diren sistemen egitura eta funtzionamenduari buruzko ezagutza berri esanguratsuetara egokitu beharrak hori egitea gomendatzen badute, neurri babesle zein zuzentzaileak eta ingurumena zaintzeko programa aldarazi ahal izango dira, bai neurtu behar diren parametroen kasuan, bai neurketaren aldizkakotasuna eta aipatutako parametroek hartu behar duten tarteari dagozkion mugen kasuan. Era berean, neurri babesle zein zuzentzaileak eta ingurumena zaintzeko programa jardueraren sustatzaileak hala eskatuta edo ofizioz aldaraz daitezke, ingurumena zaintzeko programan lortutako emaitzetan oinarrituta.

5. Urtean behin Olazabal y Huarte, S.A. enpresak Ingurumen Sailburuordetzari jakinaraziko dizkio atmosferara eta uretara egindako isuriei eta sortu dituen hondakinei buruzko datuak, E-PRTR-Euskadi, botatako eta eskualdatutako kutsagarrien Europako Inbentarioa landu eta eguneratzeko, apirilaren 20ko 508/2007 Errege Dekretuaren, E-PRTR Erregelamenduko eta ingurumeneko baimen bateratuetako isurien gaineko informazioa ematea arautzen duenari jarraituz.

   Informazio hori ekitaldi horren hurrengo martxoaren 31 baino lehen bidali beharko da. Informazioa Ingurumenari buruzko Adierazpenaren (IA) bidez gauzatuko da, hori baita kanpoko erakundeek eta Ingurumen eta Lurralde Antolamendu Sailak ingurumen-informazioa batak besteari elektronikoki emateko ardatza. Informazio-trukaketa horren funtsa Ingurumenari buruzko Adierazpenari (IA) dagozkion ingurumeneko datu teknikoak eta prozedurakoak sartzean datza, IKS-L03 Sistemako erakundeentzako bertsioaren bidez (www.eper-euskadi.net web-orrian eskuragarri): Ingurumen eta Lurralde Antolamendu Saileko Ingurumen-informazioa Kudeatzeko Sistema. Datu horiek guztiek Ingurumenean Eragina duten Jardueren Euskal Autonomia Erkidegoko Erregistroa osatuko dute, Europako Ingurumen Agentziaren Erregistrora (Europako E-PRTR Erregistroa) egiten diren informazio-bidalketen oinarri dena.

   Halaber, ebazpen honetan aurreikusitako gainerako informazio-trukeak aipatutako Ingurumenari buruzko Adierazpenaren bidez gauzatuko dira, ahal izanez gero.

   Informazio hori agerikoa izango da, uztailaren 18ko 27/2006 Legearen xedapenekin bat etorriz. Lege horren bidez informazioa eskuragarri izateko, herritarren partaidetzarako eta ingurumen-gaietan justizia eskura izateko eskubideak arautzen dira (2003/4/EE eta 2003/2005/EE Zuzentarauak jasotzen ditu). Horrez gain, uneoro bermatu beharko da datu pertsonalak babesteko abenduaren 13ko 15/1999 Lege Organikoan ezarritakoa betetzen dela.

6. Ingurumeneko baimen bateratu honen mendeko instalazioan egindako aldaketek bat etorri beharko dute kutsaduraren prebentzio eta kontrol integratuari buruzko uztailaren 1eko 16/2002 Legeak 10.3 artikuluan ezarritako komunikazio-erregimenarekin. Hori horrela, ingurumeneko beste baimen bateratu bat beharko da aldaketak funtsezkoak direnean.

   Hirugarrena. Ebazpen hau eraginkorra izan dadin, aurretik Ingurumen Sailburuordetzari agiri bidez egiaztatu beharko zaio ebazpen honetako Bigarren ataleko puntu hauetan ezarritako baldintzak betetzen direla: B.1.1.2 (Moldeak betetzeko eta argintzako isuriak bildu eta husteko proposamena); B.1.1.4 (Gasak bildu eta arazteko sistemak); B.1.2.4 (Husteko eta kontrolatzeko instalazioetan hartzeko dauden neurriak); B.1.3.1.f) (Hondakin arriskutsuak onartzeko agiria); B.1.3.1.n) (Hondakin arriskutsuak eta ez-arriskutsuak erregistratzeko eredua); B.1.3.2.a) (EHZen ispilu-sarrera duten hondakinen karakterizazioa); B.1.3.2.e) (Hondakin ez-arriskutsuak onartzeko agiriak); B.1.3.2.g) (Hondakin ez-arriskutsuak erregistratzeko eredua); B.1.4 (Lurzoruaren kalitatea babesteko baldintzak); C.1 (Isuri atmosferikoen kontrola eta isuri atmosferikoen erregistro-eredua); C.4 (Zarata neurtzeko proposamen zehatza); C.6 (Ingurumena zaintzeko programaren agiri bategina); D.1 (Mantentze-lanetako isuri eta hondakinen balioespena); D.3.a) (Mantentze-lanen eskuliburua, ikuskapenerako eta kontrolerako programa); D.3.h) (Produktu kimikoen biltegiratzeen egiaztagiriak); D.3.i) (Larrialdi-kasuetarako material-zerrenda); D.3.j) (Kubetak husteko protokoloa) eta D.3.o) (Suteen aurkako babesaren egiaztagiriak).

   Halaber, baimen hau indarrean jarri aurretik, ingurumen-organo honi atxikitako zerbitzu teknikoen ikuskapen-bisitan egiaztatu beharko da instalazioak aurkeztutako proiektuaren arabera eta ebazpen honetan ezarritakoarekin bat etorrita eraiki eta hornitu direla. Horretarako, aipatutako ikuskapen-bisitaren aurretik, sustatzaileak Ingurumen Sailburuordetza honetan aurkeztu beharko du baldintza horiek betetzen direla egiaztatzen duen agiria, teknikari aditu batek eginda.

   Goiko baldintza horiek guztiak betetzeko 6 hilabeteko epea ezarri da, ingurumeneko baimen bateratua eraginkorra dela adierazteko Ingurumen Sailburuordetzak emandako ebazpen hau jakinarazten den biharamunetik kontatzen hasita.

   Adierazitako baldintzak betetzen direla ziurtatzean, ebazpena emango da eta, horren bitartez, ingurumeneko baimen bateratua eraginkortzat aitortuko da.

   Laugarrena. Ingurumeneko baimen bateratu hau 8 urteko epean egongo da indarrean, aurreko atalean ezarritakoaren arabera ondorioak dauzkan egunetik kontatzen hasita. Epe hori igarota, baimena berritu egin beharko da eta, hala badagokio, jarraian datozen aldietarako eguneratu.

   Ingurumeneko baimen bateratua amaitu baino hamar hilabete lehenago, titularrak baimena berritzeko eskaera egin beharko du, uztailaren 1eko 16/2002 Legearen 25. artikuluan xedatutakoa betez.

   Bosgarrena. Edonola ere, ingurumeneko baimen bateratua ofizioz aldatu ahal izango da uztailaren 1eko 16/2002 Legearen 26. artikuluan ezarritako kasuak aintzat hartuta.

   Seigarrena. Olazabal y Huarte, S.A. enpresak ebazpen honen xede den burdinurtzeko jardueran titulartasun-aldaketarik eginez gero, aldaketa hori jakinarazi beharko du, Ingurumen Sailburuordetzak onar dezan.

   Zazpigarrena. Baimen honek balioa galduko du kausa hauek gertatzen direnean:

   Epearen barruan ez egiaztatzea ebazpen honetako hirugarren atalean ingurumeneko baimen bateratuak ondorioak izan ditzan ezarritako baldintzak betetzen direla, interesdunak behar bezala justifikatuz epea luzatzeko eskatzen ez badu.

   Olazabal y Huarte, S.A. enpresaren nortasun juridikoa bukatzea, indarrean dagoen araudian ezarritako kasuetan.

   Baimena indarrean jartzen dela adierazten duen ebazpenean xedatutakoak.

   Zortzigarrena. Ebazpen honen edukia jakinaraztea Olazabal y Huarte, S.A. enpresari, Vitoria-Gasteizko Udalari, ingurumeneko baimen bateratua emateko prozeduran parte hartu duten erakundeei, eta gainerako interesdunei.

   Bederatzigarrena. Ebazpen hau Euskal Herriko Agintaritzaren Aldizkarian argitaratzeko agintzea.

   Hamargarrena. Ebazpen honek ez du agortzen administrazio-bidea; horrenbestez, gora jotzeko errekurtsoa aurkez daiteke Ingurumen eta Lurralde Antolamenduko sailburuaren aurrean, hilabeteko epean, ebazpen hau jakinarazi eta hurrengo egunean kontatzen hasita, hori guztia Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legearen 114. artikuluarekin eta ondorengoekin bat etorriz (urtarrilaren 13ko 4/1999 Legeak aldatu zuen lege hori).

   Vitoria-Gasteiz, 2008ko martxoaren 25a.

   Ingurumeneko sailburuordea,

   IBON GALARRAGA GALLASTEGUI.