Vincent Maraval sariduna filmen erosketa eta banaketaren alorrean munduan dagoen profesionalik garrantzitsuenetako bat da, eta berarekin batera egongo dira Jose Luis Rebordinos Donostiako Zinemaldiko zuzendaria, Mikel Ubarrechena Gipuzkoako Ostalaritza Elkarteko lehendakaria eta Bittor Oroz, Eusko Jaurlaritzako Nekazaritza, Arrantza eta Elikagaien Politikako sailburuordea.

ZINEMALDIAREN baitan sari hau Eusko Jaurlaritzako Ekonomiaren Garapen eta Lehiakortasuneko Sailaren eta Gipuzkoako Ostalaritza Elkartearen arteko lankidetzatik sortu da, eta gastronomiaren alorrean ari direnek (ekoizleak, ostalariak eta hotelariak) zinemako pertsonalitate bati eskerrona erakusteko balio du.