Diru-laguntzak eta bekak

MerkaEkin 2025 merkataritza-ekintzailetzarako laguntzen deialdia

[MerkaEkin]

Deskribapena

Xedea

Euskal Autonomia Erkidegoan (EAE) merkataritza-ekintzailetza sustatzera bideratutako laguntza-programak, merkataritzaren ezaugarri berezietara egokituak eta sektore horretako pertsona eta enpresa ekintzaileei laguntzen dienak. Lehenengo programa MERKATARITZA-EKINTZAILE AHOLKULARITZA, laguntza ekonomikoa eskaintzen du espezializatutako aholkularitzako, eta bigarrena MERKATARITZA-EKINTAILE DIRULAGUNTZAK, aurrez egindako aholkularitzan planteatutakoa gauzatzen laguntzeko. Merkataritza-ekintzailetzaren etapak asetzen dituzten hiru dirulaguntza-lerro daude:

1. lerroa. ABIATU merkataritza-negozio bat martxan jartzeko.

2. lerroa. SENDOTU merkataritza-negozioa sendotzeko.

3. lerroa. HAZI negozioari hazten laguntzeko, merkatu berrietara iritziz edo eskaintza dibertsifikatuz.

Aurrekontuko zuzkidura

2.420.000,00

Prestazio ekonomikoa

iruz lagundu daitezkeen gastuak MERKATARITZA-EKINTZAILE AHOLKULARITZA PROGRAMA

500 eurotik gorako aholkularitza-gastuak, merkatuko prezioak betetzen badituzte. Diruz lagundu daitekeen gehieneko zenbatekoa 5.000 eurokoa da.

Aholkularitza-zerbitzua 35 orduko izanbehar da gutxienez

Aholkularitza-ordu bakoitza 100 euro baino gehiago ordaindu bada, dirulaguntza muga horretaraino bakarrik iritsiko da

Honako hauek ez dira diruz laguntzeko moduko gastutzat hartuko:

Fakturan ordainarazi den Balio Erantsiaren gaineko Zerga, ez ezta beste edozein zerga ere.

Langileek enpresan dauzkaten lanorduei dagozkien gastuak.

Bidaiei, dietei eta mantenuari dagozkien gastuak.

Administrazio-gestoriako zerbitzu arruntak eta zerga-, lan-, finantza-, eta kontularitza-aholkularitzarako zerbitzu arruntak.

Lerro bakoitzeko ezaugarriak (MERKATARITZA-EKINTZAILE AHOLKULARITZA):

ABIATU lerroa

Merkataritza-negozio bat abian jartzeko aholkularitzarako laguntza, negozio-plan bat egiteko, haren garapenean bidelagun izateko eta haren jarraipena egiteko.

Negozio-planak gutxienez eduki hauek jaso beharko ditu: merkataritzako negozio-proiektuaren deskribapena; egungo egoeraren diagnostikoa (eskaintzaren azterketa, finantza-egoera, merkatua eta lehia, AMIA analisia, besteak beste); bideragarritasunaren analisia; ikuspegia, misioa eta helburuak; antolamendu-egitura; errentagarritasunaren eta oreka-puntuaren analisia; arriskuen analisia; behar diren baliabideak (kapitala, inbertsioak, gastuak eta langileak, besteak beste); ezarpena (kokapena, marka, hornitzaileak, besteak beste); gaikuntza (behar diren gaitasunak eta ezagutzak, behar den prestakuntza); aurrekontua eta finantzaketa-beharrak; finantza-proiekzioak; ekintza-plana eta ezarpen-kronograma; jarraipen-proposamena; aurrerapena eta azken ebaluazioa..

SENDOTU lerroa

Merkataritza-negozioa sendotzeko aldian aholkularitzarako laguntza, sendotze Plan bat egiteko, haren garapenean bidelagun izateko eta haren jarraipena egiteko.

Sendotze-planak, gutxienez, eduki hauek jaso beharko ditu: merkataritza-negozioaren deskribapena; egungo egoeraren diagnostikoa (finantza-egoera, merkatua eta lehia, AMIA analisia eta antzemandako hutsak, besteak beste); indartu beharreko esparruak; ikuspegia, misioa eta helburuak; arriskuen analisia; behar diren baliabideak (kapitala, inbertsioak, gastuak eta langileak, besteak beste); aurrekontua eta finantzaketa-beharrak; finantza-proiekzioak; ekintza-plana eta ezarpen-kronograma; jarraipen-proposamena; aurrerapena eta azken ebaluazioa.

HAZI lerroa

Negozioa hazteko aldian, aholkularitzarako laguntza, hazteko plan bat egiteko, hura garapenean bidelagun izateko eta haren jarraipena egiteko.

Hazteko planak, gutxienez, eduki hauek jaso beharko ditu: negozioaren deskribapena; egungo egoeraren diagnostikoa (finantza-egoera, merkatua, lehia eta AMIA analisia, besteak beste); ikuspegia, misioa eta helburuak; hazteko aukeren analisia; hazteko zer estrategia aukeratu diren; arriskuen analisia; behar diren baliabideak (kapitala, inbertsioak, gastuak eta langileak, besteak beste); aurrekontua eta finantzaketa-beharrak; finantza-proiekzioak; ekintza-plana eta ezarpen-kronograma; jarraipen-proposamena; aurrerapena eta azken ebaluazioa.

Diruz lagundu daitezkeen INBERTSIOAK MERKATARITZA EKINTZAILE DIRULAGUNTZAK

ABIATU, HAZI eta SENDOTU lerroak

Merkatu-prezioen mendeko inbertsioak, gutxienez 500 euroko zenbatekoa (BEZik gabe) gainditzen dutenak, eta guztien batura 5.000 eurora (BEZik gabe) iritsi beharko da gutxienez. Diruz lagundu daitekeen gehieneko zenbatekoa 25.000 eurokoa da.

Inbertsioak enpresaren aktibora batu beharko dira, diruz lagunduko den enpresaren merkataritza-azpiegituran fisikoki kokatuta egon beharko dute, diruz lagundutako jarduerara bideratu beharko dira eta, txertatzen direnetik, gutxienez hiru (3) urtez egon beharko dute establezimenduan.

Dena delako planean berariaz jasota daudenak izango dira inbertsio diruz lagungarriak; hauek besteak beste:

a) Merkataritza-lokalean, instalazio teknikoetan eta biltegietan egiten diren inbertsioak:

1.º Eraberritze- eta egokitze-lanak.

2.º Tresneria eta sistema funtzionalak instalatzea: Negozioaren funtzionamendu operatiborako beharrezkoak diren ekipoak eta sistemak instalatzea, egokitzea eta martxan jartzea (elektrizitatea, iturgintza, sare informatikoak, klimatizazioa).

3.º Irisgarritasuna: Irisgarritasun-araudia betetzen dela ziurtatzeko egokitzapenak.

4.º Jasangarritasuna: Energia-efizientzia, energia berriztagarrien erabilera edo hondakinen kudeaketa jasangarria hobetzea.

b) Altzarietan egindako inbertsioak.

c) Makineria espezializatuan egindako inbertsioak: Ekoizpenerako edo zerbitzurako behar diren makinak.

d) Teknologian egiten diren inbertsioak:

1.º Ekipo informatikoak: Ordenagailuak edo inprimagailuak, edo negozioak behar bezala funtzionatzeko behar den edozein ekipo.

2.º Softwarea eta kudeaketa-sistemak: Negozioa kudeatzeko eta optimizatzeko software berezia (Enpresa Baliabideen Plangintza -ERP-, Bezeroarekiko Harremanen Kudeaketa-Negozioa kudeatzeko eta optimizatzeko software berezia -CRM-, fakturazioa kudeatzeko programak, inbentarioen kudeaketa, bezeroen kudeaketa, salmentak, kontabilitatea).

3.º Merkataritza elektronikoa eta online plataformak: Web-orriak sortzea eta garatzea, edo online dendak, aplikazio mugikorrak eta e-commerce plataformak sortzea eta garatzea, betiere indarrean dagoen araudiaren arabera.

4.º Komunikazio-ekipoak: Telefono-terminalak, ordenagailuak edo tabletak, baldin eta zerikusi zuzena badute programa honen bidez diruz lagundutako konponbide teknologiko batekin.

5.º Salmenta-puntuaren sistema: Salmenta-puntuen terminalak (SPT), kutxa erregistratzaileak, kobrantza-sistemak, ordainketen kudeaketa, barra-kodeen irakurgailua eta prezioak elektronikoki etiketatzeko sistemak.

6.º Erosketa-esperientzia hobetzeko ekipo digitalak.

7.º Automatizazio- eta kontrol-sistema adimentsuak: Saltegia adimenez kudeatzeko sistemak, automatismoak eta hurbileko aktibatzaileak.

e) Ibilgailuak erosteko inbertsioak: ibilgailu mistoak eta banaketa-bizikletak eta -trizikloak (elektrikoak barne), denak ere produktuak garraiatzeko eta produktuok bezeroen edo beste salmenta-puntu batzuen artean banatzeko.

f) Eskualdatze-eskubideak: Enpresa eskualdatzeko baldin bada, negozioa eskualdatzetik eratorritako gastuak.

Ez dira diruz lagunduko inbertsio hauek:

a) Merkataritza-lokalean egiten diren inbertsio hauek:

1.º Funtzionalak ez diren eraberritzeak, edo negozioaren hasierako irudia nabarmen aldatzen ez dutenak.

2.º Beharrezkoak ez diren ekipo edo sistema funtzionalak instalatzea.

b) Lokalak, lursailak, biltegiak eta antzekoak eskuratzeko eta eraikinak jasotzeko inbertsioak.

c) Makineria eskuratzeko inbertsioak:

1.º Ezer ekoizteko ez diren jardueretarako makinak: Ez dira erabiltzen ez ondasunak ez zerbitzuak ekoizteko; adibidez, denbora-pasarako ekipoak.

2.º Negoziorako behar ez diren makinak: Merkataritzan jarduteko funtsezkoak ez diren edo fabrikaziorako edo zerbitzua emateko erabiltzen ez diren ekipoak.

d) Jarduerarekin zuzenean lotuta ez dagoen teknologiatan egindako inbertsioak:

1.º Ekipo teknologikoak: Ordenagailuak, telefono mugikorrak, tabletak edo antzekoak erostea, ez baldin badira lanean erabiltzeko, edo programa honen bidez diruz lagundutako soluzio teknologiko batera loturik ez badaude zuzenean.

2.º Softwarea: Enpresa-jarduera kudeatzeko eta optimizatzeko beharrezkoak ez diren softwarea edo sistemak, hala nola denbora-pasarako programak, erabilera pertsonalerako softwarea edo merkataritza-lanarekin lotuta ez dauden aplikazioak.

3.º Online plataformak garatzea: Web-orriak, online dendak edo aplikazio mugikorrak sortzea, norberaren gauzetarako bada, edo merkataritzarako ez bada; edo e-commerce proiektuak, oinarria ez baldin badaukate, benetan, enpresa-arloan jarduteko.

e) Erabilera pertsonalerako ibilgailuetan egindako inbertsioak.

f) Gerora saldu egingo bide diren altzariak eta erakusketa- eta proba-artikuluak, ez eta aldi baterako erakusketak jartzea ere.

g) Laguntza honen onuradunak berak fabrikatu edo garatutako elementuak edo ekipamenduak.

h) Tributuak eta bestelako ordainketa fiskalak: Zergak, tasak, kontribuzioak eta zerga-agintariei ordaindu beharreko beste tributu batzuk.

Diruz lagundu daitezkeen GASTUAK MERKATARITZA EKINTZAILE DIRULAGUNTZAK

ABIATU lerroa

Negozio-planean berariaz jasota dauden Merkataritza-negozioa abian jartzean sortutako gastuak izango dira diruz lagungarriak. (1. lerroa). ABIATU). Gastuek merkatuko prezioen araberakoak izan beharko dute. Gastu bakoitzak 100 euroko gutxieneko zenbatekoa gainditu beharko du (BEZik gabe), eta guztien batura 1.500 eurora iritsi beharko da gutxienez (BEZik gabe).

Besteak beste, honako hauek lagundu daitezke diruz:
a) Eraketa-gastuak:

1.º Enpresaren erregistroa eta administrazio-izapideak: Enpresaren legezko inskripzioa, notarioen ordainsariak, eta enpresaren egitura juridikoa ezartzeko beste administrazio-gastu batzuk (notariotza, merkataritza-erregistroa, administrazio-tasak).

2.º Lizentziak eta baimenak eskuratzea: Negozioa irekitzeko lizentziak eta baimenak lortzea.

3.º Ordutegi profesionalak: Zerga-, lan-, kontabilitate- eta lege-aholkularitzako zerbitzuak.

b) Saltegiko gastuak:

1.º Saltegia alokatzea: Negozioak kokaleku fisikoa behar baldin badu, bebarruak alokatzeko gastuak, salbuespen hauek salbu: kokaleku hori familia-etxearen zati izatea edo beste enpresaren batekin erabiltzen den lekuren bat; lokalaren errentatzailearekin odol- edo ezkontza-ahaidetasuna egotea (bigarren mailarainokoa); edo errentatzaile hori erakunde onuradunaren

bazkide edo partaide izatea.

2.º Proiektu teknikoak: Negozioa egokitzeko eta martxan jartzeko beharrezkoak diren proiektu teknikoak, baina profesionalek eginak.

3.º Irisgarritasuna: establezimenduaren irisgarritasunari buruzko txostena, araudira egokitzearren (aukerakoa da).

c) Marketin- eta sustapen-gastuak:

1.º Marketina eta publizitatea (online eta off line): Publizitate-kanpainak, kanpaina digitalak, etab.

2.º Diseinua eta branding-a: Markak erregistratzeko, logotipoak edo irudi korporatiboa diseinatzeko eta sustapen-materiala sortzeko gastuak (liburuxkak, aurkezpen-txartelak, etab.).

d) Prestakuntza espezializaturako gastuak: Ekintzaileak eta langileak gaitzea edo prestatzea merkataritza-jarduerarekin zuzenean lotutako arlo garrantzitsuetan.

e) Negozioa garatzeko azterketa estrategikoak.

e) Ibilgailuak alokatzeko gastuak: ibilgailu mistoak eta banaketa-bizikletak eta -trizikloak (elektrikoak barne), denak ere produktuak garraiatzeko eta produktuok bezeroen edo beste salmenta-puntu batzuen artean banatzeko.

g) Finantza-errentamendua (leasing) eta errentamendu operatiboa (renting): Agindu honen arabera diruz lagundu daitekeen ibilgetua leasing edo renting bidez alokatu behar bada, kuotak lagundu ahal izango dira diruz, interesik eta exekuzio-aldiko gasturik gabe.

Ez dira diruz lagunduko:

a) Finantza-gastuak:

1.a Maileguen edo kreditu-lerroen ondoriozko interesak eta gastuak.

2. Edozein eragiketa-motaren banku-gastuak.

3. Negozioaren finantza-kudeaketatik eratorritako gastuak.

4. Finantza-berregituraketaren kostuak edo banku-erakundeekin edo mailegu-emaileekin negoziatzeko gastuak.

b) Tributuak, administrazio-gastuak eta formalizazio-gastuak:

1. Zergak, tasak, kontribuzioak eta bestelako tributuak.

2. Administrazio-baimenak.

3. 25.3.a) 2.a) oinarrian diruz lagundu ezin diren lizentziak eta baimenak.

4. Abal eta fidantzen kostua.

5. Administrazio-gestioei edo -izapideei lotutako gastuak.

c) Soldata-gastuak: soldatak, ordainsariak, ordainsariak, Gizarte Segurantzako kotizazioak edo langileei edo negozioaren jabeari zuzendutako edozein konpentsazio ekonomiko ordaintzearekin lotutako gastuak.

d) Gastu pertsonalak:

1. Elikadura-gastuak.

2. Garraio pertsonalaren gastuak.

3. Aisialdiko gastuak.

e) Ekipamendu- eta osagarri-gastuak:

1. Bulegoko materiala.

2. Dekorazio-artikuluak.

3. Laneko arropa eta norbera babesteko ekipamendua.

f) Mantentze- eta funtzionamendu-gastuak:

1. Oinarrizko horniduren fakturak (ura, elektrizitatea, internet, telefonoa, etab.).

2. Negoziorako beharrezkoak ez diren higiezinak alokatzeko gastuak.

3. Aktibo baten elementuak eta antzekoak garbitzeari, mantentzeari, konpontzeari eta ordezkatzeari lotutako kostuak.

4. Aseguruak.

5. Softwarea edo tresna informatikoak erabiltzeko lizentziak mantentzeko edo eguneratzeko gastuak.

g) Isunak, zehapenak eta prozedura judizialen ondoriozko kostuak.

h) Ospakizunetako edo ekitaldietako gastuak.

i) Obretarako materialak eta elementuak eskuratzeko gastuak.

Aurrekontu Kredituak:

a) 1.150.000,00 euro Merkataritza-Ekintzaile Aholkularitza lerrorako.

b) 970.000,00 euro inbertsioetarako Merkataritza-Ekintzaile Dirulaguntzak programaren barruan (inbertsioen atala)

c) 300.000,00 euro gastuetarako Merkataritza-Ekintzaile Dirulaguntzak programaren barruan (gastuen atala).

Laguntzen zenbatekoa:

Onartutako zenbatekoen (gastuak edo inbertsioak) % 80ko dirulaguntza emango da

Ordainketa-modua:

Bi ordainketa egingo dira:

1- Lehenengo ordainketa, emandako zenbatekoaren ehuneko 70ekoa, laguntza emateko ebazpena onartu ondoren.

2- Egindako gastuen justifikazioa likidatu ondoren dagokion gainerako zenbatekoa.

Pertsona edo erakunde onuradunak zerga-betebeharrak eta Gizarte Segurantzarekikoak egunean dituela egiaztatu ondoren egingo dira ordainketak, bai eta dirulaguntzak itzultzeari buruzkoak ere, betebehar horiek bete dituela egiaztatzeari buruzko Ekonomia eta Ogasuneko sailburuaren 2023ko otsailaren 13ko Aginduan ezarritakoarekin bat etorriz.

Nori dago zuzenduta

Pertsona fisikoak

Eskakizunak:

  • 18 urtetik gorakoa izatea egiaztatzea

  • Bizilekua Euskadin izatea

  • Esku artean negozio -ideia bat izatea, EAEn garatzekoa eta 8. Oinarrian jasotako jardueraren bateko sailekoa izatea.

  • Pertsona fisikoen talde bat denean, haien arteko akordioa eta talde sustatzailearen barruan hartutako konpromisoak egiaztatzea.

Enpresaburu indibidual edo autonomoa

Eskakizunak:

  • 18 urtetik gorakoa izatea

  • Bizilekua Euskadin izatea

  • JEZn altaren antzinatasuna egiaztatzea

Mikro-enpresAk eta enpresa txikiak

Eskakizunak:

  • Enpresa legez eratuta egotea

  • JEZn altaren antzinatasuna egiaztatzea.

Ondasun-erkidegoa

Eskakizunak:

  • Legez eratuta egotea

  • JEZn altaren antzinatasuna egiaztatzea.

Sozietate zibila

Eskakizunak:

  • Legez eratuta egotea

  • JEZn altaren antzinatasuna egiaztatzea

Betekizunak

  • Zerga betebeharrak betetzen direla

  • Gizarte Segurantzarekiko betebeharrak betetzen direla egiaztatzeko

  • AHOLKULARITZA programa: Aholkulariak 14. oinarrian ezarritako baldintzak betetzen dituela egiaztatzea.

  • DIRULAGUNTZAK programa: Aholkulariak aholkularitza osatu dela egiaztatzea, bai eta ordu kopurua eta amaiera-data ere.

  • Hiru hornitzaileen eskaintzak eskatu direla eta aukeraketa egiteko irizpideen justifikazioa, diruz lagun daitekeen gastuaren zenbatekoa -obra kontratuez ari gara- 40.000 eurokoa edo handiagoa baldin bada edo -hornigai- edo zerbitzu-kontratuetan orain-, 15.000 eurokoa edo handiagoa baldin bada.

Erakundeak

Deitzen duen erakundea

  • Turismoa, Merkataritza eta Kontsumoa > Turismo, Merkataritza eta Kontsumo Sailburua

Ebazten duen erakundea

  • Turismoa, Merkataritza eta Kontsumoa > Turismo eta Merkataritza Sailburuordetza

Kontaktu-informazioa

Deialdiarekin erlazionatutako kontsultetarako idatz dezakezu email honetara: merkaekin@euskadi.eus

Zuzenean: Herritarrentzako arreta zerbitzua

Kodea

1250701

Eskabidea eta dokumentazioa aurkeztea

  1. Ziurtatu identifikazio elektronikorako bitarteko bat duzula.
  2. Prestatu dokumentazioa formatu digitalean.
  3. Sartu online inprimakian botoi honen bidez eta bete eskabidearen datuak.
Eskaera

  1. Sartu online inprimakira botoi honen bidez eta bete eskabidearen datuak (ez da beharrezkoa identifikazio elektronikorako bitartekorik izatea).
  2. Inprimatu bete duzun eskabidea, eta eskuz sinatu. Ez duzu inprimagailurik?
  3. Aurkeztu eskabidea eta beharrezko dokumentazioa prozeduran ezarritako epean eta lekuetan.

* Ez duzu formularioa saio bakar batean bete, sinatu eta bidali behar. Nahi baduzu, Administrazioaren sistema informatikoan gorde dezakezu, eta hurrengo saioetan prozesua jarraitu.

Eskabidea

Ebazpena eta errekurtsoak

Ebazteko epea

Ebazteko eta ebatzitakoa jakinarazteko gehieneko epea sei hilabetekoa izango da, laguntzaren eskabide osoa aurkezten den egunetik zenbatzen hasita..

Diru-laguntza emateko modua

Lehiaketarik gabe

Isilbidearen ondorioak

Gaitzetsiak

Hirugarrenaren datuen alta edo aldaketa "Hirugarrenaren Erregistroan"

Administrazioak laguntzak eta diru-laguntzak ordaindu ahal izateko, Ekonomia eta Ogasun Saileko Kontrol Ekonomikoko Bulegoaren Hirugarrenen Erregistroan altan egon beharko duzu.

Aurrez aurreko kanala erabiliz alta emateko edo datuak aldatzeko, inprimakia bete eta adierazitako lekuetan aurkeztu.

Hirugarrenen alta edo datu aldaketa

  • Nazioarteko ordaindetaren kasuetan aukeratu inprimaki hau.

  • Inprimaki hau aukeratu nazioarteko- ordaindeten kasuetan.

Justifikazioa

Ezarritako baldintzak betetzen dituzula eta aurreikusitako helburuak lortzen dituzula justifikatzeko, beharrezko dokumentazioa aurkeztu beharko duzu adierazitako lekuetan.

  1. Ziurtatu identifikazio elektronikorako bitarteko bat duzula.
  2. Prestatu dokumentazioa formatu digitalean.
  3. Sartu Nire karpeta aplikaziora.
Nire karpeta

  1. Sartu online inprimaki honetara eta bete (ez da beharrezkoa identifikazio elektronikorako bitartekorik izatea).
  2. Inprimatu bete duzun eskabidea, eta eskuz sinatu.
  3. Aurkeztu eskabidea prozeduran ezarritako epean eta lekuetan.
Justifikazioa egiteko inprimakia

Beste tramite batzuk