Diru-laguntzak eta bekak

Gizarte-ekonomiako enpresetan laguntza teknikoa emateko diru-laguntzak 2026

[AT_2026]

Deskribapena

Xedea

1.- Kooperatiba-sozietateen eta lan-sozietateen kudeaketa hobetzeko laguntza teknikoa bideratzea, jarduera hauetakoren batetik zuzenean eratortzen diren gastuak finantzatuz:
a) Urteko kudeaketa-plana edo aginte-taula integrala egitea eta ezartzea, enpresaren egitura ekonomiko-finantzarioa barne hartuta.
b) Kooperatiben eta lan-sozietateen merkataritza-kudeaketako berariazko aholkularitza.
c) Gerentziari laguntzeko zerbitzu espezializatuak kontratatzea, gerentzia- edo zuzendaritza-eginkizunak betetzeko, edo kooperatiba eta lan-sozietateetako jarduera-arloekin zerikusia dutenak, haien profesionalizazioa errazteko, merkatuan duten lehia-posizioa mantentzeko eta hobetzeko funtsezko faktore gisa.
d) Zailtasunak dituzten enpresak suspertzeko plantzat hartzen diren ekintzak egitea, enpresaren lehiakortasuna eta, hala badagokio, finantzaketa lortzeko aukera hobetzeko gomendio zehatzak barne.
e) Erakundeak antolaketa-eredu malguagoetara, kontziliazio-sistemetara eta pertsonak garatzeko sistemetara eraldatzeko tresna berriak ezartzea gizarte-ekonomiako erakundeetan.
f) Enpresak digitalizatzeko tresnak ezartzea. Diruz lagundu ahal izango dira erakundearen prozesuak eta eragiketak eraldatzeko teknologia digitalak erabiltzeko aukera ematen duten ekintzak, hainbat zeregin automatizatzeko prozesua errazten duten aplikazio eta programen bidez, hala nola informazioa bilatzea, formatu digitalean datuak antolatzea, modu elektronikoan biltegiratu, partekatu edo manipulatu ahal izateko. Era berean, enpresen zibersegurtasuneko soluzioak sartzen dira, babes digitaleko oinarrizko neurriak eta neurri aurreratuak ezarriz, zibererasoak prebenitzeko, hala nola antibirusak ezartzea, pasahitzen kudeatzaileak erabiltzea, hodeiko edo kanpoko segurtasun-kopiak, antispam eta anti-phishing iragazkiak instalatzea, enpresaren Wi-Fi sarea zifratuta dagoela ziurtatzea.
g) Enpresetan ingurumen-arloko hobekuntza-ekintzak ezartzea, enpresen jarduerak ingurumenean duen eragin negatiboa murrizteko.
h) Gizarte Ekonomiako erakunde errepikatzaile gorenek beren erakunde elkartuei bermeak emateko beharrezkoa den aldez aurreko azterketa ekonomiko eta finantzarioa egitea.
i) Gizarte-ekonomiako enpresak sortzeko eta eraldatzeko pizgarriak kentzen dituzten oztopo juridikoak aztertzea.
j) Plan estrategiko bat egitea eta ezartzea, eta bideragarritasun ekonomiko eta finantzarioko planak egitea, ekintzailetza-zentro berriak eratzeko eta abian jartzeko.
2. – Ekintzak 2026an hasi beharko dira. Aurreko paragrafoko h) idatz-zatiko ekintzetan, ekintzaren hasiera-datatzat hartuko da gizarte-ekonomiaren ordezkari diren erakunde gorenek beren erakunde elkartuei bermeak emango dizkien erakundearekin hitzarmena sinatzen duten eguna.
3. – Ekintzek, gehienez ere, 2027ko lehen hiruhilekoan amaituta egon behar dute.
4. – Dirulaguntza bakarra eman ahal izango da erakunde eskatzaile bakoitzeko, diruz lagun daitekeen jarduera bakar bat egiteko, 5.2 oinarrian jasotako salbuespenarekin. Prozeduran lehendik erregistratuta dagoen eskabide bat duenak beste eskabide bat aurkezten badu, automatikoki atzera egingo du.
5. – 2.1.e) oinarrian jasotakoaren ondorioetarako, erakundeak eraldatzeko tresna berritzat hartuko dira, pertsonen zentraltasuna oinarri hartuta, enpresen funtsezko ardatz gisa, honako eredu hauetakoren bat ezartzen dutenak:
a) Antolamendu-eredu malguak eta sarekoak: enpresa-eredu tradizionala, piramidala, taylorista, erakunde malguago bihurtzea ingurunearen aldaketetara egokitzeko.
b) Kontziliazioa kudeatzeko sistemak: gizartearen, enpresaren eta pertsonen interesak uztartzen dituzten tresnak.
c) Pertsonen garapen-eredua: pertsonen gaitasunak ezagutzea, haien hobekuntza-arloak hautematea eta hazteko aukerak identifikatzea ahalbidetzen duten tresnak, enpresan gaur egun eta etorkizunean duten eginkizunaren barruan.
d) Gatazkak kudeatzeko tresna aurreratuak.

Aurrekontuko zuzkidura

440.000

Prestazio ekonomikoa

1. – Dirulaguntzen zenbatekoak honako hauek izango dira:
a) Agindu honen 2.1 oinarriaren a), b), d), e), f) eta g) letretan aurreikusitako ekintzetarako: aholkularitza-enpresaren jardueraren kostuaren % 75, gehienez ere sei mila (6.000) euro zuzeneko erakunde onuradunarentzat, agindu honen 5.4 oinarrian ezarritako baldintzen arabera hamar bazkide baino gehiago baditu, eta hiru mila (3.000) euro erakunde onuradunak hamar bazkide edo gutxiago baditu.
- Baldin eta ekintza horietarako erakunde onuraduna 5.1.b) oinarrian definitutakoren bat bada, zenbatekoa zehazteko kalkulua banan-banan egingo du baterako eskaeran jasotako erakunde bakoitzak, atal honetan bertan ezarritako baldintza berberetan. Kontzeptu honengatik, erakunde onuradunak ezin izango du 30.000 euroko dirulaguntza gainditu.
b) Agindu honen 2.1 oinarriko c) letran aurreikusitako ekintzetarako: kontratatutako pertsonaren edo erakundearen jardueraren kostuaren % 50, gehienez ere hamar mila (10.000) euro zuzeneko erakunde onuradunarentzat.
c) 2.1.h) eta 2.1.i) oinarrietako jardueren kasuan, aholkularitza-enpresaren jardueraren kostuaren % 75 emango da, gehienez ere hogei mila (20.000) euro diruz lagundutako jarduera bakoitzerako.
d) 2.1.j) oinarriko jardueren kasuan, jardueraren kostuaren % 75 emango da, gehienez ere hogeita bost mila (25.000) euro.

Ordainketa-modua:

1. – Dirulaguntzak zatika ordainduko dira: % 60 2026ko aurrekontu-ekitaldiaren kontura ordainduko da, 15.a) artikuluan adierazitako epea igaro ondoren uko egin ez bazaio, eta gainerako % 40 2027ko ekitaldiaren kontura, Gizarte Ekonomiaren Zuzendaritzak diruz lagundutako jarduerek sortutako gastu guztiak justifikatu direla egiaztatzen duenean. Ez da inolako ordainketarik egingo baldin eta erakunde onuradunak ez baditu egunean zerga-betebeharrak eta Gizarte Segurantzarekikoak, edo itzulketa-ebazpen baten ondorioz zorduna bada.
2. – Dirulaguntzaren bigarren ordainketa egiteko, erakunde onuradunak emandako dirulaguntzaren justifikazio-kontu sinplifikatua aurkeztu beharko du. Kontu horrek honako informazio hau jasoko du:
a) Egindako jarduerak eta lortutako emaitzak justifikatzeko memoria teknikoa. Egindako jardueren eta haien kostuaren aitorpena, egindako gastu bakoitzaren banakapenarekin.
b) Gizarte Ekonomiako Zuzendaritzak eta beste erakunde publiko edo pribatu batzuek diruz lagundutako jardueren guztizko gastuak eta diru-sarrerak justifikatzeko memoria ekonomikoa, kontuan hartuta diruz lagundu daitezkeen gastuek abenduaren 21eko 20/2023 Legearen 30. artikuluan jasotako baldintzak bete beharko dituztela. Gastu eta diru-sarrera guztien zerrenda sailkatua fakturen bidez eta merkataritzako trafikoan balioa duten edo eraginkortasun administratiboa duten froga-balio baliokidea duten gainerako agirien bidez egiaztatuko da.
c) Hala badagokio, itzulketaren ordainketa-gutuna, aplikatu gabeko gerakinen kasuan, eta horietatik eratorritako interesak.
d) Diruz lagundutako jardueren publizitatean Gizarte Ekonomiaren Zuzendaritzaren finantzaketa jaso dela egiaztatzen duten agiriak.
3. – Aurreko puntuan aipatutako agiriak aurkezteko epea 3 hilabetekoa izango da, diruz lagundutako ekintzak amaitzen direnetik zenbatzen hasita, eta, betiere, 2027ko ekainaren 30a baino lehen.
4. – Justifikatu beharreko gastuak eskabide-proiektuan zehaztutako gastuei dagozkienak izango dira. Justifikazio-memoria teknikoan adierazi eta justifikatuko dira dirulaguntzen eskabideetan aurkeztutako aurrekontuari dagokionez izandako desbideratzeak.
5. – Proiektuaren behin betiko kostu osoa aldatzen bada dirulaguntza kalkulatzeko kontuan hartu zen kostuari dagokionez, edo gastua egiaztatzeko agirien bidez (fakturak, ordainagiriak, etab.) justifikatutako zenbatekoa emandako laguntza baino txikiagoa bada, dagokion murrizketa proportzionala egingo da dirulaguntzaren zenbatekoan.
6. – Administrazioak laguntzak ordaindu ahal izateko, pertsona edo erakunde onuradunak Eusko Jaurlaritzako Ekonomia eta Ogasun Saileko Kontrol Ekonomikoko Bulegoko Hirugarrenen Erregistroan agertu beharko du. Pertsona ez badago erregistratuta edo Ekonomia eta Ogasun Sailaren Hirugarrenen Erregistroan dauden banku-datuak aldatu nahi baditu, inprimakia bete beharko du https://www.euskadi.eus/altaterceros helbidean ezarritako ereduaren arabera.
7. – Ez da inolako ordainketarik egingo baldin eta erakunde onuradunak ez baditu egunean zerga-betebeharrak eta Gizarte Segurantzarekikoak, edo itzulketa-prozeduraren ebazpen bidez zorduna bada.

Nori dago zuzenduta

Kooperatiba-sozietatea

Lan-sozietatea

Federazio, konfederezaio edo elkarte-batasuna

Elkarteak eta irabazi-asmorik gabeko gainerako entitateak

Agindu honetan araututako dirulaguntzen onuradun izan daitezke irabazi-asmorik gabeko elkarte eta gainerako erakundeak, baldin eta haien jarduera ekonomiko nagusia Euskal Autonomia Erkidegoan garatzen bada eta horien helburuen artean badago emakumeen ekintzailetza sustatzea eta emakumeen talentua sartzea enpresetako eta erakundeetako zuzendaritza-organoetan, baldin eta irabazi-asmorik ez badute eta Administrazio Publikoarekiko independenteak badira, eta, betiere, jarduera ekonomiko hori argitaratzen den egunean legez eratuta eta inskribatuta badaude beren lurraldeko erregistroan behar bezala legeztatuta, eta erakundearen xede sozialean edo estatutuetan deskribatutako xedeak barne hartuta, gutxienez deialdia argitaratu baino bi urte lehenagotik eratuta badaude.

Eskakizunak:

  • Zerga betebeharrak eta Gizarte Segurantzarekiko betebeharrak egunean ordainduta izatea

  • Elkarteak eta irabazi-asmorik gabeko gainerako entitateak legez eratuta dagoela edo dagokion erregistroan inskribatuta dagoela

  • Ordezkaritza-ahalorde nahikoa izatea

Erakundeak

Deitzen duen erakundea

  • Ekonomia, Lana eta Enplegua / Lan eta Gizarte Segurantza Sailburuordetza > Gizarte Ekonomiaren Zuzendaritza

Ebazten duen erakundea

  • Ekonomia, Lana eta Enplegua / Lan eta Gizarte Segurantza Sailburuordetza > Gizarte Ekonomiaren Zuzendaritza

Kontaktu-informazioa

Komunikabide horien bidez ematen diren erantzunak informatzeko baino ez dira izango. Ondorioz, ez dute sortuko eskatzaileentzako edo hirugarrenentzako eskubiderik edo eskubide-itxaropenik, ez dute inolako loturarik izango etorkizuneko prozedurekin, eta ezin izango zaie errekurtsorik jarri. Hala ere, bere garaian, errekurtsoa jarri ahal izango da laguntzen deialdia ebazteko prozeduran ematen den ebazpenaren aurka.

Gizarte Ekonomiaren Zuzendaritzaren bulegoa:

Telefono bidezko harremana: 945 01 94 16

Harreman telematikoa: laguntzak-ete@euskadi.eus

Kodea

0036524

Eskabidea eta dokumentazioa aurkeztea

1. – Eskabideak bitarteko elektronikoen bidez bakarrik aurkeztu beharko dira, eskabide-ereduaren arabera, behar bezala beteta, eta hurrengo oinarrian eskatzen den dokumentazioa erantsita, Administrazio Publikoen Administrazio Prozedura Erkidearen urriaren 1eko 39/2015 Legearen 14.2 artikuluan adierazten den bezala. Horrela, eskabide-eredua egoitza elektroniko honetan egongo da eskuragarri: https://www.euskadi.eus/servicios/0036524
2. – Eskabideak aurkezteko epea hilabetekoa izango da, eta agindu hau Euskal Herriko Agintaritzaren Aldizkarian argitaratu eta hurrengo egunetik aurrera hasiko da.
3. – Erakunde eskatzaileek euskaraz edo gaztelaniaz aurkeztu ahal izango dituzte eskabidea eta dokumentazioa. Halaber, prozeduran zehar, pertsona edo erakunde eskatzaileak aukeratutako hizkuntza erabiliko da, Euskararen Erabilera Normalizatzeko azaroaren 24ko 10/1982 Oinarrizko Legearen 6.1 artikuluan ezarritakoaren arabera.
4.- Deialdiko izapidetze elektronikoari buruzko zehaztapenak helbide elektroniko honetan ere eskuratu ahal izango dira: https://www.euskadi.eus/servicios/0036524
5.- Eskabidearen osteko izapideak, jakinarazpenak barne, Euskadiko Administrazio Publikoaren egoitza elektronikoko «Nire karpeta» ren bidez egingo dira https://www.euskadi.eus/nirekarpeta
6.- Erakunde interesdunek Euskal Autonomia Erkidegoko Administrazio Publikoaren egoitza elektronikoan onartutako ziurtagiri eta sinadura elektroniko bat izan beharko dute prozedura honen izapide guztiak egiteko. Identifikaziorako eta sinadura elektronikorako onartutako bitartekoak helbide honetan daude eskuragarri:https://www.euskadi.eus/ziurtagiri-elektronikoak
7.- Prozedura osoa ordezkari baten bidez izapidetu ahal izango da. Horretarako, ordezkaritza Euskadiko Ahalordetzeen Erregistro elektronikoan inskribatu beharko da, helbide honetan: https://www. euskadi.eus/ordezkariak
8.- Euskadiko Aurrekontu Orokorren kontura ematen diren laguntzen eta dirulaguntzen esparruan, zerga-betebeharrak eta Gizarte Segurantzarekikoak betetzen direla egiaztatzeari buruzko Ekonomia eta Ogasuneko sailburuaren 2023ko otsailaren 13ko Aginduaren 6. artikuluan ezarritakoarekin bat etorriz, gizarte-ekonomiaren arloan eskumena duen zuzendaritzak automatikoki eta ofizioz egiaztatuko du zerga-betebeharrak eta Gizarte Segurantzarekikoak betetzen direla, eskatzaileak berariaz aurka egiten ez badu behintzat; kasu horretan, betekizun hori betetzen duela egiaztatzen duen dokumentazioa aurkeztu beharko du.
  1. Ziurtatu identifikazio elektronikorako bitarteko bat duzula.
  2. Prestatu dokumentazioa formatu digitalean.
  3. Sartu online inprimakian botoi honen bidez eta bete eskabidearen datuak.
Eskaera

Ebazpena eta errekurtsoak

Ebazteko epea

Sei hilabete

Diru-laguntza emateko modua

Lehiaketarik gabe

Isilbidearen ondorioak

Gaitzetsiak

Hirugarrenaren datuen alta edo aldaketa Ogasun eta Finantza Saileko erregistroan

Ez da inolako ordainketarik egingo erakunde onuradunak egunean ez baditu zerga-betebeharrak eta Gizarte Segurantzarekikoak edo itzulketa-ebazpen batek adierazita zordun bada.

Administrazioak laguntzak eta diru-laguntzak ordaindu ahal izateko, Eusko Jaurlaritzako Ogasun eta Finantza Saileko Kontrol Ekonomikoko Bulegoaren datu-basean sartuta egon beharko duzu.

Diru-laguntza onartzea

Emandako laguntzarekin konforme baldin bazaude, kanal elektronikoaren bidez onar dezakezu. Administrazioak ordainketa egiteko egin beharreko izapideekin jarraituko du.

  1. Ziurtatu identifikazio elektronikorako bitarteko bat duzula.
  2. Prestatu dokumentazioa formatu digitalean.
  3. Sartu Nire karpeta aplikaziora.
Nire karpeta

Justifikazioa

Ezarritako baldintzak betetzen dituzula eta aurreikusitako helburuak lortzen dituzula justifikatzeko, beharrezko dokumentazioa aurkeztu beharko duzu adierazitako lekuetan.

a) Egindako jarduerak eta lortutako emaitzak justifikatzeko memoria teknikoa. Egindako jardueren eta haien kostuaren aitorpena, egindako gastu bakoitzaren banakapenarekin.

b) Gizarte Ekonomiako Zuzendaritzak eta beste erakunde publiko edo pribatu batzuek diruz lagundutako jardueren guztizko gastuak eta diru-sarrerak justifikatzeko memoria ekonomikoa, kontuan hartuta diruz lagundu daitezkeen gastuek abenduaren 21eko 20/2023 Legearen 30. artikuluan jasotako baldintzak bete beharko dituztela. Gastu eta diru-sarrera guztien zerrenda sailkatua fakturen bidez eta merkataritzako trafikoan balioa duten edo eraginkortasun administratiboa duten froga-balio baliokidea duten gainerako agirien bidez egiaztatuko da.
c) Hala badagokio, itzulketaren ordainketa-gutuna, aplikatu gabeko gerakinen kasuan, eta horietatik eratorritako interesak.
d) Diruz lagundutako jardueren publizitatean Gizarte Ekonomiaren Zuzendaritzaren finantzaketa jaso dela egiaztatzen duten agiriak.
3. – Aurreko puntuan aipatutako agiriak aurkezteko epea 3 hilabetekoa izango da, diruz lagundutako ekintzak amaitzen direnetik zenbatzen hasita, eta, betiere, 2027ko ekainaren 30a baino lehen.
4. – Justifikatu beharreko gastuak eskabide-proiektuan zehaztutako gastuei dagozkienak izango dira. Justifikazio-memoria teknikoan adierazi eta justifikatuko dira dirulaguntzen eskabideetan aurkeztutako aurrekontuari dagokionez izandako desbideratzeak.
5. – Proiektuaren behin betiko kostu osoa aldatzen bada dirulaguntza kalkulatzeko kontuan hartu zen kostuari dagokionez, edo gastua egiaztatzeko agirien bidez (fakturak, ordainagiriak, etab.) justifikatutako zenbatekoa emandako laguntza baino txikiagoa bada, dagokion murrizketa proportzionala egingo da dirulaguntzaren zenbatekoan.
6. – Administrazioak laguntzak ordaindu ahal izateko, pertsona edo erakunde onuradunak Eusko Jaurlaritzako Ekonomia eta Ogasun Saileko Kontrol Ekonomikoko Bulegoko Hirugarrenen Erregistroan agertu beharko du. Pertsona ez badago erregistratuta edo Ekonomia eta Ogasun Sailaren Hirugarrenen Erregistroan dauden banku-datuak aldatu nahi baditu, inprimakia bete beharko du https://www.euskadi.eus/altaterceros helbidean ezarritako ereduaren arabera.
7. – Ez da inolako ordainketarik egingo baldin eta erakunde onuradunak ez baditu egunean zerga-betebeharrak eta Gizarte Segurantzarekikoak, edo itzulketa-prozeduraren ebazpen bidez zorduna bada.
  1. Ziurtatu identifikazio elektronikorako bitarteko bat duzula.
  2. Prestatu dokumentazioa formatu digitalean.
  3. Sartu Nire karpeta aplikaziora.
Nire karpeta

Beste tramite batzuk